عمر عفيفى وزير للداخليه....

[elfashn]

ده مش خبر ده امل عدى على دماغى وانا عمال اقرأ المواضيع الى هنا فى المنتدى الاجتماعى والى معظمها بتتكلم عن غياب الشرطه والشرطه قاصده مش قاصده ظالمه مظلومه والوزير كويس لآ فاسد مخطط لآمنقط زهقت من كتر الى قريته والكلام الى عكس بعضه وبعدين فكرت ببساطه مصحوبه بسذاجه مواطن مالوش فى السياسه والتعيينات الوزاريه بس انا قولت هما جابو وزير كان على المعاش والناس مختلفه عليه وبتشكك فيه طيب الشعب لو حب يرشح حد يبقى وزير للداخليه ممكن نثق فيه ممكن يبقى مين؟؟؟؟؟ انا شخصيا معرفش حد ...لآ استنو العقيد عمر عفيفى الراجل المحترم الى عمل كتاب علشان متضربش على قفاكهوه اينعم خرج على رتبه عقيد بس محدش هيختلف على نزاهته وانه وقف مع شباب الثوره بتوجيهاته الممتازه وانه فى صف الشعب والمواطن الغلبان الى مبيعرفشى ياخد حقه عمر عفيفى رجل قانون وهو يحترم زملائه من ظباط الشرطه....معرفشى تفكيرى ده صح ولا عيالى شويه بس الواحد زهق من عدم وجود الامن وعدم الامان لدرجه الواحد بدء يفكر يشترى ادوات غير قانونيه للدفاع عن نفسه ضد اى خطر من المجرمين والبلطجيه

[aly_hosny]

معلش بس انا ضده
هو لو وطني و بيحب مصر كان حارب الفساد من هنا
كمان محبتش اسلوبه و تلميحاته و حسيت انه بيصفي حساب مع حبيب العادلي

انا ارشح «أحمد رشدي» ولو مينفعش "لكبر سنه"
ارشح اللواء حمدي الجزار "كان مدير امن القليوبية و قبلها اسيوط و دلوقتي مساعد وزير الداخلية"
الناس تشهدله قعد في القليوبية سنة مكنش في زرة مخدرات و لا تسمع عن حوادث السرقة بتاعة نتش الشنط و الموبايلات و السلاسل و الكلام دا
دا غير المرور طبعا ال كان حاجة تانية خالص في عهده

كمان اسمع انه كان في اسيوط وقت القبض على عزت حنفي "الجزيرة "

[elfashn]

ماهي المشكله فى ان لما تختار حد من مديرين الامن تلاقى واحد طلع يقولك اصله كان بيظبط مع تجار القلقاس اصل ابنه كان واخد اسكوتر هديه مش عارف من مين ومش هيجعب البعض واطلع على التحرير يا اوسطا..

[itsonlyme]

لا يا راجل.
أنا كنت متابع فيديوهاته قبل 25 ينيار ونصائحه بس زودها قوي في آخر فيديو.

اسلوب كلامه كأنه بيقود عصابة.

قاعد في واشنطن وحاطط علم مصر وراه وعمال يعمل بيانات وخطابات نارية.

[aly_hosny]

ماهي المشكله فى ان لما تختار حد من مديرين الامن تلاقى واحد طلع يقولك اصله كان بيظبط مع تجار القلقاس اصل ابنه كان واخد اسكوتر هديه مش عارف من مين ومش هيجعب البعض واطلع على التحرير يا اوسطا..

انا معتقدش كدا
يعني رفض محمود وجدي بدا لما بداته تصريحاته الغريبة و الهلامية
دا غير ماضيه " كان عندنا برضو في القليوبية"
انما لو واحد من الاول بان عليه الوطنيه و حب البلد محدش هيقف ضده

[أحمد كمال]

معلش بس انا ضده
هو لو وطني و بيحب مصر كان حارب الفساد من هنا

انا لا معاه و لا ضده بس لو حضرتك امن الدولة بتتحرش بيك يوميا و بتطاردك في سيارتك الخاصة و بتفتش بيتك و بتهددك بالتصفية الجسدية مش هتركب اول طيارة و تهرب؟

[elfashn]

انا شوفت الفيديو ده هو فعلا كان الحماس قاتله شويتين. بس الناس الى بتبقى اتظلمت اوى كده مبتظلمش غير ان كلامه محترم فى التعامل مع المواطن

[أحمد كمال]

لا يا راجل.
أنا كنت متابع فيديوهاته قبل 25 ينيار ونصائحه بس زودها قوي في آخر فيديو.

اسلوب كلامه كأنه بيقود عصابة.

قاعد في واشنطن وحاطط علم مصر وراه وعمال يعمل بيانات وخطابات نارية.

هو قاعد في فيرجينيا مش واشنطن ......

[elfashn]

انا لا معاه و لا ضده بس لو حضرتك امن الدولة بتتحرش بيك يوميا و بتطاردك في سيارتك الخاصة و بتفتش بيتك و بتهددك بالتصفية الجسدية مش هتركب اول طيارة و تهرب؟

الراجل ده بالذات لو كان فضل قاعد فى مصر كان زمانه بقى كفته .ده خبط تخبيط عالى اوى

[itsonlyme]

هو قاعد في فيرجينيا مش واشنطن ......

بس أنا شوفت البروفايل بتاعه على الفيس بوك كان كاتب واشنطن وشوفته على قناة الحرة كانوا كاتبين واشنطن.

عموما مش مهم، أهو قاعد في أمريكا عمال يدي في خطب نارية.

[aly_hosny]

انا لا معاه و لا ضده بس لو حضرتك امن الدولة بتتحرش بيك يوميا و بتطاردك في سيارتك الخاصة و بتفتش بيتك و بتهددك بالتصفية الجسدية مش هتركب اول طيارة و تهرب؟

لا بصراحة كنت همشي
بس همشي و انا مكسوف اني هرب

بس مش دا سبب اساسي في رفضه
خطاباته بحس ان هي تصفية حسابات و كره في حبيب العادلي بالذات "كلنا بنكره "
استفزازية اوي
كان بيقول ان حبيب العادلي هو فجر كنيسة القديسين "طب دلوقتي مش المفروض يطلع يورينا الادلة بتاعته و ليه اتهمه و دي فرصته لان النيابة بتحقق فيها "
ليه مرجعش مصر لغاية دلوقتي
ازاي خرج عقيد من الشرطة و انا اعرف ان الجيش هو ال بيخرج عقيد انما الشرطة اقل حاجة عميد

[أحمد كمال]

لا يا باشا الشرطة برضه بيخرج عقيد ...... الا لو فلتة زمانه يعني

و تخرج مكسوف ليه ؟؟؟ انت خايف على حياتك

[SkyBird]

دوره كان منتهى الروعة في التخطيط والتنظيم لثورة 25 يناير
ومساعدة الثوار في هزيمة الامن المركزي
انا كل ما اشوف اول فيديو من توجيهاته للشباب احس من لهجته وايمانه بانتصار الثورة ان الفيديو اتعمل بعد الثورة لولا ان الفيديو طبعا معروف ونشور قبل الثورة
انا معاك في مطلبك انه يمسك وزارة الداخلية لانه هو اللي هينظف الداخلية وامن الدوله ويخليهم ملك الشعب صح

لكي نتذكر فقط انا عاجبني قوي المقدمة بتاعته وخصوصا لما بدأ بالاية الكريمة (وَمَا رَمَيْتَ إِذْ رَمَيْتَ وَلَكِنَّ اللَّهَ رَمَى )

والفيديو -الجزء الاول -مهدى لكل اللي فاكر ان القوى الوطنية لم تشارك في الثورة او ركبت موجتها ويعرف ان كل شئ بالقلم والمسطرة ومش عشوائي

YouTube - ‫ط¹ظ…ط± ط¹ظپظٹظپظٹ ظˆط£ط±ط´ط§ط¯ط§طھ ط¹ط§ظ…ظ‡ ظ„ظ„طھط¸ط§ظ‡ط± ط§ظ„ط³ظ„ظ…ظٹ ط¬ط²ط،1‬‎

[أحمد كمال]

عندك حق كنت باقول ايه المتفائل ده اللي بيقول مش ماشيين لحد ما ناخد حقنا و بتاع

[osoliman88]

على فكرة سبب اللجؤ السياسي لأمريكا للعقيد عفيفي هو الكتاب الذي قام بتأليفه والذي كلن بعنوان " علشان متضربش على قفاك" ويشرح فيه باللغة العامية أو اللهجة المصرية ، وفي شكل س و ج إزاي تأخذ حقك من رجال الشرطة وإزاي تحمي نفسك من رجال الشرطة. وبيشرح كل المواقف اللى ممكن يتعرض لها أي مواطن في مواجهة الشرطة سواء في القسم أو في كمين أمني أو الشارع أو في أي مكان وكيف تتعامل بالقانون في كل حالة. وأنا كنت عملت موضوع من سنة عن هذا الكتاب وعملت رابط له ، بس مش فاكر تقريبا الموضوع كان تم إغلاقه على ما اعتقد . على العموم لو كمل وقعد في مصر فعلا كان زمانه وراء الشمس. وكان آخر ظهور له بعد لقاءه مع منى الشاذلي في برنامج العاشرة مساء وهو بيتكلم عن الكتاب سبب المشكلة.