اخبار طريق القاهرة -شرم ايه ... آمن ولا لأ

[Yarisawy]

السلام عليكم ,

الواحد كان بيفكر يروح شرم او الغردقه يومين كده بما ان الاسعار رخيصه وتشجيع السياحه بس الواحد مقلق من موضوع البلطجيه خصوصا انى هامشى فى طريق ممكن مفيش حد غيرى لمده 5 ساعات

ياترى حد عنده معلومات على فكره انا اول مره اروح شرم وعمرى ما مشيت فى الطريق ده

ولا رايكوا السوبرجيت اضمن ولا مش فارقه ؟؟؟ الطيران اكيد اضمن بس الفرق كبييير

[mizohyatt]

أنا شغال فى شرم والطريق أمن جدا

[Ayman-Ahmed]

بامر الله الطريق امان.اخويا لسة نازل من شرم من يومين تقريبا بالسوبر جيت والحمد لله وصل بالسلامة وعلى فكرة كان راكب اتوبيس الساعة 12 بلليل

[ZALABANY]

شوف يا باشا انا لسه راجع من شرم يوم السبت اللي فات ودي كانت اول رحله ليا لشرم الشبخ ولأننا كنا طالعين جروب فتشجعت وسافرت بالعربية اتحركت من القاهرة الساعه 8 ونص تقريبا مسكت طريق السويس على الساعه 9 الطريق كويس وامان لح النفق مافيش اي مشاكل خالص وناس كتير ماشيه على الطريق وقفنا في بنزينة وطنية اللي قبل النفق استريحنا شوية في لجنه جيش قبل النفق بتفتش العربيات وتشوف الرخص ودي المره الوحيده اللي اتشافت الرخص وفتحت الشنطة وقفلتها تاني عديت النفق وأخدت طيق راس سدر حتى من طقة تسمى أبو زنيمه أخدنا رست هناك في رست على شمال الطريق اسمه صقر الصحراء تقريبا بعد كده هايبقى قدامك تقريبا 200 كيلو لشرم الشيخ وهما اجمل 200 كيلو عشان مناظر الجبال مع البحر فعلا رائعه خلي بالك عشان في منحنيات خطره بس هاتلاقي تنبيهات وعلامات ارشادية كفايه جدا الطريق هاياخد معاك بالكتير 5 ساعات لو شيلت وقت الريست خلي بالك ان الطريق وان واي
لما توصل شرم الجو حلو جدا والناس ودوده جدا والبلد منظمه لأقصى درجة أنا حسيت اني خرجت بره مصر خالص
الفنادق عامله اوفرات ممتازه انا كنت نازل في Hilton sharks pay كانت الليله للغرفه الدبل ب 500 جنيه all inclusive فطار غدا عشا أوبن بوفيه وسناكس بين الوجبات ومشروبت بالاضافه لساونا وجاكوزي وتنس وبلياردو وميني جولف وحمام سباحة فيه تدفئة جوه الأوفر
وما تنساش تطلع سفاري في الصحرا البيتش باجي ساعتين تقريبا ب 80 جنيه مع شاي في خيمه بدوية والجلاس بوت في حدود 50 جنيه
ورحلة سنوركلينج ل تيران او راس محمد في حدود 150 جنيه ولو عايز تليفون حد يظبطلك الرحلات الداخليه في شارم قلي وانا ابعتلك تليفون الراجل اللي طلعت معاه وبالتوفيق

[islamnabil]

شوف يا باشا انا لسه راجع من شرم يوم السبت اللي فات ودي كانت اول رحله ليا لشرم الشبخ ولأننا كنا طالعين جروب فتشجعت وسافرت بالعربية اتحركت من القاهرة الساعه 8 ونص تقريبا مسكت طريق السويس على الساعه 9 الطريق كويس وامان لح النفق مافيش اي مشاكل خالص وناس كتير ماشيه على الطريق وقفنا في بنزينة وطنية اللي قبل النفق استريحنا شوية في لجنه جيش قبل النفق بتفتش العربيات وتشوف الرخص ودي المره الوحيده اللي اتشافت الرخص وفتحت الشنطة وقفلتها تاني عديت النفق وأخدت طيق راس سدر حتى من طقة تسمى أبو زنيمه أخدنا رست هناك في رست على شمال الطريق اسمه صقر الصحراء تقريبا بعد كده هايبقى قدامك تقريبا 200 كيلو لشرم الشيخ وهما اجمل 200 كيلو عشان مناظر الجبال مع البحر فعلا رائعه خلي بالك عشان في منحنيات خطره بس هاتلاقي تنبيهات وعلامات ارشادية كفايه جدا الطريق هاياخد معاك بالكتير 5 ساعات لو شيلت وقت الريست خلي بالك ان الطريق وان واي
لما توصل شرم الجو حلو جدا والناس ودوده جدا والبلد منظمه لأقصى درجة أنا حسيت اني خرجت بره مصر خالص
الفنادق عامله اوفرات ممتازه انا كنت نازل في hilton sharks pay كانت الليله للغرفه الدبل ب 500 جنيه all inclusive فطار غدا عشا أوبن بوفيه وسناكس بين الوجبات ومشروبت بالاضافه لساونا وجاكوزي وتنس وبلياردو وميني جولف وحمام سباحة فيه تدفئة جوه الأوفر
وما تنساش تطلع سفاري في الصحرا البيتش باجي ساعتين تقريبا ب 80 جنيه مع شاي في خيمه بدوية والجلاس بوت في حدود 50 جنيه
ورحلة سنوركلينج ل تيران او راس محمد في حدود 150 جنيه ولو عايز تليفون حد يظبطلك الرحلات الداخليه في شارم قلي وانا ابعتلك تليفون الراجل اللي طلعت معاه وبالتوفيق

ممكن اسأل حضرتك حجزت الفندق عن طريق شركة ايه ؟

[Yarisawy]

شكرا ليكوا جميعا .. طمنتونى

طب حد عنده فكره احسن فندق فى دول ايه

1- رجنسى بلازا
2- جولى فيل
3- ايبيروتل ميركاتوا
4- امواج

[Ayman-Ahmed]

بالترتيب:

جولى فيل
ريجنسى بلازا
ايبروتيل
امواج

[ZALABANY]

حجزت في الفندق مباشرة يا باشا اتصلت بيهم وحجزت ورحت على هناك ريجنسي ارخص من هيلتون على فكرة
وده موقع عليه اسعار الفنادق كلها دلوقتي
.::. Travel Deals | Special Promotions, Sharm Elsheikh - FreeDaysEgypt .::.

[Yarisawy]

حجزت في الفندق مباشرة يا باشا اتصلت بيهم وحجزت ورحت على هناك ريجنسي ارخص من هيلتون على فكرة
وده موقع عليه اسعار الفنادق كلها دلوقتي
.::. Travel Deals | Special Promotions, Sharm Elsheikh - FreeDaysEgypt .::.

الواحد مش عارف احسن فندق فى دول ايه عشان الاطفال يتبسطوا , ياترى احسن حاجه 5 او 4 نجوم ايه ؟؟


.::. Travel Deals | Special Promotions, Sharm Elsheikh - FreeDaysEgypt .::.[/QUOTE]

[Ralliart]

طريق الغردقة أمان

[sayed911]

على حد علمي الضئيل الـ 5 نجوم هوة هوة هوة الـ4 نجوم الفرق في تواجد صالة قمار بتخيله يحصل على النحمة الخامسة وشوية حاجات بسيطة مش بتفرق ولكنها الأسياسية هيا صالة القمار فأنا رأيي خليك في الأربعة ..

[أحمد كمال]

كلام غير سليم على فكرة و اغلب الفنادق الخمس نجوم مفيهاش اصلا صالة قمار

[SAiF3S]

الواحد مش عارف احسن فندق فى دول ايه عشان الاطفال يتبسطوا , ياترى احسن حاجه 5 او 4 نجوم ايه ؟؟


.::. Travel deals | special promotions, sharm elsheikh - freedaysegypt .::.

[/quote]

انا أرشح لك فندق هيلتون شارم دريمز لو معاك اطفال اكبر من 5 سنوات , و السبب ان بنزولك الفندق بيعطيك دخول مجانى طول فتره الاقامه لمدينه الالعاب الاكثر من رائعه كليوبارك , و للعلم تذكره الدخول للفرد لمره واحده فقط 150 جم
ثانيا قربه من خايج نعمه و الممشى

[أحمد كمال]

انا أرشح لك فندق هيلتون شارم دريمز لو معاك اطفال اكبر من 5 سنوات , و السبب ان بنزولك الفندق بيعطيك دخول مجانى طول فتره الاقامه لمدينه الالعاب الاكثر من رائعه كليوبارك , و للعلم تذكره الدخول للفرد لمره واحده فقط 150 جم
ثانيا قربه من خايج نعمه و الممشى

امال انا ليه اما نزلت في شارم دريمز دخلت كليوبارك بفلوس :( :( :(

[SAiF3S]

امال انا ليه اما نزلت في شارم دريمز دخلت كليوبارك بفلوس :( :( :(

لو انت مش عارف و ما سألتش طبعا ماحدش هيقول لك , وللعلم هما حاطين اعلان عن البارك و الدخول المجانى فى اللوبى جنب الكونسيرج
انا رحت اكتر من اربع مرات ودايما بأدخل ببلاش