فيديو معبر عن عمرو موسى

[cheetos_892005]

قال الدكتور مصطفى النجار منسق حملة دعم البرادعى ومطالب التغير "لازم" إنه لا يوجد أى موانع أمام ترشيح الدكتور محمد البرادعى المدير السابق للوكالة الدولية للطاقة الذرية فى الانتخابات الرئاسية القادمة2011 وفقا للتعديلات الدستورية الأخيرة، نافيا وجود جنسية أخرى له أو وجود لجنسية إيرانية لزوجته عايدة الكاشف وفقا لما ذكرته بعض المواقع الأجنبية.
اليوم السابع

محتاجين تاكيد للكلام ده

[ahmed_spectra]

لأنه ناوي يرشح نفسه للرئاسه فأين مواقفه الرجوليه من الثورة والنظام هذه الهبه والسلام بحراره على اللص أحمد عز تعبر عن عدم وجود اي موقف ضد الفساد والنظام الفاسد

[د/أحمد ابراهيم]

لأنه ناوي يرشح نفسه للرئاسه فأين مواقفه الرجوليه من الثورة والنظام هذه الهبه والسلام بحراره على اللص أحمد عز تعبر عن عدم وجود اي موقف ضد الفساد والنظام الفاسد

+1

على الاقل يعرف احمد عز قيمته الحقيقية

لاكن السلام بحرارة وهو مطئطىء الرأس ... غير مناسب للموقف

[Abo_Lina]

عايزين نغير
الشعب يريد إسقاط النظام
إيه لازمتها نجيب واحد خدم في النظام أعواما عديدة و عمره ما إنتقد الفساد و الفاسدين و آثر السلامة و السكوت
عن نفسي مش هاختاره

[waleedfadeel]

فيه ايه
احمد عز ذهب ليسلم على عمرو موسى فقام وسلم عليه

عموما انا لن انتخب عمرو موسى لو ترشح لاسباب اخرى ياجماعة بصوا على الجوهر والسياسات والرؤى والمواقف

[ahmed_spectra]

فيها ان العلاقة بينهم تبدوا طبيعيه جدا وعلى مايرام لان عمرو موسى كان عايش وسط الفساد ومتآلف معاه كأنه شيئا عاديا ولم ينتقد الفساد ولو مره واحده علشان كده بقول الفيديو معبر وبرده ناس بتطلع تقول وفيها ايه لما يسلم عليه بقول لهم مفياهاش حاجه بس الفيديو معبر

[aif]

يا جماعة لو سمحتم
اللي بيحب مرشح معين ممكن يتكلم عنه
لكن محاولة تشوية الآخر ده اسلوب غير شريف في المنافسة
احنا في المنتدى المفروض جدلا اننا نكون من صفوة المجتمع .... مش صفوة أوي .... لكن ع الاقل كلنا متعلمين وكلنا بندخل ع النت يعني اطلاعنا يعتبر اكبر من فئات كتير من الشعب ومعظمنا خريجين او طلبة جامعات
لما احنا اللي المفروض اننا مميزين ثقافيا وعلميا يبقى ده اسلوبنا ..... يبقى عامة الناس معذورين
...
مطلوب مننا الموضوعية في الطرح ...... يعني لو حد مش عاوز عمرو موسى كمرشح ممكن يقول رأيه بموضوعية دون تجريح ودون تخوين
اللي مش عاوز البرادعي هو حر لكن دون تجريح وتخوين
الوطنية مش حكر على حد

الاخ صاحب الموضوع ..... انت ممكن تكون مش انت اللي حاطط اسم الفيديو وكاتب فضيحة
لكن انت اللي نقلته وانت شايف محتواه واسمه
كفى بالمرئ اثما ان تحدث بكل ما يسمع

[omar-saad]

هوة فى ايه
علشان عمرو موسى سلم على احمد عز تبقى فضيحة
طيب ماهو بيسلم على ال.......... منه
والبرادعى تفس الكلام
احنا ليه مابناخدش بموضوعية الشخص نفسة
احنا ليه سطحيين اوى كدة
ماينفعش ياجماعة كدة بصراحة الامور دى هيا اللى هاتعطلنا وتجيبنا ورا
انا مابحبش عمرو موسى ولا البرادعى
بس الحق يقال انى لما اسلم على واحد مرتشى وفاسد يبقى دا فضييحة
دا يبقى اسمه تهويل وتكبر لتفاهات مالهاش اى لازمة
لان هما دا اللى عايزينه اعداء الثورة واصحاب الثورة المضادة
اننا نضيع وقتنا فى ان عمرو موسى سلم على احمد عز
ان البرادعى مش عارف ايه؟؟؟؟؟؟؟؟؟
ارجوكم ياجماعة بلاش يبقى تفكيرنا كدة

[zkralla]

يا أستاذ شيتوس أول ما ظابط المباحث (أيام ما كان فيه ظباط مباحث) أول حاجة يقول مين المستفيد من الجريمة. تعالى هاتلى واحد فى مصر حاليا هيستفاد من تشويه صورة عمرو موسى غير أنصار البرادعى لأن - وحتى الأن- المنافسة الحقيقية تنحصر بينهم.

مين المستفيد تخلينا نشك فى شخص المستفيد
متخلناش نجزم بأنه من فعل

[kono]

معنى كده بقى ان لما البرادعى سلم على شارون انها كمان فضيحة
ده أسلوب الحزب الوطنى فى الدعاية او اعضاء النظام السابق
انا ضد عمرو موسى لانه من النظام القديم
ومستنى اشوف برنامج البرادعى لو هيترشح واقارنه ببرامج باقى المرشحين
احنا لازم نشوف البرامج مش الأشخاص