إعـــــــلان

Collapse

.

,
See more
See less

تحت خط الفكر .. وجهة نظر

Collapse
X
 
  • Filter
  • الوقت
  • Show
Clear All
new posts

  • تحت خط الفكر .. وجهة نظر

    السيد عمر سليمان قال في حواره مع قناة الآي بي سي "الشعب المصري غير مؤهل لثقافة الديموقراطية" هل تتفق معه؟

    قالها قبله السيد رئيس وزراء مصر السابق أحمد نظيف.

    الإثنان قالوها علنا، ليس في جلسة عشاء غير رسمية غير معلنة.

    أليس هذا إعتراف بحد ذاته أننا كنا في نظام غير ديموقراطي؟

    كان خطاب السيد الرئيس السابق يتكلم دائما عن "إصلاحات ديموقراطية" و "خطوات نحو الديموقراطية"

    ألم يكن هذا معناه ببساطة أننا لم نصل بعد؟

    فقال لي صديق "الديموقراطية يا صديقي هي أن رأي الأغلبية يحكم، و إن حدث ذلك فسيكون رأي الخمسون في المية الأميون في مصر و معهم الثلاثون في المية المتعلمين تعليم مقنع هو الرأي الذي سيرضخ له القلة المتعلمة المثقفة فهل ترضى ذلك؟"

    بعيدا عن كرهي لهذا الواقع و لكنها وجهة نظر يجب أن نتوقف عندها.

    قال مسؤول سابق مرة في محاولة لإرعاب الجماهير، أن لم طبقت الديموقراطية في مصر بدون الحزب الوطني سيكتسح الإخوان المسلمين لإن لا يوجد من هم منظمين سياسيا غيرهم و لإن الشعب المصري لا يذهب لصناديق الإقتراع"

    هذا هو الخطاب السياسي المصري، الذي حاول أن يكون مقنع و لكن لسانه كان يفلت منه بين الحين و الآخر ليقول لنا كل هذه الرسائل القبيحة.

    و لكن بعد إنهيار – قرب إنهيار – النظام السابق و حزبه الوطني الديموقراطي – و ما أبعد إسمه عن حقيقته – سنواجه حقيقة تقترب من ما كانوا يحاولون تخويفنا منه.

    و للتوضيح قبل أن أستكمل، أنا مش شايف شخصيا إن الإخوان المسلمين "خطر" على مصر، هم جماعة قد لا أتفق معاها شخصيا، و لكنهم مصريين و لهم وجهة نظر مختلفة عني و لو خدوا الحكم كله على بعضه بناء على رأي الأغلبية الحقيقية يبقى حقهم و غصب عني لازم أوافق على حكمهم، بس المهم يكون بناء على ديموقراطية حقيقية و تحت قانون و دستور محترمين يقيدهم كما سيقد غيرهم.

    بس الخطر الحقيقي النهاردة إن الإنسان المصري مايقولش رأيه بالشكل الحقيقي، و الشكل الحقيقي ده هو صوته الإنتخابي.

    و في خطر ثاني بيرعبني و عاملي شخصيا كوابيس، و هو المصري هيبني رأيه إزاي؟

    عن الخطر الأول أنا شايف إن بعد تعديل الدستور اللي هيضمن إنتخابات نزيهة، أي حد مش هيروح الإنتخابات و يقول رأيه يبقى فعلا بيخون بلده، و لو حتى مش عارف يختار مين يبقى يروح يبطل صوته و ده أضعف الإيمان، و لو مارحش لأي سبب غير قهري، يبقى فعلا خاين، و يبقى فعلا يستحق أكبر قدر من الإستحقار مننا كلنا، لإن سلبيته و سلبية الشعب هي اللي بتخلق الديكتاتور، هي اللي بتخليه يقتل شعبه خلف و أمام الستار، فده بيخليك شريك في الجريمة، و لو حصلت ثورة بعد عشرين سنة بسبب إن في ديكتاتور ثاني إستعفى على الشعب، فده مش هيبقى عشان هو شرير بس، هيبقى كمان بسبب إنك كنت سلبي و شريكه في الجريمة، و أي شهيد ثاني هيموت هيكون دمه في رقبتك إنت كمان.

    و مالكش حجة إن رأيي مش فارق، و مالكش حجة إنهم أكيد هيزوروا، إعمل اللي عليك و سيب الباقي على ربنا و ضماير الناس الثانية اللي ربنا أكيد هيحاسبهم.

    و الساكت عن الحق شيطان أخرس، فلا تكون واحد من هؤلاء الشياطين.

    المفروض أصلا إن بعد اللي حصل ده كله يكون أمر بديهي مسلم بيه و مش محتاج ننبح حسنا ثاني فيه، بس ثاني خطر و ده اللي شايفه أهم ألف مرة، هو إزاي تبني رأيك أصلا؟

    إزاي هتختار مرشح عن ثاني، في أي نوع من أنواع الإنتخابات؟

    يعني من النهاردة الناس بدأت تختار، عمرو موسى و لا البرادعي و لا زويل و لا حتى حسن شحاتة، بتختار على أنهي أساس؟ على أساس الإرتياح النفسى؟ يبقى نختار عمر الشريف ألطف أو أبو تريكة بقى.

    بتختار على أساس "إنه بتاع ربنا" يبقى نختار شيخ الزاوية اللي تحت البيت ألطف، اللي ماعندوش مواهب إدارية و علمية و تنموية حتى لو كان أشرف خلق الله.

    لو عندك شركة، و خايف تخسر، هتختار مديرها إزاي؟ مش هتعمل لكل واحد مقابلة، و تقيم شغله اللي فات، و تشوفه ممكن يقدملك إيه؟ ينفع تعين واحد عشان لازق زبيبة؟ و لا عشان مربي دقن؟ و لا عشان خرجت معاه إمبارح ضحكك؟ الأغلب إنك لو عملت كده، و حتى إختارت واحد أخلاقه عالية و ما سرقش ممكن يكون فاشل و ماعندوش خبرة و لا يعرف كيفية الإدارة، اللي بيقولوا عليها برا (نو هاو) يعني يكون عارف إزاي يدير، و حط تحت إزاي ألف خط.

    أنا مش بلقح على الناس اللي ممكن تشتغلك بالدين بس، كمان اللي ممكن يشتغلوك بكاريزما من غير ما يكونوا مؤهلين، و ناس ممكن تشتغلك بإنهم يشوهوا منافسينهم، و ناس ممكن تشتغلك بوعود مش هيقدروا يحققوها لإنهم غير مؤهلين لتنفيذها.

    يعني النهاردة مثلا في ناس كثير قالوا نختار عمرو موسى، أنا إعتراضي مش على شخص عمرو موسى، بس مش ممكن عمرو موسى تكون خطته إنه يخلي مصر علمانية؟ هتعمل إيه لو إنت "إسلامي" الفكر، و إفرض قال هنخليها "إسلامية" هتعمل إيه لو كنت ليبرالي و مع الحريات؟

    و بعدين عمرو موسى مثلا، إنت عارف إيه إنجازاته في السنين اللي كان فيها وزير خارجية و رئيس الجامعة العربية؟ تقدر تقول خمس إنجازات ليه؟ عارف إخفاقاته لو كان ليه إخفاقات؟ يبقى بتحكم على أساس إيه؟ إن شكلة "إبن ناس"؟

    إذا ده في قرار مصيري زي رئيس الجمهورية، هتختار إزاي عضو مجلس شعب أو مجلس شورى؟

    مثلا الناس النهاردة بتكره البرادعي جدا، بعيدا عن إني كنت بأيده كعامل محفز للتغيير، و لسة أنا شخصيا مش عارف لو هو رشح نفسه هختاره و لا لأ، و ممكن أنا شخصيا وقتها ألاقي برنامج واحد ثاني و مؤهلات واحد ثاني تعجبني أكثر، حتى لو عمرو موسى أو غيره، بس أنا متغاظ مثلا إن الناس بسبب إعلام كذاب و بسبب إنهم مش بيتحققوا بنفسهم، و بيصدقوا أول كلمة تشويه قاموا كرهوه و بدأوا يرددوا نفس الإشاعات و يروجوها.

    أنا مش هحاول أدافع عنه، بس مثلا إنت شفت بعنيك البرادعي و هو مثلا بيشترك في حرب العراق؟ أو و هو بيقول إن فيها أسلحة دمار شامل؟ هل تعلم إن قبل الحرب بأيام قال البرادعي إن العراق مافيش ولا دليل يثبت إن عندهم أسلحة دمار شامل، و قام المجتمع الدولي استخدم قرار قديم بالحرب على العراق؟ و ده مثبت بفيديوهات مالية النت على فكره.

    اللي بيقول عميل للأمريكان، هل تعلم إن أمريكا كان ليها فضيحة لما كانت بتحاول تتجسس على مكتبه؟ و ماكانوش بيصوتوا ليه أبدا، و كل ما كانوا ييجوا يختاروا رئيس جديد للهيئة يختاروا حد ثاني و كان بيكسب برضه؟

    لما يقولك "هو ليه عمره ما جاب سيرة إسرائيل" هل تعلم إن إسرائيل كانت دائما تنتقده و ده سبب كره أمريكا ليه؟

    ثاني، أنا مش بدافع عنه، من حقك تكرهه أو ماتختاروش، بس المهم تتحقق من معلوماتك و ماتخليش أي حد يشتغلك و ماتخليش مهمة تشويه الناس للرأي العام تبقى سهلة كده.

    وائل غنيم ماسوني عشان ماركة تي شيرت، فين ألف به منطق؟ في عميل في التاريخ هيلبس علامة الجهة اللي باعتاه؟ لو عايز تخش مبنى الموساد هتلبس تي شيرت عليها "تحيا مصر"؟

    دلوقتي أسهل حاجة لو حد عايز يكرهك في حد يجيبله صورة بيسلم على مسؤول إسرائيلي، ما هو كل رؤساء العالم سلموا عليهم بما فيهم اللي عايزين يحاربوهم؟ أسهل حاجة لو عايز أكرهك في حد إني أقلك "أصله كان ماشي من سبع سنين في شارع و كان ماشي جمبه واحد يهودي" فين الفكر يا خلق هوو؟ ما تشوف مواقفه إيه مع إسرائيل و أهدافه معاها إيه؟ و نبدأ بقى نفرق كعقلاء ما بين اليهودي و الإسرائيلي، في يهوديين شرفاء ضد السياسات الصهيونية، و دول أهل كتاب دينك أمرك بإحترامهم زي المسيحيين بالظبط طالما مش بيحاربوك و لا بيقتلوك و لا بيغتصبوا أرضك، مش بقولك تبوسهم من بقهم، بس تحترمهم كبني آدمين و مش معنى إن حد تعامل معاهم إنه عميل و مناسب نتنياهو شخصيا.

    رأيك من النهاردة مهم، مهم تقوله، و الأهم تعرف إزاي تبنيه، مش أول واحد يقولك الثوار دول عملاء إيران أو إسرائيل تصدقه، مش أول واحد يقولك بياخدوا وجبات كنتاكي و خمسين جندي تصدقه، مش أول واحد يقولك وائل غنيم المسيخ الدجال تصدقه، مش أول واحد يقولك فلان عميل لإسرائيل تصدقه، مش أول واحد يجي يصلي قدامك يبقى نبي، مش كل واحد عنده كاريزما مؤهل، مش كل واحد شعره مسبسب ينفع يقودك.

    ما تبنيش رأي إلا لما تدرسه و تبنيه بالمنطق و الأدلة، عشان كده ربنا عمل قضاء و محامي و فرصة للمتهم يدافع عن نفسه، عشان مانحكمش على الناس بسهولة من أول حكم، ما تديش صوتك لأي مرشح إلا لما تعرف خطته و أهدافه و لما تتأكد إن عنده في سيرته اللي يأهله يعرف ينفذ وعوده و أهدافه ديه، ساعتها إختاره، عمرو موسى بقى، تامر حسني، الإخوان، إختار حتى عم عبده البواب إنت حر.

    كنا قبل الثورة خايفين من الفقراء اللي تحت خط فقر و عايشين في العشوائيات و هيطلعوا علينا ياكلونا لو حصل حاجة، و حصلت الفوضى و إكتشفنا إنهم كانوا خايفين زينا، و اللي طلع إستثنائات منهم هي عناصر إجرامية أصلا، حتى الفقرا اللي سرقوا في الزحمة طلعوا محترمين أكثر من رموز الحزب الوطني و رجعوا اللي سرقوه في مشهد حضاري رائع بعدها بيوم.

    أنا مش هخاف من الفقرا و جوعهم ثاني، الناس ديه معظمهم محترم بالفطرة، زي معظمنا.

    أنا مش هخاف ثاني من الناس اللي تحت خط الفقر، أنا هخاف من الناس اللي تحت خط الفكر، اللي ماعندهمش فكر، أو مش عايزين يتعبوا نفسهم و يفكروا شوية عشان نختار كلنا صح.

    حتى القرآن نفسه قالها كثير "لعلهم يتفكرون".

    يا مصريين، قبل أي إنتخابات، قبل بناء أي رأي، لعلكم تتفكرون.


    الكاتب : عمرو سلامة Amr Salama | Facebook
    ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

    [sor2]http://imageshack.us/a/img838/2058/8l0n.jpg[/sor2]

  • #2
    كلام رائع و موزون جدآ
    نفسى الناس كلها تقرأ الكلام ده
    [B]عمرو مختار[/B]
    [CENTER]
    [/CENTER]

    Comment


    • #3
      يا رب و الله
      بدل ما احنا عمالين نشوف حاجات غريبة و كلام غريب
      ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

      [sor2]http://imageshack.us/a/img838/2058/8l0n.jpg[/sor2]

      Comment


      • #4
        مقال رائع جدا جدا . نحن نحتاج فعلا للانتقال من مرحلة الاختيار العاطفي إلي اختيار العقل
        شكرا لكل من اضاء شمعة الأمل في نفوس المصريين

        Comment


        • #5
          هوا ده فعلا اللي احنا محتاجينه في الوقت القليل الجاي

          Comment


          • #6
            الخوف من الفقراء الجهلاء اللي بيفرحوا ب 20 جنيه

            Comment


            • #7
              كلام رائع رائع وبيعبر عن اللى تفسى اقوله باسلوب ممتاز
              [FONT=Arial Black][SIZE=6][COLOR=seagreen]يقول اللورد كرومر فى مذكراته: لم اجد فى مصر الا المصريين فقط.. بعضهم يصلى فى المسجد وبعضهم يصلى فى الكنيسة لكن كلهم مصريون.
              [/COLOR][/SIZE][/FONT][CENTER][FONT=Arial Black][SIZE=6][COLOR=seagreen]أبو كمال[/COLOR][/SIZE][/FONT][/CENTER]

              Comment


              • #8
                مش عيب ابدا ولا عار اني اعترف بعجزي في التحدث بلغة لم أدركها ولم أتعلمها من قبل
                [CENTER][COLOR="Magenta"]لآ تتشآئموآ . .آلحيآة آبسط ممّآ نتوقع رآئعه بكُل تفآصيلهآ
                لن نطيَل آلمكوُث فيهآ . . !
                فلمآذآ آلكدَر ؟!
                وهُنآك ربّ آلبشر
                إن عصينآ ستر وإن تبنآ غفر
                إبتسمَوآ..و آحسنوآ آلظن بآلموُلىَ لتنآلوُآ مآتمنيَتُم
                ابتسم وعيش احلى حياه[/COLOR][/CENTER]

                Comment


                • #9
                  كلام 10 على 10.. ياريت كل الناس تشير المقال لان دا وقت الكلام دا فعلا
                  [COLOR="Blue"]سبحان الله وبحمده ... سبحان الله العظيم[/COLOR]

                  Comment


                  • #10
                    كلام ممتاز جدا و لابد من الفكير جيدا قبل الاختيار سواء فى انتخابات رائاسية او برلمانية و لابد من حملة توعية شديدة و مبسطة للناس
                    كما لابد من الحظر الشديد من سيطرة فقط اصحاب الاموال على المجالس النيابية و اقترح ان يوضع ما يشبه قاعدة انتخابية او قانونية تجعل ميزانية حملة الدعاية لكل المرشحين محددة و بالتالى ستكون فرص المرشحين متساوية و اللى هيفصل بين المرشح و منافسه هو البرنامج الانتخابى و اذا ثبت مخالفة هذه القاعدة يبطل الترشيح مع الحرمان من الانتخابات التالية
                    [FONT=Arial Black][B]ان شجرة الحرية يجب ان تروى من حين لاخر بدماء الوطنيين و الطغاة[/B][/FONT]
                    [FONT=Arial Black]فتحية لدماء الشهداء و احذروا ايها الطغاة[/FONT]

                    Comment


                    • #11
                      المشاركة الأصلية كتبت بواسطة نور القمر مشاهدة المشاركة
                      الخوف من الفقراء الجهلاء اللي بيفرحوا ب 20 جنيه
                      ده الى خايف منه مبارك عمل زى الى بيجوع الكلاب عشان يطلقهم على هدفه

                      مع احترامى للناس دى وعدم تشبيههم بالكلاب طبعا ولكنى بشبهه الفكره الى استخدمها مبارك
                      وللاسف عاوزين سنيييييييين عشان نمحى اميه وجهل الناس دى ونحسسهم انهم مصرين ولهم حق وعليهم حقوق

                      [CENTER][SIZE=5][COLOR=sienna]القطه بتاكل اولادها ........ ياترا الدور على مين ؟[/COLOR][/SIZE][/CENTER]
                      [CENTER][SIZE=6][FONT=Courier New][COLOR=#ff8c00]الحمد لله[/COLOR][/FONT][/SIZE][/CENTER]
                      [CENTER][SIZE=4][COLOR=#ff8c00][URL="http://www.qorankarim.com/"]القرأن الكريم كامل[/URL][/COLOR][/SIZE][/CENTER]

                      Comment


                      • #12
                        الدولة البرلمانية هي الأقرب للحل

                        الحقيقة لا تزال تحولات تركيا في الخمسة عشر سنة الأخيرة تدور أمام عيني

                        تحولت بعدها تركيا من القاع إلى القمة في جميع المجالات

                        عندهم رئيس الجمهورية محدود الصلاحيات
                        والنواب هم قادة البلد

                        لذلك فتحول مصر للنظام البرلماني هو أسلم الحلول

                        فالنظام الرئاسي لا يوجد إلا إحتمالان للرئيس المنتخب
                        إما أن يصبح كما ظن الناخبون به
                        وإما ان يتحول إلى دراكولا ويدينا طولة العمر لما يتغير أو يتسيطر عليه

                        لكن إنتخابات البرلمانيين
                        فلنفترض أن أعضاء المجلس 400 عضو
                        سيصل للمجلس 10% منهم عن طريق رشاوى الناخبين والبلطجة وغيرها
                        والباقي 90% سيصلوا بشرف
                        وحتى لو أصبح نسبة الأفراد الصالحين في المجلس 70% فلا مشكلة
                        لأن الفاسد سيجاريهم حتى لا يظهر مثل القمامة وسطهم
                        ومع ثاني إنتخابات سيكون الشعب المصري قد عرف من هم المستحقون للترشيح

                        بخصوص مسألة الإسلاميين
                        لو نظرنا لتركيا التي كانت تحمي العلمانية الصرفة بالجيش وبكل قوة
                        لم تتطور تركيا في ظل كل الأحزاب العلمانية التي كانت تسيطر على المجلس وتشكل الحكومة

                        وفي النهاية فضح أغلبهم في قضايا فساد

                        ثم تقدم نجم الدين أربكان على ما أذكر بأول محاولة لحزب ديني وتم إجهاضها بواسطة الجيش بعد قليل
                        ثم سجن في مؤامرة

                        ثم خرج تلميذه رجب طيب أردوغان وأسس حزب ونجح في الإنتخابات
                        وعندما شكل أول حكومة
                        نجح في تحريك إقتصاد تركيا للأمام في أقل من سنة
                        عندها بدأت الثقة من الشعب تتجه له وحده
                        أحس الجيش العلماني بالخطورة
                        حاول عمل مؤامرة أخرى للإطاحة بأردوغان

                        أتدرون في وقتها من الذي منع الجيش من إنقلاب مقنع جديد بعد الله سبحانه وتعالى بالتأكيد
                        إنه ثقة الشعب
                        ثقة الشعب جعلت الجيش يرتعد ويترك أردوغان يسير في طريقة
                        وكل سنة تزداد ثقة الناس بهذه الحكومة وهذا الحزب

                        وكما ترون جميعاً كيف أصبحت تركياً إقتصادياً الآن
                        يكفي أنها أصبحت مركز صناعة السيارات في منطقتها

                        وكما حدث في الثورة المصرية
                        الجيش كان مترددا بين مبارك وبين الشعب
                        ولكن الله تعالى أجبر الجيش في النهاية على الإنضمام للشعب
                        فالجيش وجد ثقة الشعب مع الثورة فلم يجد بداً من تأييدها وهذا كله بعد فضل الله تعالى بلا شك

                        لذلك فمع الدولة البرلمانية
                        بإذن الله لا خوف من وصول أي أحد للمجلس
                        ولا خوف من توليه للحكومة
                        فهو في إختبار
                        لو نجح إستمر
                        ولو فشل طرد

                        وعندها يكون كرسي الرئاسة زحليقة بلا قيمة حقيقة

                        والله أعلى واعلم
                        [I][B][SIZE=5]مهندس أحمد.[/SIZE][/B][/I][COLOR=#0000cd][SIZE=4] [SIZE=5][I][B][U]facebook.com/AHMED1981
                        [/U][/B][/I][/SIZE][/SIZE][/COLOR][SIZE=5][COLOR=#0000cd][FONT=arial][B][I][U]facebook.com/Engineering.car.gas[/U][/I][/B][/FONT][/COLOR][/SIZE]

                        Comment


                        • #13
                          تقبل احترامى وتقديرى على فتح موضوع فى غاية الاهمية

                          اعتقد ان الخطاب الدينى ممكن يكون فعال جدا فى خطاب الناس البسطاء
                          (اللى هم الهدف الاساسى لاتباع الحزب الوثني)

                          ان عملية بيع الصوت تمثل نوع من خيانة الامانة

                          مفروض الخطاب الدينى المسلم والمسيحى يركز جدا على الموضوع ده الشهور القادمة

                          و يكون الخطاب ممن لهم حضور و مصداقية جماهيرية (مش خطاب من اللى كان ايام الثورة )

                          لزرع مبدأ ان الصوت امانة يحاسب عليها المولى عز و جل

                          كمان الاعلام ليه دور فى الموضوع ده

                          لكن يكون بطريقة مبسطة و سهلة وغبر مباشرة

                          لكى تصل الرسالة الى هدفها الاصلى و هو المواطن البسيط اللى ممكن ياخد 20 جنيه عشان يدى صوته

                          Comment


                          • #14
                            ahmed1981
                            معاك جدااااااااااااااااا

                            amado ibrahim
                            عايزك توضح لي اكتر يا ريت
                            ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

                            [sor2]http://imageshack.us/a/img838/2058/8l0n.jpg[/sor2]

                            Comment


                            • #15
                              المشاركة الأصلية كتبت بواسطة tlrsiap مشاهدة المشاركة
                              ahmed1981
                              معاك جدااااااااااااااااا

                              amado ibrahim
                              عايزك توضح لي اكتر يا ريت

                              تخيل انك مواطن بسيط معلوماتك بسيطة جدا

                              معندكش اى قدر من التعليم

                              دخلك محدود

                              حد عرض عليك 50 جنيه مقابل صورة بطاقة الرقم القومى

                              و انك تديلوه صوتك فى الانتخابات

                              بالنسبالك اى مبلغ يعتبر مصلحة

                              طب ايه اللى ممكن يمنعك من تصرف زى ده

                              الوازع الدينى هو كلمة السر

                              هو الحاجة الوحيدة اللى ممكن تخليك ترفض بشدة الموضوع ده

                              طب الوازع الدينى للمواطن البسيط يجى منين

                              لازم يكون من حد له قبول طاغى

                              حد زى الشيخ الشعراوى الله يرحمه زمان

                              فى مشايخ و قساوسة لهم قبول وشعبية طاغية عند الناس

                              الناس البسطاء بيحبوهم و يسمعو كلامهم

                              هم دول الوحيدين القادرون على اقناعهم بان اعطاء الصوت لمن لايستحق حرام شرعا

                              خلى بالك ان فى علماء كتير فقدو مصداقيتهم لارتباطهم بالسلطة

                              و كان للاسف الشديد كان بيتقال عليهم علماء السلطة

                              و كلنا فاكرين الخطاب الدينى الرسمى ايام الثورة

                              اللى تحس انه بيفكرك بكتاب الدكتور مصطفى محمود رحمه الله (الدين افيون الشعوب)

                              تحس ان الدولة كانت بتستخدم الدين كمخدر لوقف الثورة

                              النوع اللى كان محسوب على الحكومة مينفعش خالص فى المهمة دى

                              من لهم حضور و قبول جماهيرى هم فقط من يستطيعون تنفيذ هذه المهمة بكفاءة

                              المهم اننا نبتدى دلوقتى

                              لان الوقت ضيق

                              تقبل تحياتى

                              Comment

                              Working...
                              X