هذا الاسم لا يجب ان يبقى

[dr-mohamed]

الحمد لله على نعمة العقل و إن لسه فاكر الهدف النبيل لقيام ثورة 25 يناير .

تصدق قربت انساه وافتكر ان الهدف منها كان محو اسم مبارك والخروج في فسحة تظاهر كل يوم ثلاثاء وجمعة

[Dojuar]

ليس تشاؤما انما محاولة لعدم الوقوع في نفس الاخطاء

لو جالنا واحد ذو لسان جميل ووعوود جميلة

ويطلعلك بكام تصريح قوي في امريكا و اسرائيل

أخاف يغنولوا انتخبناك بدل اخترناك

وبعدين 30 سنة كمان من اياهم

المشكلة في النفاق يا سادة و اللعب على العواطف

ودول محورين اساسيين في السيطرة على القلوب قبل العقول

والاعلام المصري الحكومي و الخاص كلنا عارفينه و مش هايتغير في يوم وليله

[hossaam]

ايه يعني ...ايه المشكلة...اسمه واسم سوزان يتشال من على اي معلم لمصر..هي مش عزبة
الاجراء في حد ذاته ده اللي ممكن يتنفذ في يوم هيضر مسيرة التنمية او هيعطل المستقبل في ايه بالضبط؟؟!!.

وربنا يحاسب كل من نافق مبارك وسوزان وحط اساميهم وصورهم في كل مكان..
مستشفيات..مكتبات...مدارس...مترو...شوارع وميادين...مساكن....الخخخخخخخخخ...ايه هو ده؟!!!

ولازم نقطع الطريق من هنا ورايح على اي وزير او مسئول عاوز ينافق رئيس مصر او السيده حرمه
ويمنع اطلاق اسمه مهما عمل او ادعى انه عمل...لان ده شغله مش هدية منه للشعب...

الشعب هو اللي ممكن يطلب باستفتاء او ما شابه انه يسمي مؤسسة او مشروع باسمه..
بس ده لما يوصلنا سيادته ان شاء الله القمر بسفينة فضاء مصرية...
اونبقى من اغنى 20 دول في العالم...ساعتها ممكن نفكر و تبقى مبلوعة...:)

[amado ibrahim]

الاهم من المترو

هو الاسم على المكتبات

المدارس

المشاريع

و كمان متنسوش السيدة الاولى

و اللى كان لها دور فى افساد الوطن عن طريق مشروع التوريث

مفيش حد له فضل على البلد

البلد هى اللى فضلها على الجميع

لا عبد الناصر ولا السادات ولا مبارك

مش عايزين افكار فرعونية تانى

مش نشيل اسم حتشبسوت عشان نحط اسم تحتمس الثالث

لو عايزين رأيي

كل اسامى محطات المترو عايزة تتغير كلها مش بس محطة مبارك

ممكن نطلق عليها اسماء علماء ومفكرين

او اسماء شهداء الثورة

تقبلو تحياتى

[dr-mohamed]

الاهم من المترو

هو الاسم على المكتبات

المدارس

المشاريع

و كمان متنسوش السيدة الاولى

و اللى كان لها دور فى افساد الوطن عن طريق مشروع التوريث

مفيش حد له فضل على البلد

البلد هى اللى فضلها على الجميع

لا عبد الناصر ولا السادات ولا مبارك

مش عايزين افكار فرعونية تانى

مش نشيل اسم حتشبسوت عشان نحط اسم تحتمس الثالث

لو عايزين رأيي

كل اسامى محطات المترو عايزة تتغير كلها مش بس محطة مبارك

ممكن نطلق عليها اسماء علماء ومفكرين

او اسماء شهداء الثورة

تقبلو تحياتى

وجهة نظر تحترم وان كنت واحد ممن لا ينسوا فضل مشروع القراءة للجميع وكانت فكرة سوزان كما لا ننسي جمعية الوفاء والامل التي كانت فكرة جيهان السادات
ولما ننقي اسماء شهداء الثورة الاول موافقك بعدها ان تطلق اسمائهم على الشوارع التي كانوا يعيشون فيها وكتابة اسمهم على نصب تذكاري

[m_car]

هو انتوا ليه معتبرين ان دخول المياه والكهرباء البيوت يعتبر انجاز من معالى الباشا حسنى مبارك

لا ده حقى وحقك ده من الضرايب اللى بدفعها وبياخدها غصب عنى وعنك وعن اللى جايبينا

وبعدين المترو يعنى هو اللى عمله على حسابه ولا نزل هو بيسوق بالليل مثلا ده حق لينا كلنا عمرنا شفنا مدرسة فى امريكا اسمها مدرسة جورج بوش الاعدادية المشتركة

[amado ibrahim]

وجهة نظر تحترم وان كنت واحد ممن لا ينسوا فضل مشروع القراءة للجميع وكانت فكرة سوزان كما لا ننسي جمعية الوفاء والامل التي كانت فكرة جيهان السادات
ولما ننقي اسماء شهداء الثورة الاول موافقك بعدها ان تطلق اسمائهم على الشوارع التي كانوا يعيشون فيها وكتابة اسمهم على نصب تذكاري

اتفق مع حضرتك على تنقية قوائم الشهداء

لكن هل الوفاء و الامل فكرة جيهان السادات

ولا فكرة وتمويل كوكب الشرق ام كلثوم ثم استولت عليها سيدة مصر الاولى اياميها

مما ادى للتعجيل من معاناة كوكب الشرق

ده اللى انا اعرفه

اما موضوع القراءة للجميع فزى مقلتلك مصر فضلها على الجميع

محدش له فضل عليها

لانها اولا مش فكرتها

حضرتك سمعت عن سلسلة اسمها اقرأ

لكن يشكر لها رعاية المشروع

لكن برضه ده مش من جيبها الخاص

ده من فلوس البلد

تقبل تحياتى

[cayman69300]

الكلمة المعتادة
نعمل استفتاء و نشوف النسبة كام
دى اسمها الديمقراطية

[Abo_Lina]

لازم إسمه يتشال من كل حاجة طبعا
دي مشروعات من أموال الشعب و الشعب رفضه و أسقطه

[نور القمر]

شيل اسمه مش هايمنع ولا يتعارض مع تحقيق اهداف الثورة

[M.Osman]

انجازات اية بس!
انتوا عارفين مدريد فيها كام خط مترو ؟؟!!
عارفين لندن فيها كام خط مترو ؟
شوفتوا مترو دبي ؟

[A7MED_PHARMA]

والله ياشباب
أنا رأي إن إسمه يتشال ..ويتحط مكانه إسم من أسماء الشهداء
علشان الناس لما تقرا أساميهم على محطات المترو ..وعلى كل حاجة كانت شايلة إسمه
يفتكروا إن الشباب دي ماتت علشانهم
ولا إيه؟؟؟؟؟؟؟

انجازات اية بس!
انتوا عارفين مدريد فيها كام خط مترو ؟؟!!
عارفين لندن فيها كام خط مترو ؟
شوفتوا مترو دبي ؟

أنا أعرف إن مترو لندن
ممكن تفضل تايه فيه شهر ..ماتعرفش تخرج منه أساسا

[dr-mohamed]

اتفق مع حضرتك على تنقية قوائم الشهداء
لكن يشكر لها رعاية المشروع
تقبل تحياتى

متفقين
تقبل تحياتي

[amado ibrahim]

متفقين
تقبل تحياتي

يا راجل على ايه

انت تؤمر

المهم اسمها يتشال من على كتب القراءة على الجميع

مهى مش فلوس العائلة الكريمة

ممكن نحط صورة ميدان التحرير يوم 11 فبراير

و بالمرة معلومات عن ثورة 25 يناير

الموضوع مطروح للاستفتاء

من اجل الديموقراطية

تقبل تحياتى

[sara2001]

اتمنى بس ان مفيش اي اسم لرئيس جديد او مسئول يتحط تاني في اماكن زي دي
ونكتفي بنفاق السنوات الماضيه
وياريت نختار للمشاريع والشوارع اسماء من لهم تاريخ وبطولات
ويستحقون ان توضع اسمائهم عليها