مش قلتلكوا فيها ان!!!!! ((وشايف الصنفره و البوليش بعيني ))

[AHMEDCAR]

نفسى اعرف تصميم الصفحه دى بيتعمل ازاى كده عجبانى جدا و حاولت ادور و مش لاقى طريقه اعملها بيها

[yascro]

مين ده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[pharonicking]

الصفحة عليه ا فيروس اول مادخلت ادى انذار ان فيه فيروس

[Ralliart]

تحذيير لو حد عنده الضغط أو أمراض القلب ميقرأش التعليقات اللي على الصفحة
ده نفس الكلام اللي كانو بيقولوه عن مبارك بالضبط صانع الاستقرار وصانع الأمن والأمان وصانع مطار القاهرة!!!َ
يعني كنا خايفين الحكم يفضل في الجيش يقوم يطلع من القوات الجوية كمان يعني ييجي 38 سنة الطيارين بيتناوبو عليها

[Hacker5]

هو مش الجيش من شوية كان قايل انه هايسلم السلطة لرئيس مدنى ؟ :)

[M7amD_7amDy]

نداء إلى الراجل اللي في توقيع العضو أحمد كمال
ارحم شوية كرهت المنتدى

تصدق انا فعلا بقالى كتير مبيجليش نفس أقرأ مواضيع كتير لنفس السبب

[aly_hosny]

هو مش الجيش من شوية كان قايل انه هايسلم السلطة لرئيس مدنى ؟ :)

اسكت
مش احمد شفيق طلع دكتور

[Moh.Abdelbaset]

مش فاهم الناس مضايقة ليه
ما اللي عايز يرشح نفسه ما يرشح
و أنا مش فاهم بصراحة اللي خايفين من التلميع
هو حد هيضربنا على ايدينا علشان نرشح حد معين
و كل واحد عنده عقله و يختار اللي يعجبوا
و اللي بيجب شفيق يعمله دعاية زي ما هو عاوز
و اللي بيحب البرادعي يعمله دعاية زي ما هو عاوز

[م. حاتم السباعي]

مش فاهم الناس مضايقة ليه
ما اللي عايز يرشح نفسه ما يرشح
و أنا مش فاهم بصراحة اللي خايفين من التلميع
هو حد هيضربنا على ايدينا علشان نرشح حد معين
و كل واحد عنده عقله و يختار اللي يعجبوا
و اللي بيجب شفيق يعمله دعاية زي ما هو عاوز
و اللي بيحب البرادعي يعمله دعاية زي ما هو عاوز

السلام عليكم
لو سمحت لي حضرتك ان اكمل علي مداخلتك
بهجوم علي كل منتقد و مجرح سواء لشفيق او لاي مرشح كان
يعني يا اخوتنا يا اعضاء يا ثوار لقد سمحتم لنفسكم في وقت من الاوقات و انتم لا تملكون اي سلطة ان تحتجو علي النظام و ان تسقطو الرئيس و ان تحاولو ان تسقطو الوزارة كل ده لانكم تنادون بالحرية و الديمقراطية المحظورة اثناء النظام الفاسد
ثم عندما ينعم الله علينا بجزء من الحرية فيأتي احدكم و يمسح ما كان ينادي به
و يفعل ما كان ينتقد غيره فيما فعل و يقلده و يحكر علي فكرة
و يحاول ان يسلط الضوء علي (( هيافة و ضحالة )) فكر من يخالفه
اين اذن الاختلاف بينكم و بين اصحاب السلطة في النظام السابق
لا اجد اي اختلاف للاسف
و استعدو للقادم
سوف يظهر في المحافظات قريبا جدا ناس (( متشددين )) امثالكم ايضا لا يعتنقون الا بلغة السلاح مع من يخالفهم رأيهم
و لسوف تحدث مجازر الفترة القادمة
و كل واحد وقتها لا يلوم الا نفسه
و هذا ليس هجوم علي الثورة و انما هجوم علي امثالكم
انا مستني الفتاوي بقي القادمة
و مستني التشكيك في (( نيتي و في ضميري و في ديني كمان ))
و حتي لا تفهم نيتي غلط للناس الوسطيين
ما اريد توضيحه للعقلاء فقط فالمتشدد لا يسمع الا صوته
اننا كشعب في خلال الفترة الماضية و هي حوالي شهر
كلنا سعادة و فرحة ان من بيننا شباب كسرو حاجز الخوف و ناضلو كي ننعم بالحرية و بوطن امن و دولة متقدمة
و هذا طبعا يتطلب زمن و يتطلب جهد و يتطلب كفاح و مجاهدة
(( للنفس )) اقسم بالله ان العامل الاكبر هو مجاهدة (( النفس ))
لان كل الشرور تأتي من النفس اولا
و ها نحن بعد اكثر من 20 يوم علي سقوط النظام السابق
الكثير منا مازال يقف عند هذه الحالة
لا يريد ان يزحزح قدمه للامام
حينما دخل الرسول صلي الله عليه و سلم لمكه بعد ان حاربوه و قاتلوه و هم (( الكفار -- الكفار -- الكفار ))
قبل الدخول قال من دخل بيت ابي سفيان فهو امن
و كان ابو سفيان يعرف بعداءه للمسلمين و لكن الرسول قال
(( اكرمو عزيز قوم ذل ))
و بعد ان من الله عليه بالفتح
قال لهم ماذا تظنون اني فاعل بكم قالو (( اخ كريم و بن اخ كريم ))
قال لهم اذهبو وانتم الطلقاء (( انت قدوتنا يا حبيبي يا رسول الله ))
و حينما دخل صلاح الدين للقدس
عفا عن (( الصليبيين )) و الصليبيين هنا هم الذين جاءو الينا طمعا في ثرواتنا و جعلو الشعار (( رفع الصيب )) حجة دينية وهم لا يدينون بدين كي يخفو اطماعهم و حقدهم علي الدين الاسلامي و انتشاره
و مع ذلك كفل لهم الحرية في الرجوع لدولهم امنين علي حياتهم
و غيرها من المواقف التي لا تعد ولا تحصي تبين ان الاصل هو العفو و عدم التشفي و ترك الغل
و هذا ليس دفاعا عن احد اقسم بالله
اي فاسد يجب محاكمته كي يكون عبرة لمن لا يخاف الله
بس في المحكمة مش علي صفحات النت و التشهير و نحن لا نعلم اي شئ مثل اشاعة (( البنت الشهيدة المنتحرة )) هل يعلم اي منكم الصح في الخبر من الكذب طبعا انتو عرفتو الموضوع بس مفيش حد منكم هينقله علشان مش علي هواكم
انما التشفي و خلق نوع من انواع التشكيك
هذا ما تسعون اليه و انبهكم بأن هذا ممنوع شرعا
من يهاجم شفيق بالسمع او بالنقل او لمجرد انه قال كذا علي شباب الثورة فهو سيجد من يقول عنه الكثير اثناء مشوار حياته فكلنا خطاؤون و خيرنا من يندم و يتوب و لا ندري من منا سيموت علي طاعة
اخيرا انا لست مؤيد لا لشفيق ولا للبردعي ولا لعمر موسي ولا لنور ولا لاي واحد ظهر علي الساحة حاليا
انما اؤيد (( الشيخ محمد حسان و الشيخ محمد حسين يعقوب ))
هشوف الناس دي هترشح مين و سوف اتبعهم بأذن الله
لا لشئ سوي لاني اثق في دينهم و من نثق في دينه فهو دائما علي صواب ان شاء الله

م.حاتم السباعي