كفايه بقى حرام عليكم البلد

[zkralla]

اخطاء استمرت 30 سنه مطلوب حلها الان وفى نفس اللحظه
لازم المرتبات تزيد
لازم العماله المؤقته تتعين
لازم ابناء العاملين فى اى مكان يتعينوا
لازم الناس تأخذ شقق
لازم ......ولا كل حاجه تحصل دلوقتى
مظاهرات فئويه وطالبى مصالح شخصيه مصممين على تنفيذ مطالبهم فورا
واضرابات عامه فى مكان
ارجوكم اصبروا شويه على الاصلاح لانه بأذن الله قادم
مضيعوش الى عملته الثوره وطلعوها هى الى خربت البلد
ارجوكم اتقوا الله

[osoliman88]

أنا أتفق معك تماما ، لأن غير كده معناه ضياع كل شئ، وربما نصبح في حال أسواء مما كننا فيه

[Col. Eng. Khaled]

أنا أتفق معك تماما ، لأن غير كده معناه ضياع كل شئ، وربما نصبح في حال أسواء مما كننا فيه

تأمّل توقيعي من "عاميّات صلاح جاهين" .

[MASERATI]

السلام عليكم و رحمة الله و بركاته

كلام مظبوط جدا و فعلا, لو حتى الفساد اللى بقاله 60 سنة ده, اتصلح فى خلال ال6 سنين الجايين, يبقى انجاز :b4_388:.

[gemy1]

للاسف الواحد كان فاكر ان الشعب المصرى اذكى من كده لو ما اتحركناش من مكانا دلوقتى و فى الاتجاه الصح هانخبط فى حيطة و الحيطة دى هايكون ولاد بلدنا برضه اللى عملوها و هاتبقى نهايتنا كلنا و هانبقى فى غياهب الظلمات

[gebreel]

متفق تماما مع حضرتك

[Amgad64]

المشكله ذات عده أطراف , فى اطراف عاوزه تشعل الموقف , وفى ناس عاوزه تأخذ حقها دلوقتى علشان يا عالم امتى تانى ممكن تأخده, وفى طرف عليه عبئ كبير دلوقتى فى أداره الموقف بس ممكن يسهل الامور بأنه على سبيل المثال يخفض فرق المرتبات بين قيادات العمل الحكومى و مرؤسيهم , بدل ما تبقى المقارنه 1: 14000 تقل شويه و ممكن تغير بعض الوجوه القديمه المكروهه كما حدث فى غزل المحله مثلا لتهدئه الناس , بس الموضوع عاوز صبر ووعى من الناس و سرعه تحرك من الذين يقودون الدفه الان

[zkralla]

المشكله ذات عده أطراف , فى اطراف عاوزه تشعل الموقف , وفى ناس عاوزه تأخذ حقها دلوقتى علشان يا عالم امتى تانى ممكن تأخده, وفى طرف عليه عبئ كبير دلوقتى فى أداره الموقف بس ممكن يسهل الامور بأنه على سبيل المثال يخفض فرق المرتبات بين قيادات العمل الحكومى و مرؤسيهم , بدل ما تبقى المقارنه 1: 14000 تقل شويه و ممكن تغير بعض الوجوه القديمه المكروهه كما حدث فى غزل المحله مثلا لتهدئه الناس , بس الموضوع عاوز صبر ووعى من الناس و سرعه تحرك من الذين يقودون الدفه الان

معاك تماما
قليل من الصبر
ده النظام سايب تركه فساد ثقيله قوى
الى خلانا نصبر 30 سنه يصبرنا شويه كمان لحسن كده البلد فعلا هتخرب
يا ريت القوات المسحله تأخد اجراءات اكثر حسما مع الناس ديه وتحدد قواعد للاضرابات - مش تلغيها لكن يكون ليها قواعد وموافقات لازم تتأخذ قبلها - الى ما ينفذهاش يتعاقب