حد هنا من احمد حلمي شبرا - كلام عن ان في قلق هناك

[AhMeD EzZ]

انا كنت راجع من شوية

لقيت في لجنة شعبية معمولة قبل البيت عندي

قلت خييييييييييير

وقفوني لقيتهم بيقلولي متطلعش اول شبرا في قلق و ضرب نار هناك

المهم روحت و ببص ع الشارع لقيت عربيات كتير وقفة و من دقتين عربيات شرطة كتييير قوي طالعة علي هناك

يا تري الكلام دة صح و لا ايه ؟؟

[Qmax]

اليوم السابع | عشرات المصابين فى اشتباكات عنيفة بين السائقين فى القللى

الخبر على اليوم السابع

[abdalah_hashem]

استر يارب انا خايف الموضوع بتاع القلبان دوة يرجع تانى

[M.Mostafa80]

دا كانت شبرا محاطه بالنوع دا من الخناق
واحده فى نفق القللى والتانيه فى نزله كوبرى عرابى شبرا الخيمه
يعنى فى تنظيم للموضوع عشان الناس تخاف وتجرى تبوس ايد الشرطه عشان ينزلو يحموهوم تقوم الناس تنسى اللى حصل منهم ويرجعو اقذر من الأول
تمثيليه بتتنفذ فى كل الأحياء صدفه عجيبه

[KarimAbulEla]

عفوا لكن اعتقد انها ليست تمثيلية حيث ان البلطجية بالفعل متواجدين فى كل مكان و لا يحتاجون الى اى جهة لدفعهم الى الشارع و الانتشار هنا و هناك من اجل فرض السطوة و النهب و السلب و الاعتداء و الخطف ، الان كل من يمتلك جزء من الجرأة و جزئين من انعدام الاخلاق و ثلاثة اجزاء من حب الثراء بينزل الشارع مع مجموعة من اصدقاءه بصحة مجموعة من الاسلحة البيضاء ليمارسوا ما يحلوا لهم فى المواطنين اللى هم انا و انت ، هم دول الجيل الجديد من البلطجية الذى ظهر بمجرد اختفاء الشرطة من الصورة ، الجريمة فى الماضى كانت تتكون من هجامين و نشالين و نصابين و حرامية و فئات اخرى كثيرة ، الان تحولت الجريمة الى اعداد غفيرة من البلطجية ذو المواصفات المذكورة سابقا و هدفهم اما سرقتك نقودك و ممتلكاتك او سيارتك او شقتك او حتى خطف الاناث من الطريق

[mailo]

الكلام ده كان من يومين

[m3_dolphen]

الكلام فعلا حصل انا من الشرابية وسمعت الكلام من صديقى شاهد ذلك بنفسه وايضا بعض الناس شاهدوا شخصا يمشى فوق الاسطح ولم يستطيعوا ان يمسكوه ..