موضوع هام جدا ارجو الدخول "مناقشه مع واحد من اعز اصدقائى على الفايس للأسف"

[blazer]

ألكلام دا كان نتيجه اللى انا كاتبه مع ان صاحبى دا معايا فى الكليه واعرفه كويس وعشت معاه تقريبا 5 سنين متصلين
ولم اكن اتصور انه يقول لى كلام زى دا

عاوز اعرف الناس حصل ليها ايه
تقريبا الناس مش متصوره انها فى عصر جديد واتعودت على العبوديه ولسه فيه ناس بتقول نفسى نفسى ميهمهاش الا ان امورها تمشى تمام

Mohammad Salah

المستشار محمود الخضيرى فى ميدان التحرير: اذا لم تقال حكومة شفيق حتى الجمعة القادمة فسيقوم المتظاهرين بمحاصرة الوزارات ومجلس الوزراء

• • Taha Turbo يا جدعان ايه الهبل ده بقى43 minutes ago ·
  • Mohammad Salah انت شايف انك صح وان آراء الباقيين غلط ؟ تبقى دى مشكلتك
    وبحكمك على حد ان اهبل يبقى برده مشكلتك والعيب يبقى فيك40 minutes ago ·
  • Taha Turbo بجد كده زياده و الناس بقت واخداها فسحه و رحله اسبوعيه
    جمعه الهبل
    جمعه يللا نظيط
    جمعه الناس الفاضية
    جمعه يللا نقابل بنات و نجيب مخدرات
    ...جمعه كل الشباب المستهتر
    كفايه هبببببل بقى ...... ما انا شوفت بنفسي اللي بيحصل
    دي قلة ادب و مسخره
    ميدان التحرير بقى اوسخ من الكباريه
    38 minutes ago ·
  • Mohammad Salah تسلم يا محترم على ردك المؤدب اللى بتقول على ملايين الناس الكلام دا
    بجد بيدل على فهمك العميق للأمور.
    ,
    ,
    ,
    ...,
    ,
    ما هو نفس كلامك دا كنت بتقوله انت وغيرك قبل ما مبارك يمشى " ما تسيبوه دول 6 شهور "
    وبعد ما مشى كللله ركب الموجه
    نفس اللى حصل بيحصل تانى
    36 minutes ago ·
  • Taha Turbo مين اللي ركب الموجه ....
    انت اللي مش فاهم احنا بنتكلم في ايه
    مش مشكلتنا ان الاستعاب بتاع الناس ضعيف
    انا لسه عند رايي
    و رايي ده اللي خلاني برضه اطلع قبل اي حد بس برضه هو اللي بيخليني احترم بلدي
    ...و ما اتسببش في الفساد
    بدل ده ساعدوا في الاصلاح اللي بجد
    فساد الحكومه بس هو اللي انت شايفه
    و مش شايف كميه الحاجات القذره و المخدرات و البنات و غيره اللي بتحصل في التحرير تحت مسمىى رايحين نتظاهر
    31 minutes ago ·
  • Mohammad Salah بطل كلامك دا
    عشان ربنا هايحسبك عليه
    مترميش الناس بالباطل30 minutes ago ·
  • Taha Turbo لا ده مش باطل
    انا بنفسي شوفت اللي بيحصل
    و اكتر من واحد جه يسالني عاوز برشام يا كابتن
    و اللي تيجي تقولي مش عاوز .. الرقابه تمنع
    ده غير مناظر مخله في كل حته
    ...و اللي قاعد قاعد بيهزر و محد\ش عنده قضيه
    28 minutes ago ·
  • Taha Turbo ده مش ميدان اعتصام ده كباااريه28 minutes ago ·
  • Taha Turbo بجد حراام على الناس التافهه اللي هناك دول يخربوا البلد علشان مخدرات او شويه رقصات
    بجد كتير
    ما يروحوا يتنيلوا في اي حته ولا هو حال البلد السايب عاجبهم طبعا علشان محدش يحاسبهم26 minutes ago ·
  • Mohammad Salah طيب يا طه
    محدش قاللك تيجى
    خليك فى بيتكم
    وسيبنى انا والناس اللى مش عاجبينك نروح15 minutes ago ·
  • Mohammad Salah وَلَكِن كَرِهَ اللهُ انبِعاثَهُمْ فَثَبَّطَهُمْ وَقيلَ اقْعُدوا مَعَ القاعِدينَ ﴾
    
    ﴿ وَقيلَ اقْعُدوا مَعَ القاعِدينَ ﴾ فاحذر إذا رأيت نفسك متاكسلاً عن الخير اخش أن يكون الله كره انبعاثك في الخير14 minutes ago ·
  • Taha Turbo براحتك يا صلاح .. انا فعلا مش هاروح الاماكن القذره اللي بتواجد فيها الجموع الفاسده دي علشان انا قررت اني اكون انسان صالح و اراعي ربنا في ديني و بلدي و نفسي11 minutes ago ·
  • Taha Turbo عاوز تروح انت بقى عشان تصاحب بنات و الحجات دي عيش حياتك
    و بالمره تزود الالكترونيات ..
    اقولك يريت تمسح كل الكومنتات اللي اتكتبت
    و نتكلم لما نتقابل على خير
    بس خليك عارف ان اللي انت فيه ده غللللط8 minutes ago ·
  • Mohammad Salah هى فعلا اماكن متتناسبش معاك يا طه ولا تناسب اهتماماتك
    
    فعلا
    لكل مقام مقال
    
    ...وشوف انت بتتهمنى بأيه
    عموما
    بينى وبينك ربناااا
    وانا مش مسامح فى اللى انت قلته
    4 minutes ago ·
  • Taha Turbo صلاح حبيبي ... امسح الكومنتات دي كلها و نتكلم بعدين
    و يريت تفكر شويه2 minutes ago ·
  • Mohammad Salah لا بعد اذنك الكومنتات متتمسحش
    
    انا مقر بالكلام اللى انا كاتبه
    و بقوله لكل الناس
    انت لو مقتنع بكلامك تسيبه2 seconds ago ·
  • Taha Turbo كلامي ما يعيبنيش في حاجه انا بتكلم عن واقع شوفته و حقيقه بتحصل
    الكلام ده يعيبك انت علشان كده بقولك امسح كله و نتكلم بعدينabout a minute ago ·
  • Mohammad Salah شوفته ازاى وانت فى بيتكم مش كدا
    عموما برده
    الناس عارفه الصح من الغلط
    وعارفه اللى بيحصل من الافتراء على الناس
    يا صلاح يا حبيبي منتش لوحدك اللي بتنزل .. و انا كل يوم بنزل و ما بشوفش البيت ده
    بس ببعد عن الاماكن اللي فيها قذارة و فساد اخلاقي علشان انا قررت ابدأ بنفسي و اكون انساان صاالحabout a minute ago ·
    Mohammad Salah طيب سيب بقى الناس الفاسدين اللى هناك
    و روح الاماكن اللى مفيهاش فساد اخلاقى
    او تقدر برده تروح وتقنع الناس اللى هناك انهم بتوع مخدرات و بنات وتوديهم المكان الطاهر اللى انت بتروحه
  
  

[magyver]

هو بردة من حيث المظاهرات فهي زادت قوي عن حدهااااا
وكل اللي مورهووش حااجة يجمعلة شوية ويروح يعمل مظااهرة علي مزااجة
والناس حالها وقف وخلاص

[A7MED_PHARMA]

مخدرات ونسوان؟؟؟

كده أنا رايح أكيد
ههههههههههههههههههههههههههههههههههههه
لاحول ولاقوة إلا بالله
هو إيه الي بيحصل..الواحد لو مقتنع بحاجة ...ممكن يحاول يأيدها بأكاذيب تبع مبدأ ""الغاية تبرر الوسيلة""
بس صاحبك ده زودها أوي

[emadspeed]

والله لو شاف بعنيه وفعلا كان بيروح التحرير وشاف كل اللى بيحكى عليه ده بيحصل ما تقدرش تلوم عليه لان مهما تحاول تقنع فيه عمره ما يقتنع خاصة انه زى ما بيقول شاف ده بعنيه بس اكيد غلطان انه يعمم الموضوع ده التحرير فعلا مليان ناس محترمة

[blazer]

شاف بعنيه ايه ياباشا
هو هيعمل زى الكلب طلعت زكريا اما بيقول بيمارسوا الفاحشه ومخدرات وخمور

ما انا من يوم 28 ولحد الجمعه اللى فاتت فى الميدان
وكنت ببات هناك
مشفش اى حاجه من الكلام دا
حسبى الله ونعم الوكيل

[A7MED_PHARMA]

يعني هوا بيكلم ناس مارحتش
أنا روحت التحرير يومين ورا بعض
وماشوفتش عته ولا هبل من إلي الأخ ده بيقوله ........
وبعدين سؤال منطقي يعني
واحدة شرشر هتروح تبيع بضاعتها في التحرير لناس المفروض إنها ناس رايحة علشان مستقبل عيالها ومصلحة البلد
يمكن كانت رايحة تشاركهم
أو كانت هتعملهم خصم خاص ...على إعتبار إنها بتشاركهم بإلي تقدر عليه
هههههههههههههههههههههههههههههههههه

لاحول ولاقوة إلا بالله

[emadspeed]

سامحنى اذا كنت فهمت غلط لان على كلامك انه صاحبك من مدة كبيرة واللى فهمته كمان انه راح وشاف بنفسه لدرجة ان فى ناس كانت بتعرض عليه برشام واللى بتيجى تكلمه انما واحد زى طلعت زكريا ده الواحد خسارة يشتمه لانه ما يستاهلش ان حد يجيب سيرته اصلا

[John_Samy_1]

تعليق الغرب علينا تحول من احترام ل استهزاء
معلش أنا اسف علي الترجمة بس أنا مزنوق فعلا في الشغل دلوقتي. ممكن حد من الاعضاء الافاضل يترجم تعليقات الناس

"
joey2012 Get off the streets and start re-building your country. Enough with excuses, laziness and blaming everyone else for your problems. This revolution has a lot of promise to the people but it requires determination, hard work and facing sometimes the not-so-complementary facts of life.

"

"
hunter200 to Mokass although I very much respect your point of view yet I have to agree with Joey2012. I honestly believe that Egypt needs its people to focus and be determined like never before to rebuild their country from scratch at all levels. Egypt now needs very hard work from its people and I know that the coming days will bring Egyptians the political democracy and leadership they wish for however it is the people that would lead Egypt and rebuild it to what Egyptians aspire not there government and those Egyptians banking so much on the political situation and the need for genuine change are short sighted as the political change will only dramatically change with the aid of people and their focus to rebuild their nation and I take Japan as a classic example and how they rebuilt Japan after the atomic booming of Hiroshima and Nagasaki into the Japan you see today. I have noticed that Egyptians haven’t stopped demonstrating after the fall of Muabark with everyone having his own agenda and request yet unfortunately nothing could be done at this time as the interim government could only achieve so much and their aim is to stabilize the country till the coming elections and not achieve people’s requests. Egyptians should go back to work and work and don’t give up working as hard as they can till the coming elections come then they should have a new strategy that again is based on hard work and continues monitor. I believe Egyptians can make it only if they direct their efforts in the right direction.
"

التعليقات ديه من الCNN
Protesters fill Cairo square - CNN.com

[Mohamed_Hegazy]

وممكن جدا ناس بتبيع مخدرات والكلام دة - ودول اكيد مندسين من اتباع الفساد لتشويه الغايه العظيمه لمعظم المتظاهرين - شغل يهود الداخل يعنى

[نور القمر]

فيه كتير زيه
حتى لو شاف بعينيه فهو شاف النص الفاضي من الكوباية
انا بردو لقيت حد بيقولي انتي تعرفي ان في التحرير الناس كلها نايمة جنب بعض بنات جنب شباب
قولت له حتى الشيخ فلان (واحد قريبي ) كان نايم جنب بنات بردو ؟
هو مش واخد باله ان شيخ فلان ده قريبي وجه في بالي انه شيخ في التليفزيون فبيقولي مش الشيخ ده بتاع القنوات كذا كذا بتاع كذا كذا
قبل ما يكمل بقوله انا قصدي قريبنا انت لسه كنت هتالف عليه قصة على انه شيخ من شيوخ الفضائيات ؟؟!!!
وقولت له انت عايز تشوف السلبيات بس عشان تبرر ان موقفك ضد الثورة صح والناس كلها غلط

[emadspeed]

يا جماعة ما انا قولت كده انه لا يجوز فعلا انه يعمم حاجة زى دى

[Mohamed_Hegazy]

تعليق الغرب علينا تحول من احترام ل استهزاء
معلش أنا اسف علي الترجمة بس أنا مزنوق فعلا في الشغل دلوقتي. ممكن حد من الاعضاء الافاضل يترجم تعليقات الناس





التعليقات ديه من الcnn
protesters fill cairo square - cnn.com

اسمحللى الخارج ده مايهمناش فى حاجة لانهم غالبا بيعملو لمصالحهم ومش عايزين الموضوع يخرج عن اختيارتهم لنا

[fepsceasar]

فى ناس بتحاول تبرر موقفها حتى لوغلطت فى ناس محترمة انا ممكن اقبل ان ناس محترمة تقول ما نروحش وناس رايها نروح، لكن ما اقبلش ان اللى مش موافقين يشوهوا الاخرين زى ما سيادتك بتقول دى المدرسة القديمة لو اختلفت معاك فى الراى يبقى انت خاين وعميل ومنحل اخلاقيا
للاسف صاحبك مش قادر يقنعك بالحوار فبيستقى معلوماته من بعض الساقطين اللى بيشتموا الناس المحترمة علشان يبرر موقفه

[nktis]

اغلب الفانين كان ليهم نفس نظره طلعت زكريا.............دول حاشيه النظام
ونفسي المشخصاتيه يتم تغيير التعامل معاهم علي قدهم ماديا واجتماعيا

[blazer]

نفسى اعرف ليه بجد فيه ناس كدا
رمى الناس بالباطل حاجه سهله كدا
دا حتى لو دا حصل
ازاى يعمم
مش الناس دول هما اللى بدئو عصر جديد
هما اللى ضحوا بدمهم وروحهم ووقتهم عشان مستقبل افضل
يعنى انا واحد من الناس اللى من يوم 28 فى التحرير
مشفتش اى حاجه من الكلام دا
والله العظيم مشفتش اى حاجه
غير ان الجمعه اللى فاتت فعلا كان فيه اشكال مش مزبوطه فى الميدان و عيال كدا شكلها غريب
بس برده دا مش مبرر لاى كلام من اللى اتقال
انا دمى محروق ومصدوم والله :(