إعـــــــلان

Collapse

.

,
See more
See less

نوارة نجم : تصريح القوات المسلحة في التلفزيون

Collapse
X
 
  • Filter
  • الوقت
  • Show
Clear All
new posts

  • #31
    أنا صراحة مكنتش عاوز أعلق ع الكلام ده
    بس الديمقراطية إللي "المفروض" عايشين فيها بتسمح ليا إني أقول رأيي ف أي حاجة
    ماهي ظاطت بقي جت عليا؟؟


    أنا هعمل حوار معاها بقي للأسف وربنا يستر عليا أطلع سليم


    المشاركة الأصلية كتبت بواسطة tlrsiap مشاهدة المشاركة
    قالوا اللي فضيناهم ما كانوش متظاهرين، دول كانوا متواجدين بعد حظر التجول وعادة مافيش تظاهرات بعد حظر التجول، وقالوا قبضنا على 27 واحد طلع منهم تمانية بلطجية، وكان فيه ناس بتحدف ازايز فارغة على الجيش، واحنا بنأسف اذا كان سباب حد من شباب الثورة اتأذى بس كان فيه بلطجية مندسين وسطهم
    طيب.. انا مش حادخل في مناقشات ولا مهاترات في الحادثة، الاعتصام كان دايما بيبقى بعد ساعات حظر التجول وكنا بننام في الشارع وكانوا بيسيبونا، فيه 8 بلطجية وسط 27، ده ممكن يصاغ بجملة تانية: فيه 19 بريء اتقبض عليهم، انا ما شفتش ازايز فارغة اتحدفت على الجيش عن المجلس، بس الله اعلم، يمكن حصل في الميدان، اذا كان فيه بلطجية اندسوا وسط المتظاهرين.. الله اعلم

    كلامي بقي ليها طبعآ "بتكلمي علي أساس إيه مادام ماشفتيش حاجة؟؟"

    ، بس البلطجية كانوا بيندسوا وبيدخلوا على المتظاهرين وبيضربوهم وبيقتلوهم زي يوم الاربعاء الدامي.. وما شفناش ضرب من القوات المسلحة لا للمتظاهرين ولا للبلطجية


    الإعتراف بالحق فضيلة "يعني معترفة إنك ماشفتيش حاجة"


    على اي حال

    قاعدين ع المصطبة إحنا ها؟؟ وماله كملي ياست الحاجة


    خلاص... الموضوع ده اتقفل، واللي حصل حصل، وياريت ما يتكررش تاني، ماحدش يمد ايده علينا تاني، احنا ما اتبهدلناش كل البهدلة دي عشان نفضل ننضرب، ولو فيه بلطجية احنا اول الناس بنمسكهم ونسلمهم للقوات المسلحة،

    لا وااااضح طبعآ ومامسكتوش ال 8 دوول ليه؟؟


    واذا كان الجيش بيأسف لشباب الثورة، شكرا وعلى راسنا، بس شباب الثورة مش عايز اسف من القوات المسلحة


    المتحدثة الرسمية بإسم شباب الثورة


    شباب الثورة عايز مطالبه تتحقق، واذا كان القوات المسلحة مش عارفة تسرع في تحقيق مطالبنا، ممكن تستعين بمجلس رئاسي

    في أنهي قانون ده فالدستور؟؟ البلد دي ماشية بقانون ودستور مش علي مزاج الناس


    1- صفوت الشريف وجمال مبارك يتقبض عليهم...... اييييييوووووووةةةةةةة اييييييييييوووووووووةةةةةة

    حقك وحقنا لا إعتراض


    اذا كان الجيش بيتكلم عن اندساس بلطجية، انا مصدقاه، بس احنا عشرة مع النظام ده ونعرفه اكتر منهم، ماحدش بيحرك البلطجية غير صفوت الشريف وجمال مبارك
    وجمال مبارك رفض يقدم اقرار ذمة مالية

    هههههههههه الحاجات دي بتتم غصب عن إللي خلفوه يا حاجة


    ... تتجمد كل فلوس جمال مبارك

    ما إتجمدت خلاص من بادري...صباح الخير يا حاجة إنتي مش أب تو دايت


    ، وبما انه رفض تقديم اقرار ذمة مالية، يبقى يتقبض عليه، وصفوت الشريف يتقدم للتحقيق وتتجمد امواله، ويتحقق بالذات في موضوع البلطجية ده ويتجاب صفوت الشريف وجمال مبارك

    2- حل امن الدولة

    تماااام ده مطلب الشعب كله مش إنتي لوحدك


    3- اقالة حكومة شفيق وتشكيل حكومة كفاءات من شخصيات مالهاش علاقة بالنظام البائد

    من رأيي نعمل إستفتاء شعبي نشوف الناس رأيها إيه ف حكومة شفيق


    4- المطلب الرابع محتاجة اتأكد انه اتحقق، اللي هو الدستور المؤقت، المستشار طارق البشري قال حاجة بالمعنى ده، بس عايزة ايضاح اكتر عشان نفهم كلنا، احنا مش قانونيين

    مش ذنب الشعب ولا ذنبي إنك جاهلة بالقانون


    بس كده

    خلااااص أي أوامر تانية؟؟؟


    انا شخصيا باقترح جدول زمني
    الاسبوع ده يتم تجميد اموال جمال مبارك واعتقاله لانه رافض لتقديم ذمة مالية وتقديمه بتهم التورط في الفساد بوصفه امين السياسات السابق، ويتم القبض على صفوت الشريف والتحقيق معاه في قضايا الفساد (وماحدش يدخل يحط لي اسامي كل واحد غايظه، كفاية قوي نجيب جمال مبارك وصفوت الشريف عشان العجلة تكر لوحدها، دول في ديلهم بلاوي، نجيبهم بس وربنا يسهل)

    علي بركة الله أنا هاكلم الجيش السوبر مان ده
    إللي بيحمي المتاظاهرين وبيقبض ع الفاسدين إللي فالبلد وبيقبض ع البلطجية والحرامية وبيحرس الناس بليل طووول الليل صاحي علشان يفرض حضر التجول إللي دايمآ منتهك وترجعوا تقولوا العيب علي الجيش
    ده غير إنه بيجمي حدود البلاد حاااااااااااااااضر إنتي تؤمري بس

    واقتراحي ان لو ده حصل الاسبوع ده يبقى ما ننزلش الجمعة الجاية
    الاسبوع الجاي اقالة حكومة شفيق وتشكيل حكومة كفاءات وطنية مافيهاش ولا رمز واحد من رموز النظام ولا عضو واحد في الحزب الوطني

    هههههههههه مش بمزاجك ياحاجة ده قانون


    ولو اقيلت الاسبوع الجاي ما ننزلش الجمعة اللي بعدها

    الاسبوع اللي بعده يتم حل جهاز امن الدولة ولو ده حصل الاسبوع البعد الجاي.... يبقى كل واحد يروح بيتهم


    جديدة دي عمري ماشفت دولة من غير أمن دولة هههههههه مااااشي هانكلمه نديهم المعاش ونروحهم


    اظن وقت كافي اهو، وجدول زمني، بمطالب واضحة، وكل مطلب يتحقق في اسبوعه ما ننزلش جمعته
    ده مجرد اقتراح مني، وشايفة اننا لو نفذناه يبقى عدانا العيب وقزح، وفيه وقت كافي للمجلس الاعلى للقوات المسلحة مدام هو بيحب يعمل كل حاجة بالراحة وعلى مهله.. اهم تلات اسابيع طوال عراض اهم، بس نحس ان فيه استجابة لمطالبنا

    طوووووووال عراااااااض مالكمش حجة بقي


    وبكده، احنا نستعيد الثقة، وهم يستعيدوا الثقة برضه

    إنتا ثقة وأنا ثقة


    ---------
    ملحوظة:
    امبارح في وقت الضهر كده لما كنت في الميدان بعت لخالد عبد الحميد - عضو ائتلاف شباب ثورة الغضب - اقترح عليه موضوع الجدول الزمني ده - واللي هو اقتراح بلال فضل اساسا - عشان ما يبقاش مولد سيدي جمعة كل جمعة وما ردش عليا

    كل يوم قائد ثورة جديد ....ماااااااشي هعديها


    يا ريت بما ان ائتلاف شباب ثورة الغضب هم دلوقت اللي بينظموا وبيتكلموا مع الجيش وبيتكلموا في الاعلام، يبقى هم الملزومين بموضوع الجدول الزمني ده وهم اللي يقولوا عليه للمجلس الاعلى للقوات المسلحة بما انهم على اتصال بيهم، وهم يعلنوا عنه بما انهم هم اللي بيتكلموا مع الناس والاعلام المصري قابلهم يوجهوا الناس
    وكده يبقى احنا ارتاحنا وريحنا القوات المسلحة
    ولا ايه؟

    ولا بي؟؟؟


    انا شخصيا... مقموصة.. اه.. زعلانة.. زعلانة زعلانة زعلانة وحاسة ان كل حاجة بتضيع وان كل حاجة بتتوضب عشان جمال مبارك او عمر سليمان يمسك وصفوت الشريف يطلع لنا تاني بما انه مستر اكس مالوش نهاية، اقصد من ناحية الثورة المضادة

    مش ذنبنا بقي شوفي مين إللي بيسرق حاجاتك


    ومن ناحية الجيش حاسة انه بيطبق حظر التجول والظبط والربط في الشارع اسرع ما بيستجيب لمطالب الناس
    ومن ناحية الثوار حاسة ان كل واحد بيهوبص وبيجتهد بدماغه وما عمالين يفصلوا من بعض ويفكوا من بعض وده مش عاجبني
    وانا شايفة ان ائتلاف شباب ثورة الغضب مسئول مدام حمل نفسه المسئولية، مدام قرر ان الناس تثق فيه، وقرر انه يتكلم مع القوات المسلحة، وقرره يطلع بيانات مع وضد، يبقى هو مسئول يصلح وضع الثورة والا لو ما عملش كده يبقى ذنبنا في رقبته، اللي يشيل مسئولية يسأل عنها

    هههههههههه إلبثوووووا يا إئتلاف بقي.... الإئتلاف بقي حامي البلاد

    فدلوقت بقى اذا ما كانش الثوار يوحدوا نفسهم تاني ويعملوا حاجة لها راس ورجلين
    واذا ما كانش الجيش يعبرنا وبدل ما كل اللي يهمه انه يمسك لنا الساعة لحظر التجول يبتدي يطبق لنا مطالبنا
    انا حاقفل ضرف المدونة دي ومش عايزة ابص في خلقة حد تاني... يالا بقى اشربوها، وعليه العوض ومنه العوض
    عليه العوض ومنه العوض
    عليه العوض ومنه العوض

    وكنتم مع المخططة المدنية العسكرية النووية
    نوارة بنت المعلم نجم
    [img2]http://img41.imageshack.us/img41/9418/24864610150199419543647.jpg[/img2]
    ك/مصطفي نور

    Comment


    • #32
      والله انت 100 100 يا ايفوو ولو شفيق مشي الصبح هتفضل مظاهرات واما الريس الجديد يجي هتنزل مظاهرات واما تتشكل حكومه جديده هتنزل مظاهرات برده والايام بيننا
      [CENTER][LEFT][COLOR=Blue][SIZE=2]ENG/Ahmed elsherif[/SIZE][/COLOR]
      [/LEFT]
      [SIGPIC][/SIGPIC][SIZE=5][COLOR=Blue]
      [/COLOR][/SIZE]
      [/CENTER]

      Comment


      • #33
        المشاركة الأصلية كتبت بواسطة ahmed elsherif مشاهدة المشاركة
        والله انت 100 100 يا ايفوو ولو شفيق مشي الصبح هتفضل مظاهرات واما الريس الجديد يجي هتنزل مظاهرات واما تتشكل حكومه جديده هتنزل مظاهرات برده والايام بيننا

        والله يا بشمهندس أحمد الناس مش فاهمين
        حتي لو مشي الفريق أحمد شفيق ووزير الداخلية والوزراء كلهم
        مش واخدين بالهم إن الناس نفسها الفاسدين إللي شغالين فالوزارات المختلفة نفسها "تحت الوزراء" لسه موجودين
        هما هما شغالين يمكن من عهد عاطف عبيد
        دي الناس إللي المفروض تتغير وتتعدم في ميدان عام
        الفساد متغلغل جوه أساس الدولة
        [img2]http://img41.imageshack.us/img41/9418/24864610150199419543647.jpg[/img2]
        ك/مصطفي نور

        Comment


        • #34
          المشاركة الأصلية كتبت بواسطة dr-mohamed مشاهدة المشاركة
          لو انت شايف ان الكلام ده ينطبق عليك انت حر لكن لا تفترض ان الاخرين كلهم كذلك
          هو ايه اللى ينطبق على - على فكره انت كان لك مداخله معايا فى موضوع تانى واسلوبك مستفز-

          علشان كده يا تلتزم بعموميه الكلام يا ما توجهش لى كلام خالص

          Comment


          • #35
            معاكي في تصوراتك بالنسبه للجدول الزمني

            Comment


            • #36
              ((((انا شخصيا... مقموصة.. اه.. زعلانة.. زعلانة زعلانة زعلانة وحاسة ان كل حاجة بتضيع وان كل حاجة بتتوضب عشان جمال مبارك او عمر سليمان يمسك وصفوت الشريف يطلع لنا تاني بما انه مستر اكس مالوش نهاية، اقصد من ناحية الثورة المضادة

              مش ذنبنا بقي شوفي مين إللي بيسرق حاجاتك))))


              إِن يَنصُرْ‌كُمُ اللَّـهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُ‌كُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ ﴿[U]160)[/U]
              م/محمد

              Comment


              • #37
                الديموقراطية اني لما اتكل تحترم رايي حتي لو كان مخالف ليك والمثل هاعمله معاك

                انا بشوف وبسمع ناس بتعمل شغل عيال

                بقي ثورة وثوار او خيانة وخونة

                ماينفعش الكلام دا

                احنا بنهز في عرش النظام دا من 2008 لغياة ما وقع في 2011
                مينفعش فيه حاجة اسمها دلوقتي وحالا والا هامشي

                الناس اللي عاملة تهيج الدنيا وتقولك ثورة مضادة ووووووو

                وجعتو دماغنا والله

                لما يطلعلي واحد يقولي انتم حزب الكنبة علشان ما نزلتوش التحرير
                فعلا احنا حزب الكنبة المتمركز في الشارع في العراء لحراسة العمارات والبيوت


                شفيق يمشي ماشي
                ترشحوا مين يا حلوين؟
                ولا انتم معرضيين للمعارضة
                نفسي اسمع اسم واحد مش تكنوقراط
                ما زفت نظيف كان تكنوقراط
                عايزين مين؟

                الوفد مثلا كان عامل حكومة ظل قبل 25 يناير

                مين حكومة الظل بتاعكم؟
                برنامجها ايه؟

                طب والقيادات اللي تحت الوزارء؟
                طب و المديرين؟

                نرفد ادارات البلد كلها ونقعدهم في البيت علشان هما اشتغلوا في شركات وقطاعات النظام البائد



                افهموا سياسة الاول وتعالوا نتكلم

                واللي يرد عليا يجاوبني علي الاسئلة اللي فوق
                [CENTER][FONT=Arial][SIZE=3]Hatem Sobieh..System Admin[/SIZE][/FONT]
                :breakpc2:
                [/CENTER]

                Comment


                • #38
                  المشاركة الأصلية كتبت بواسطة samcar مشاهدة المشاركة
                  هو ايه اللى ينطبق على - على فكره انت كان لك مداخله معايا فى موضوع تانى واسلوبك مستفز-

                  علشان كده يا تلتزم بعموميه الكلام يا ما توجهش لى كلام خالص
                  لما عضو يغلط في اعضاء مخالفين له في الراي وانا منهم ويسبهم بدليل انه اتوقف وانت توافقه على كلامه باسلوب مستفز جدا يبقي الرد يشملك ويشمله وبالتالي الرد عام على الكلام وليس على اشخاص
                  وانا اكتب اي مشاركة تعجبني في اي موضوع ولو شفت ان فيه مخالفة لقوانين المنتدي فيه ساحة شكاوي ارجع لها
                  [SIGPIC][/SIGPIC]

                  Comment


                  • #39
                    المشاركة الأصلية كتبت بواسطة otefa مشاهدة المشاركة
                    ((((انا شخصيا... مقموصة.. اه.. زعلانة.. زعلانة زعلانة زعلانة وحاسة ان كل حاجة بتضيع وان كل حاجة بتتوضب عشان جمال مبارك او عمر سليمان يمسك وصفوت الشريف يطلع لنا تاني بما انه مستر اكس مالوش نهاية، اقصد من ناحية الثورة المضادة

                    مش ذنبنا بقي شوفي مين إللي بيسرق حاجاتك))))


                    المشاركة الأصلية كتبت بواسطة otefa مشاهدة المشاركة
                    ((((انا شخصيا... مقموصة.. اه.. زعلانة.. زعلانة زعلانة زعلانة وحاسة ان كل حاجة بتضيع وان كل حاجة بتتوضب عشان جمال مبارك او عمر سليمان يمسك وصفوت الشريف يطلع لنا تاني بما انه مستر اكس مالوش نهاية، اقصد من ناحية الثورة المضادة
                    ومن ناحية الجيش حاسة انه بيطبق حظر التجول والظبط والربط في الشارع اسرع ما بيستجيب لمطالب الناس))))


                    دي ميح فكر سياسة
                    المشاركة الأصلية كتبت بواسطة Col. Eng. Khaled مشاهدة المشاركة
                    انا حاقفل ضرف المدونة دي ومش عايزة ابص في خلقة حد تاني... يالا بقى اشربوها

                    يا ترى مكتوب لي أعيش لغاية ما أعرف غرضها من إنها تعمل رز بلبن و لازم ترش عليه تراب ؟

                    فى العموم هيه بتقول رأيها و هيه حره فيه طبعا

                    بس احنا لينا نختلف فى الرأى و فى الاسلوب

                    بصراحه اسلوبها مستفز و يا ريت تبطل تكتب و نبطل نشوف اسمها و تقريبا كل اللى تعرفه فى السياسه ان اللى راح بيرجع تانى رغم ان الناس عارفه ان اللى راح راح و مضى بس احنا عايزين نجيبه نحطه فى الصندوق عشان نتفرج عليه و ناخد منه فلوسه

                    انا حاسس ان حد ممكن يعايرنى و يقولى ان قريت تدوينه لنواره نجم فى يوم من الايام

                    و مش عارف ليه العزيز tlrsiap مصمم يتحفنا ليها كل شويه فى المنتدى
                    انا ابتديت افكر ان هيا رئيسه مجلس الثورة

                    هو الكلام الكتير اللى مكتوب مافهوش اى حاجه تنفع غير الكلمتين بتوع الجدول اللى طرحهم بلال فضل قبل كده

                    غير كده ظلم كبير للفضاء السيبرى يبقى فيه كلام من نوعيه مقموصة.. اه.. زعلانة.. زعلانة زعلانة زعلانة وحاسة ان كل حاجة بتضيع و ضاع العم يا ولدى و ليلالى العمر معدوده يا احمد و ارجوك اعطنى هذا الدواء فيه سمون قاتل و علمنى العوم يا احمد

                    tlrsiap لو بتروح تقعد مع نواره نجم مش رايح معاك
                    مصر هتفضل غالية عليا
                    -------------------------------
                    الديك الحلبي هايفضل يدن لغاية ما يتدبح

                    Comment


                    • #40
                      المشاركة الأصلية كتبت بواسطة tamatemo مشاهدة المشاركة
                      الديموقراطية اني لما اتكل تحترم رايي حتي لو كان مخالف ليك والمثل هاعمله معاك

                      انا بشوف وبسمع ناس بتعمل شغل عيال

                      بقي ثورة وثوار او خيانة وخونة

                      ماينفعش الكلام دا

                      احنا بنهز في عرش النظام دا من 2008 لغياة ما وقع في 2011
                      مينفعش فيه حاجة اسمها دلوقتي وحالا والا هامشي

                      الناس اللي عاملة تهيج الدنيا وتقولك ثورة مضادة ووووووو

                      وجعتو دماغنا والله

                      لما يطلعلي واحد يقولي انتم حزب الكنبة علشان ما نزلتوش التحرير
                      فعلا احنا حزب الكنبة المتمركز في الشارع في العراء لحراسة العمارات والبيوت


                      شفيق يمشي ماشي
                      ترشحوا مين يا حلوين؟
                      ولا انتم معرضيين للمعارضة
                      نفسي اسمع اسم واحد مش تكنوقراط
                      ما زفت نظيف كان تكنوقراط
                      عايزين مين؟

                      الوفد مثلا كان عامل حكومة ظل قبل 25 يناير

                      مين حكومة الظل بتاعكم؟
                      برنامجها ايه؟

                      طب والقيادات اللي تحت الوزارء؟
                      طب و المديرين؟

                      نرفد ادارات البلد كلها ونقعدهم في البيت علشان هما اشتغلوا في شركات وقطاعات النظام البائد


                      افهموا سياسة الاول وتعالوا نتكلم

                      واللي يرد عليا يجاوبني علي الاسئلة اللي فوق
                      انا معاك فى كل الى قلته

                      بس برضه فى هواجس بتقلق .....

                      انا مش بقول شفيق يمشى بس حد يرد على الأسئلة دى

                      الوضع لا يدعو للأرتياح ابدا

                      اسئلة كتير بدون اجابة

                      بعيدا عن شفيق

                      ايه سر الأصرار على ممدوح مرعى (خبير تزوير الأنتخابات) و ابو الغيط ؟؟؟؟؟!!!!!

                      ليه تجيب وزير بترول كان عضو فى مجلس ادارة شركة بيع الغاز لأسرائيل تحت قيادة واحد من اكبر رؤوس الفساد حسين سالم؟

                      بعيدا عن محمود سعد ...... ليه تقفل برنامج عمرو الليثى ؟؟؟؟ احنا حنرجع تانى لسياسة تكميم الأفواه ؟؟؟؟؟

                      فين صفوت الشريف و زكريا عزمى و جمال مبارك و فتحى سرور ؟؟؟؟ ليه فلوسهم مجمدتش كاجراء احترازى ؟؟؟؟

                      ايه حكاية جهاز امن الدولة بالظبط ؟؟؟؟؟ الأول قالوا احنا شلنا رئيسه بعد كده لأ ماتشالش بس من غير صلاحيات ؟؟؟؟؟

                      ازاى حبيب العادلى بيتحاكم بتهمة غسيل اموال بس ؟؟؟؟؟ فين البلاوى التانية ؟؟؟؟؟؟

                      فين لجنة تقصى الحقائق فى موقعة الجمل ؟؟؟؟؟ فى انسحاب الشرطة ؟؟؟؟ فى فتح السجون ؟؟؟؟ فى استخدام الرصاص الحى و القناصة فى قتل المتظاهرين ؟؟؟؟

                      هل نعتبر تصريحات وزير الداخلية الأخيرة ...... هى دى نتائج عمل اللجنة ؟؟؟؟؟ طيب بلاش هو ده موقف الحكومة الرسمى على لسان وزير الداخلية ؟؟؟؟؟

                      ليه المصريين المغتربين مالهمش حق التصويت برضه ؟؟؟؟

                      ليه لسه مصرين على 50 % عمال و فلاحين ؟؟؟؟

                      حد يرد على و يريحنى و انا وعد مش حنزل مظاهرات تانى ..... بس لو مفيش رد مقنع لازم كلنا ننزل

                      Comment


                      • #41
                        أراهنكم أن البت دي محدش هيعرف يلمها وهتفضل تقول كلام اهبل وغير مفهوم حتى لو تحقق كل مطالبها اللى مصدعة دماغنا بيها ، وتقريبا كده هنفكر في الإنتحار علشان نرتاح منها، يعني أنا مش فاهم هي زانقة نفسها ليه في الكتابة السياسية مع أنها لا اسلوب ولا فكر ولاتنظيم للافكار ، يالله نصيبنا لحد لما النتيجة تتطلع ويبقى في ديمقراطية وبعد كده اللى هيفتح بقه ............
                        [SIGPIC][/SIGPIC]
                        [CENTER][FONT=Tahoma][SIZE=3][COLOR=Blue][COLOR=black]نهاية [/COLOR]مصر [COLOR=Black]ستكون [/COLOR]
                        [B][COLOR=DarkGreen]على يد (ج س خ)[/COLOR][/B]
                        [COLOR=DarkRed]وكله بالدين[/COLOR][/COLOR] [/SIZE][/FONT]
                        [/CENTER]

                        Comment


                        • #42
                          السلااااااااااااااااااام عليكم
                          :))))))))

                          المشاركة الأصلية كتبت بواسطة human12 مشاهدة المشاركة
                          فى العموم هيه بتقول رأيها و هيه حره فيه طبعا
                          بس احنا لينا نختلف فى الرأى و فى الاسلوب

                          انا باقول كده من اول يوم

                          بصراحه اسلوبها مستفز و يا ريت تبطل تكتب و نبطل نشوف اسمها و تقريبا كل اللى تعرفه فى السياسه ان اللى راح بيرجع تانى رغم ان الناس عارفه ان اللى راح راح و مضى بس احنا عايزين نجيبه نحطه فى الصندوق عشان نتفرج عليه و ناخد منه فلوسه
                          انا حاسس ان حد ممكن يعايرنى و يقولى ان قريت تدوينه لنواره نجم فى يوم من الايام

                          انا مش عارف بتفتح هنا بس ولا لأ , لو ده الوضع يبقى انا عاذرك بالتأكيد , انما الواقع العام لأ خالصو بالعكس تماما

                          و مش عارف ليه العزيز tlrsiap مصمم يتحفنا ليها كل شويه فى المنتدى
                          انا ابتديت افكر ان هيا رئيسه مجلس الثورة
                          هو الكلام الكتير اللى مكتوب مافهوش اى حاجه تنفع غير الكلمتين بتوع الجدول اللى طرحهم بلال فضل قبل كده
                          غير كده ظلم كبير للفضاء السيبرى يبقى فيه كلام من نوعيه مقموصة.. اه.. زعلانة.. زعلانة زعلانة زعلانة وحاسة ان كل حاجة بتضيع و ضاع العم يا ولدى و ليلالى العمر معدوده يا احمد و ارجوك اعطنى هذا الدواء فيه سمون قاتل و علمنى العوم يا احمد

                          انا برده بدأت احس ان فيه ناس بيتهيأ لها كده, لكن القصة و ما فيها ان مضمون كلامها باتفق مع نسبة كبيرة منه , و بالاقي فيه اللي بالاقيه في تجميعة مقالات كتيرة , كمان لازم ناخد بالنا من حاجة مهمة ان دي تدوينات مش مقالات , و التدوينة اللي بيكتب بيبقى واخد راحته فيها اوي , مش زي لما يكون بيكتب مقال مثلا , انا اصلا فيه نقط بابقى مختلف معاها فيها , بس ما اقدرش انكر ان المضمون ما ينفعش تعدي عليه و ترميه الا نادرا , ده غير حاجة مهمة جدا من وجهة نظري انها بتنقل في تدويناتها نبض الثورة كأنك معايشها و دي حاجة مهمة
                          انا شخصيا باختلف مع اسلوبها تماما , و ممتنع من فترة عن التعليق في مدونتها بسبب الأسلوب ده , لكن ده ما يمنعش في رأيي ان المضمون يستحق






                          tlrsiap لو بتروح تقعد مع نواره نجم مش رايح معاك
                          ههههههههههههههههههه هي مش سبة ولا حاجة اخجل منها بس انا عمري ما شفتها على ارض الواقع ولا سعيت لده
                          ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

                          [sor2]http://imageshack.us/a/img838/2058/8l0n.jpg[/sor2]

                          Comment


                          • #43
                            تقفل باب وتفتح غيره دى ناس عايزة عصايا سحرية وعندها غباء سياسى
                            اللهم اهديهم لما فيه الصواب
                            [CENTER][FONT=Arial Black][SIZE=6][COLOR=seagreen][I]( اللهم ارفع مقتك وغضبك عنا) آمين[/I][/COLOR][/SIZE][/FONT][/CENTER]

                            Comment


                            • #44
                              يا اخواننا باختصار و عشان الكلام يبقى موضوعي , اللي مش عاجبه كتاباتها ببساطة ما يقراش اي حاجة هي بتكتبها , الموضوع بيبقى اسمها مكتوب في عنوانه عادةً او على اقصى تقدير في اول سطر , مش اجباري ان حد يفتح اللينك يعني او يقرا الكلام للآخر , اللي عايز يناقش اي افكار في تدوينة من دول يتفضل مشكورا يناقشها

                              يا ريت نلتزم الموضوعية و طالما قلنا رأينا في الكاتبة مرة و اتنين و عشرة ما ندخلش كل موضوع و نشتم فيها تاني و تالت و رابع و عاشر , طالما مش عاجبنا يبقى ما ندخلوش و نحترم حق اللي عاجبهم الكلام او اللي ناويين يناقشوه بموضوعية في ده , مش نلغوش عليهم و خلاص

                              اللي عايز يجيب لنا مقالات لممتاز القط يتفضل ينقل و مش هادخل اقول له ايه المنافق اللي بتنقل له ده , انا عن نفسي نقلت مقالاته مرة لواحدة من جروبات الفيس بوك

                              ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

                              [sor2]http://imageshack.us/a/img838/2058/8l0n.jpg[/sor2]

                              Comment


                              • #45
                                المشاركة الأصلية كتبت بواسطة hobiko مشاهدة المشاركة
                                انا معاك فى كل الى قلته

                                بس برضه فى هواجس بتقلق .....

                                انا مش بقول شفيق يمشى بس حد يرد على الأسئلة دى

                                الوضع لا يدعو للأرتياح ابدا

                                اسئلة كتير بدون اجابة

                                بعيدا عن شفيق

                                ايه سر الأصرار على ممدوح مرعى (خبير تزوير الأنتخابات) و ابو الغيط ؟؟؟؟؟!!!!!

                                ليه تجيب وزير بترول كان عضو فى مجلس ادارة شركة بيع الغاز لأسرائيل تحت قيادة واحد من اكبر رؤوس الفساد حسين سالم؟

                                بعيدا عن محمود سعد ...... ليه تقفل برنامج عمرو الليثى ؟؟؟؟ احنا حنرجع تانى لسياسة تكميم الأفواه ؟؟؟؟؟

                                فين صفوت الشريف و زكريا عزمى و جمال مبارك و فتحى سرور ؟؟؟؟ ليه فلوسهم مجمدتش كاجراء احترازى ؟؟؟؟

                                ايه حكاية جهاز امن الدولة بالظبط ؟؟؟؟؟ الأول قالوا احنا شلنا رئيسه بعد كده لأ ماتشالش بس من غير صلاحيات ؟؟؟؟؟

                                ازاى حبيب العادلى بيتحاكم بتهمة غسيل اموال بس ؟؟؟؟؟ فين البلاوى التانية ؟؟؟؟؟؟

                                فين لجنة تقصى الحقائق فى موقعة الجمل ؟؟؟؟؟ فى انسحاب الشرطة ؟؟؟؟ فى فتح السجون ؟؟؟؟ فى استخدام الرصاص الحى و القناصة فى قتل المتظاهرين ؟؟؟؟

                                هل نعتبر تصريحات وزير الداخلية الأخيرة ...... هى دى نتائج عمل اللجنة ؟؟؟؟؟ طيب بلاش هو ده موقف الحكومة الرسمى على لسان وزير الداخلية ؟؟؟؟؟

                                ليه المصريين المغتربين مالهمش حق التصويت برضه ؟؟؟؟

                                ليه لسه مصرين على 50 % عمال و فلاحين ؟؟؟؟

                                حد يرد على و يريحنى و انا وعد مش حنزل مظاهرات تانى ..... بس لو مفيش رد مقنع لازم كلنا ننزل



                                اقولك انا حاجة احلي واحلي

                                انهم دلوقتي بيشتغلوا في مواضيع تتوهنا وتلهينا عن اي شئ
                                يبقي البلد الاتقسمت فرقين والفريقين يبقوا 4 وهكذا

                                منطق فرق تسد الاستعماري هايمشي في البلد


                                ده مش معناه اننا نسكت
                                لا

                                معناه اننا نفهم لاننا كلنا مش فاهمين حاجة دلوقتي
                                لا المعارض فاهم الحكومة موجودة علي اي اساس
                                ولا المؤيد فاهم المعارض عايز مين

                                ودي هايوقعنا في المشكلة اللي تونس فيها دلوقتي ويا ريت نفوق ونعمل

                                حكومة ظل ونقول عاوزين الناس دي اللي تمسك الحكومة

                                ونشيل بقي احنا اختيارتنا بنفسنا

                                يعني مثلا في رايي
                                1- المستشار زكريا عبدالعزيز وزير عدل
                                2- فاروق العقدة وزير مالية
                                3- عمرو موسي وزير خارجية "دي اخرته"
                                4-احمد زويل +مصطفي السيد + فاروق الباز مستشارين للتعلم والبحث العلمي والتنمية التكنولوجيا
                                5- اللواء ا.ح حسن الرويني قائد المنطقة المركزية مشرف عام علي وزارة الداخلية "بدرجة وزير"


                                انا دا رايي في بعض الوزرات الناس تبعت وتفكر مين تاني ينفع ونتكلم ونطلع بحكومة

                                بدل ماحنا قاعدين بنشتم بعضنا علشان مين كتب ايه او مين قال ايه
                                [CENTER][FONT=Arial][SIZE=3]Hatem Sobieh..System Admin[/SIZE][/FONT]
                                :breakpc2:
                                [/CENTER]

                                Comment

                                Working...
                                X