ينفع يبقى فيه جيش للإتحاد العربي ؟

[human]

للأسف الشديد معاك حق جدا ... وحتى لو كده الكثير من العرب ما يزالون يحملون لأحقاد لبعضهم البعض ... ولكن نخلي فيه شوية امل يمكن ربنا يصلح الحال ... احنا حالتنا صعبة جدا :d

الاحقاد و الضغائن ممكن تتعدى و ممكن تبنى فوقيها

المانيا اللى قادت و ادت للاتحاد الاوروبى هيه نفس المانيا اللى احتلت معظم اوروبا و دخلوا فى حروب مع كل الدول

فرنسا اللى وقفت جنب المانيا فى النداء لاتحاد اوربى شوف كان بينها و بين المانيا ايه

انجلترا و فرنسا

النمسا و المانيا

تقريبا كل الدول عندها عداوات رهيبه و احقاد قديمه بس قصاد المصلحه كله يقدر يقعد و يتحد عشان مستقبل الجميع

بس انت عايز ناس لسه عايشين فى قبائل و تقوله مصلحه الجميع
هيقلك كلمه مش كويسه و مش بعيد يطردك من الخيمه

الدول العربيه اغلبها قبلى و ده لا يفضى الى مجتمع ينفع انه يرتقى الى امه

[sayed911]

بمعنى آخر حضرتك بتقول انه لازم ثورة حضارية الأول تعيد للناس فكرها المتقدم وبعد ما تبني الدول دي علمها ومعرفتها نبدأ بعدها نفكر في الإتحدا لكن الإتحاد في الظروف الفكرية المختلفة اللي احنا فيها دي ها يبقى صعب !! انا معاك لأنه ساعة فكرة الإتحاد الأروبي ده اكنت الميزة القوية انه غالبة الدول في الإتحاد الأروبي كانت اقتصادياتها واحدة يعني مكنتش ها تحصل هجرة من بلدان لبدان من اجل مجرد العمل واللي ممكن يحصل هنا واعتقد حضرتك ممكن تتخيوا ها تلاقي الـ 80 مليون هاجروا على السعودية والإمرارت والكويت واللي ها يدمر اقتصاديات حاجات كتير عشان كده الموضوع مفروغ منه لا بد من التقارب الإقتصادي ثانيا والنقارب الفكري اولا .. تحياتي لك على وجهة النظر القوية يا اخي ..

[MEDO84EG]

فكر رائع
بصوا يا جماع
احنا نبدأ و نفكر
و علي الاقل ممكن نبدأ برابطه علي الفيس بوك تربط ما بين مصر و ليبيا و تونس
يبقوا بينهم تعاون كبير
و احنا ال 3 انظمتنا كلها ان شاء الله هتبقي جديده
بدل مكل واحد يروح في حته
يتفقوا التلاته علي التعاون المشترك
و ده هيشجع باقي العرب علي مد ايد العون
ربنا ييسر بس نبدأ و كله يتصلح ان شاء الله

[mailo]

ومين اللي هيسمح بالجيش ده أولا
ثانيًا هيتعمل فيه زي ماتعمل فالوحدة بين مصر وسوريا

غير كده مين فالعرب عنده جيش غير مصر ؟؟
عندك بقى سوريا والأردن ممكن يكون عندهم بس مش قوي طبعا
وجيش لبنان كلنا شفناه من كان سنة كانوا مساءاتين البناطيل
وجيش العراق راح
باقي الخلايجة عندهم قواعد
-----------------

عندنا جامعة الدول العربية اللي هي أصلا قهوة الرؤساء العرب وخلاص ولا ليها أي رأي ولا لازمة غير فلوس تتدفع عشان الناس تيجي تزور مصر وبس وقراراتها ملهاش أي 30 لازمة ومش ملزمة لاي حد
-----------------

مش لما ينفع يتعمل "سوق عربي مشترك" الأول ؟

لسة كنت هاقول نفس الكلمة دي بس فلحظة واحدة افتكرت فيلم شورت وفانلة وكاب
مش عارف ليه