إعـــــــلان

Collapse

.

,
See more
See less

اللى هيبعد من الميدان عمره ماهيبان فى الصورة.. أسباب للخروج يوم الجمعة!

Collapse
X
 
  • Filter
  • الوقت
  • Show
Clear All
new posts

  • اللى هيبعد من الميدان عمره ماهيبان فى الصورة.. أسباب للخروج يوم الجمعة!

    أسباب للخروج يوم الجمعة

    سيبك من الأسباب البديهية التى لن نختلف حولها ، رحيل مبدأ "حكومة تسيير الأعمال " .. رحيل المبدأ نفسه قبل الأشخاص ، نحن بحاجة إلى حكومة اسمها صراحة "حكومة الثورة " مبدأ أنها حكومة الثورة سيجعلنا جميعا متفقين على الأسماء التى تصلح لها ، مبدأ تسيير الأعمال يعطيك انطباع (مشى حالك ) وهنا تكمن الكارثة .

    رحيل مبدأ "أمن الدولة " الذى تحول إلى مبدأ "دولة الأمن " ، رحيل قانون الطوارىء و الإفراج عن المعتقلين .. إلخ.

    ولكن هناك أسباب أخرى لابد من التأكيد عليها ..

    1.. لابد من لفت النظر إلى أن ايقاع الجيش لا يتناسب مع ايقاع الثورة .

    2.. أننا ضد عسكرة البلد التى بدأت بعسكرة مؤسسة ضخمة مثل مؤسسة الإذاعة و التليفزيون.

    3.. أننا لأول مرة فى حياتنا نحتاج بالفعل لوزير إعلام ..وزير إعلام للثورة يوحد الخطاب و يعبر عن العقل الجماعى للثورة ، ينظف عقول البسطاء مما التصق بها خلال الأعوام السابقة و يدعو للثورة وكأنه يدعو إلى ديانة جديدة.

    4..لابد أن نلفت نظر البعض إلى أننا تورطنا أكثر من اللازم فى النضال على الفيس بوك .. و الشارع أصدق إنباءا من هذا الحيز الإفتراضى .. فلنتواجه و ننتاقش على الهواء حتى أعرف من الذى اتحدث معه ، نحن نحتاج لطرقة تناقش الثورة من خلالها فى كل مكان فى مصر وجها لوجه ..تناقش المتحفظين قبل المؤيدين.

    5.. لابد من الإعلان عن التخلص مما يسمى قوائم العار .. مش معقول أن الثورة يوم ما تبنى تكون أول حاجة تبنيها هى المشانق. الثورة المضادة تبدأ من الداخل عندما نشيع الخوف بين الناس لأنهم معارضين ، لابد أن نرفع لافتات تقول أن كل من أيد الثورة أو عارضها يعيش الآن أجمل أيامه لانه لم يعد هناك مكانا للخوف.

    6.. المطالبة بأن تكون محاكمة رموز الفساد منقولة على الهواء مباشرة أمام كل المواطنين ..هذا ابسط حقوقنا ..وهو أيضا أقل ضمان على أن المحاكمات لن تكون صورية .

    7.. إعلان حق العاملين فى أى جهة فى الدولة فى التظاهر ضد الفساد داخل هذة الجهة فهم أدرى به ، التخلص من الفساد و الظلم داخل أى مكان فى مصر ليس شأنا فئويا بل هو امتداد للثورة .

    8.. إعلان أن أول خطوات الصلح مع الشرطة هى القضاء على فساد الجذور ( المخبرين و المرشدين و أمناء الشرطة ) هم قواعد الفساد فى هذة المؤسسة ، و لن يكون هناك ضمان لعلاقة سليمة بالشرطة إلا عندما يتعامل الضابط مع المواطن مباشرة دون وسيط جاهل و فاسد يحمل سلطة أكبر من قدراته الذهنية و النفسية.

    9.. الإعلان عن أن هذة الثورة تستحق أن نبدأ الفرحة بها .. نريد جمعة احتفالية حقيقية بحضور منير و بلاك تيما و احمد فؤاد نجم و الأبنودى وتكريم كل من أججوا نار الثورة خلال العامين الأخيرين كتاب و صحفيين و مناضلين و معتصمين و رجال قضاء ونواب برلمانيين ، نريد يوما به ألعاب نارية و هدايا وأطفال و أجواء مبهجة تقرب الناس (اللى كاشة) من الثورة ..

    10.. الإعتراف بشهداء الشرطة .. هذا جزأ من نبل الثورة ، وهذا شرف (لن يمنحه لمن دافع عن قسم شرطة أو سجن ضد المجهول) سوى الثورة نفسها ، الإعتراف بهم لن يغير من حقيقة من مات وهو يؤدى عمله لكنه سيضيف للثورة كثيرا (سيبك من اللى بيقول لك مات وهو بيقاوم الثورة .. لأن كثيرين منهم – وانت عارف كده كويس- ماكانوش عارفين هما بيقاوموا ايه .. فخليها تيجى مننا).

    11.. نريد ان نرفع لافتات جماعية مكتوب عليها كلمة واحدة فقط (السويس) .. لابد أن نرد الجميل لهذة المدينة التى وقع فيها أول شهيد و التى صمدت لثلاثة أيام متتالية حتى استقر الثوار فى ميدان التحرير.


    12.. نريد أن نطلب من المطربين أنه (وحياة أبوكو كفاية أغانى حزاينى عن الثورة .. لا تشعرونا أننا فى مرحلة ما بعد النكسة التى غنى فيها عبد الحليم "عدى النهار" .. أرجوكو خلينا نغنى و نقول "اللى هيبعد من الميدان عمره ماهيبان فى الصورة").

    عمر طاهر
    [CENTER][img2]http://img24.imageshack.us/img24/3706/brd3i.png[/img2]


    [/CENTER]

  • #2
    هو ده الكلام المظبوط وانا بأيدك بشدة كمااااااان
    [CENTER][SIZE=6]
    [/SIZE][/CENTER]

    Comment


    • #3
      مش ممكن، ده كلام عمر طاهر؟

      من يومين كاتب مقال بيقول للي في الميدان زهقتونا.

      طبعاً مزودها قوي.

      يعني ايه حكومة ثورة؟ ووزير اعلام الثورة؟ ده بيهرج وللا ايه؟

      بلاش المواضيع دي يا أستاذ Everlasting، هتقوم علينا أعضاء حزب "كفاية كده حرام عليكم". هما اساسا متحفزين لينا خلقه.

      عايزين نوصل للناس اننا مطالبنا معقولة ومنطقية ... مش عايزين نشطح

      احنا كل خفنا ان نظام مبارك يستمر بالصف الثاني وبوجوه غير معروفة للعوام رغم انها جزء من النظام منذ سنين طويلة

      Comment


      • #4
        كلام عاقل وموزون

        Comment


        • #5
          على فكرة مقالة كويسة جدا..انا بصراحة تحفظت على اول3 مطالب بس بصراحة بقية المطالب رااااااااائعة ومشروعة وبأيدها تماما لانها تضيف لطهارة ونبل الثورة ولا تنتقص منها

          Comment


          • #6
            ثورة ثورة حتى النصر
            ثورة فى كل شوارع مصر
            مصر هتفضل غالية عليا
            -------------------------------
            الديك الحلبي هايفضل يدن لغاية ما يتدبح

            Comment


            • #7
              اعتقد لو شفيق مشى و جه بداله حد موثوق فيه و معروف عنه الامانة و النظافة مش حايبقى تحتيه وزير ريحته مش ولا بد
              احنا هنا فى مصر تغيير الراس الجسم ينضف لو الراس دى نضيفة و مخلصة لربنا
              علشان كده لازم التركيز يكون على رحيل شفيق
              [CENTER][SIZE=6][COLOR=darkslateblue] [/COLOR][/SIZE][/CENTER]

              Comment


              • #8
                المشاركة الأصلية كتبت بواسطة Ghamrawy مشاهدة المشاركة
                اعتقد لو شفيق مشى و جه بداله حد موثوق فيه و معروف عنه الامانة و النظافة مش حايبقى تحتيه وزير ريحته مش ولا بد
                احنا هنا فى مصر تغيير الراس الجسم ينضف لو الراس دى نضيفة و مخلصة لربنا
                علشان كده لازم التركيز يكون على رحيل شفيق
                زى مين؟
                [B][FONT=Garamond]قال رسول الله صلى الله عليه وسلم[/FONT][/B]:"[U]اضمنوا لى ست من أنفسكم أضمن لكم الجنة[/U]
                [COLOR=#1988d1][B]اصدقوا اذا حدثتم و أوفوا اذا عاهدتم و أدوا اذا أتمنتم وغضوا ابصاركم واحفظوا فروجكم وكفوا أيديكم[/B][/COLOR]" [B][FONT=Garamond]صدق رسول الله صلى الله عليه وسلم -صحيح البخارى ومسلم-[/FONT][/B]

                Comment


                • #9
                  المشاركة الأصلية كتبت بواسطة ainshouka مشاهدة المشاركة
                  زى مين؟
                  زى مين دى الله اعلم بيها
                  [CENTER][SIZE=6][COLOR=darkslateblue] [/COLOR][/SIZE][/CENTER]

                  Comment


                  • #10
                    متفق معاك تمام الا فى موضوع الاحتفال
                    احنا احتفلنا خلاص عاوزين نشتغل بقى
                    نطرد الفساد ونشتغل على نضيييييف
                    [SIZE="3"]نحن قوم اعزنا الله بالاسلام فاذا ابتغينا العزة بغيره اذلنا الله[/SIZE]

                    Comment


                    • #11
                      لابد من لفت النظر إلى أن ايقاع الجيش لا يتناسب مع ايقاع الثورة .
                      علشان لازم يفكر قبل ما يقرر ........ لاحظ ان والدك غيرك
                      أننا ضد عسكرة البلد التى بدأت بعسكرة مؤسسة ضخمة مثل مؤسسة الإذاعة و التليفزيون
                      بالعكس
                      حاليا العسكرة هى الحل
                      لان الفساد مستشرى
                      ولانك مش هتلاقى حد يتفق عليه الشعب غير العسكر

                      .. إعلان حق العاملين فى أى جهة فى الدولة فى التظاهر ضد الفساد داخل هذة الجهة فهم أدرى به ، التخلص من الفساد و الظلم داخل أى مكان فى مصر ليس شأنا فئويا بل هو امتداد للثورة .
                      يعنى ايه مظاهرة ضد الفساد
                      مدام فيه فساد يبقى فيه قانون يطبق على الفاسد ويكون بعقاب رادع مش مظاهرة تتعمل
                      إعلان أن أول خطوات الصلح مع الشرطة هى القضاء على فساد الجذور ( المخبرين و المرشدين و أمناء الشرطة ) هم قواعد الفساد فى هذة المؤسسة ، و لن يكون هناك ضمان لعلاقة سليمة بالشرطة إلا عندما يتعامل الضابط مع المواطن مباشرة دون وسيط جاهل و فاسد يحمل سلطة أكبر من قدراته الذهنية و النفسية
                      امناء الشرطة انا معاك ان اغلبهم فاسد
                      لكن موضوع المرشدين والمخبرين ده جزء فى اى منظومة امنية
                      المفروض نقومها مش نلغيها ، يكون دورهم ضد المجرمين مش معاهم
                      هل ترى ان فيه جهاز مخابرات بيشتغل من غير جواسيس
                      A.Saad

                      Comment


                      • #12
                        كلام جميل وايجابي لكن انا معترض على تعيين وزير اعلام دي

                        احنا مش عايزيين اعلام موجه حتى ولو كان موجه في صالح الثورة لكن احنا عايزيين اعلام حر يحترم الرأي والرأي الآخر

                        لازم نستفيد من ثورة 23 يوليو وما آلت الية الأوضاع بعد 60 سنة من الثورة واللي بدأت بإعلام موجه ومؤيد للثورة
                        [CENTER][B]الوطــنـيـة قبل الســياســة ... والمبــــادئ قبـل المصــالـح[/B][/CENTER]

                        Comment

                        Working...
                        X