الفيديو الكامل لمدير امن البحيرة

[dr-mohamed]

الفيديو ده اتعمل عليه اكتر من موضوع وكلهم كانوا بيجيبوا اول دقيقة و30 ثانية بس علشان يقولوا مدير الامن ده ارهابي وووووووووووووووو
و ده نموذج لاقتطاع كلام معين لتقويل الشخص كلام معين يضره وعدم وضع ما يفسر الكلام بمعني واضح
الفيديو ده اكبر شوية واللى احضره اخونا العضو مزجانجي وبردو علشان يقول انه بدل ما يصلحها خربها

يا ريت نسمع الفيديو كله ونقول راينا مرة تانية ونشوفه بيميز ازاي بين الانسان المحترم وبين البلطجي وحتي البلطجي قال بالقانون يعني نتصرف معاه مش بلطجة

[youtube]http://www.youtube.com/watch?v=N9R-_bMRuY8&feature=player_embedded[/youtube]

[cheetos_892005]

حضرتك مخدتش بالك ان اللي جانبه قاله حاجه في الدقيقه 2 خليته يقلب حمل وديع مره واحده ؟؟؟؟؟

[lonedoctor]

هو عدل كلامه فى الاخر عشان التصوير ده اولا
ثانيا هو لسة معتقد انه اللى حصل ده مخطط (الثورة يعنى)ولكن الامور استقرت وهيرجعوا زى ماكانوا(طبعا ده عشم ابليس فى الجنة) وعايز الغلابة يضربوا الشباب بالطوب بدل ما يضربوا الشرطة
وكله كوم والفلاح اللى واقف جنبه وبيلقنوا الكلام ده كوم كبيره ينفع حارس عمارة موش ظابط شرطة

[aly_hosny]

قاله في حد بيصور

[dr-mohamed]

حضرتك يعني هو مش شايف من اول الفيديو اللى واقف امامه مباشرة على بعد اقل من متر وهو بيصور ؟؟؟؟؟؟؟؟؟
ولو خاف زي ما حد قال كان اخد الموبايل ومسح التصوير كله او اخد الكاميرا واخد الشريط منها ومتنساش انه جوة مديرية الامن يعني يقدر يعمل ده بسهولة
ووضع الفيديو الاول الدقيقة ونص فقط من البداية واضح ان هدفه التهييج فقط

[megamoudy]

في كل الاحوال لازم نتصالح مع الشرطة لأن هما فعلا دورهم جامد واحنا حاسين بالعوز ليهم حاليا

انا مقتنع جدا جدا جدا انهم ممكن يتغيرو

نفسي بس ندعيلهم بحسن نية هو لما بيكون قريب ليك او صديق فيه حاجة مش كويسة وممكن تأذيك مش بندعيله ونقول ربنا يهديه

لازم ندعيلهم والله لازم ندعيلهم

واللي يغلط فعلا لازم يتعاقب بس بالقانون والشهود مش بالضرب والشتيمة ( بالرغم اني باخد على مدير الامن انه قال كلمة مش كويسة وهو ف وضع مسؤول بس برده ربنا يهديه ويهدينا احنا مش ملايكة )



ياااااااااااااااااارب اصلح جهاز الشرطة يارب واهديهم ونور بصيرتهم واهدينا جميعا وارزقنا الامن والامان يارب

[aly_hosny]

حضرتك يعني هو مش شايف من اول الفيديو اللى واقف امامه مباشرة على بعد اقل من متر وهو بيصور ؟؟؟؟؟؟؟؟؟
ولو خاف زي ما حد قال كان اخد الموبايل ومسح التصوير كله او اخد الكاميرا واخد الشريط منها ومتنساش انه جوة مديرية الامن يعني يقدر يعمل ده بسهولة
ووضع الفيديو الاول الدقيقة ونص فقط من البداية واضح ان هدفه التهييج فقط

لا طبعا مش شايف والا مكنش قال كلمة ابيحة في الاول
ولا كان قال الكلام دا خالص

[bmw323]

قاله في حد بيصور

ياسلام دا على اساس أنة أعمى مثلا ومش شايف انة بيتصور من الأول وأظن الصورة واضحة ومش مهزوزة ولا واحد كان بيصور من ورا كتف واحد !!!

[lonedoctor]

موش واخدين بالكم انه بيتكلم وهو سكران كمان عشان كده ماكانش واخد باله من التصوير فى الاول

[dr-mohamed]

لا طبعا مش شايف والا مكنش قال كلمة ابيحة في الاول
ولا كان قال الكلام دا خالص

ازاي يعني مش سايف واللى بيصور واقف ادامه بمتر
وحتي لو خاف زيما ناس بتقول كان من باب اولي اخد منه الكاميرا ولا الموبايل اللى بيصور بيه

منتظر ناس تقولي انه خاف من اللى بيصور

[dr-mohamed]

موش واخد انه بيتكلم وهو سكران كمان عشان كده ماكانش واخد باله

يا اخي اتقي الله انت رميته بشرب الخمر
هل شفته وهو بيشربها
هل كلامه او حركته فيها اي شئ يدل انه سكران

[dr-mohamed]

والله فيه ناس محسساني ان لو احمد شفيق ووزير الداخلية واي ظابط شرطة قالوا ان الشمس بتشرق من الشرق هيقولوا لا ده كدب ودولة بوليسية وامن دولة وارهاب ولازم نعمل مظاهرة علشان نشيلهم
وبالعند فيهم الشمس بتشرق من الغرب

[lonedoctor]

يا اخي اتقي الله انت رميته بشرب الخمر
هل شفته وهو بيشربها
هل كلامه او حركته فيها اي شئ يدل انه سكران

ياحبيبى ده شغلى وانا طبيب وسهل على اعرف الحاجات دى
ما انا باشوف من العينات دى كل يوم

[wa7d]

حتى لو افترضنا ان الكلام دا اللى حضرتك بتقوله صحيح وانه كان بيتكلم عن البلطجية , هل تعتقد ان دا اسلوب رجل شرطه , دا بلطجى وبيقول الفاظ بلطجية وبعدين بيقلك الناس كانت بتعيط وشافوا ايام سواد زى ما يكون بيمن علينا بحسنه وبيقول للناس احنا اللى حمينكم وبرضوا بيقول احنا اللى حمينكم ومن غيرنا متعرفوش تعيشوا , اسلوب بيئه ويدل على التعالى
هذا الرجل موظف عند الشعب وما يفعله هو عمله وليس منه او هبه يعطيها للناس

[wa7d]

موش واخدين بالكم انه بيتكلم وهو سكران كمان عشان كده ماكانش واخد باله من التصوير فى الاول

فعلا الراجل دا سكران طريقة كلامه وحركاته تدل على انه سكير كمان وليس سكران فقط