دعوة للنقاش....لازم حل في المرور

[Ralliart]

السلام عليكم ورحمة الله وبركاته

من شهور كنت معدي بلليل متأخر على الاشارة اللي عند تقاطع كلية الفنون التطبيقية وكانت العربيات سايحة براحتها في التقاطع وكانت هتحصل كذا حادثة مع ان في 6 عساكر قاعدين على الرصيف بيتساهرو وسايبينها كدة
ساعتها اتنرفزت وركنت على جنب ورحت كلمتهم بكل أدب وقلتلهم لازم تشوفو شغلكم لاني لو اتخبطت انت مش هتجيبلي حقي بس ربنا هيحاسبك......... ،وكان الرد فوري وصادم وعنيف من الامين يتلخص في جملة "انت مالك انت هتعرفنا شغلنا" وساعتها ركبت العربية وكتمت في نفسي وقلت هما يومين وهسيب البلد دي يكش تولع

النهاردة في نفس الإشارة مع وقوف نفس الأمين والعساكر ،داخل الاشارة وفوجئت بميكروباص طاير كان هيشيلو كام عربية وهما بيتفرجو
نزلت وقلت المرادي مش هسكت وفوجئت بالأمين اللي كان بيتكلم بمنتهى العجرفة والتكبر من كام شهر بيذرف الدموع!! وبيقولي بكل احترام "يا فندم سيادتك على عيني وعلى راسي بس سواقين الميكروباص بلطجية وبنسمع شتيمتنا بودانا واحنا نفسنا نشتغل بس حالتنا النفسية..."
المهم فضلت اتكلم معاه شوية كلام تشجيعي وفهمته انه يبقى هو اللي على راسي وينال احترام الكل لما يقوم بشغله وقلتله ان الجيش لما اتهزم في 67 كانو بيتعرضو للشتيمة والاهانة بس مستسلموش.......

طبعاً محدش ينكر ان الامين دا كان مش امين وكان هو اللي بلطجي وبيبلطج على خلق الله بس في نفس الوقت لو مقاموش بدورهم الدنيا هتخرب خاصة مع نزول التكاتك في الشوارع الرئيسية

اللي بفكر فيه حالياً اني هلم شوية من اصحابي وهننزل موقف الجيزة ونتكلم مع السواقين على أساس انهم لازم يحترمو دور الناس دي ولازم يحافظو على البلد وفي نفس الوقت لو طلب منه رشوة بعد كدة ميسكتش
ولو طلبت اننا نجيب الامناء والعساكر يتكلمو مع السواقين دول ويتواصلو شوية

بصراحة مش عارف النتيجة هتكون ايه لان التعامل مع الفئة دي صعب جداً بس اهي محاولة ولو كان الواحد فاضي كنت نزلت مع الناس انظم المرور

طبعاً كل ده مع افتراض حسن النية من المرور اللي انا اشك فيه بصراحة بس مقدمناش غير كدة
يا ريت اقتراحاتكم مع شوية شغل عملي منكم في تشجيع الناس دي على الرجوع لشغلهم الأصلي

[devilishtigers]

نصيحة مني بلاش تفكر تروح الموقف
انا شايف ان يتعمل بيان في التفزيون من الشرطة بجانب مسئول البيانات الخاصة بالجيش ويعتذروا عن اللي حصل فيما سبق ثم يتحدث مسئول الجيش ويتم اعلان انه سيكون هناك تطبيق للقانون بكل قوة مع كل مخالف ويطلب فيها الجيش من الشعب ان يساعد الشرطة في تطبيق عملها

[sara2001]

نصيحة مني بلاش تفكر تروح الموقف
انا شايف ان يتعمل بيان في التفزيون من الشرطة بجانب مسئول البيانات الخاصة بالجيش ويعتذروا عن اللي حصل فيما سبق ثم يتحدث مسئول الجيش ويتم اعلان انه سيكون هناك تطبيق للقانون بكل قوة مع كل مخالف ويطلب فيها الجيش من الشعب ان يساعد الشرطة في تطبيق عملها

+111111111111

بالإضافه لعمل خط ساخن للشكاوي لمحاسبة الفاسدين
النهارده السواق بيقول لعقيد كان موجود في احد التقاطعات وسايب العربيات داخله في بعضها بدون اي تنظيم ينفع كده؟
سيادته رد عليه وقال مش انتوا اللي عايزين كده اهي عندكم نظموها
فيما معناه شوفوا هتعرفوا تعملوا ايه من غيرنا
والله الشباب في اللجان الشعبيه كانوا منظمين المرور كويس جداً وقت الفوضى الأمنيه
والوضع كان احسن كتير من دلوقتي

[hazemhassan]

وهما عايزين يحسسونا بقيمتهم عشان لما يرجعو يرجعو اقوة من الاول ويبقى طلبنا انهم يرجعو مش هما اللى راجعين من نفسهم
وياريت الناس تفهم كدة ونظم نفسنا والكل يمشى بنظام

[SeiffoZ]

وهما عايزين يحسسونا بقيمتهم عشان لما يرجعو يرجعو اقوة من الاول ويبقى طلبنا انهم يرجعو مش هما اللى راجعين من نفسهم
وياريت الناس تفهم كدة ونظم نفسنا والكل يمشى بنظام

هو غصب عنهم لازم يرجعوا ..

و لو مش عاجبهم ... يقدموا كلهم إستقالتهم و نشكل شرطة أمنية جديدة قوامها شباب متخرج يدخل الكلية الحربية 6 شهور و نخرج خلال سنة شرطة جديدة ... و عندنا عدد الشباب العاطل يشكل 4 جيوش على الأقل .

[nicegypt]

انا بعانى للاسف من نفس المكان دة لوجودي فى منطقة بين السرايات وفيصل والجيزة
للاسف كان الدائري وكوبري اكتوبر فى بعض الاحيان ملاذ الا ان الاختراع المسمى التوك توك بقى ماشى ع الدائري زية زيك
وعن المشاكل والحوادث اللى بتحصل حدث ولا حرج .. وشفت كتير .. والاشارة دى بالذات من اسوء الاشارات
يعنى علشان تنزل من كوبري ثروت للدقي تاخد لك ساعة او اكثر بدون اي مبالغة ! بجانب استهتار سواء من بعض الناس او العساكر
أللى واقفة اللى عجبها الحال .. النظام حاليا ان كان عجبك .. مش عملتو ثورة .. شوفو بقى الفرق .. وكـأنة تأديب للشعب كالموت البطيئ !!

اليو تيرن بقى شغال اتجاهين !!! وتلاتة كمان ! واليو تيرن مصمم للاتجاة واحد فقط ! للاسف اسمح لى اقول ان نسبة كبيرة
منا كشعب مستهتر وفـوضوى ! مفيش نظام ! حتى الشوارع اللى كانت شبة منتظمة وكان الناس بيخافو يركنو صف تانى
بقت هرجلة وقمة الاستهتار ! سواقين هيئة النقل العام كان هيشيل كام عربية قدامة وطاير وبياخد غرز ولما كلمتة معجبوش
وجريت ورا ووقفت انا وكذا عربية ولا همنا العربيات واجبرنا انة يوقف ومن وجهة نظرة انة عادي اية المشكلة خايف ابعد عنى !
وبعد ما مشى خلى بنت راكبة بيكانتو طلعت فوق الرصيف ! .. لو هنتكلم عن الوضع الحالى وعن الحوادث والتسيب والفوضى
صدقـنى مش هتكفينا صفحات المنتدى .. والله لو الاقي وقت لنزل الشارع واقف جمب العساكر دى وانظم انا المرور واتجاهلهم تماما ولو مش عجبهم يورونى حضراتهم هينظمو المرور ازاي .

[Xander2010_Evo]

مش عارف صراحة عندنا فالسويس يعني معظم الناس إلتزمت بالإشارات حتي بعد الساعة 12
ودي الساعة إللي بيمشي فيها المرور من البلد كالعادة
بس بردو فيه شوية مبيلتزموش وكالعادة هوووب يلبس ف واحد
لسه من إسبوع شايف واحد بنوبيرا 1 كسر الإشارة في عز الظهر راح لابس ف كروز
الراجل نزل والأمين الشرطة سحب رخصته و إداها لعسكري فالجيش
الشرطة خلاص سابت البلد للجيش أصلآ
والجيش ميعرفش أبسط حاجة ف قواعد المرور إللي هي السير ف إتجاه واحد
فيه شرط ف وسط البلد بس بس منظر لا بيهشوا ولابينشوا
ربنا يستر
ونصيخة للأخ صاحب التوبيك
هي فكرة حلوة إنك تروح تكلمهم بس ربنا يستر عليك ويارب يطلعوا ناس محترمين

[elfashn]

سبحان الله نفس الاشاره الى نرفزتنى اول امبارح وانا رايح الدقى وجاى من اتجاه كوبرى ثروت وكان فيه ادامى تاكسى مره واحده فرمل لآن الطريق من ناحيه الجامعه كان مفتوح برضه وعربيه عدت من امامه فجأه المصيبه ان كان فى عسكرى واقف والناس فعدت تقوله حرام عليك هتلبس العربيات فى بعضها الادهى انه مكنش سامعهم !!!!!ليه؟ اصله كان ماسك الموبايلو حطه على ودنه بيسمع فيه اغانى وبصراحه المنظر ده استفزنى اوى بصيتله وقولتله متشتغل يابنى ونظم الدنيا بصلى وكأنه شاف كائن فضائى امامه وقالى عايز تعدى متعدى هو انا حوشتك.... ياخرابىىىىىىىىىىىىىى هو بغبوته قولتله انا عايز امشى فى نظام مش عايز اعدى الاول بصلى باستغراب وكمل سمع اغانى قولتله مش عايز تشتغل امشى روح بيتكو بدل مانتا محسوب على الفاضى.... ولا حياه لمن تنادى زالهى كنت انزل اكله شالوت بس فى الاخر عسكرى غلبان ميفهمش حاجه والشالوت ده يستاهله وزيره الى بيقول ان الشرطه نزلت بنسبه 93% واحنا مبقناش نشوف ولا الناس دى مبتختشتيش ولا هما فاكرين باكلام ده بيضحكو على الناس ...مطولش عليكو فى الاشاره الى بعديها عالطول لقيت 2 امناء شرطه واقفين بنظمو المرور ومييه ميه فوقفت قولتلهم على الى حصل واحد قالى احنا اسفين حضرتك وهنتصرف فى الموضوع ده والتانى قالى ده لو مشتغلش ياخد بالجزمه وده بالذات نفضتله علشان ده لسه عايش فى ايام زمان.عموما انا اسف انى طولت عليكم بس بجد كان الموقف ده خانقنى مووووت

[sarah5]

بجد الناس بقت تنرفز اوي بمجرد نزول الشرطة (علي الورق بس طبعا) وزي ميكون الناس بتعند كانوا بيلتزموا من غير ولا عسكري مرور لما نزلوا بقوا يعندوا الرقيب هو ربنا مش قانون المرور ولا العساكر اللي واقفة وفكرة ان حضرتك تنزل الموقف موقف محترم طبعا بس ياريت بلاش لانهم حتي لو طاوعكوا وقالو هنلتزم ومش هنغلط هيبقي كلام وخلاص السواقين دول عانوا كتير من الشرطة وعشان كده كان طبيعي تبقي دي النتيجة و يارب الفترة دي مطولش

[Ralliart]

انا كنت النهاردة في ميدان الجيزة واتكلمت مع شوية ناس من اللي بيحملو صفت اللبن فضلو يقولولي انت متعرفش كانو بيعملو فينا ايه والاتاوات اللي كانو بياخدوها واحنا احسن سواقين وبنجري بس مبنخبطش حد!!
مفيش فايدة

مش عارف صراحة عندنا فالسويس يعني معظم الناس إلتزمت بالإشارات حتي بعد الساعة 12
ودي الساعة إللي بيمشي فيها المرور من البلد كالعادة
بس بردو فيه شوية مبيلتزموش وكالعادة هوووب يلبس ف واحد
لسه من إسبوع شايف واحد بنوبيرا 1 كسر الإشارة في عز الظهر راح لابس ف كروز
الراجل نزل والأمين الشرطة سحب رخصته و إداها لعسكري فالجيش
الشرطة خلاص سابت البلد للجيش أصلآ
والجيش ميعرفش أبسط حاجة ف قواعد المرور إللي هي السير ف إتجاه واحد
فيه شرط ف وسط البلد بس بس منظر لا بيهشوا ولابينشوا
ربنا يستر
ونصيخة للأخ صاحب التوبيك
هي فكرة حلوة إنك تروح تكلمهم بس ربنا يستر عليك ويارب يطلعوا ناس محترمين

هو حضرتك قصدك اشارة من اللي هي بتنور احمر واصفر واخضر؟؟

اصل الشيئ ده مش موجود غير في شارع مراد والبطل أحمد عبد العزيز وبقية الاماكن المهمة جداً والمزدحمة ماشية بالافراد
يا ريت لو كان في اشارة اوتوماتيك كان الناس هتلتزم بيها
والله احنا كنا دولة متخلفة جداً يكفي ان كل دول العالم فيها اشارات في كل شوارعها من التمانينات ويمكن السبعينات كمان
انا فاكر من10سنين كنا في الكويت وجالنا واحد من مصر اول تعليق ليه كان ايه البتاع اللي بينور ده!!

[Xander2010_Evo]

انا كنت النهاردة في ميدان الجيزة واتكلمت مع شوية ناس من اللي بيحملو صفت اللبن فضلو يقولولي انت متعرفش كانو بيعملو فينا ايه والاتاوات اللي كانو بياخدوها واحنا احسن سواقين وبنجري بس مبنخبطش حد!! :_alshmokh08[1]:
مفيش فايدة



هو حضرتك قصدك اشارة من اللي هي بتنور احمر واصفر واخضر؟؟

اصل الشيئ ده مش موجود غير في شارع مراد والبطل أحمد عبد العزيز وبقية الاماكن المهمة جداً والمزدحمة ماشية بالافراد
يا ريت لو كان في اشارة اوتوماتيك كان الناس هتلتزم بيها
والله احنا كنا دولة متخلفة جداً يكفي ان كل دول العالم فيها اشارات في كل شوارعها من التمانينات ويمكن السبعينات كمان
انا فاكر من10سنين كنا في الكويت وجالنا واحد من مصر اول تعليق ليه كان ايه البتاع اللي بينور ده!!

[color="rgb(65, 105, 225)"]
هههههههههههههههههههههههههههههههههههههههههههه
آه والله محسوبة علينا إشارات بس بعد الثورة ونتيجة لحدف أزايز المولوتوف
بقت لما تنور أحمر وأخضر مع بعض ده معناه إنك تقف لأنها قصدها تنور أحمر
ولما تنور أخضر بس تبقي تمشي
والأصفر إتلغي أو الليدات إتحرقت بقي مش عارف :))
وحاطين فوقيها كاميرات مراقبة فالتقاطعات الهامة بيضحكوا ع الناس كإنها كاميرة إلتقاط مخالفات يعني[/color]

[nicegypt]

اجمل شيئ موجود فى الموضوع دة هو التعاون على تغيير شيئ وان معظم المشاركين كانوا ايجابيين فعلا واتكلموا مع العساكر
ومع السواقين ودة فى حد ذاتة شيئ ممتاز وايجابى ياريت تبقى حياتنا كلها ايجابية زى زمان ومحدش يقول وانا مالى مليش دعوة
والكلام اللى رجعنا وراة دة .. مهو انت مالك هيصيبك من العيب دة ولو بشكل غير مباشر .. انا مع ان كل الشعب يكون ايجابي
ويعمل اللى يقدر علية والكلام مش هيعور .. ولو حسيت ان اللى قدامك مقتنعش بكلامك سيبة وامشى وانتهى الامر

بالنسبة لنقطة الاشارات .. الناس اللى سفرت برة ولو للايام وشافو بعنيهم الاشارات برة عملة ازاي .. يكفى ان كل اشارة متعلقة بأشارة اخري لها فى مكان قريب .. بمعنى .. ان حضرتك علشان تروح مكان ما .. بتعدي من 4 اشارات مثلا وفى خلال امتار

اللى بيحصل ان اشارة تفتح والتانية تقفل والعكس .. طيب هتستفيد من دة اية؟ هتستفيد انك مش هتقف كل شوية ف اشارة
يعنى علشان انزل الدقي من شارع ثروت تعدي على 3 اشارات وتقف فى كل واحدة مش اقل من نصف ساعة انت وحظك حسب
الطريق .. يعنى تخلص من واحدة وتاخد الملف تلاقى نفسك وقفت .. تبقى ماشى لمدة ساعة او اكثر على سرعة لا تتعدى 10 ك متر ورجلك على الدبرياج بأستمرار لحد ما رجلك تورم .. لازم كل اشارة ترتبط بأشارة اخري .. تقف مرة واحدة ف اشارة والاشارات الاخري تتفتح لحضرتك .. ويحصل العكس للاشارات الاخري وبالتالى مش هيكون فية زحمة ومشاكل بالطريقة دى

[W77]

لابد من الشراسة فى المعاملة مع الخارجين على القانون
انا دلوقتى بشوف تكاتك ماشية فى جامعة الدول و الميكروباس ممكن يمشى عكس من غير ما حد يكلمه
و البلطجية فى كل مكان انا مبقتش عارف امشى بالعربية علشان للاسف الشرطة نازلة بمنتهى البرود مابتعملش اى حاجة لاى حد وده فى حد ذاته مصيبة كبيرة علشان فى ناس عاجبهم حالة الفوضى دى وبيعملوا اللى هما عاوزينه

[M.Mostafa80]

[م.احمد زكريا]

رايي الشخصي أن يتم عمل مؤتمر أو بيان مشترك بين القوات المسلحة والشرطة وتوضيح مهام الشرطة في تطبيق القانون على الجميع بلا استثاء وأن رجال الشرطة الشرفاء اللذين يقومون بواجبهم هم في حماية الجيش والشعب ضد الفاسدين والمخالفين والبلطجية ومقاومي تنفيذ القانون وان مقاومة تنفيذ القانون يعرض للمحاكمة العسكرية

ده أحسن من الدعاية الخايبة الهابلة بتاعة الداخلية الشغاله اليومين دول