احذروا من رسائل تحويل الرصيد

[smartchoice]

السلام عليكم ورحمة الله وبركاته

حصلى موقف و قلت أقول للناس علشان ميتكررش مع حد فيكم
واحد أتصل بيا و بيقولى أنا بعتلك رصيد بالغلط فقلتله أنا مجاليش حاجة لحد دلوقتى و لما يوصلنى هبقى أحولهولك
المهم لقيت بعدها علطول جايلى رسالة من رقمة هو بتقولى أنه حولى رصيد
الحرامى عامل كوبى لرسالة تحويل الرصيد بتاعت فودافون و بيبعتها من رقمه
بس الحمد لله ربنا خلانى أخد بالى و كمان رصيدى أساسا كان أقل من 10 جنية
المهم أنا أتصلت بخدمة العملاء و قلتلهم الحكاية فقالولى أنهم لو الرقم جه عليه أكثر من شكوى بيقفلوفه
فلو حد حصله كده يبلغ علشان يحمى غيره من السرقة

و ربنا يسترها معانا جميعا

[EL Tanna]

انا برده حصل معايا نفس الحوار

بس التبليغ عنه ملهوش لازمه لانه بيرمى الخط بعد ما يلم شويه و خلاص على كده و يحولهم على رقمه او اى رقم تانى و هكذا

[M.Elgergawy]

حصل معايا وهما بيبعتوا الرسايل دي للارقام المميزة وخصوصا فودافون
انا خطي فاتورة يعني مينفعش يتحولوا رصيد والبيه بعتلي رسالة فيها انو حولي 50 ج
وكلمني قولتلوا ازاي انا فاتورة مش كارت وطبعا مختش بالي انو اللي باعت الرسالة
المفروض الراسل فودافون مش رقم وكلمتوا هزأته