ملناش فى البورصة بس هنساعد بلدنا ان شاء الله ... كلنا ندخل الموضوع بليز

[Rerii]

البورصة هتفتح ابوابها يوم الاحد وحسب ماسمعت من وسائل الاعلام ان فيه خطر ان الاجانب يشتروا الاسهم المصرية وفى الحالة دى الاقتصاد هينهار

والحل للبعد عن المشكلة دى ان كل فرد فينا يشترى اسهم ولو ب 100 جنيه قول يااخى 50 حتى يعنى من الاخر ميجيش تمن غدا مع اصحابك فى الحالة دى هنمنع الاجانب انهم يشتروا الاسهم المصرية ويوقعوا الاقتصاد المصرى وكده كده ان شاء الله اسعار الاسهم دى هترتفع جدا وهنكون افدنا بلدنا وفى نفس الوقت هنستفيد

بصراحة احنا هنا فى البيت قررنا ان كل واحد هيدفع 100 جنيه من معاه وهنشترى اسهم يوم الاحد ان شاء الله

المشكلة بقى انى معرفش اى شئ عن مكان تداول الاسهم دى فى الزقازيق المكان اللى انا عايشة فيه وياترى ممكن اشترى من البنك وللا ايه

ياريت نعمم الفكرة وكل حد عنده معلومة يحطها وزى ماكنا سبب فى ثورة 25 وبفضل الله بدأت تحقق مطالبها خلينا نبقى احد اسباب انقاذ الاقتصاد المصرى هو ده دورنا

[medo_2060]

كلام 10 على 10 ... احمد المسلمانى كان بيتكلم فى الموضوع دا النهارده وقال انه مهم جدا جدا ومفيش حاجه اسمها ملكش دعوه بالبورصه لان وقوعها هيترتب عليه كوارث بعد كدا ودا مش فى مصلحه البلد طبعا ولا فى مصلحه الثوره حاليا ...
انا الى اعرفه ان فى شركات فى كل مدينه ممكن تتعامل معاها كوسيط يعنى بينك وبين البورصه .. ياريت حد يأكد لنا الموضوع دا و ازاى نتعامل معاهم لان موضوع السفر للقاهره هيبقى صعب اوى...
فى انتظار اى افكار من الناس الى ليهم تعامل مع البورصه

[cayman69300]

ان شاء الله انا كمان يوم الاحد هشترى بقيمة 100 جنية
و ان شاء الله الموضوع دة يكون من اكبر المواضيع فى المنتدى
لانة موضوع مفيد مش موضوع تضييع وقت و لا موصوع اختلاف و اتفاق
دة للكل موضوع اتفاق
و ربنا يبعدنا عن الفذلكة

[dramir1]

وانا ان شاء الله هشتري ب1000 جنيه..... ياريت حد فاهم في البورصه يقولنا نشتري اسهم ايه...

[som3aa]

يا جماعة حرام عليكو و الله , نشترى من ناس عايزة تهرب بفلوسها؟؟؟

لو محدش باع البورصة مش هتنزل و لا حنى 0.0001% , معنى كدا انها هتنزل لما الناس تبيع و الناس تبيع ليه؟؟؟؟؟؟؟

البيع العادى علشان الناس محتاجة فلوس مثلا لا يسبب الا الانخفاض العادى 1% و الكلام دا

هروب الاجانب خليهم يهربوا و سعر السهم ينزل جامد و ناخد اسهمهم بسعر ضعيف جداااا و يرتفع السعر تانى بالطبيعة بسبب مكاسب الشركات و نبقى احنا خادنا الاسهم بالرخيص!!! و كسبنا جامد!!!

ليه نشترى دلوقتى و ندفع احنا لناس عايزة تهرب بفلوسها؟؟؟؟؟؟؟؟؟؟؟؟؟؟؟

[Egyzizo]

بما أن مالكمش فى البورصة زى حالاتى يبقى تعملوا زى ما أنا عملت ، هتروحوا مكتب البريد (البوسطة) وتعمل دفتر توفير اسمه (دفتر استثمار البريد) وتحط فيه المبلغ اللى انت عايزه وهم بيستثمروه فى الأسهم بمعرفتهم.

[dramir1]

طيب وارباح الدفتر دا بتبقى نسبه ثابته ولا حسب المكسب والخساره؟؟؟؟

[abf-nassar]

احترامي للجميع
طريقة التعامل في البورصة لها اسلوبين
الاسلوب الاول
ايداع المال المطلوب استثمارة باحد صناديق الاستثمار بالبنوك وجميعها لها صنادبق استثمارية واقواها طبعا صناديق البنك الاهلي وبنك مصر
وطبعا في الحالة دي بيع وشراء الاسهم بيتم عن طريق الصندوق من خلال مجلس ادارته لانك بتكون في الحالة دي مساهم بالصندوق ولاتتعامل بماشرة مع الاسهم
الاسلوب الثاني
وده بيكون التعامل المباشر مع الاسهم وده بيتم من خلال شرائك للاسهم بنفسك وخطواته كالاتي
1- احتيار شركة سمسرة بالبورصة ( شركات السمسرة طبعا منتشرة بفروعها في جميع المحافظات
2- عمل عقد مع شركة السمسرة يسمي عقد فتح حساب بالبورصة وبيتم في الحالة دي مايسمي بالتكويد وهو حصولك علي كود تعامل بالبورصة يسمح لك بالتعامل في اي وقت من خلال هذا الكود ويمكن التعمل به من اي شركة
3- ايداع المبلغ المطلوب الشراء به بشركة السمسرة
4- اختيار السهم الذي ترغب في شراؤه واصدار امر شراء به ( اوامر الشراء هي اوامر مطبوعة بالشركات بتحدد اسم السهم وعدد الاسهم المطلوب شرائها والسعر الذي ترغب في الشراء به
5- عند اتمام عملية الشراء تصبح الاسهم المشتراه مملوكة لك ويحق لك بيعها في اي وقت
تحياتي للجميع واي استفسار اخر تحت امركم

[dramir1]

طيب يعني حضرتك شايف الافضل شراء الاسهم مباشره ولا صناديق الاستثمار ولو نشتري اسهم نجيب ايه

[abf-nassar]

يا جماعة حرام عليكم و الله , نشترى من ناس عايزة تهرب بفلوسها؟؟؟

لو محدش باع البورصة مش هتنزل و لا حنى 0.0001% , معنى كدا انها هتنزل لما الناس تبيع و الناس تبيع ليه؟؟؟؟؟؟؟

البيع العادى علشان الناس محتاجة فلوس مثلا لا يسبب الا الانخفاض العادى 1% و الكلام دا

هروب الاجانب خليهم يهربوا و سعر السهم ينزل جامد و ناخد اسهمهم بسعر ضعيف جداااا و يرتفع السعر تانى بالطبيعة بسبب مكاسب الشركات و نبقى احنا خادنا الاسهم بالرخيص!!! و كسبنا جامد!!!

ليه نشترى دلوقتى و ندفع احنا لناس عايزة تهرب بفلوسها؟؟؟؟؟؟؟؟؟؟؟؟؟؟؟

اخي الكريم
اسمح لي بعرض وجهه نظر اخري
من واقع ملموس داخل البورصة فعلا الاجانب سوف ينقضوا علي الاسهم المصرية لشرائها لان معظم الشركات المقيدة بالبورصة لها اصول ثابته داخل مصر وقيمة اسهمها الموجوده بالبورصة علي الوضع الحالي وحتي قبل حدوث انخفاض اخر تعتبر اقل من قيمتها الحقيقية باكثر من 60% وبالتالي الشراء الان بالنسبة للاجانب يعتبر فرصة حقيقية لهم ولكنهم لن يدخلوا للشراء في اول يوم او ثاني يوم هم سوف يدخلون للبيع المكثف بغرض دفع السوق نحو الانهيار وسوف يتبعهم المستثمرون المصريين في البيع والذي سيحدث هو ان الاجانب سوف يقومون بالشراء بعد هذا الانهيار
بخصوص الحرامية بتوع البلد فللاسف اموالهم في مأمن ولن يبيعوا حاليا لسبب بسيط
معظمهم لا يتعامل باسمه الشخصي ولكن لديه عشرات الاسماء التي يصعب تتبعها يقوم بالشراء باسمهم ولن يقوم بالبيع بخسارة بل انه سوف ينتظر الي تحسن السوق ويقوم بالبيع لانه في جميع الاحوال الاسهم غير معروف صاحبها
هذا بخلاف ان اي محاوله منهم للبيع الان وتجميع الاموال لتهريبها سوف تكون محاولة مكشوفة في ظل وجود تدقيق من كل الجهات في الاموال التي تحول للخارج وهم لن يجازفو بذلك الان
تحياتي لك

[abf-nassar]

طيب يعني حضرتك شايف الافضل شراء الاسهم مباشره ولا صناديق الاستثمار ولو نشتري اسهم نجيب ايه

الافضل طبعا الشراء بمعرفة صناديق الاستثمار وعن طريق صناديق البنوك الوطنية مثل البنك الاهلي
لان ادارة الصناديق بتلك البنوك ادارة محترفة تستطيع اتخاذ قرار البيع والشراء طبقا لقواعد السوق والتحليل المالي والفني للاسهم وهذا لن يتوفر لغير المتعاملين في الاسهم وحتي لاتكون محاوله المساهمة في رفع البورصة عبارة عن خسارة لقيمة المبلغ الذي تساهم به

[dramir1]

طيب هو قصد حضرتك بنك مصر يعني حساب يوم بيوم ولا دا حاجه تانيه
ملهاش دعوه بالبورصه؟؟؟

[فتح الباب]

احببت المشاركه من اجل ان ياتى الموضوع فى المشاركات الجديده للمنتدى حتى لا ننسى هذا الموضوع وارجوا ان الموضوع يظل مفتوحا محل مناقشه ولذلك ارجوا مزيد من المعلومات من الاخوه الافاضل كى يتثنى لنا القيام بذلك على وعى . اشكركم جميعا

[som3aa]

اخي الكريم
اسمح لي بعرض وجهه نظر اخري
من واقع ملموس داخل البورصة فعلا الاجانب سوف ينقضوا علي الاسهم المصرية لشرائها لان معظم الشركات المقيدة بالبورصة لها اصول ثابته داخل مصر وقيمة اسهمها الموجوده بالبورصة علي الوضع الحالي وحتي قبل حدوث انخفاض اخر تعتبر اقل من قيمتها الحقيقية باكثر من 60% وبالتالي الشراء الان بالنسبة للاجانب يعتبر فرصة حقيقية لهم ولكنهم لن يدخلوا للشراء في اول يوم او ثاني يوم هم سوف يدخلون للبيع المكثف بغرض دفع السوق نحو الانهيار وسوف يتبعهم المستثمرون المصريين في البيع والذي سيحدث هو ان الاجانب سوف يقومون بالشراء بعد هذا الانهيار
بخصوص الحرامية بتوع البلد فللاسف اموالهم في مأمن ولن يبيعوا حاليا لسبب بسيط
معظمهم لا يتعامل باسمه الشخصي ولكن لديه عشرات الاسماء التي يصعب تتبعها يقوم بالشراء باسمهم ولن يقوم بالبيع بخسارة بل انه سوف ينتظر الي تحسن السوق ويقوم بالبيع لانه في جميع الاحوال الاسهم غير معروف صاحبها
هذا بخلاف ان اي محاوله منهم للبيع الان وتجميع الاموال لتهريبها سوف تكون محاولة مكشوفة في ظل وجود تدقيق من كل الجهات في الاموال التي تحول للخارج وهم لن يجازفو بذلك الان
تحياتي لك

انا مليش خالص فى البورصة بس طالما حضرتك بتفهم فى البورصة ارجو ان توضح لى وجهة نظرى صح و لا غلط

لو اللى هيسبب وقوع البورصة المصريين اللى هيبيعوا بسبب الفزع فانا رايى بدل ما نعمل حملات علشان الناس تشارك ب 100 جنية نعمل حملات علشان نوعى الناس انها لو باعت فى البورصة هى اللى خسرانة يعنى المصرى اللى هيصمم يبيع هو اللى غلطان , لو الاجانب بس هى اللى باعت و محدش بيشترى السعر هينزل جامد جدا جدا بالنسبة للقيمة السوقية للشركات و ارباحها , لو المصريين مباعوش ساعتها هيبقى الاجانب بس اللى بتبيع طبعا و ساعتها نقدر احنا نخش بالمبادرة اياها بتاعت ال100 جنية و الناس هتكسب و اسعار الاسهم هى اللى هتزيد و اللى هيكسب ساعتها هما اللى اشتروا و اللى مباعوش اسهمهم هيبقى سعرها هى هى.
لو الاجانب كمان مباعوش يبقى مفيش اى انخفاض لما المصريين كمان مبيبيعوش.
اما لو جينا ننزل نشترى علطول دلوقتى يبقى هنشترى اسهم الاجانب او الناس اللى عايزة تهرب بسعرها العالى !!!!!
يعنى هنشترى من الناس بالسعر العالى و دا طبعا مش كويس , دا رايى مش عارف , منطقى؟

[mynameh]

ياريت يا جماعة اللي فاهم كويس يقولنا خطوات محددة

بأسلوب شديد البساطة لأني في حوار البورصة دة ولا الهوا
" مش البورصة دي مرات البورص "