بدل الكلام الكتير يللا كله يلحق ......فاضل 4 ايام

[cheetos_892005]

وصلتني هذه الرساله الهامه

الزملاء الكرام

طبقاً للقرار الجديد بان الانتخابات ستكون ببطاقة الرقم القومي، أنا روحت القسم امبارح اسأل بالظبط عشان أتأكد .. بالنسبة للناس اللي كان معاهم قبل كده بطاقات انتخابية يبقى مفيش مشكله . هيروحوا ينتخبوا عادي بالرقم القومي ، أما الناس اللي ما كنش عندهم بطاقات انتخابية لازم يروحوا القسم اللي هما تابعين ليه (اللي استخرجوا منه البطاقة الشخصية) ، تاخد معاك الآتي :

- بطاقة الرقم القومي و صورة منها
- شهادة الميلاد و صورة منها
- ملىئ الاستمارة

تروح القسم و تقف في الطابور و تسلم الاوراق دي و الظابط هيقولك و انت واقف على اللجنة الأنتخابية بتاعتك .
الإجراء ده مش عشان استخراج بطاقة انتخابية ، ده عشان اسمك يكون مسجل في الكشوف الآنتخابية و تعرف لجنتك . و ده عشان انتخابات مجلس الشعب و انتخابات الرئاسة و استفتاء الدستور
القسم بيستقبل الطلبات من 8.30 ص و حتى 2 مساءا يوميا ما عادا الجمعة و آخر معاد تسليم الطلبات يوم السبت 5 مارس 2011

ما حدش يكسل الموضوع مش بياخد اكتر من نص ساعه ، على الرغم اني روحت في يوم اجازة و الطابور كان طويل جدا لكن الدنيا كانت ماشية بسرعه و سلاسة و خلصت في منتهى السهولة



الاول الكلام ده صح ولا ايه ؟؟؟؟ ولو صح كله يجري

[dr-mohamed]

متهيالي لا
استخراج شهادات ميلاد وتجديد البطاقات اللى مر عليها 7 سنوات هايعمل ازمة وكدة يبقي تعقيد خاصة ان المدة المتبقية قصيرة جدا

[cheetos_892005]

متهيالي لا
استخراج شهادات ميلاد وتجديد البطاقات اللى مر عليها 7 سنوات هايعمل ازمة وكدة يبقي تعقيد خاصة ان المدة المتبقية قصيرة جدا

انا اتخضيت برده ....

خصوصا اني قسم عين شمس و انا ساكن في الشيخ زايد و مشغول علي اخري ....

نتاكد ازاي طيب؟؟؟؟؟

[mahmoudysf]

اللي سمعتة من اعضاء المجلس العسكري ان الاستفتاء بالبطاقة فقط
ولو الموضوع زي ما انت قولت يبقى تعقيد ومحدش هيوافق علية

[aly_hosny]

ال اعرفه ان كدا كدا البطاقة لما يمر عليها 7 سنين لازم تتغير "يعني مش هتنفع في كل الاحوال"
كمان ال مواليد اقل من 83 "يعني 84 85 " و مكمل 18 سنة اسمه بينزل تلقائي في الجداول
بس المفروض كل واحد يروح يتاكد
والانتخابات هتبقى زي مجلش الشعب "بالبطاقة بس لازم اسمك يكون مدرج"

دا اجتهاد و مش متاكد منه

[د.أبونضال]

يا جماعة الخير القسم لن يكون له شأن بالانتخابات بعد الآن .... حسب تعديلات الدستور دائرتك ستكون محل إقامتك بغض النظر عن الدائرة القديمة لك. وهيتم إعداد الجداول الجديد في المحاكم وليس في أقسام الشرطة لأن اللجنة القضائية في المحكمة الموجودة في الدائرة هي التي ستتولى كل شيء.

[mahmoudselim]

لو الكلام دا صحيح أكيد كان هيتقال يا اما في برامج يا اما في الصحف او المجلس الاعلي كان هيطلع بيان بكدا
أعتقد دي من ضمن الاشاعات ال عاوزة تعمل حالة من الفوضي الفكرية والمادية.