كنت.. مهدد بالقتل........تجربه شخصيه ومنظور أخر للوضع الحالى..

[نور القمر]

الف حمد ا لله على سلامتك
وانا اللي كنت زعلانة على محل سيكل بيتش اللي فتح جنبنا والعيال اللي بتأجره يتخبط في عربيات الشارع
ده الواحد يحمد ربنا على النعمة دي

[Mohamed_Hegazy]

لك الله بس دى سقافه شعب مبنيه بالطريقه دى من 50 سنه واللى هتعمله الثورة بتغير العقد الاجتماعى علشان الناس تعيش على نظافة - نتيجة التغيير امته - لسة بدرى اوى - بس هى دى البدايه - وعموما فى فترة انعدام الامن دى الجهل هو المتحكم فى الوضع وانتم عارفين نسبه الجهل فى الشعب المصرى كام فى المائه حوالى 60 % وايضا دول نتيجة ال 50 سنه الفاسدين السابقين

[أحمد كمال]

محل سيكل بيتش

دي من مخلفات العهد الاماراتي دي صح ؟

[أشرف فتحى]

معلش انا هنتقد حضرتك
الاول اتريقت على المتظاهرين ال بينزلو كل جمعة عشان حقنا
وفي نفس الوقت مدايق من الروتين
انت عارف البيه بتاع المديرية منزلش حد معاك ليه
عشان ال بيه ال اكبر منه قالو سيبهم كدا عشان يبطلو مظاهرات
دي ملهاش حل غير ان قيادات الداخليه تتغير
و طبعا تصرف الجيش كان غلط و سلبي بس ممكن نراعي كمية الشكاوي ال بتوصله و في منها ناس خايفة بس ف بتقولهم هاتولنا دبابة

خللى بالك يا فندم....

فى فرق بين اللى الرجاله اللى كانوا واقفين عشان يجيبولنا حقوقنا وضحوا بدمهم وفى فرق بين اللى نازل يحتفل بالنصر وبدم الشهيد وبالمش عارف ايه كل جمعه ..حضرتك لو شوفت الناس بتشتكى من ايه وبتحكى بتقول ايه كنت عرفت اننا كان لازم نقف شويه....احنا دلوقتى مبنبطلش طلبات....كل جمعه طلب جديد...اللى شغله مرتبط بقطاعات معينه زى السياحه والبورصه والشركات الاجنبيه حالهم وقف تماما...احد زملائنا فى المنتدى وصديق شخصى لى مرتبه اتخفض ل 30 % من الاصلى مع تسريح نصف العماله.........


بقيت كل شويه افتكر قصه جحا والحمار........


حضرتك أكيد نزلت فى حظر التجول وشفت البهدله اللى بنتبهدلها على ما نروح...

أنا عايز اشتغل واجيب فلوس لبيتى عايز العجله تمشى استمتع بالجو الجديد اللى الناس دى جابتهولى ..أنتخب عضو مجلس شعب ..اللى فعلا يمثلنى......ورئيس جمهوريه يخلينى اقول مصرى وافتخر...

إحنا بقينا عاملين زى اللى عامل ربنا يعافينا عمليه إستئصال لورم خبيث وفى المخ ومصمم انه يخرج النهارده من المستشفى ويروح يمتحن التفاضل والتكامل ويجيب الدرجه النهائيه...

يعنى فضلوا يبرمجونا 30 سنه على الخضوع والسلبيه هنبقى ديمقراطيين فى شهر...

يا سيدى انا كنت باخد ملف عكسى دايا من بعد الثوره قلت عمرى ما هعملها تانى....لكن كن اللى ماشييين عكسى وكم الشايلين النمر وكم اللى لازقين لازقه استيكر 25 يناير على النمر مؤذى للعين...

عشان أقول عاوز لازم أدى الأول...

بدل ما اقف فى التحرير اطالب بإقاله شفيق..

أبدأ أعمل لجنه شعبيه زى ما مناطق كتير عملت ونغير لمبات النور المحروقه وندهن الرصيف وننظف ونعمل حاويه قمامه لكل عماره ونخلى كل شارع احلى من التانى..انا عرفت انهم فى عين شمس وصلوا انهم بيوقفوا الميكرباصات يتأكدوا انهم بياخدوا الاجره بدون تزويد..وفى شبرا وقت الاستغلال كانوا بيراقبوا التجار الجشعين ويمنعوهم من رفع الاسعار ولو بالتهديد....

بعدها اوعى اللى حواليا باهميه الصوت الانتخابى....

واحاسب شفيق واللى فوق شفيق...من خلال الشرعيه

[نور القمر]

دي من مخلفات العهد الاماراتي دي صح ؟

طيب بيتش باجي من مخلفات انهي عهد ؟
عموما انا لقيت العسكري لا فاهم دي ولا دي قلت له الفسبة ام 4 عجلات

[kono]

والله حاجة تحزن جدا
بس احنا هنعمل ايه فى الداخلية اللى مصرة انهم مينزلوش الشارع لحد ما البلد تنهار

[medo_2060]

نهايه محزنه للاسف ... بس برضه حضرتك البلد مش هتتغير دلوقتى ولا بعد سنه حتى .. التغيير هيجى بالتدريج بس لازم نكون على اول الطريق الصح...
واول الطريق الصح الى المتظاهرين بيطالبوا بيه دلوقتى .. مينفعش الداخليه تتساب زى ماهى كدا ولا الحكومه.. كدا يبقى احنا هنحمى نفسنا اليومين دول وهنفضل طول عمرنا نندم ..
تحياتى لحضرتك

[heshamzaky]

أستاذ أشرف فتحى مش عارف و اله أقولك أية أنت حكيت قصة واقعية و حدثت بالفعل . البلد بقت فوضى فى فوضى و الناس مش مدركة و لا هاممها كلة عاوز الى فى دماغة و السلام و اسمع شوية كلام من هنا لبكرة . و نص الناس للأسف لا تعرف كيف تحمى نفسها و مش كل الناس عندها اسلحة و لا بتعرف تحمى نفسها بيها الخوف من بداية حرب اهلية و سيكون البقاء فيها للاقوى و دة الى قلناة من البداية تلاقى الناس عمالة تتكلم فى كلام تانى . البلطجة بقت جهارا نهارا و بكرة تسمع المزيد و المزيد .

[ashrafsadany]

معلش هوا حضرتك ساكن فين علشان بسبب حكايتك انا كنت هطلع انط من فوق المنتدى وانتحر

[heshamzaky]

و الله بكرة تلاقى العيال الصغيرة كل عيل شايل معاة سكينة فى جنبة و بعدين الناس حا تضرب فى بعض و لما تتكلم و تقول الكلام دة يبقى أنت من اعداء الحرية و لقمة العيش هيا الى هاماك و مش مهم لقمة العيش و عيش بحرية . دى مش حرية دى فوضى فى فوضى

[shaddadfalcon1]

البارح مراتي بتقولي ان صاحب العماره عايز يطلع بدورين ذياده برده ومستني موافقه السكان ولو وافقو هيركب اسانسير ويظبط المدخل والسلم كله هيعمله رخام
وبياكد ان العماره تستحمل وممكن يجيب مهندس ولو السكان نفسهم عايزين ييجيبو مهندس عشان يتاكدو هو معندهوش مانع

يعني كده الراجل ملاك بقي

[abdalah_hashem]

هى خربيت
واللى بيعمل حاجة مش هيبطلها بسهولة
ربنا يهدى الجميع

[heshamzaky]

المضحك فية شارع فى مدينة نصر السكان نزلو ب الليل و قفلو الشارع ببندورات رصيف فى تقاطع شارعين أمام منازلهم علشان التكدس المرورى و عربياتهم بتتخبط و الشارع عمومى مش شارع جانبى يعنى الفوضى وصلت لان الناس بقت بتعمل تخطيط عمرانى و تخطيط للطرق على هواها كمان

[abdalah_hashem]

معلش انا هنتقد حضرتك
الاول اتريقت على المتظاهرين ال بينزلو كل جمعة عشان حقنا
وفي نفس الوقت مدايق من الروتين
انت عارف البيه بتاع المديرية منزلش حد معاك ليه
عشان ال بيه ال اكبر منه قالو سيبهم كدا عشان يبطلو مظاهرات
دي ملهاش حل غير ان قيادات الداخليه تتغير
و طبعا تصرف الجيش كان غلط و سلبي بس ممكن نراعي كمية الشكاوي ال بتوصله و في منها ناس خايفة بس ف بتقولهم هاتولنا دبابة

هو حضرتك انا مع ان الناس اللى بتتظاهر فى التحرير دية تصبر اسبوع متروحش وتسيب الناس دية تشتغل
الحكومة هتتغير بعد استفتاءات الدستور عشان الحكومة الجديدة هى اللى هتعمل انتخابات
ثانيا حقى وحقك مش هنخدهم فجاءة تلاقى حقك كامل
من حق الاستاذ اشرف ان بتوع الجيش والشرطة كانوا يبعتوا معاهم قوة للمكان بس لان الناس دية كان كل حاجتهم بتخلص بسبب نفوذهم
مش بيهتموا قوى بالناس العادية لان مش حاسس بالمعاناة ناس زى دية مش فجاة هتتغير لاة ابدا الا لما يبقى فى استقرار ولما تروح لواحد زى دة وميتحركش تطلع على الوزارة
لكن فى ظل التوترات اللى احنا فيها بدل ما الناس كلهم تتظاهر دلوقتى يوجهوا جزء منهم يروحوا يحموا مخازن الاثار اللى كل يوم بتتسرق
الفكرة اننا ندنا فايقين مش ننام ومش ندننا ثائرين وهايجين على طول

[د.أبونضال]

مؤامرة من الشرطة على الشعب... شعارها "خلوا الجيش ينفعكو"