لحد امتى هتفضل المظاهرات شغالة

[eman_2404]

احنا عايزين نقول هنا اراء مش كل واحد يتهم التانى انه عميل .... فى الاول كان كل واحد فى التحرير الناس بتتهمه انه اجنبى ودخيل وكنتاكى واخوان..... ودلوقتى اى حد يقول اى حاجة انه مع شفيق او انه شايف ان المظاهرات لازم تقف يبقى من النظام البائد والحزب الوطنى ولازم اسمه يدخل فى قائمة العار ...... لا اعتقد ان فى حد ماطارش من الفرح لما حسنى وشلته - اللى ماكانش متوقع انهم يقوموا من على كرسى الحكم الا بعذرائيل - انهم يمشوا يرحلوا وبنفس الطريقة اللى عاملوا بيها الشعب المصرى طول عهدهم يمشوا بإهانة
بس والله استفسار برئ وانا والله مش حزب وطنى ...هو المظاهرات دى هتفضل لغاية امتى ؟!!!
وزارة شفبق مفيش حد راضى عنها بس بالمنطق هتقدر تجمع رضا 80 مليون مواطن على نفس الحاجة ازاى - ناس شايفة ان شفيق لازم يمشى ... ناس شايفة لأ .... ناس شايفة ان محمود وجدى مش حلو قوى بس احسن الوحشين...... ناس شايفة انه اسوأ من العادلى
انا ده بس اللى بفكر فيه فكرة ان مفيش استقرار حضرتك يوم مايعملوا وزرارة ترضى 30 مليون هنلاقى 20 مليون مثلاً مش راضيين لو نزل منهم مليون واحد بس لازم المسؤلين هيغيروها
انا شايفة الاحتجاجات على الوزراء والوزارة لازم تاخد شكل مختلف طريقة تانية الثورة بالملايين اللى نزلت من يوم 25 - 2 فبراير كان ليها سببها والحمدلله نجحت فيه بس يعنى مثلاً فى أوروبا والدول المتقدمة- اللى ان شاء الله هنكون منهم قريباً - لما يعترضوا على رئيس وزراء بيعترضوا ازاى ؟!! و الجيش عامة قال انه ضامن - قال ان حكومة شفيق مش هى اللى هتقوم بالانتخابات يعنى قدامها شهر او شهرين يعنى انا شايفة نخلينا معاهم فى كلامهم ولو فرضنا ان حصل اى حاجة عكس كدة مش هيبقى صعب ساعتها ان الناس تنزل من غير حتى ماتجمعها
نرضى 80 مليون مواطن على وزار ة او حكومة او وزراء داخل الحكومة شايفة انها مهمة صعبة انا شايفة ان الثورة لازم تاخد منحنى جديد ، شكل جديد "البناء" لازم نبتدى نبنى بلدنا ويوم الجمعة ده لازم حتى ننزل نشتغل فيه مينفعش الفترة اللى جاية دى نرتاح لازم كله يشتغل وبضعف الوقت والجهد عشان نقوم بلدنا
وكل واحد يرجع مجاله السياسيين يتابعوا الحالة والتطورات والتغييرات الوزارية ... والموظفين ينزلوا أعمالهم .... والنيابة والمحاكم والجيش يرجعوا فلوس البلد الواحد نفسه يشوف مصر فى المنزلة اللى تستاهلها
هذا رأى وأشهد ان لا اله الا الله وان محمدا رسول الله

[mr_vampire]

لحد ماكللللللللللللللللللللللللللل طلبات الناس اللي استشهدو في سبيلها تتحقق من اهمها لاقلها اهمية.

ومتهيالي ده اقل اقل اقل اقل واجب يتقدم ليهم واقل عزاء يتقدم لاهاليهم وعرفانا بالجميل ورسالة ان ولاد مماتوش عالفاضي.

تقبلي مروري

[medo2o1o]

لحد ماكللللللللللللللللللللللللللل طلبات الناس اللي استشهدو في سبيلها تتحقق من اهمها لاقلها اهمية.

ومتهيالي ده اقل اقل اقل اقل واجب يتقدم ليهم واقل عزاء يتقدم لاهاليهم وعرفانا بالجميل ورسالة ان ولاد مماتوش عالفاضي.

تقبلي مروري

سبقتنى والله و احب ازود انا مع المظاهرات تبقى يوم الجمعة بس عشان محدش يقول بنعطل حد
بس والله والله لو حسيت بسنة استعباط لانزل كل يوم

[fepsceasar]

ممكن تنظيم يعنى فكرة يوم الجمعة دى كويسة وممكن من غير هتافات والناس ترفع لافتات عليها مطالبها
بس مش على طول علشان الموضوع ما يفقدش اهميته وتحصل انقسامات ناس تقول اه وناس لا
ممكن يترتب قبلها بفترة وتبقى مطالب واضحة والله اعلم

[Ahmed Anwer]

شخصيا لا أهتم و لا بشفيق و لا بمحمود وجدي و لا بالحكومة و لا فين زكريا عزمي و صفوت الشريف

و لا ثروة مبارك و عائلته ،،،،،،،،، حاليا

و شايف إن أهم حاجتين

صندوق انتخابات نظيف و كرسي حكم تيفال ،،،

لأني مقتنع إني دي كلها فترة انتقالية و مجرد متتسلم الجكم سلطة شرعية ،،، حرة ،، منتخبة

كل ده هيتغير و كله هيتحاسب بدون محاذير و صفقات و الحساب مش هيسقط بالتقادم ،،، مش لازم دلوقتي حالا ،،، يعني

و متفهم إن دي مجرد مرحلة إنتقالية ،،، ده كلام منطقي جدا و لكن ،،،،

أزمة الثقة ،،، أزمة الثقة ،،،

ايه الضامن للطلبات دي ،،، مجرد وعود حتي لو من القوات المسلحة اللي بنحترمها و حتي لو كل المؤشرات في الاتجاهات دي

ممتازة ،،،

بس لو حصل التفاف علي الثورة ،،،، يبقي خمسين سنة كمان عقبال ما البلد تصبح دولة حديثة

و مع إحترامي مفيش زرار بيداس عليه يحصل ثورة ،،،

علي الأقل خالص لازم ،، كل يوم جمعة مظاهرات كبيرة ،،، تلم الناس و تفهمهم إن الثورة لسه ما انتهتشي

و تفهم صانعي القرار ،،، إن الشعب متابع

مش عايزين نضغط علي الجيش و مش عايزين نفرط في حقوق (( أولادنا ))

غالبا الثورة دي اللي هينتفع بها لو ربنا أدالهم طول العمر ،،، أولادنا ،،،

محدهش بيفرط في حق عياله ،،،،

[gemy1]

احنا عايزين نقول هنا اراء مش كل واحد يتهم التانى انه عميل .... فى الاول كان كل واحد فى التحرير الناس بتتهمه انه اجنبى ودخيل وكنتاكى واخوان..... ودلوقتى اى حد يقول اى حاجة انه مع شفيق او انه شايف ان المظاهرات لازم تقف يبقى من النظام البائد والحزب الوطنى ولازم اسمه يدخل فى قائمة العار ...... لا اعتقد ان فى حد ماطارش من الفرح لما حسنى وشلته - اللى ماكانش متوقع انهم يقوموا من على كرسى الحكم الا بعذرائيل - انهم يمشوا يرحلوا وبنفس الطريقة اللى عاملوا بيها الشعب المصرى طول عهدهم يمشوا بإهانة
بس والله استفسار برئ وانا والله مش حزب وطنى ...هو المظاهرات دى هتفضل لغاية امتى ؟!!!
وزارة شفبق مفيش حد راضى عنها بس بالمنطق هتقدر تجمع رضا 80 مليون مواطن على نفس الحاجة ازاى - ناس شايفة ان شفيق لازم يمشى ... ناس شايفة لأ .... ناس شايفة ان محمود وجدى مش حلو قوى بس احسن الوحشين...... ناس شايفة انه اسوأ من العادلى
انا ده بس اللى بفكر فيه فكرة ان مفيش استقرار حضرتك يوم مايعملوا وزرارة ترضى 30 مليون هنلاقى 20 مليون مثلاً مش راضيين لو نزل منهم مليون واحد بس لازم المسؤلين هيغيروها
انا شايفة الاحتجاجات على الوزراء والوزارة لازم تاخد شكل مختلف طريقة تانية الثورة بالملايين اللى نزلت من يوم 25 - 2 فبراير كان ليها سببها والحمدلله نجحت فيه بس يعنى مثلاً فى أوروبا والدول المتقدمة- اللى ان شاء الله هنكون منهم قريباً - لما يعترضوا على رئيس وزراء بيعترضوا ازاى ؟!! و الجيش عامة قال انه ضامن - قال ان حكومة شفيق مش هى اللى هتقوم بالانتخابات يعنى قدامها شهر او شهرين يعنى انا شايفة نخلينا معاهم فى كلامهم ولو فرضنا ان حصل اى حاجة عكس كدة مش هيبقى صعب ساعتها ان الناس تنزل من غير حتى ماتجمعها
نرضى 80 مليون مواطن على وزار ة او حكومة او وزراء داخل الحكومة شايفة انها مهمة صعبة انا شايفة ان الثورة لازم تاخد منحنى جديد ، شكل جديد "البناء" لازم نبتدى نبنى بلدنا ويوم الجمعة ده لازم حتى ننزل نشتغل فيه مينفعش الفترة اللى جاية دى نرتاح لازم كله يشتغل وبضعف الوقت والجهد عشان نقوم بلدنا
وكل واحد يرجع مجاله السياسيين يتابعوا الحالة والتطورات والتغييرات الوزارية ... والموظفين ينزلوا أعمالهم .... والنيابة والمحاكم والجيش يرجعوا فلوس البلد الواحد نفسه يشوف مصر فى المنزلة اللى تستاهلها
هذا رأى وأشهد ان لا اله الا الله وان محمدا رسول الله

كلامك محترم جدا و مظبوط 100% و لن يفهمه سوى العقلاء و للاسف الشعب مش قادر يفهم يعنى ايه حكومة تسيير اعمال لفترة انتفالية

[dr-mohamed]

لحد ماكللللللللللللللللللللللللللل طلبات الناس اللي استشهدو في سبيلها تتحقق من اهمها لاقلها اهمية.
ومتهيالي ده اقل اقل اقل اقل واجب يتقدم ليهم واقل عزاء يتقدم لاهاليهم وعرفانا بالجميل ورسالة ان ولاد مماتوش عالفاضي.
تقبلي مروري

وايه هي ككككككككككككككككككككككل طلبات الناس اللي استشهدوا ؟
ومين اللى هايحددها ؟
وايه المطلوب تنفيذه منه فورا وايه اللى ممكن يتعمل له جدول زمني لتطبيقه ؟

[ahmed1981]

لحد ماكللللللللللللللللللللللللللل طلبات الناس اللي استشهدو في سبيلها تتحقق من اهمها لاقلها اهمية.

الناس طلباتهم الأساسية :
الحرية والكرامة والعدالة

وهو ما يتم الإعداد له الآن بحكومة تصريف أعمال

رغم وجود وجوه في الحكومة أكره رؤيتها مثل أبو الغيط
لكني لا أريد أن أتحول إلى فكر طفولي متطفل على الجيش
كلما تم عمل خطوة فيها رتوش لا تعجبني أتظاهر وأقول لأ أنا عايز اللعبة الفلانية ومليش دعوة

محدش يزعل من كلامي

الصبر كويس ولازم نصبر شوية

ومن وجهة نظري الخاصة
الثورة لم تنجح إلا بتوفيق كامل من الله تعالى ورأينا فيها علامات النصرة من الله تعالى وخاصة يوم جمعة الغضب الذي أعتبره من أهم الأيام وأكثرها عجباً سواءاً في أعداد من نزلوا فيه أو في تلقائية المشاركين فيه

ومن أكبر تلك العلامات أن كل خطوة كانت يتخذها النظام البائد كان الله تعالى يردها في نحورهم وجعلها تدميراً لهم
أمثلة كثيرة منها موقعة الجمل التي أتت بعد بكاء الكثير من الخطاب الثاني للرئيس المخلوع فانقلب التعاطف معه بعد موقعة الجمل إلى لعنة عليه

ونتيجة لهذا الرأي فكما تقول القاعدة النبوية الشريفة:
إن الله تعالى لا يعجل بعجلة أحدكم
فلنصبر ونراقب بدقة ونستبشر خيراً

ونداء أخير لمن يصرون على الإستمرار في المظاهرات:
إذا لم يكن هناك بد من التظاهر وأبيتم إلا والتظاهر وراسكم وألف سيف إلا التظاهر

فلا تعيقوا حركة المرور ولا تغلقوا البلد بسبب مظاهرتكم ولتجعلوها في يوم أجازة
حاولوا أن تكونوا نسمة هواء يحس الناس بوجودكم دون الإحساس بالأعراض الناتجة عن وجودكم من تعطل لحركة المرور وما يتبعه من تعطل للإسعافات والمسافرين ونقل البضائع والتجارة وغيرها

[dr-mohamed]

متفق معك تماما يا باشمهندس احمد

[Xander2010_Evo]

شخصيا لا أهتم و لا بشفيق و لا بمحمود وجدي و لا بالحكومة و لا فين زكريا عزمي و صفوت الشريف

و لا ثروة مبارك و عائلته ،،،،،،،،، حاليا

و شايف إن أهم حاجتين

صندوق انتخابات نظيف و كرسي حكم تيفال ،،،

لأني مقتنع إني دي كلها فترة انتقالية و مجرد متتسلم الجكم سلطة شرعية ،،، حرة ،، منتخبة

كل ده هيتغير و كله هيتحاسب بدون محاذير و صفقات و الحساب مش هيسقط بالتقادم ،،، مش لازم دلوقتي حالا ،،، يعني

و متفهم إن دي مجرد مرحلة إنتقالية ،،، ده كلام منطقي جدا و لكن ،،،،

أزمة الثقة ،،، أزمة الثقة ،،،

ايه الضامن للطلبات دي ،،، مجرد وعود حتي لو من القوات المسلحة اللي بنحترمها و حتي لو كل المؤشرات في الاتجاهات دي

ممتازة ،،،

بس لو حصل التفاف علي الثورة ،،،، يبقي خمسين سنة كمان عقبال ما البلد تصبح دولة حديثة

و مع إحترامي مفيش زرار بيداس عليه يحصل ثورة ،،،

علي الأقل خالص لازم ،، كل يوم جمعة مظاهرات كبيرة ،،، تلم الناس و تفهمهم إن الثورة لسه ما انتهتشي

و تفهم صانعي القرار ،،، إن الشعب متابع

مش عايزين نضغط علي الجيش و مش عايزين نفرط في حقوق (( أولادنا ))

غالبا الثورة دي اللي هينتفع بها لو ربنا أدالهم طول العمر ،،، أولادنا ،،،

محدهش بيفرط في حق عياله ،،،،

+111111111111111111111111111111111111111

الناس طلباتهم الأساسية :
الحرية والكرامة والعدالة

وهو ما يتم الإعداد له الآن بحكومة تصريف أعمال

رغم وجود وجوه في الحكومة أكره رؤيتها مثل أبو الغيط
لكني لا أريد أن أتحول إلى فكر طفولي متطفل على الجيش
كلما تم عمل خطوة فيها رتوش لا تعجبني أتظاهر وأقول لأ أنا عايز اللعبة الفلانية ومليش دعوة

محدش يزعل من كلامي

الصبر كويس ولازم نصبر شوية

ومن وجهة نظري الخاصة
الثورة لم تنجح إلا بتوفيق كامل من الله تعالى ورأينا فيها علامات النصرة من الله تعالى وخاصة يوم جمعة الغضب الذي أعتبره من أهم الأيام وأكثرها عجباً سواءاً في أعداد من نزلوا فيه أو في تلقائية المشاركين فيه

ومن أكبر تلك العلامات أن كل خطوة كانت يتخذها النظام البائد كان الله تعالى يردها في نحورهم وجعلها تدميراً لهم
أمثلة كثيرة منها موقعة الجمل التي أتت بعد بكاء الكثير من الخطاب الثاني للرئيس المخلوع فانقلب التعاطف معه بعد موقعة الجمل إلى لعنة عليه

ونتيجة لهذا الرأي فكما تقول القاعدة النبوية الشريفة:
إن الله تعالى لا يعجل بعجلة أحدكم
فلنصبر ونراقب بدقة ونستبشر خيراً

ونداء أخير لمن يصرون على الإستمرار في المظاهرات:
إذا لم يكن هناك بد من التظاهر وأبيتم إلا والتظاهر وراسكم وألف سيف إلا التظاهر

فلا تعيقوا حركة المرور ولا تغلقوا البلد بسبب مظاهرتكم ولتجعلوها في يوم أجازة
حاولوا أن تكونوا نسمة هواء يحس الناس بوجودكم دون الإحساس بالأعراض الناتجة عن وجودكم من تعطل لحركة المرور وما يتبعه من تعطل للإسعافات والمسافرين ونقل البضائع والتجارة وغيرها

ممكن أضيف حاجتين علي كلام حضرتك
أتمني إن التظاهر يكون بطريقة متحضرة زي بلاد برة
من غير شتايم أو صور تركيب والحاجات الفاضية دي
التظاهر ف بلاد برة حاااااااااجة بجد رووووعة
ناااس واقفين بإحترام حاملين يفط مكتوب عليها مطالبهم
دي أول حاجة
الحاجة التانية

"إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ"
يعني حتي لو نزلت المظاهرات وغيرت الدووووولة كلللللللها
مش هاتحس بحاجة أصلآ
"إللي بيتغير لازم يغير من نفسه الأول"
وآسف للإطالة

[mahmoudysf]

كل ده هينتهي لما يبقى فيه فيه انتخابات رئاسة ومجلس شعب حقيقي

[mr_vampire]

كلامك محترم جدا و مظبوط 100% و لن يفهمه سوى العقلاء و للاسف الشعب مش قادر يفهم يعنى ايه حكومة تسيير اعمال لفترة انتفالية

علي كدة بقي الملايين اللي بتنزل تروح المظاهرات ( مش عقلاء ).مش هقول غير عيب اوي تتهم شعبك والناس اللي رجعو لمصر كرامتها وللمصريين عزتهم يتقال عليهم كدة

وايه هي ككككككككككككككككككككككل طلبات الناس اللي استشهدوا ؟
ومين اللى هايحددها ؟
وايه المطلوب تنفيذه منه فورا وايه اللى ممكن يتعمل له جدول زمني لتطبيقه ؟

هحاول ارد علي اسالتك يادكتور بالترتيب:
1-متهيالي طلبات الناس كلها اللي استشهدوا او اللي ربنا منولهمش الشهادة كانو عايزين تغيير النظام بأكمله ومتهيالي مفهوم يعني ايه نظام فيعني اييييييييييييييه وزارة تتغير ورئيسها وزارة تانية موجود والناس مش طيقاه اصلا ( حتي لو كان معروف عنه الانجازات ) بس خلاص الناس مش طيقاه لانه جاي من طرف حسني حبيب الملايين.
وليه اساس الفساد في كل مدينة وقرية متحلش لحد دلوقتي ( الوحدات المحلية ).

2-متهيالي مش صعب تحدد طلبات الناس.

3-واخيرا اكيد في طلبات لو اتنفذت دلوقتي هتمتص غصب ناس كتييييييييييييير اهمها واولها شيل الوزراء اللي الناس مش طايقاهم ( شفيق و ابو الغيط و الداخلية (مش فاكر اسمه).
-تنزل نشرة بليستة منع من السفر وتجميد ارصدة لكللللللللللللللل اعضاء النظام السابق ( متهيالي ده كفاية اوي تنيم الناس في بيوتها ).

-وبالنسبة للطلبات اللي محتاجة فترات زمنية الشعب المصري اثبت انه علي دراية كاملة وهيفهم يعني ايه الطلب ده مش هينفع يتنفذ حالا بس ادي تصريحات:

الدستور هيتلغي نهائيا والتعديل ده للفترة الانتقالية فقط.
-تصريحات بالنظر جديا في اجور العمال والضرئب وحق المواطن في الدخل القومي من ثروات بلاده الي مشافش منها اي حاجة قبل كدة وهي من حقه.
-تصريحات تخص فرص عمل وبناء مصانع ووحدات سكنية محترمة تليق بالمواطن المصري.

تعرف عيب حسني مبارك ايه ( انه معرفش قيمة الشعب اللي كان بيحكمه ) وان اهم ميزة من الشعب ده انه بيرضي بالقليل فتخيل كدة لو قبل المظاهرات ده لو كان زود اجور وزود فرص عمل بجد ( بس بجد مش اللي بيوعد بيها في كل برنامج انتخابي ) تتخيل كان هيبقي في حاجة اسمها ( ثورة 25 يناير اصلا ) انا معتقدش

[تامر.محمد]

لحد ماكللللللللللللللللللللللللللل طلبات الناس اللي استشهدو في سبيلها تتحقق من اهمها لاقلها اهمية.

ومتهيالي ده اقل اقل اقل اقل واجب يتقدم ليهم واقل عزاء يتقدم لاهاليهم وعرفانا بالجميل ورسالة ان ولاد مماتوش عالفاضي.

تقبلي مروري

أتفق
كذلك بغض النظر عن القصة كلها , لازم الضغط الشعبي يفضل موجود حاليا على أقل تقدير لحد ما البلد يتم تطهيرها من الفساد اللي بدوره اكيد له ضغوطه على الجيش هو كمان و اظن كلنا شايفين المحاولات المستميتة لإشعال فتنة طائفية اللي حاصلة اليومين دول , كل هدفها ضرب المسلمين و المسيحيين ببعض عشان تتفرق وحدة الشعب

التظاهرات مش ضد الجيش ولا المجلس الاعلى لكن على العكس , دي دعم شعبي لهم و لكل قرار تطهيري في البلد بياخدوه لأن كده القرار بيبقى واضح جدا انه برغبة الشعب و ما يقدرش حد يطلع يقول تصفية حسابات ولا اي حاجة تشوه الجيش نفسه

كذلك احنا كشعب من حقنا نقول مش عايزين فلان و مش عايزين علان
زمان كنا بنشوف الفاسد و الكذاب في الحكومة و نبقى عارفين انه حرامي و خمورجي و فاسد و نقول عادي و نتقبل ده ببساطة لأننا من جوانا كنا عارفين اننا مش بنحكم نفسنا , كنا بنبقى عارفين ان الانتخابات بتتزور و ما بنروحش لأن المرواح مالوش لازمة , يعني برده مش حاكمين نفسنا
كل ده مفروض يتغير و ما يفضلش منه اي حاجة

[hobiko]

انا شايف كمان ان فيه ربط مابين مظاهرات التحرير و الأحتجاجات الفئوية فى المحافظات

فيه ناس محملة شباب الثورة اللى بيدعوا لمظاهرات التحرير ...... حالة الأحتجاج و الأعتصام الفئوى فى مصر

فيه ضغط كبير دلوقتى على شباب الثورة لأيقاف مظاهرات يوم الجمعة ..... بحجة ايقاف المظاهرات الفئوية

لازم نفهم الناس و نوعيهم ان احنا ملناش اى تأثير على الأحنجاجات الفئوية

وان احنا مش سبب حالة عدم الأستقرار دلوقتى ...... الى كل الشواهد بتقول ان الحزب الواطى بيحاول يزكيها

ماينفعش ننسحب من الميدان دلوقتى

توقفنا دلوقتى ..... معناه اننا بنسلم الراية لبتوع مصطفى محمود

عشان تبقى الصورة كالأتى

احتجاجات فئوية فى كل مصر ...... حكومة عاجزة عن تلبية المطالب او حل الأزمة او مواجهة الفتنة الطائفية (اللى الحزب الواطى و اتباعه عمال يشعلل فيها) ..... مظاهرات مؤيدة فى مصطفى محمود يصورها اتباع الحزب الواطى اللى لسه موجودين فى الجرايد القومية و التلفزيون والفنانين اياهم انها مليونية

و تحت شعار حرية الراى..................

هوب الشعب يريد عودة الرئيس ...........

دى مخاوفى ...... عشان كده حتى لو اختلفنا فى الراى لازم ننزل يوم الجمعة

[mr_vampire]

لولا استمرار المظاهرات حتي يومنا هذا ماكان ان نحصل ونحقق ما حققناه وحصلنا عليه الي يومنا هذا.