حادثة مروعة دبابة تدهس تاكسى بالاسكندرية

[dayun]

دبابة مصرية دهست تاكسي بالاسكندرية

http://www.youtube.com/watch?v=Zp9KNHxk-4Y&feature=player_embedded

[نور القمر]

لا حول ولا قوة الا بالله العلي العظيم
الحمد لله ربنا نجاهم من موتة بشعة كفاية الرعب

[misoalex]

لا حول ولا قوه الا بالله

ومين حيعوض صاحب التاكس ده

الموقف ده كان حيحصل معايا فى شارع ابو قير الساعه 2 باليل

بس اديته كلكسات جامد وحرقت جامد وصوت الديفل نبهه ان فيه حد جنبه وطلعت منه بسرعه الحمد لله

[Col. Eng. Khaled]

مش خسارة في معروف نِمَر صفرا ........... الحمد لله إن الركاب طلعوا بخير كان حيضيعهم بغباءه .

سواقين ملهامش دعوة بمرايات جنب أو صالون و يقف و يهدي مطرح ما ييجي في بالهم ، المرة دي وراه دبابة و مش في دماغه .

[misoalex]

مش خسارة في معروف نِمَر صفرا ........... الحمد لله إن الركاب طلعوا بخير كان حيضيعهم بغباءه .

سواقين ملهامش دعوة بمرايات جنب أو صالون و يقف و يهدي مطرح ما ييجي في بالهم ، المرة دي وراه دبابة و مش في دماغه .

والله يا فندم هم يبكى وهم يضحك

يعنى فعلا جاله الى معندوش تفاهم ولا حياخد حق ولا باطل ولا حيقدر يمسك فى خناقه

بس دى عربيه اكل عيش وده واحد اكيد وراه بيت وعيال ومصدر رزقه ضاع

[AhMeD EzZ]

دة تعليق عجبني قوي عالفيديو دة

- من تحليلى للفيديو وجدت التالى :

1- سائق الدبابة شخص محترف حقا.
2- سائق التاكسى شخص غبى أعتقد أنه بيفادى عربية ملاكى!
3- سائق الدبابة مجرد لمس جانب السيارة لم يدهسها أصلا.
4- أستحالة فرملة الدبابة فى تلك المسافة القصيرة جدا فكان حله هو دورانه مع الفرملة وهو تفكير سليم تماما ، ولهذا قلت عن سائق الدبابة محترف ، لاحظوا ان الدبابة ليس بها ترة للدوران أصلا.

- ألوم سائق التاكسى فقط توقف فجأة على يسار الطريق ولست ألوم سائق الدبابة أبدا.

[Col. Eng. Khaled]

يا ميسو باشا حضرتك عارف إن إللي سايق الدبابة بيبص على الطريق من مغازل زجاجية مستطيلة فالرؤية مش بالوضوح لإللي

سايق عربية أو نقل ، كمان المناورة بالدبابة علشان يلحق تفادى الوقوف المفاجيء مش زي مركبة (عربة) على كاوتش و كذلك الفرامل .

سواق الدبابة على ما لحق لم الدبابة كان فعص تلت الشنطة بأول القايم ....... الحمد لله ما أخدتش الركاب تحت الجنزير

بغباوة التاكسجي أعمى البصر و البصيرة إللي مش شايف دباااااااااابة في المراية وضيع العربية مصدر رزقه و كان حيضيع أرواح راكبين معاه .

[magyver]

طيب واللي كان بيصور عرف منين ان هايخبط العربية

[misoalex]

يا ميسو باشا حضرتك عارف إن إللي سايق الدبابة بيبص على الطريق من مغازل زجاجية مستطيلة فالرؤية مش بالوضوح لإللي

سايق عربية أو نقل ، كمان المناورة بالدبابة علشان يلحق تفادى الوقوف المفاجيء مش زي مركبة (عربة) على كاوتش و كذلك الفرامل .

سواق الدبابة على ما لحق لم الدبابة كان فعص تلت الشنطة بأول القايم ....... الحمد لله ما أخدتش الركاب تحت الجنزير

بغباوة التاكسجي أعمى البصر و البصيرة إللي مش شايف دباااااااااابة في المراية وضيع العربية مصدر رزقه و كان حيضيع أرواح راكبين معاه .

تحليل كويس وانا عارف كمان ان فرامل الجنزير بتاع الدبابه على الاسفلت غير الرمال والجبال وكده

بس سائق الدباابه المفروض يراعى انه ماشى وسط بشر وعربيات

اقسم بالله انا شفته بعينى بيجرى عندنا فى شارع جانبى والعربيات على الصفين والطريق يا دوب يعدى عربيه ملاكى او مكروباص ولو عربيه نقل بتعدى وهى ماشيه على الاول وتاتا تاتا
ده سايق الدبابه كأنه راكب لانسر طاير بيها وسط الناس ولا كأنه ماشى فى شارع فيه ناس ماشيه وعيال صغيره ممكن تطلع من اى حته فجأه وانت عارف الشوارع المصريه

انا عارف ان اكيييييييييييد سواق التاكسى فعلا غلطان بس هو فاكر ان الدبابه دى ملاكى وفيها abs بس طلعت اوت منه واتحط عليه

والله ربنا يستر علينا كلنا انا بحرص منهم جدا وانا سايق جنبهم بس الحظر لا يمنع القدر

طيب واللي كان بيصور عرف منين ان هايخبط العربية

ده كان بيصور مرور محرم بك اشهر مرور فى اسكندريه وهو بعد مولعو فيه والعربيات الى مولعه جوه

وهو ماشى لقى الى حصل ده

وتقريبا كان سايب الكاميرا مفتوحه عشان يصور توكيل bmw الى بعديه بكام متر لانه برضه اتكسر واتدمر واتاخد منه عربيات كتير
والجنب التانى من الكوبرى فيه الحضانه بتاعه المرور الى اتسرقت وولع فيها اكتر من 100 عربيه بكتير

[medo_2060]

المهم الحمد لله ان محدش مات

[ahmed88hassan]

:(
ربنا يصبر صاحب التاكسي

[AmAhmed]

اللي سايق الدبابة ده كان حيتسبب في كارثة بسبب سوء تقديره و الاسلوب الخاطئ الذي يستخدمه في السير بالدبابة و ده ظاهر في المشهد الجانبي و الدبابة بتعدي من جنب المصور المسافة بين التاكسي المدهوس و الدبابة حوالي 2 متر فقط
المدن و الاسفلت مش البيئة الافضل للدبابة لكن يجب الاحتياط من موقف زي ده

1- السير بسرعة مناسبة و ترك مسافة كبيرة و تتناسب مع كتلة الدبابة حتي تتوقف حين الحاجة و في الطوارئ
2- اذا مكنش قادر علي الرؤية بشكل واضح عليه انه يتخذ تدبير اخر يضمن عدم حدوث مثل هذه الحوادث اقلها ان احد افراد الطاقم يخرج و يساعده في التوجيه
و الحمد لله ان الركاب بخير
و الحمد لله ان ربنا الهمه ان يدفع بالدبابة بقوة لليمين حتي يتفادي التاكسي

[dayun]

مين الشاطر اللى يعرف المعلومات دى

ما هو نوع هذه الدبابة و بلد الصنع ؟؟

ما هو وزن هذه الدبابة ؟؟

ما هو ثمن هذه الدبابة ؟؟

[م.احمد زكريا]

تصدق كان نفسي اكون راكب الدبابة دي من زمان

ميكروباصات وتاكسيات وملاكي بيقفوا شمال وفي نص الشارع فجأه ومن غير حتى اشاره أو تشغيل الانتظار

ولا لما عجلة تاكسي تنام يقف في وسط الشارع يغيرها

ادي اخرة اليقف شمال

[Ralliart]

اعتقد ان الراجل ده هياخد تعويض من القوات المسلحة رغم غباؤه

مين الشاطر اللى يعرف المعلومات دى

ما هو نوع هذه الدبابة و بلد الصنع ؟؟

ما هو وزن هذه الدبابة ؟؟

ما هو ثمن هذه الدبابة ؟؟

M1 Abrams أمريكي تجميع مصري مع نسبة مكون محلي (ربنا يستر)
وزنها فوق الـ60 طن
وعرضها 3.6 متر
حلم كل مواطن مصري