مظاهرات الجمعة من كل اسبوع بين تحقيق مطالب الثورة و تقدم المجتمع

[Amgad64]

والله استمرار المظاهرات فى ميدان التحرير هو الحل المناسب للوصول الى تلبيه مطالب الشعب, فمع الثقه فى المجلس الاعلى للقوات المسلحه ينبغى أظهار تصميم الشعب على مطالبه حتى لا يتخاذل الجيش كما حدث سابقا أثناء موقعه الجمل, لذلك فأنا أؤيد أستمرار التظاهر فى ميدان التحرير , واعتقد انه بدئ يؤتى بعض الثمار , فلولا مظاهره الجمعه السابقه ما ترك الوزاره مفيد شهاب مثلا , وارجو ان تثمر المظاهره القادمه عن رئيس الوزراء ووزراء العدل والداخليه و الخارجيه و ان يتم اعلان جدول زمنى لتنفيذ باقى مطالب الثوره

[تامر.محمد]

معاكم ان شاء الله و تقبل تحياتي يا استاذ احمد

[hossaam]

يا جماعة الخير ارى ان سلاح المظاهرات هام للغاية و لكن فى ايام الجمع فقط و ليس كل ما يخطر على بال حد يوم نروح عاملين فيه مظاهرة فى ناس طبعا قد تعترض و لكنى هاجاوبك بحاجتين :
الاولى ان عندما يكون هناك دولة و حكومة منتخبة فان من يراقب اداءها و يوجها هو مجلس الشعب و بما اننا الان لا يوجد مجلس شعب و لا حكومة منتخبة اصبح لزاما على الشعب ان يقوم بدوره فى المراقبة و التوجيه طبعا فى ناس هتقول بس ده الجيش و هو الضامن و الثقة و انا لا اعترض و لكن مش معنى هذا ان اسلم الامر المطلق له و لا اساعده بالتوجيه و المراقبة و لا تنسى ان هناك ضغوط خارجية و داخلية من طرف بعد اتباع النظام السابق و لابد من ضغط مضاد من قبل الشعب يوازن هذه الضغوط و يقوى موقف الجيش فى الوقوف امام الضغوط التى لا تريد صلاح الشعب
و ايضا تذكير للشعب انه ما زال قوة فاعلة ومحركة للتغيير و لابد ان نصدق اننا قوة لانها لولا قوة الشعب و توحده فى الثورة ما كان الجيش حسم موقفه بالانضمام اليها و مساعدتها على تحقيق مطالبها التى تخدم الوطن القائم على حمايته
الحاجة التانية مظاهرات الجمعة من كل اسبوع ليست مظاهرات بالمعنى القديم بل اقترح ان يتم فيها حصر مطالب الثورة و نذكر ما تم تنفيذ من مطالب و نشكر الجيش عليه و ندرس كيف نستفيد مما تم تنفيذه و نسرد باقى الطلبات مع تقديم المساعدة للجيش بتقديم بعض الحلول مع جداول زمنية مقترحة للتنفيذ
كما اقترح ان يكون هذا التجمع من كل اسبوع فرصة لتكوين لجان توعية سياسية عن ماهية الدستور و الحقوق و الواجبات و كيفية اختيار المرشحين للانتخابات دون تفضيل احد المرشحين يعنى حاجة كده زى محو الامية السياسية
و ايضا فى كل اسبوع نختار احد المشكلات الهامة و نطرحها للنقاش مع تقديم حلول و الاستفتاء عليها صدقونى قد نخرج من هذه التجمعات بحلول عظيمة لكثير من المشاكل
اضف الى هذا كيف سيتعلم الشعب ان يكون ايجابى جدا و يتعلم ثقافة الحوار مع بعضه فى الاول سوف تنشا خلافات و لكن مع الوقت سيتعلم الشعب ثقافة الحوار و الترابط و احترام الغير
لقد طرحت الموضوع للنقاش و من الممكن ان نطور اقتراحات اخرى و بالنسبة لمن يرفض فانا احترم اراءه فقط اطلب ان يكون الرفض بالحجة و المناقشة لما طرحت

الله ينور عليك...هو ده اللي بنحاول نوصله لاحبائنا واخواننا الرافضين لجمعات التحرير

فعلا...هيبقى منبر للتعبير....المتابعة...التذكير بروح الثورة الحماسية...خطب وتداول لمواضيع اكيد الحاضرين هيستفيدوا منها...

شكرا

[ahmedjumpo]

معاكم ان شاء الله و تقبل تحياتي يا استاذ احمد

الله يبارك فيك يا استاذى

الله ينور عليك...هو ده اللي بنحاول نوصله لاحبائنا واخواننا الرافضين لجمعات التحرير

فعلا...هيبقى منبر للتعبير....المتابعة...التذكير بروح الثورة الحماسية...خطب وتداول لمواضيع اكيد الحاضرين هيستفيدوا منها...

شكرا

و هذا ما نتكلم عنه المتابعة و التثقيف و البحث عن حلول للمشاكل و خلق روح الايجابية و المشاركة و احساس الناس ان لهم دور فى مستقبل بلدهم و لكن دون عشوائية او الدعوة الى مظاهرات اخرى خلال باقى الاسبوع لان ده هينتقص من قوة هذا السلاح
اما من يعارض هذا التجمع الاسبوعى الشبابى و الاسرى ممكن اسال يعنى التجمع ده لو فى الاستاد و حواليه علشان ماتش كورة و لا بعد الفوز ببطولة كورة يبقى حاجة كويسة اما لو علشان مستقبل بلد يبقى فوضى و تدمير انا سالت المعارضين و قدمت اقتراحات و كنت منتظر اسمع ارائهم و اسمع ايضا مقترحات اخرى من جانب الذى يؤيد التظاهر
و لكن مازالت ثقافة الهجوم و الدفاع و المعارضة من البعض لمجرد العارضة هو المبداء السائد و كما سبق و قلت احنا عايزين ثورة فى الفكر ايضا و تحريره من قيود الماضى مع النظر الى المستقبل

[nour_nrc]

هيطلع اللي يقول لك يا أستاذ أحمد الآتي:

1) كفاية، حرام عليكم، اتقوا الله في مصر، هتخربوا مصر
2) احنا بنثق في الجيش وسيبوه يشوف شغله
3) انتم ما بيعجبكمش العجب ولا الصيام في رجب

والرد عليهم في رأيي

1) المظاهرات السلمية يوم الجمعة لا بتعطل البلد ولا بتخربها
2) لازم مراقبة السلطة حتى ولو بنثق فيها. السلطة المطلقة من غير مراقبة ولا محاسبة تولد سلطة مستبدة.
3) طالما في أمثال صفوت الشريف وفتحي سرور وحسين سالم ومئات من أمثالهم من الفاسدين والمفسدين لم يحاسبوا يبقى يستمر الضغط وتستمر الثورة لغاية لما ننظف البلد دي منهم

الله عليك تسلم وسلمت يداك التي اسطرت هذا الكلام

[magid1010]

فكره كويسه ان احنا نتظاهر كل يوم جمعه بس سؤال احنا عايزين ايه دلوقتى و احنا فى مرحله انتقاليه يعنى نمشى شفيق و نجيب مين طيب نفرض الراجل مشى و جه واحد ناس حتوافق عليه و ناس تانيه تقول لا ده من انصار النظام القديم زى بالظبط عمرو موسى ناس تقول نرشحه لرئاسه الجمهوريه و ناس تقول اتفرج يا عم على الكليب ده شوف عمرو بيقول ايه شوف اد ايه كان مؤيد لمبارك و جمال ثم ان المظاهرات كل يوم جمعه فيه ناس حتتاثر الناس اللى بتاكل من السياحه قولى انهى مجنون حيجى بلد كل جمعه بتتظاهر ده اذا جه علشان يتفرج على الظاهرات بدل الاثار
ربنا يستر لانى حسس ان احنا حنبقى لبنان تانيه

[ahmedjumpo]

فكره كويسه ان احنا نتظاهر كل يوم جمعه بس سؤال احنا عايزين ايه دلوقتى و احنا فى مرحله انتقاليه يعنى نمشى شفيق و نجيب مين طيب نفرض الراجل مشى و جه واحد ناس حتوافق عليه و ناس تانيه تقول لا ده من انصار النظام القديم زى بالظبط عمرو موسى ناس تقول نرشحه لرئاسه الجمهوريه و ناس تقول اتفرج يا عم على الكليب ده شوف عمرو بيقول ايه شوف اد ايه كان مؤيد لمبارك و جمال ثم ان المظاهرات كل يوم جمعه فيه ناس حتتاثر الناس اللى بتاكل من السياحه قولى انهى مجنون حيجى بلد كل جمعه بتتظاهر ده اذا جه علشان يتفرج على الظاهرات بدل الاثار
ربنا يستر لانى حسس ان احنا حنبقى لبنان تانيه

يا استاذى اعذرنى اللى حضرتك بتقوله مش صحيح و حاقول لحضرتك ليه
بالنسبة لموضوع احمد شفيق فهو لا يصلح لاسباب قد ذكرتها فى مشاركة سابقة و هى

مع احترامى لفكرة صاحب الموضوع و لكنها للاسف تمثل فكر الشعب المصرى اللى بيقول اللى نعرفه احسن من اللى ما نعرفوش و بالتالى الخوف الدائم من اللى هيجى و مقولة ده احنا عرفناه و طبعا اللى ازكى هذا الشعور هو الحزب الوطنى و اعلامه الذى ظل مسيطرا لمدة تلاتين سنة و طبعا مكانش فى اى مسئول فى الحكومة او يتحدث عنه الاعلام الا لابد ان يكون من الحزب الوطنى و هو ما يضع الناس فى كثير من الحيرة و ترديد سؤال من الذى يصلح من خارج الحزب الوطنى
و بالنسبة لأحمد شفيق فانا فى اعتقادى انه ما ينفعش يكمل بصرف النظر انه وطنى و الاسباب
* كلما تحدث كذب و كلما وعد اخلف و هذا فى كثير من الدول سببا كافى لابعاد المسئولين و الدليل خروجه علينا يوم الثلاثاء فى القنوات الفضائية بأن المتظاهرين فى التحرير اولاده و لن يتعرضوا للاذية و فى يوم الاربعاء تمت موقعة الجمال و البغال و طبعا سنجد من يقول ان الرجل فوجئ بما يحدث نهار الاربعاء مثلنا و هرد عليك طب هجوم البلطجية استمر الى صباح يوم الخميس يعنى فترة زمنية كبيرة تسببت فى وقوع الكثير من القتلى و الجرحى و تم منع الادوية و الاغذية من الدخول الى ميدان التحرير فاين كان هو مما يحدث
* ثم سعادته اخبرنا بتشكيل لجنة لمعرفة المتسببين فيما حدث و الان اقتربنا من تلات اسابيع و لم نعلم اين تحقيقات اللجنة و لا من هم المتسببين
* هو من اختيار نظام فاسد و كانت كل تعاملاته مع الفاسدين فكيف اتوقع انه سيكون مصلح
* من كان بالامس القريب يرى ان ما يحدث شوية ناس فاضية عايزة هايد بارك و شوية بونبون او ناس صاحبة اجندة فكيف اصدقه اليوم انه يستطيع ان يمثل هذه الثورة و هو الذى فى معظم عباراته يدعوها بكلمة حركة و ليس ثورة
* كثيرا ما يدعى انه لا يمكن تغيير الكثير من الوزراء بحجة حتى لايتعطل عن العمل طب ماذا سنفعل مستقبلا عندما تجرى انتخابات و تأتى بوزارة جديدة كليا هل هنعمل تمديد لوزارة احمد شفيق مع الوزارة الجديدة و لا هنحلها ازاى و هل امريكا التى من الممكن كل اربع سنوات ان تغير الحكومة كليا من الحزب الجمهورى الى الديموقراطى او العكس او اسرائيل بين العمل و الليكود هل هذه الدول من كوكب تانى لان الوزارة كاملة تتغير و مشفناش اى مشكلة
* هذا رجل عسكرى فى مجال الطيران و الله اعلم اذا كان نزيه و جيد فى عمله او لا و لكنى اعتقد ان مصر تحتاج رجل اقتصاد و سياسة من الدرجة الاولى يعرف كيف يدير محادثات مع الجهات الاجنبية و كيف يعطيهم شعور بالاستقرار حتى يجلب مستثمريهم و كيف يدير مؤسسات البلد و كيف يتحاور بذكاء مع معارضيه
هناك ناس عاجبها معسول قوله و وعوده البراقة و هى التى تلعب على العاطفة و لكن هذا النظام جرب اسلوب القمع و لم يجدى نفعا فاصبح الان يستخدم اسلوب الكلام الجميل و هنعمل و هنسوى

اما كلام حضرتك انى لو جه واحد تانى هيطلع اللى يقول ماينفعش فالمفروض حضرتك عند الاختيار هتختار واحد جديد بعيد عن الاحزاب مشهود له بالكفاءة و طهارة اليد و بالتالى مش هينفع يتعارض لانه غير تابع لاى حزب و لم نرى منه اى كذب او استهتار بهذا الشعب و اظن بلد 80 مليون مش صعب انى الاقى على الاقل الف واحد يصلح
اما عن الترشيحات فى انتخابات الرياسة و زى ما حضرتك قولت فده الشيئ الطبيعى ان احنا نختلف حول المرشحين و مواقفهم تجاه القضايا المختلفة و هى ديه الديموقراطية لان عصر الرجل الاوحد الذى يحصل على تأييد 99% انتهى يا استاذ ده الرسول الكريم صلى الله عليه وسلم لم يحصل على تأييد حتى ثلث البشر
اما بخصوص ميدان التحرير فتصدق انه تحول الى مزار سياحى الاسبوع اللى فات كان فيه سياح المان و زاره رئيس وزراء بريطانيا و وزير خارجية المانيا لان الاجانب اعتبروه رمز للحرية والثورة
وخد بال حضرتك مما اقترحته فى بداية موضوعى مما سيجل ميدان التحرير مثل قبلة ثقافية و ستغطيها وسائل الاعلام العالمية و شاهد مدى الاعجاب الذى ستحوذوه من الاجانب اللى هاييجوا و يشوفوا بنفسهم

[magid1010]

يا استاذى اعذرنى اللى حضرتك بتقوله مش صحيح و حاقول لحضرتك ليه
بالنسبة لموضوع احمد شفيق فهو لا يصلح لاسباب قد ذكرتها فى مشاركة سابقة و هى


اما كلام حضرتك انى لو جه واحد تانى هيطلع اللى يقول ماينفعش فالمفروض حضرتك عند الاختيار هتختار واحد جديد بعيد عن الاحزاب مشهود له بالكفاءة و طهارة اليد و بالتالى مش هينفع يتعارض لانه غير تابع لاى حزب و لم نرى منه اى كذب او استهتار بهذا الشعب و اظن بلد 80 مليون مش صعب انى الاقى على الاقل الف واحد يصلح
اما عن الترشيحات فى انتخابات الرياسة و زى ما حضرتك قولت فده الشيئ الطبيعى ان احنا نختلف حول المرشحين و مواقفهم تجاه القضايا المختلفة و هى ديه الديموقراطية لان عصر الرجل الاوحد الذى يحصل على تأييد 99% انتهى يا استاذ ده الرسول الكريم صلى الله عليه وسلم لم يحصل على تأييد حتى ثلث البشر
اما بخصوص ميدان التحرير فتصدق انه تحول الى مزار سياحى الاسبوع اللى فات كان فيه سياح المان و زاره رئيس وزراء بريطانيا و وزير خارجية المانيا لان الاجانب اعتبروه رمز للحرية والثورة
وخد بال حضرتك مما اقترحته فى بداية موضوعى مما سيجل ميدان التحرير مثل قبلة ثقافية و ستغطيها وسائل الاعلام العالمية و شاهد مدى الاعجاب الذى ستحوذوه من الاجانب اللى هاييجوا و يشوفوا بنفسهم

شكرا على ردك و ربنا يوفق البلد دى و تبقى احسن بلد فى الدنيا و معذره على مخاوفى

[ahmedjumpo]

شكرا على ردك و ربنا يوفق البلد دى و تبقى احسن بلد فى الدنيا و معذره على مخاوفى

تحياتى لحضرتك و ذوقك العالى و مخاوف حضرتك طبيعية و كلنا بنمر بيها و باذن الله سنتجاوزها و نصل ببلدنا الى الافضل و للى بنحلم بيه

[Ahmed Anwer]

متفق تماما مع راي حضرتك ،،

و احب أضيف ،،، إنه يجب التفكير و إبداع فاعليات آخري غير المظاهرات

(( سمعت عن مؤتمرات شعبية عقدت في حدائق القبة كمثال ))

برده بنفس الفكر بدون تعطيل مصالح الناس أو تهديد الأمن

بالإضافة للاسباب اللي قالوها الأخوة

لازم نقول إن إحنا بنثق تماما في الجيش ،،،

بس فيه قوي ضغط آخري قوية ،،،

فلازم الشعب يكون ليه قوة ضغط موازية

الفرق إن الشعب محترم و ضغطه في العلن و مراعي لمصالح الناس

القوي التانية واطية و ضغطها في الخفاء و ميهماش الناس إطلاقا و لا حتي الجيش

[Ahmed Anwer]

مافيش اى اخبار يا ابو نضال على يوم الجمعه

التليفزيون المصري بيقولوا بيعرض افلام كرتون ،،، !!!!

[drhaytham]

متفق معاك جدا جدا جدا