الدنيا كده مش تمام عايزين ننزل التحرير من الجمعه الجايه

[dr.amr]

اولا انا مش فاهم القوات المسلحه كل شويه تبعتلي رساله علي موبايلي

بقالي اسبوعين كل يوم رساله

اخر واحده وانا بتفرج علي شفيق

كن علي ثقه ان المجلس العسكري يعرف كل طلباتكم وسوف ينفذها

طيب وبعدين

احنا هنقضيها رسايل بس ولا ايه

بصراحه انا مستغرب علي الجيش وبدأت اضايق واشك في موقفهم

ايه اللي عاجبهم في رئيس الوزراء ده ومخليهم معاندين الشعب علشانه

ايه ده ؟؟

راجل مش عارف يتكلم ولا عنده خطه ولا عنده اي حاجه

ازاي كده فين الرجاله

هي مصر فضيت ولا ايه

رساله مني بقي للقوات المسلحه زي ماهما قاعدين يبعتولي رسايل

صبرنا بدأ ينفذ ولن نصبر كثيرا

[تامر.محمد]

الراجل ما اتكلمش بالتفصيل غير في نقطة واحدة
- لماذا يجب ان تتوقف التظاهرات

اي حاجة غير كده , ما اعـــــــــــرفش
ولا يعرف لا خطة ولا رؤية ولا اي حاجة , تاني اقول , ده يا خبيث جدا و هو احتمال ضعيف , يا اما عروسة ماريونيت بيلعبوا بيه و سايبينه يلبس اللعن من الناس على اللي هما بيعملوه دلوقت

[ahmed1981]

المواضيع كلها توحدت والخواطر توحدت

المجلس الأعلى للقوات المسلحة بدأ يستعبط أو يستهبل

ولازم ننزل التحرير عشان نعرف هو بيستعبط ولا بيستهبل

من الآخر
أكبر عملية قرطسة في التاريخ يبدوا أنها تدار الآن على الثورة المصرية
ويا نطلع قراطيس زي زمان
يا نطلع رجالة زي رجالة تونس

[أحمد كمال]

كن علي ثقه ان المجلس العسكري يعرف كل طلباتكم وسوف ينفذها

دي مبعوتة من فترة بس نظرا لان ال 3 شركات مطلوب منهم يبعتوا الرسالة نفسها لكل قاعدة العملاء (ملايين) ساعات بتتاخر بالايام

[M.Mostafa80]

وليه متقولش ان الجيش حس ان الناس نامت وبدات تتكلم فى امور فرعيه
فابيستفذك عشان تتوحد تانى ويبدأ فى القضاء على الثوره المضاده اللى بدأت تتفشى
وتفسيرى للرساله اللى جيالك يأستاذ عمرو ان مطالبك ومطالب الاس مكنتش المظاهرات الفئويه كانت مظاهرات مصلحه عامه فهو بيذكرك بأنه فاكر مطالبك الأساسيه والشرعيه وبيفكرك بيه انها لسه متحققتش لأن فى جهات تانيه مضاده بتضغط فاعيزك ترجع لمطلبك الأساسى عشان يقدر يتحرك بشرعيه وطلبات الشعب
دا تخيلى ورأى الخاص محتمل الأصابه ومحتمل االخطاء