شى لا يصدقه عقل : البلطجية حرقوا (المحــرقة)

[Egyzizo]

باختصار ، مهنتى ينتج عنها نفايات خطـــرة ومتعاقد مع مكان حكومى للتعامل مع هذه النفايات لأنه لا يمكن القاؤها فى صندوق القمامة العادى ولابد من معالجتها ، الوحدة التى تقوم بذلك اسمها (المحرقة).

يوم السبت الماضى ذهبت إلى المحرقة لتسليم النفايات الخطرة التى تجمعت عندى على مدى أسبوعين ففوجئت بالمحرقة مهشمة ومحترقة ، ورفضوا استلام النفايات لأن هناك بلطجية قاموا فى جنح الظلام بتدمير المحرقة ..

طيب يا ولاد ستين فى سبعين هى المحرقة دى قسم شرطة واللا مجلس محلى علشان تدمروها؟؟

أعمل ايه أنا دلوقتى فى البلاوى السودة اللى فى شنطة العربية ، أوديها فين بس يا ربى.[/color]

[mr_vampire]

روح اي نقطة عسكرية واعمل بلاغ واتخلص من المواد ده لو خطيرة بالشكل ده يعني

[FunnyMickey]

عبيها في ازايز ستلا وموسي
وسيبها علي الارض
ومتخافش
يومين وتعالي شيل جثث البلطجيه
واهو تبقي خلصت من زبالتين في بق واحد
:)

[aly_hosny]

حضرتك ممكن تسال على اي "محرقة" تانية تخلصك من المواد دي
لو في شركات تانية بتعمل نفس الشغل اسالهم

عبيها في ازايز ستلا وموسي
وسيبها علي الارض
ومتخافش
يومين وتعالي شيل جثث البلطجيه
واهو تبقي خلصت من زبالتين في بق واحد
:)

من الاخر

[Egyzizo]

حلوة فكرتك يا ميكى .. ده كده هيعملوا دماغ جهنمممممممم .. ههه


للأسف لابد علشان النفايات تخش أى محرقة ان يكون فيه تعاقد معاها وإلا ترفض دخولها .. بالإضافة إلى أن المحرقة التانية فى محافظة تانية ..

مع إنى كنت ناوى أتغير بعد 25 يناير ، بس هأفوت المرة دى وهاضطر أدفع رشوة فى محرقة تانية علشان يفوتوا التهمة اللى فى شنطة العربية ويتعاموا عن موضوع العقد ..

وربنا يسهل ويصلحوا المحرقة بتاعتنا وإلا هتبقى كارثة لأن مش أنا بس اللى رجعونى ، فتخيلوا لو الوضع استمر أسبوعين تلاتة هيحصل ايه ..
أكيد أكيد فيه ضعاف نفوس هيتخلصوا منها فى صناديق القمامة العادية وهيقولوا عملنا اللى علينا وهم اللى مش راضيين يعدموها، وده للأسف خطر جداً.

[aly_hosny]

حلوة فكرتك يا ميكى .. ده كده هيعملوا دماغ جهنمممممممم .. ههه


للأسف لابد علشان النفايات تخش أى محرقة ان يكون فيه تعاقد معاها وإلا ترفض دخولها .. بالإضافة إلى أن المحرقة التانية فى محافظة تانية ..

مع إنى كنت ناوى أتغير بعد 25 يناير ، بس هأفوت المرة دى وهاضطر أدفع رشوة فى محرقة تانية علشان يفوتوا التهمة اللى فى شنطة العربية ويتعاموا عن موضوع العقد ..

وربنا يسهل ويصلحوا المحرقة بتاعتنا وإلا هتبقى كارثة لأن مش أنا بس اللى رجعونى ، فتخيلوا لو الوضع استمر أسبوعين تلاتة هيحصل ايه ..
أكيد أكيد فيه ضعاف نفوس هيتخلصوا منها فى صناديق القمامة العادية وهيقولوا عملنا اللى علينا وهم اللى مش راضيين يعدموها، وده للأسف خطر جداً.

رشوة لو انت بتعمل حاجة غلط
او عايز حاجة مش حقك
انما انت مفيش في ايدك اي حاجة
وبتعمل كدا عشان تفيد الناس مش تضرهم

[فتح الباب]

وبما انك طرحت الموضوع عام فأسمحلى والساده الزملاء نفكر سويا كى نتخلص من هذه المواد كل مننا بفكره علنا نصل لرأى سليم .
اما عن المواد فهى لو سر مهنه مثلا فنحن نحترم هذا اما لو ليست سر فتفضل بتوضيح المواد عن ماذا تتمثل . شكرا

[Egyzizo]

لأ يا افندم مش سر مهنة ولا حاجة ..
هى نفايات بيولوجية تحمل ميكروبات مسببة لأمراض خطيرة وغير خطيرة.

[أحمد كمال]

لأ يا افندم مش سر مهنة ولا حاجة ..
هى نفايات بيولوجية تحمل ميكروبات مسببة لأمراض خطيرة وغير خطيرة.

اعذرني عالتطفل

دي مخلفات معمل تحاليل؟

[Egyzizo]

أيوه .. وبحكم التخصص الدقيق فمعظم المرضى ممن يعانون من فيروسات الكبد سى وبى وأمراض الحميات، يعنى النفايات بتشغى ميكروبات على كل لون.

[أحمد كمال]

أيوه .. وبحكم التخصص الدقيق فمعظم المرضى ممن يعانون من فيروسات الكبد سى وبى وأمراض الحميات، يعنى النفايات بتشغى ميكروبات على كل لون.

طبعا دي نفايات خطرة جدا و محتاجة محارق متخصصة و فعلا زي ما بتقول لو واحد ما عندوش ضمير و رماها في الزبالة تبقى كارثة ذنبه ايه زبال غلبان يتشك بابرة ملوثة بفيرس سي مثلا و لا يستنشق بقايا عينة بصاق مريض درن ...... غير عديمي الضمير اللي ممكن ياخدوا السرنجات و يغسلوها و يعيدوا تغليفها !!

لا حول و لا قوة الا بالله .... يعني الكلاب دي استفادت ايه من حرق محرقة طبية؟؟؟؟؟؟؟

[mesaharaty]

عندى إقتراح لا أعرف إن كان يعجبك ولا لأ

ممكن حضرتك تروح أى حتة صحرا وتتعمق فيها شوية وتقوم بحفر حفرة عميقة وتكون جايب كام لتر بنزين وتضع المخلفات فى الحفرة وتحرقهم ثم تردم عليهم .

أعتقد إن ده حل وسط وإن كان غير كافى

وبالتوفيق

[أحمد كمال]

عندى إقتراح لا أعرف إن كان يعجبك ولا لأ

ممكن حضرتك تروح أى حتة صحرا وتتعمق فيها شوية وتقوم بحفر حفرة عميقة وتكون جايب كام لتر بنزين وتضع المخلفات فى الحفرة وتحرقهم ثم تردم عليهم .

أعتقد إن ده حل وسط وإن كان غير كافى

وبالتوفيق

المخلفات دي مش هتطهر نهائيا بشوية بنزين و نار غير ان فيها بعض الحاجات الحادة زي سنون الابر لازم تنصهر تماما

المحارق الطبية بتبقى الحرارة فيها تصل لحرارة صهر الحديد

[hossaam]

ما فيش حل الا انك زي ما قلت تحاول تتخلص منها في المحرقة التانية دي وتدفعلهم وامرك لله
ولكن في نفس الوقت لازم الادارة عندك تعمل عقد معاها فورا..ومش محتاج اكتر من يوم على ما اظن...
لانه كده كده المحرقة الاولى لسه قدامه يااااما على ما ترجع

[youssefmustang]

ايه يا باشا حضرتك معاك يورانيوم ولا ايه ده كده غلط على صحتك انت
اتخلص منها وحاول تدفنها