ربة الصون والعفاف بنت سيادتكم

[turboman]

يحيينا ويحييكوا ربنا ويخليلنا نور عيونا............ ولادنا لما بنتك تكبر .لو اتقدملها اتنين 1.دكتور غلبان و متبهدل 2.ميكانيكي مش غلبان و مش متبهدل.........هتقبل مين فيهم؟و لو عندك ولد هتتعب معاه زي ما اهالينا عملوا طول عمرنا زاكر يا واد....يا واد زاكر يا والالالالاة.....................ولا لما المحروس يكمل 10..12سنة هتقدملوا في اشبال اي نادي عشان يلعب كورة.........يا ترى .؟

[محمد عز]

اكيد الفلوس مش كل حاجة

[Nile_Storm]

بلاش دكتوز غلبان ومتبهدل دي :(
بتفكرني بنفسي :(
اختارو الدكتور يا جماعه عشان خاطر ترفعوا روحي المعدنيه شويه
:)

[sab3aawy]

بغض النظر عن المهنة ، وعن نوعية الشهادة الجامعية

انا عندى حد ادنى لمواصفات الشخص اللى يدخل بيتى يطلب بنتى

لازم يكون انسان مهذب ومتحضر، ولازم يكون انسان له مصدر دخل يقدر يصرف منه على بيته ولازم يكون عنده مكان للإقامة

بعد كدة هى حرة تقبل او ترفض اللى هى عايزاه ، عاجبها الميكانيكى اهلا بيه ، عاجبها الدكتور يا مرحب ، على فكرة انا قضيت 15 سنة من عمرى بتعامل مع ميكانيكى مؤهله الوحيد هو تعليمه فى ورشة الميكانيكا التى حصل عليها لاحقا بعد هجرة صاحبها الأول، ومع ذلك كنت بتعقد من ادبه واسلوبه فى الكلام وتحكمه التام فى مجرى اى حوار واستطاعته انهاء اى خلاف بدون احتداد وبدون عصبيه ، وياما شفت مهندسين ومحاسبين لا يجيدون تركيب 4 كلمات مع بعض لخلق حوار الا اذا كان الحوار موجها لسكة الشتيمة وقلة الأدب،
فعلى ذلك معيارى الوحيد هو التربية الجيدة والقدرة على تحمل مسئوليات بيت، اما ما عدا ذلك فهو حق الفتاه فى الإختيار

[turboman]

سبعاوي العزيز..........عندك حق يمكن التعبير خانني .....انا قريت الموضوع بتاع مدام علا بتاع السبعينات و فكرني بايام جميلة كان تاثير المادة في بلدنا اقل من كدة بكتير........... ايامها كان طاهر ابو زيد عندة سيارة 128 ووالدي المدرس كان عندة 132 انا بس لما ببص لعمر ابني محتار اربية ازاي اخلية يطلع دكتور و يخيب خيبة ابوة ولا اقدملة في نادي كورة ويطلع باعدادية بابتدائية مش مهم..............كل الموضوع ان بلدنا بقت صعبانة علية من اللي بيحصل فيها.......عموما اتمنى اسمع راي بقية الناس بعد ما وضحت الفكرة

[emadkamel]

انا بس لما ببص لعمر ابني محتار اربية ازاي اخلية يطلع دكتور و يخيب خيبة ابوة ولا اقدملة في نادي كورة ويطلع باعدادية بابتدائية مش مهم..............

خلليه يطلع انسان محترم، متدين، عنده وجهة نظر وفلسفه فى الحياة، يقدر يواجه المشاكل بثبات، قادر على التفكير و"التنفيذ" والاتقان، اغرز فيه معانى الرجوله الحقيقية من شهامه وجدعنة وفروسيه اخلاق، عرفه ازاى يواجه صغار النفوس باحترام ولا يتدنى لمستواهم وفى نفس الوقت لا يسمح لهم بالاساءه، عرفه اهمية اتقان العمل واهمية تنفيذ العمل حتى النهاية (اى حاجه من السلاطه لمشروع التخرج)

اغرز فيه الاساسيات وسيبه هو يختار براحته اى توجه ... واهرف انه هاينجح فى اى حاجه يعملها لانك بنيت شخصيه سويه .... مش مهم اوى نوع الـ career قد ما مهم نوع الشخصيه .... لو بنيت سفينه قويه ومتينه وبها كل الامكانيات .. تقدر تمشى فى اى بحر

انسب وسيله لتعليم الاطفال اننا نكون قدوه ليهم ... خلليه معاك على طول واتصرف زى ما تحب انه يتصرف وهو هايلقط ويفهم لوحده .. الطريقه الغير مباشره مع الاطفال احسن مليون مره من المواعظ

[Islam_galal]

مش عارف ، الموضوع مش مطلق قوي كدة في انطباعات كتير بتتحكم في الموضوع ده
بس ممكن نقول أهميه الشهادة تمثل 30%
الفلوس 50% (المقصود بالفلوس بالنسبه لي القدرة علي الحياه المقبولة و هو مايعني لمعظم الناس تحت المتوسط)

أما تربية الأطفال
الولد: يجب تعليمه
الدين و الأخلاق ، الصح و الغلط ، المثالية و الهمجيه
و لما يشتد عوده أسيبه في الدنيا و ربنا معاه

البنت: يجب تعليمها
الدين و الأخلاق و الصح و المثالية
و لما تكبر شوية احترام الرجل و الرضا بالمقسوم
و قبل متتجوز مراعاة ربنا في زوجها و أن بيتها هو كل شئ

[HESHAM AMIN]

اذا جائكم من ترضون دينة وخلقة فزوجوة
يعنى ادى بنتى للى حايصونها ويحافظ عليها
والى هى توافق علية
انما الفلوس و بيشتغل اية مش مهم
لانى ممكن اديها لدكتور يطلع عين ابوها وميراعيش ربنا فيها
وممكن اديها لموظف معهوش فلوس بس تعيش مبسوطة

[Karim_Monir]

معياري الوحيد لقبول اي شخص لدخول (الصالون ) لطلب ابنتي للزواج هو
الدين
الدين
الدين
ثم يكون على قدر كبير من المسئولية وشال نفسه بدري مش لسه بيعتمد على اهلة لسن متاخرة
انا عندي استعداد اساعدة هو شخصيا انه يقف على رجلة لو لمست كدة فيه
الادب والتهذيب هاتكون نواتج للتدين وماقصدش بالتدين التشدد
لكن اقصد اني اللي بيخاف من ربنا هايراعي ربنا فيها
واللي مش بيخاف من ربنا مش هايهمة انا ولا بنتي ولا غيرها
اخر حاجة مايكونش مدخن لاني بكرة التدخين فعلا

[analyzer]

الدين الادب الاخلاق الاصل والقدرة المالية والعائلة

[محمد المشد]

بغض النظر عن المهنة ، وعن نوعية الشهادة الجامعية

انا عندى حد ادنى لمواصفات الشخص اللى يدخل بيتى يطلب بنتى

لازم يكون انسان مهذب ومتحضر، ولازم يكون انسان له مصدر دخل يقدر يصرف منه على بيته ولازم يكون عنده مكان للإقامة

بعد كدة هى حرة تقبل او ترفض اللى هى عايزاه ، عاجبها الميكانيكى اهلا بيه ، عاجبها الدكتور يا مرحب ، على فكرة انا قضيت 15 سنة من عمرى بتعامل مع ميكانيكى مؤهله الوحيد هو تعليمه فى ورشة الميكانيكا التى حصل عليها لاحقا بعد هجرة صاحبها الأول، ومع ذلك كنت بتعقد من ادبه واسلوبه فى الكلام وتحكمه التام فى مجرى اى حوار واستطاعته انهاء اى خلاف بدون احتداد وبدون عصبيه ، وياما شفت مهندسين ومحاسبين لا يجيدون تركيب 4 كلمات مع بعض لخلق حوار الا اذا كان الحوار موجها لسكة الشتيمة وقلة الأدب،
فعلى ذلك معيارى الوحيد هو التربية الجيدة والقدرة على تحمل مسئوليات بيت، اما ما عدا ذلك فهو حق الفتاه فى الإختيار

يا عم سبعاوى لية كدة يعنى ملقتش غير المحاسبين والمهندسين لكى تنعتهم و تشبهم بأنهم لايجيدون تركيب 4 كلمات وقلة الادب والشتيمة 000 يا عم سبعاوى اذا كنت عايز تضرب مثل فأضربة بالمحامين او الدكاترة او اى مهنة اخرى او لاتعمم يا ابو الذوق والاخلاق الكريمة
والله انا كنت موافق على كل كلامك إلا هذه النقطة ارجوا سحبها 000 وبعدين انت نسيت نقطة هامة وهى الدين ان جاءكم من ترضون خلقة ودينة فزوجوه 0000

[hfekry]

بغض النظر عن المهنة ، وعن نوعية الشهادة الجامعية

انا عندى حد ادنى لمواصفات الشخص اللى يدخل بيتى يطلب بنتى

لازم يكون انسان مهذب ومتحضر، ولازم يكون انسان له مصدر دخل يقدر يصرف منه على بيته ولازم يكون عنده مكان للإقامة

بعد كدة هى حرة تقبل او ترفض اللى هى عايزاه ، عاجبها الميكانيكى اهلا بيه ، عاجبها الدكتور يا مرحب ، على فكرة انا قضيت 15 سنة من عمرى بتعامل مع ميكانيكى مؤهله الوحيد هو تعليمه فى ورشة الميكانيكا التى حصل عليها لاحقا بعد هجرة صاحبها الأول، ومع ذلك كنت بتعقد من ادبه واسلوبه فى الكلام وتحكمه التام فى مجرى اى حوار واستطاعته انهاء اى خلاف بدون احتداد وبدون عصبيه ، وياما شفت مهندسين ومحاسبين لا يجيدون تركيب 4 كلمات مع بعض لخلق حوار الا اذا كان الحوار موجها لسكة الشتيمة وقلة الأدب،
فعلى ذلك معيارى الوحيد هو التربية الجيدة والقدرة على تحمل مسئوليات بيت، اما ما عدا ذلك فهو حق الفتاه فى الإختيار

أستاذ / سبعاوى .
كل تقدير واحترام لك . على ردك الوافى .

[sab3aawy]

يا عم سبعاوى لية كدة يعنى ملقتش غير المحاسبين والمهندسين لكى تنعتهم و تشبهم بأنهم لايجيدون تركيب 4 كلمات وقلة الادب والشتيمة 000 يا عم سبعاوى اذا كنت عايز تضرب مثل فأضربة بالمحامين او الدكاترة او اى مهنة اخرى او لاتعمم يا ابو الذوق والاخلاق الكريمة
والله انا كنت موافق على كل كلامك إلا هذه النقطة ارجوا سحبها 000 وبعدين انت نسيت نقطة هامة وهى الدين ان جاءكم من ترضون خلقة ودينة فزوجوه 0000

اولا انا مهندس، ثانيا انا قلت "محاسبين" و"مهندسين" ولم اقل "المحاسبين" و"المهندسين" وهى تفرق كتيييييييييييييييييييير جدا، لأن عدم وجود الألف واللا يعنى عدم التعميم، وبالتالى لا كلامى لا ينسحب على الكل وانما ينسحب على البعض، وعندما اخترت مثالين للمهن التى تعتبر راقيه لأشير الى ان من بين ممتهنيها من لا يتحلون بنفس درجة الثقافة والرقى التى نفترضها فيها نظرا لمهنتهم قصدت الى ان اشير فى النهاية الى ان المهنة لا تحكم على صاحبها، ولم اقصد ان اسئ الى مهنة معينة ولذلك تعمدت وضع الهندسة-مهنة اكل عيشى- ضمنهم حتى لا اتهم بهذة التهمة

اما بالنسبة لموضوع الدين فانا كنت عارف ومتأكد ان هناك من هو اقدر منى على الكلام فيه ولن يمر الموضوع بدون مداخلات تحث عليه ، ولذلك فضلت تركه لمن يستطيع الكلام فيه بشكل افضل منى

[aif]

طبعا لازم يكون اولا عنده دين ... بيخاف الله .. لأن اللي بيخاف الله لازم ح يحافظ علي بنتي
وبعد كده الاخلاق والطباع والشخصية
ولازم يكون فيه حد ادني من الامكانيات المادية لفتح بيت
اما بعد كده فده هي اللي ح تختاره مش انا .. مانقدرش نقول يا اما دكتور او بلاش .. او مهندس او محامي او.. اوو

يعني اللي هي ح تختاره ... بس لازم يكون فيه الحد الادني من هذه الشروط
ربنا يجعل ايامهم احسن من ايامنا ... هو ده املنا .. ورجاءنا من ربنا

[ams]

بنتى لازم تتجوز واحد غنى
غنى
غنى
غنى
علم(ذو عقل راجح) و عمل(يأكل مما تجنى يداه ومتفانى فى عمله) ودين(عبادات ومعاملات اخلاق )

مش مهم بيشتغل فين او عنده كام لان كله هيجى هيجى هيروح فين يعنى