لاحول ولاقوة الابالله

[A7MED_PHARMA]

السلام عليكم


أول مارس..طبعا بيفكركم بالإقرار الضريبي ..ودفع الضرايب
غير طبعا إننا أول الشهر..فطبعا دفعت فاتورة كهرباء 175 جنيه
وميعاد الإيجار الشهري...الشهر ده الإيجار زاااد حسب العقد بمقدار 100 جنيه
غير طبعا رواتب العمال
وفاتورة الميه والتليفون
والتأمينات

.
.

الجديد بقا
الشغل نايم بشكل غير مسبوق..وده من تبعات الثورة ,,,نحمد ربنا طبعا
النهاردة
واحد جاي يتفرج على العربية ..أنا كنت عارضها للبيع من فترة..وغيرت رأيي
كنت سايب خبر للميكانيكي بتاعي إنه يشوف لها زبون لأني مش من هواة اللف في الأسواق والمعارض
النهاردة جه واحد شافها
عجبته
وكان هيجيب معاه واحد يعاينها بكره
لسه راجع ....بدير العربية علشان اركن قدام الصيدلية
طااااااااااااااخ
موتوسيكل راح طايح في الرفرف الخلفي ...طبعا الرفرف إتعوج عوجة سودا ...والعتب إتكسر
والفانوس الخلفي إتكسر .. والاكصدام إتكسر


لاحول ولاقوة إلا بالله

مخنوووووووووووووووووووووووووووق

[kono]

لا حول ولا قوة الا بالله
سيبها لله
ان شاء الله ربنا هيفرجها

[mr_vampire]

معلش يافارما. عشان بنقول العربيات بتحس ياشباب وانتو مبتصدقوش. صلحها بقي وصالحها.

الحمد لله انها جت علي اد كدة.

[wael17]

حصل خير و احمد ربنا انك سليم

[A7MED_PHARMA]

أنا مدلعها أخل دلع والله..ده أنا لسه من 3 شهور مغير الأربع فرد كاوتش
ومركب لزقة العدادات البيضا

وكنت لسه ناوي أروح لبتاع الدوكو يلمعها ...أديني هروحله يمعجنها

قرررررررررف

[زينة الله]

ربنا يعوض عليك ... خدت الشر و راحت ... زى ما بيقولوا

بالنسبة لفاتورة الكهرباء أم 175 جنية يا ترى أنت بتراجع قراية العداد مع القراية اللى مكتوبة فى فاتورة الكهرباء

راجعها كويس وشوف هل القراة الحالية مطابقة أو هل فى استهلاك قديم بيتقسط فى فاتورة الكهرباء

أو إنك تطلب تعمل فحص للعداد يمكن يكون بيجرى لفات أسرع فيحسب عليك استهلاك و كليوات أكتر

[waelfarid]

سلامات يادكتور احمد
قل لن يصيبنا الا ما كتب الله لنا
ارض بقضاء الله واللي ييجي في الريش بقشيش وقل الحمد لله
واللهم أجرني في مصيبتي واخلفني خيرا منها وانت موقن بتعويض الله لك اوبرفع ذنب عنك او تاجيل الاجر بعدييييييين

[cayman69300]

اللى ييجى فى الحديد يبقى سهل
المهم انت بخير

[mr_vampire]

أنا مدلعها أخل دلع والله..ده أنا لسه من 3 شهور مغير الأربع فرد كاوتش
ومركب لزقة العدادات البيضا

وكنت لسه ناوي أروح لبتاع الدوكو يلمعها ...أديني هروحله يمعجنها

قرررررررررف

مش كفاية اربع فرد كاوتش ولزقة عداد انتا كنت واعدها من فترة طويلة علي تسقيط ال 1600 ومنفزتش فلازم تتفصل منك بصراحة

فك بقي يامعلم وبعدين هي مهانش عليها توديك للسمكري علي حاجة بسيطة.

[ahmed_mido1889]

قدر الله وما شاء فعل
معلش بقي متعيطش

[gebreel]

حمد الله على سلامتك يا دكتور و العربية ان شاء الله تتصلح و تبقى زي الفل

[tito_1980]

معلش هي البلاوي كلها بتتحدف مره واحده ... عربيتي ولعوا فيها في اثناء الثوره و عليه العوض و منه العوض