إعـــــــلان

Collapse

.

,
See more
See less

من أنتم؟ أين كنتم عندما كان يطلق علينا الرصاص في ميدان التحرير؟ إلى الأمام ثورة ثورة

Collapse
X
 
  • Filter
  • الوقت
  • Show
Clear All
new posts

  • من أنتم؟ أين كنتم عندما كان يطلق علينا الرصاص في ميدان التحرير؟ إلى الأمام ثورة ثورة

    في اختلاف في وجهات النظر حول استمرار المظاهرات والاعتصامات والضغط لتحقيق المطالب.

    أنا هنا بتكلم عن المظاهرات والاعتصام بتاع ميدان التحرير ... مش المظاهرات الفئوية.

    البعض يرى التهدئة وترك فرصة للمجلس العسكري لتحقيق وعوده.

    والبعض انه لا مجال للتهدئة ويجب الاستمرار في الضغط.

    أنا مع الفريق الثاني بصراحة.

    المشكلة ان الفريق الأول شايف الفريق الثاني مخربيين وهيودوا البلد في داهية.

    والفريق التاني شايف الفريق الأولاني متخاذل أو همه على بطنة أو حتى مستفيد من الفساد.

    طيب العنوان، ايه علاقة القذافي باللي احنا فيه؟

    كتير من الثورات بتقلب فاشية. يعني تسلط قادة الثورة وانفرادهم بالسلطة واقصاء الآخرين وبتقلب بدكتاتورية.

    القذافي كان فاكر نفسه قائد ثورة من 40 سنة ,,, وكاسترو في كوبا قاد ثورة وفضل ماسك في الحكم سنين طويلة

    الحمد لله ثورة 25 يناير ملهاش قائد ... ومفيش حد يقدر يدعي انه قائد الثورة.
    وعشان كده مش عايزين احزاب باسم الثورة.

    المهم، مكدبش عليكم ... سعات بحس بأني هقلب فاشي لما اسمع معارضين استمرار الثورة.

    بحس ان في ناس قصيرة النظر للغاية. ناس بتتكلم عن تدهور الاقتصاد وغياب الأمن دلوقتي ومش مقتنعين ان ده وضع مؤقت ولو صبرنا هيبقى افضل لينا على المستوى البعيد.

    نتكلم عن الاقتصاد الأول. احنا لو نجحنا تماما في القضاء على الفساد واستطعنا التحول للديمقراطية بجد الاقتصاد هينمو بمعدلات خيالية والاستثمارات الأجنبية هتزيد بشكل كبير جداً في مصر.
    الديمقراطية والشفافية وتكافئ فرص المستثمرين دايما بتجذب الاستثمارات ... صحيح الديكتاتوريات ساعات بتنجح في جذب بعض الاسثمارات عن طريق اعطاء امتيازات لمستثمر دون الآخر ... بس طبعا كله في مقابل رشاوي أو المشاركة في الأرباح. وفي أي لحظة الدكتاتور يقلب على المستثمر ويستولى على استثماراته.

    طيب ما الناس بتاعة "اهدوا بقى" هتقول لك ما احنا أهو ماشيين في الطريق الصحيح، اهمدوا وبطلوا مظاهرات عشان الاستثمارات تيجي زي ما أنت بتقول.

    الرد: هو احنا قضينا على الفساد خلاص؟ مش في كتير من رجال الأعمال والمسؤولين الفاسدين نفسهم الدنيا تهدى بسرعة عشان مايتحاسبوش؟ وازاي نسيب معظم المسؤولين في أماكنهم وتقول لي نهدى؟

    المحافظين ورؤساء الأحياء دول مش كانوا بياخدوا رشاوي من الشركات عشان مشروعات تسري عليهم. مش كلنا بنشوف شوارع بتتكسر وتتعمل المجاري وبعدين تتسفلت وبعدين تتعمل الكهرباء؟

    رؤساء البنوك الأهلية اللي كانوا بيدوا قروض بالمليارات لأصحاب جمال مش لسة في أماكنهم؟

    كل مؤسسات الدولة مليانة فاسدين ولسة في أماكنهم. سيبك من الكام وزير اللي بيتحاكموا ... في مئات بل الآلاف غيرهم في كل حتة في مصر.

    فين بقى القضاء على الفساد؟ ... وليه الاستثمارات الأجنبية تزيد اذا احنا لسه عندنا فساد؟

    نتكلم عن الأمن:

    هي المظاهرات في التحرير هي اللي مخلية الشرطة يا عيني خايفة ومش عارفة تنزل تظبط الأمن في الشارع؟
    جهاز الشرطة الفاسد بيعمل حاجتين ... أولاً بيعاقبنا عشان اللي حصل يوم 28 يناير ... ثانياً عايز يوصل الناس انها تبوس ايده عشان يرجع الأمن من غير ما يتحاسب على جرائمة قبل الثورة وأثناءها ومن غير ما يفقد سلطته.

    أقسم بالله العظيم الشرطة لو عايزة ترجع بكل قوتها من بكرة هترجع.

    اللي بيحصل ان بواقي النظام (هي مش بواقي ولا حاجة ... رأس النظام وشوية رموز هي اللي اتشالت وجذور النظام المتشعبة لسه موجودة في كل مكان) عايز يوقعنا في بعض. عايز الناس تكره المعتصمين والمتظاهرين في ميدان التحرير وتلومهم على كل مصائب البلد.

    لو قعدنا في بيوتنا أقول لكم ايه اللي هيحصل. كل الفاسدين ما عدا اللي ريحتهم فاحت قوي هيفضلوا في أماكنهم.
    السرقة ونهب فلوس البلد هتبقى بالمداري وبحجم أقل. يعني هيهدوا اللعب شوية.
    مع الوقت الظروف الاقتصادية هتتحسن بس انسى اننا نشوف طفرة في الاقتصاد وجميع مناحي الحياة.
    الشوراع الرئيسية هتنضف بس الشوارع الجانبية هتفضل زي ما هي.
    البلد هتتحسن بس انسى اننا نبقى زي ماليزيا أو سنغافورة.
    ويفضل النظام السابق موجود بالصف الثاني بتاعه وشوية وجوه جديدة.

    من الآخر مش هنحس بالمليارات اللي اتنهبت ... مش هيبقى فيه مشاريع ضخمة جديدة زي ممر التنمية ... مش هنعيش في مدن جديدة نظيفة مربوطة بقطار كهربائي سريع. هنفضل قاعدين في الوادي زي ما احنا.

    اصبروا ... اضغطوا عشان محدش يتضحك علينا ويرملنا كام عضمة.
    ماتخلوش الحزب الواطي يرجع تاني باسم جديد وشوية كلام معسول.
    ماتخلوش شفيق تلميذ مبارك وصديقه المقرب يفضل في رئاسة الوزارء ويلمع نفسه في الكام شهر اللي جايين بعدين يستقيل وتيرشح للرئاسة. ساعتها كأنك يابو سيد ما غزيت.

    ماتخلوش الثوار يقلبوا فاشيين. خليكوا كلكم ايد واحدة. والله العظيم بيضحكوا علينا ويوقعونا في بعض لأنهم خايفيين على أماكنهم.

    الى الأمام ... الى الأمام ... ثورة ... ثورة ... ثورة
    بس ثورة بجد مش زي السفيه القذافي.

  • #2

    بص أنا معاك ،،،

    مش مقتنع بجزء كبير من كلامك ،، شايفه سوداوي زيادة عن اللازم

    لأني شايف بوادر تغيير كتير ،،

    بس برده معاك ،،، إقتناعا بمبدء واحد فقط

    لو إحنا مضغطناش ،،،،

    البديل

    ضغط فلول الفساد و الحزب الوطني و حتي أمريكا و إسرائيل

    فعشان كده هأبقي معاك

    أإحنا أحسن من صفوت الشريف و زكريا عزمي و فتحي سرور و أحمد شفيق و كلينتون

    نتحد ،،، نتحد

    في وجه كل دوول ،،،

    و معتقدشي فيه مطلب واحد من مطالب الثوار ،،، يختلف عليه اتنين مصريين شرفاء

    ممكن فقط يختلفوا علي الأسلوب لكن إستحالة يختلفوا علي الهدف

    Comment


    • #3
      معاكم حتى تحقيق كل اهداف الثورة
      معنديش استعداد اشيل ذنب دم شهيد واحد
      واتنازل عن المطالب اللى دفع حياته تمن عشانها
      [CENTER][URL]https://www.facebook.com/NMTechShop/[/URL] [/CENTER]

      Comment


      • #4
        المشاركة الأصلية كتبت بواسطة itsonlyme مشاهدة المشاركة
        الى الأمام ... الى الأمام ... ثورة ... ثورة ... ثورة
        بس ثورة بجد مش زي السفيه القذافي.
        +111111111
        فعلا القذافي سفيه...عمال يقول ثورة ثورة ثورة و فاكر ان الشعب كله وراه

        ربنا يشفي

        Comment


        • #5
          انا بطمن لما بشوف كلامك ده انت وغيرك
          بعكس حزني على بعض الاراء اللي تحولت من خوف موضوعي الى خوف مرضي بفتح الميم
          بياذي صاحبة وبياذي المتخاف علية
          [CENTER]في الماضي كان الخطر الكبير الذي يواجه المصريين النظام الفاسد[/CENTER]
          [CENTER]الان الخطر الاكبر الذي يواجه مصر والمصريين هو الجهل[/CENTER]

          Comment


          • #6
            المشاركة الأصلية كتبت بواسطة baskota مشاهدة المشاركة
            معاكم حتى تحقيق كل اهداف الثورة
            معنديش استعداد اشيل ذنب دم شهيد واحد
            واتنازل عن المطالب اللى دفع حياته تمن عشانها
            +1111
            --------
            معاكم .. وان شاء الله دم الشهداء مش هيضيع هدر
            [COLOR="Blue"]سبحان الله وبحمده ... سبحان الله العظيم[/COLOR]

            Comment


            • #7
              كلام منطقي
              واكيد معاك لغاية ما بقايا النظام تتشال بالكامل
              و زي ما في الثورة خدنا تونس قدوة لينا
              هناخدها قدوة لينا في انهم استمرو في التظاهر لغاية ما الغنوشي قدم استقالته

              Comment


              • #8
                صامدون حتى تحقيق كل أهداف الثورة

                Comment


                • #9
                  المشاركة الأصلية كتبت بواسطة د.أبونضال مشاهدة المشاركة
                  صامدون حتى تحقيق كل أهداف الثورة
                  فتح سابقا

                  Comment


                  • #10
                    لو شفيق استمر هاتتزور الانتخابات تاني والاعلام حاليا يتم توجيهه لتلميعهم وبفلوسنا

                    ثوره ثوره ثوره الى الامام وانا معاكم

                    Comment


                    • #11
                      بعد الرعب اللي شوفناه احنا وعيالنا
                      وبعد دماء الشهداء
                      وبعد الامل في التغيير اللي صاحيين نايمين بنحلم بيه
                      وبعد كشف ورق بعض كبار الفاسدين المفسدين
                      وبعد تبجح بعضهم الاخر وتحديهم وشماتتهم زي مدير امن البحيرة سابقا
                      وبعد ضرب اقتصادنا بالاعتصامات الفئوية المنظمة من قبل الحزب الواطي
                      مينفعش الزمن يرجع لورا ومينفعش نقف في نص الطريق
                      مفيش قدامنا غير نكمل طريقنا للاخر

                      Comment


                      • #12
                        انا بطمن لما بشوف كلامك ده انت وغيرك
                        بعكس حزني على بعض الاراء اللي تحولت من خوف موضوعي الى خوف مرضي بفتح الميم
                        بياذي صاحبة وبياذي المتخاف علية
                        و انا كمان و الله و مش قادر افهم وجهة النظر المضادة , بحاول و الله مش قادر افهم!!!!

                        نفس الفكر !! سيب البلطجية تاكولهم علشان يبوسوا ايدنا علشان ننزل
                        نفس الفكر : يوقعوا الناس فى بعض و يعملوا انشقاقات
                        نفس الفكر : شيل فاسد , هات الاحتياطى بتاعه اللى فاسد زيه
                        نيم الناس , كل طلب التف عليه , اللجنة الزفت اياها شغالة 100-100 بتاعت بحبك يا ريس علشان انت كويس مع ان الراجل مشى و لسه حاطين صوره!!!

                        Comment


                        • #13
                          انا نفسى نتفق كلنا على تحقيق المطالب
                          يا جماعة يالى شايفين استمرار المظاهرات بيوقف حال البلد ايه رأيكم تنضموا لينا يومين بس
                          يومين مش هيأثروا كتير عليكوا بس هيأثروا اوى على حال بلدنا
                          دى بلدنا كلنا وكلنا عاوزينها للاحسن
                          تعالو نتفق ونتحد ونكمل مشوارنا للاخر
                          والله البلد هتكسب اكتر
                          [SIZE="3"]نحن قوم اعزنا الله بالاسلام فاذا ابتغينا العزة بغيره اذلنا الله[/SIZE]

                          Comment


                          • #14
                            المشاركة الأصلية كتبت بواسطة نور القمر مشاهدة المشاركة
                            بعد الرعب اللي شوفناه احنا وعيالنا
                            وبعد دماء الشهداء
                            وبعد الامل في التغيير اللي صاحيين نايمين بنحلم بيه
                            وبعد كشف ورق بعض كبار الفاسدين المفسدين
                            وبعد تبجح بعضهم الاخر وتحديهم وشماتتهم زي مدير امن البحيرة سابقا
                            وبعد ضرب اقتصادنا بالاعتصامات الفئوية المنظمة من قبل الحزب الواطي
                            مينفعش الزمن يرجع لورا ومينفعش نقف في نص الطريق
                            مفيش قدامنا غير نكمل طريقنا للاخر
                            يحيا الثبات على المبدأ..... تحياتي

                            Comment


                            • #15
                              المشاركة الأصلية كتبت بواسطة د.أبونضال مشاهدة المشاركة
                              صامدون حتى تحقيق كل أهداف الثورة
                              المشاركة الأصلية كتبت بواسطة نور القمر مشاهدة المشاركة
                              بعد الرعب اللي شوفناه احنا وعيالنا
                              وبعد دماء الشهداء
                              وبعد الامل في التغيير اللي صاحيين نايمين بنحلم بيه
                              وبعد كشف ورق بعض كبار الفاسدين المفسدين
                              وبعد تبجح بعضهم الاخر وتحديهم وشماتتهم زي مدير امن البحيرة سابقا
                              وبعد ضرب اقتصادنا بالاعتصامات الفئوية المنظمة من قبل الحزب الواطي
                              مينفعش الزمن يرجع لورا ومينفعش نقف في نص الطريق
                              مفيش قدامنا غير نكمل طريقنا للاخر
                              +1111111111
                              ده غير الدور السلبي اللي قايمه بيه الشرطه عشان نرجع ونسلم ونترحم على ايام المخلوع
                              بس لا والف لا صامدون صامدوووووون
                              [SIZE=3]الثَّوْرَه يَصْنَعَهَا الْشُّرَفَاء وَيَرِثُهَا الْجُبَنَاء[/SIZE]

                              Comment

                              Working...
                              X