زوجتي اتسرقت

[shaddadfalcon1]

بعد مااتنصب عليا في 5500 جنيه السنه اللي فاتت في شهر 8
وبعد ماشقتي اتسرقت في شهر 10 اللي فات
النهارده بعد العشاء زوجتي طلبت مني انها تروح مع جارتنا ميدان الساعه يجيبو لبس للعيال وبصراحه مكنتش مستريح وكنت عايز اوديها بس كان عندي شغل كتيير وهي قالت ان جارتنا بتروح كتيير ومش هيطولو

بعدها بساعه ونص لقيتها راجعه ولسه بقولها حمدالله علي السلامه وشالت النقاب ولقيتها مموته نفسها من العياط

بعد ماكنت خلاص خلصت شراء بتفتح الشنطه ملقتش المحفظه وكان فيها مبلغ مش كبير وبطاقتها وشوية حاجات تانيه

بتقولي انهم وهما بيشترو فجاه لقو شوية ستات وفضلو يتكلمو شويه وبعدين مشيو وبعدها ملقتش المحفظه

انا اخدتها ورحت تاني وسالت لكن للاسف ملقتش حاجه وسالت علي قسم المنتزه قالو مش شغال واللي فيه موجودين في نقطه محمد فريد قمت طالع عليها قالولي الصبح تروح نقطة سيدي بشر قلتلهم طيب افرض عملو مصيبه بالبطاقه قالولوي ياباشا عادي وبتاع وفي مليون بطاقه ضايعقه مفيش مشكله خالص

انا بجد دمي محروق ومش عارف اعمل ايه وصعبان عليا مراتي اللي من ساعة ماحصل اللي حصل وهي مش مبطلة عياط

نفسي اشوف الكلاب اللي سرقوها
مش عارف البشر دي بتقبل علي نفسها القرش الحرام ازاي
ده الواحد بشوف الذل عشان يجيب القرش ياناس


ياريت ياجماعه اللي يعرف فين نقطة سيدي بشر فين يدلني عليها عشان اروح الصبح اعمل محضر

[Bishoy.Girgis]

لازم تبلغ علي ضياع البطاقة بالذات .. لازم ضروري

[dramir1]

ربنا يعوضك خير ان شاء الله والحمد لله ان انت والاولاد والمدام بخير.

[shaddadfalcon1]

لازم تبلغ علي ضياع البطاقة بالذات .. لازم ضروري

ابلغ فين بس ومفيش شرطه ولا اقسام شغاله

انا زي ماقلت رحت مكانين اللي حصل فيهم السرقه

هو ينفع اعمل محضر في اي مركز ولا لازم المكان اللي اتسرقت فيه؟

ويارتي ممكن اعمله بنفسي ولا لازم المدام تبقي معايا؟

وهل عشان اطلعلها بطاقه تانيه لازم المحضر بس ولا هحتاج صورة البطاقه مثلا؟ علما بان معاها بسبور

[mohamed2002]

الحمد لله علي كل شئ ربنا يستر علينا جميعا مفيش داعي للقلق الزائد بكرة خد المدام وروح اعمل محضر وربنا يعوض عليك واحترس اليومين دول زيادة

[mrwho1982]

اطلع عالنيابة العسكرية لو معرفتش اسال بتوع الشرطة العسكرية


كولو يحرص اليومين دول ويامن نفسه

[abdalah_hashem]

لا اله الا الله ..
الحرامية دول حسبى الله ونعم الوكيل فيهم
ممكن الستات كلهم ميحطوش المحفظة والفلوس فى الشنطة ممكن يحعملوا جيب فى الهدوم يحطوا فية الحاجات المهمة
لازم تعمل محضر باسرع وقت عشان تبقى فى السليم ... وهو فى الغالب بيرمو البطايق بس متضمنش

وربنا يعوضكم خير

[shaddadfalcon1]

طيب النيابه العسكريه هتعمل ايه؟
وفين مكانها؟
ولازم اخد مراتي معايا؟

[wassim_nasser]

يا باشا حمدلله علي سلامه المدام و هدي روحك بس واحمد ربنا علي كل حال وقول الحمدلله انها جت علي أد كده كان ممكن لا قدر الله تتثبت ولا حد يضايقها والنقاب مابقيش يمنع حاجة ده انا شفت عيال بتعاكس ستات قد امها والشوارع مليانة لبش .. قول يارب وطمن نفسك المال الحلال مش بيروح

[eldell]

ممكن حضرتك تعمل محضر فى اى قسم بضياعها وربنا يعوض عليك باذن الله

[abdalah_hashem]

ابلغ فين بس ومفيش شرطه ولا اقسام شغاله

انا زي ماقلت رحت مكانين اللي حصل فيهم السرقه

هو ينفع اعمل محضر في اي مركز ولا لازم المكان اللي اتسرقت فيه؟

ويارتي ممكن اعمله بنفسي ولا لازم المدام تبقي معايا؟

وهل عشان اطلعلها بطاقه تانيه لازم المحضر بس ولا هحتاج صورة البطاقه مثلا؟ علما بان معاها بسبور

اى قسم يا استاذ ولو لقيت انة لازم تكون فى دايرة القسم الى اتسرقت فية قلة اتسرقت داخل الدايرة بتاعت القسم دوة
المهم تعمل محضر وخلاص ويكون فى ايدك ورقة
ممكن فى اى نقطة

بالنسبة لحكاية البطاقة الجديدة انا كنت عملتها لوالدى قبل كدة كانت اتسرقت برضة بس مش فاكر خدة صورة المحضر وللا لاة
بس اتوقع لاة

بس متوقعش الشرطة العسكرية ممكن تعمل حاجة

[mohamed2002]

حضرتك بكرة تعمل المحضرر الصبح بدري وتطلع علي المديرية وتسحب استمارة وتعمل واحدة جديدة ولازم المدام تبقي موجودة وخد الباسبور بتاعها معاك

[viper911s]

يا باشا القسم القائم بأعمل قسم المنتزة حاليا نقطة الى فى مساكن فيصل فى سيدى بشر
حضرتك اوصل لحد فيصل واسئل عن القسم الف مين يدلك
و ان شاء اللة خير

[misoalex]

لا حول ولا قوه الا بالله

هى اتسرقت فى ميدان الساعه نفسه ولا فين بالظبط
وهو فعلا قسم المنتزه والرمل والرمل ثان محروقين ومش شغالين

بس قسم سيدى بشر ده اول مره اسمع عنه بس مدام قالولك فى محمد فريد يبقى انزل شارع القاهره واسأل حتلاقيه هناك

وبعدين يا باشا السرقه فى كل حته دلوقتى وعلى شتى الطرق
احمد ربنا انها جت فى الفلوس والبطاقه
انا بقرأ موضوعك وبقول يارب ميكونش حد اتعرضلها بسلاح ولا حاجه

الحمد لله

[ahmed-moga]

الحمد لله انها بخير فداها محدش عارف ممكن كانوا يعملوا ايه
استني اسبوع وخد زوجتك واقفوا في نفس الشارع لأنهم هيرجعوا تاني بس خلي معاك سلاح وراقب اذا كان معاهم حد بيحميهم وربنا يسترها وقدر الله وماشاء فعل