بيان مسيرة رد الاعتبار ..... نداء الى شرفاء مصر

[misoalex]

هههههههههههههه بتفكرني بمشهد سهير البابلي مع احمد بدير في مسرحية ريا وسكينه بخصوص هذه الكلمه وهي ايوه بالأسكندراني ههههههههههههه صح ولا غلط

يا احمد باشا منا قولت هى كلمه بالاسكندرانى

ولو قلتها هنا حتوقف
وانا مش عاوز اتوقف دلوقت خالص حبايبنا بتوع الحزب شادين حيلهم فى المنتدى ولازم نرحب بيهم

[ahmed-moga]

يا احمد باشا منا قولت هى كلمه بالاسكندرانى

ولو قلتها هنا حتوقف
وانا مش عاوز اتوقف دلوقت خالص حبايبنا بتوع الحزب شادين حيلهم فى المنتدى ولازم نرحب بيهم

هههههههههههههه خلاص وصلت ياميسو
بس تفتكر ليه بس واثق ان في حاجه بيمهدولها بتتحضر في سريه.... مش مطمن

[adelseliem]

الناس دى عاوزه فتنه

عاوزه الشعب يقع فى بعضه وتبقى مجزره

المجلس العسكري اعلن انه مش هيرشح اي حد منه للرئاسة

ال انا شاكك فيه احمد شفيق

ومش معنى ان واحد معتوه حط صورة الطنطاوي يبقى نشك فيه

لا ده حيقولك هو اولى بيها عشان حارب فى اكتوبر

مهو كل الى حارب فى اكتوبر حيمسك رئيس (ده قانون جديد حيطلع) هما نسو يحطو الماده دى فى تعديلات الدستور

رأيى فى الكلام الأهبل ده قولته ( قصدى على البيان )

بس أنا خايف الموضوع ميكونش أعتذار والكلام ده

أنا خايف يكون فعلا فتنه ووقيعه بين الشعب والجيش

زى ما بعض الزملاء قالوا ( علشان كده خدت أقتباس من كلامهم )

يعنى لو أنا عضو بارز فى الحزب الوطنى لما أطلع أقول طنطاوى ممتاز كل الناس تشك فى طنطاوى على طول

يعنى العضو كاتب الموضوع وكل المنتدى عارف أراءه ( أحترامى لأراءك ) تفتكروا لو طلع مسئول من الحزب الوطنى قال ليه أعضاء المنتدى بتهاجمه وأوعى حد يقربله وده من الناس اللى خايفه على البلد و و و , هيحصل أيه ومعظم أعضاء المنتدى هييجى فى بالهم أيه , هيشكوا فيه طبعا لمجرد أن حد فى الحزب الوطنى أمتدحه

تفتكروا هو ده المقصود أن يحصل فتنه وبلبله مش دعوه منهم للتظاهر أصلى مش مقتنع أن فيه حد هيروح المظاهره دى

يا ريت أكون غلطان وما يكونش القصد عمل فتنه

[MASERATI]

باسم شباب مصر المحترم الذي لا يقبل الإهانة أو الظلم أو الديكتاتورية قررنانحن مسئولي صفحة أنا أسف يا ريس بالمشاركة مع الصفحات الأخرى عمل مسيرة مليونية تحت مسمى :مسيرة رد الاعتبار الجمعة الموافق4/3/2011 أمام مسجد مصطفى محمود بالمهندسين.................................

السلام عليكم و رحمة الله و بركاته

الناس دول دايما كانوا بيقعدوا يقولوا مظاهرات مليونية لتأييد الرئيس المقلوب من عالكرسى و بتاع, و فى الآخر ماحدش بينزل معاهم أوى و كمان بيبقى شكلهم يكسف أوى و هما واقفين لوحدهم زى الغلابة كده فى الشارع و الكاميرات عمالة تصور فيهم من كووووووووووول الزوايا عشان يبان أنهم كتير .

أنا متهيألى أن المظاهرة المليونية بتاع التأييد اللى هما بيتكلموا عليها الناس دول, معمولة كرد فعل مضاد للمظاهرة المليونية اللى الناس ناوية تعملها بكره فى التحرير .

عالعموم, أنا مش هقول غير :

خليهم يتسلوا

[kshussein]

احذروا

احذروا ايها الشعب الشريف من هذة الثورة المؤيدة للنضام السابق الناس دية عيزة تعمل احتكاك ومشبكات مع ابطال الثورة الحقيقية ويحدث فتنة بين الفريقين ويظهر صورة اصحاب الثورة الحقيقية انهم بلطجية ويضيع كل الى عملناة

[mikho83]

بجد أتمنى من الجميع قراءة المقال ده
02/03/2011
أ/فهمي هويدي
دعونا كتابات عدة هذه الأيام إلى ضرورة التحلى بالمسئولية والكف عن النظر إلى الماضى. وعدم المبالغة فى اتهام المسئولين ورجال الأعمال، لتخلص إلى المطالبة بأن ينصرف كل واحد إلى عمله وأن تنفض المظاهرات والاعتصامات، حتى يعود الهدوء والاستقرار إلى ربوع مصر، ويتم تشغيل حالها الواقف. ويبدى أصحاب تلك الكتابات قلقا شديدا على السياحة والاستثمار الأجنبى، كما يبدون تحذيرا مما وصفه أحدهم بالوقوع فى مستنقع الفوضى.
لأول وهلة. لا يستطيع أحد أن يعترض على شىء من هذا الكلام الذى يبدو بريئا فى ظاهره، لكنك إذا دققت فى مقاصده، ولاحظت أسماء كاتبيه فستكتشف أنه من قبيل الحق الذى يراد به باطل. حيث الدفاع عن الذات فيه مقدم على الدفاع عن الوطن أو المستقبل، كما أن رائحة النفاق فيه تفوح بوضوح.
لا أريد أن أسمى حتى لا أحرج أحدا، فضلا أننى واثق من أن أى قارئ بات يعرف جيدا من الذى يدافع حقا عن الوطن وحلمه، ومن الذى يدافع عن ثروته وأسياده. لكننى أريد أن أقول إنه كما أن بعض الشرفاء رفعوا فى العهد السابق شعار «كفاية» لحكم الطغيان، فإن أصحابنا هؤلاء باتوا يرفعون فى طيات كلامهم الشعار ذاته لهدف آخر تماما هو «كفاية» للثورة ونداءاتها.
التركيز المستمر على وقف التظاهرات لا يراد به وقف الفوضى، وإنما يستهدف إسكات صوت الجماهير، الذى يخوف هؤلاء ويثير فزعهم استحضار الصوت وترديده فى الفضاء المصرى. ولهذا السبب بالذات فإننى أدعو إلى استمرار التظاهرات وعدم إيقافها تحت أى ذريعة. وللدقة فإننى لست معنيا بإزعاج فلول النظام السابق بقدر عنايتى باستمرار ارتفاع ذلك الصوت لكى يصل إلى كل الأطراف. فإلى جانب أنه يبعث بتحذير إلى تلك الفلول لكى تلزم حدودها. أو جحورها، فإنه يوجه رسالة أخرى إلى القابضين على الزمام الآن تنبهم إلى أن جماهير الثورة ستظل مستنفرة ومفتوحة الأعين، حتى يتحقق مطلبها الأساسى المتمثل فى إسقاط نظام مبارك وطى صفحته.
الرسالة الثانية هى الأهم، لأننى أزعم أنه لا تتوفر فى مصر وسيلة لإعلان التمسك بالمطالب والضغط لتحقيقها سوى التظاهرات التى تخرج إلى الشارع، الذى أصبح المنبر الوحيد للجهر بالرأى وتوجيه المطالب إلى قادة الجيش. إذ بعد تجفيف الحياة السياسية عبر سد قنواتها وإماتة خلاياها صار الشارع هو الحل. وما حدث فى ميدان التحرير وغيره من ميادين مصر فى طول البلاد وعرضها يؤكد هذه الحقيقة. إذ لولا ذلك الخروج الكبير لما تحرك شىء فى مصر ولما تزلزلت أركان دولة الفساد والظلم.
فى ضوء هذه الخلفية فإن السؤال الذى ينبغى أن يطرح ليس ما إذا كانت التظاهرات تستمر أم لا، وإنما هو كيف يمكن لها أن تستمر بما يخدم أهداف الثورة ولا يثير الفوضى ولا يصيب الحركة فى البلد بالشلل. أتحدث هنا عن مطالب الثورة وليس عن التظاهرات الفئوية، التى أحسب أنها ينبغى أن تعالج فى إطار كل قطاع، إما برفع المظالم الواقعة على العاملين، أو الوعد بتحقيق المطالب الاجتماعية فى آجال معلومة. علما بأنه لو كانت لدينا نقابات عمالية محترمة، مختلفة عن تلك التى أدارتها أجهزة أمن الدولة فى السابق، لصار التعامل مع تلك المطالب أيسر ولكانت خسائر الإضرابات أقل بكثير.
إننى إذ أدعو إلى استمرار التظاهرات التى تتعامل مع الشأن السياسى العام، فإننى اشترط لذلك ثلاثة شروط. أولها أن يتم التوافق حول مطالب أساسية محددة تتعلق بأهداف الثورة.
وثانيها أن يتم التظاهر يوم الجمعة فقط من كل أسبوع، الذى تتعطل فيه المصالح الحكومية وتتوافر فيه الحشود الجماهيرية بشكل طبيعى. وهو ما يعنى الامتناع عن خروج أى تظاهرات خلال الأسبوع.
الأمر الثالث أن تشرف المجموعات التى تمثل القطاع الأكبر من جماهير الثورة على تنظيم التظاهرات والتدقيق فى هويات المشاركين فيها كما كان يحدث من قبل، للحفاظ على سلميتها واستبعاد العناصر، التى تحاول استغلالها لأى أهداف غير مشروعة.
أذكر أخيرا أن عمر الثورة لا يتجاوز خمسة أسابيع، أن اقتلاعها لنظام جمد الحياة فى مصر طيلة ثلاثين عاما ليس بالأمر الهين، كما أنه لا يمكن أن يتم بالمجان.

[Xander2010_Evo]

ههههههههههههههه
ياجدعاااااااااان الناس إللي متابعين فيس من زماااااان عارفين من أول الثورة ماقامت علطول الجروب ده طلع
ووووووووش واضح جدآ من أول "قررنا نحن" إنهم حزب وطني نفس الصيغة مفيش تغيير أغبياء جدآآآ
بس إيه جاب سيرة أحمد شفيق مع طنطاوي؟؟؟ هي مش كانت أنا آسف ياريس بس؟؟؟
هوا فيه مظاهرة فعلآ تأييد لأحمد شفيق بكرة عند مصطفي محمود من الساعة 10 الصبح
الناس دي بتحاول تصطاد فالمية العكرة
أنا آه أعترف من المعجبين ببلوفر أحمد شفيق بس مش نازل مظاهرات أنا آسف الهبلة دي

[mailo]

أولا أنا شايف إن الناس عندها قضية وداحقهم واحنا لازم ننزل معاهم ونشجعهم ونجبلهم بونبون ونوديهم الهايد بارك
ثانيا مصطفى محمود الله يرحمه لو كان يعرف إن ده اللي هيحصل ماكانش عمل الجامع ده أصلا

[Abo_Lina]

عيال ماعندهاش أي وعي سياسي و بيتحركوا بتأخر و ذكاء محدود

من يوم ٢٥ يناير و هم قاعدين يشتغلوا و يكتبوا ع النت و يتكتكوا و يعملوا في أسافين في الأخر عمالين يلاقوا الفشل ورا الفشل
يا فشلة

و يقولك حبنا و عشقنا للمشير
أهو المشير إداكو بال ...
بالتي هي أحسن

[M.Elwan]

لا حول ولا قوة إلا بالله أنا فاهم نوعين للناس المؤيدة دى بس مشكلتى فى النوع التالت و الرابع يا ريت آرائكم:
1- طبعا الفاسدين المستفيدين من الوضع و ووجود نظام مبارك فى الدولة
2- أصحاب الواسطة و الكوسة اللى وصلوا لدرجة لا يمكن إماكنياتهم الطبيعية كانت هتوصلهم لها لولا المحسوبية فمعترفين بالجميل للنظام اللى وصلهم للى هما فيه
3- الغلابة اللى كانوا بالكاد بيلاقوا لقمة العيش و دلوقتى مش لاقيينها خالص فبيقارنوا بين الوضعين بأفق ضيق و وصلوا لمرحلة رضا أصلا مش عارفين منها إن ممكن يكون فى وضع أحسن ليهم (ودول معذورين)
4- الشرفاء المرفهين اللى ما قابلوش مشكلة واحدة من النظام و الحمد لله ربنا يباركلهم فى دخلهم اللى مخليهم مش حاسين بباقى الناس و شايفين إن الوضع كده عادل جدا و إن كل واحد بياخد مقابل إمكانياته و إن اللى احنا فيه ده أحسن من بلاد تانية كتير و إن حقنا الطبيعى لما نوصله نحمد ربنا (و دول للأسف أعرف منهم كتير منهم خالى نفسه و إبنه الصغير و أحد أفضل أصدقائى فى الكلية و لولا إنى متأكد من إنهم ماعندهمش ولاء لحزب أو هدف سياسى ما كنتش عرفت أصنفهم بس للأسف لما راجعت حياتهم و مواقفهم القديمة تجاه المصايب و الكوارث اللى بتحصل كنت بحس إن أنا اللى مغيب إنى مستغربهم يعنى لما
- واحد منهم يقارن حادثة العبارة بإعصار تسونامى و يقول إن الحوادث تقع و الناس بتموت و إن دى إرادة ربنا فى الحالتين هترد تقول إيه؟
- و لما الواحد يقولهم لما البنزين غلى أول مرة من 1 جنيه ل 1.3 إزاى الحكومة تزوده فجأة 30% و يردوا يقولوا إن البنزين بقاله 10 سنين ما غليش و لو حسبتها بالعقل يبقى 30 قرش على 10 سنين يعنى بيغلى فى السنة 3 قروش اللى هما 3 فى المئة يعنى أقل من أقل نسبة تضخم أو غلاء فى العالم
3-و لما يقولك البواب بتاعنا دماغه جزمة مصمم يخللى ابنه يكمل تعليمه و يكع فى دروس ثانوية عامة على إيه المفروض إن ابن البواب يطلع بواب برده ما هو أكيد عمره ما هيفلح و لو كان هيفلح كان أبوه فلح من الأول و بيستخسروا فيه حتى إنه يحلم إن ابنه يبقى أحسن منه حد يقوللى ممكن نرد على الناس دى نقولها إيه
و اللى يقوللى انت معاك عربية و عندك شقة و هتتجوز بفضل السيد الرئيس ترد تقوله إيه؟ و أنا ماعنديش شقة و هاخد شقة والدى و هو هيقعد مع والدتى فى شقة جدتى المؤجرة إيجار قديم و ممكن يطردوا منها فى أى وقت و هيخاطروا عشانى و العربية اللى لما جبتها خدت كل الكاش اللى معانا و هتجوز بعد سنتين كاملين إذا أراد ربنا بسببها

+111111111111111111

[m_car]

كلمة مكونة من حروف تدل على انى مصرى اكره الظالم والظلم

هولاء هم المنافقين

[Donzi]

يا جماعة معلش اعذروهم

هما دلوقتي عاملين زي الفرخة الدايخة اللي ماشية تتطوح و تخبط في كل اللي حواليها و شوية و هاتقع لوحدها

و لو ماوقعتش ان شاء الله تدخل العشة ( عشة طرة ) جنب اخواتها

[medo_2060]

هههههههههههههه بتفكرني بمشهد سهير البابلي مع احمد بدير في مسرحية ريا وسكينه بخصوص هذه الكلمه وهي ايوه بالأسكندراني ههههههههههههه صح ولا غلط

ههههههههههههههههههه
ممكن تمشيها كدا ياباشا وفى روايه البحبحانى لابد من تعديل فى اخر حرف هههههههههههههههه