سؤال بخاطرى لا أجد له إجابة جازمة من حولى

[eng_volto]

90% من شعب مصر فاسدين من جيش لشرطة لوزارة لمعظم الوظائف الحكومية للحرمية الصغيرين و البلطجية
يا ترى هنشيل مين و لا مين

+11111111111

لما اجى اقول لا طنطاوى لازم يمشى دلوقتى
يبقى انا بستهبل


من مباداء الجيش هو احترام القيادات
وجود طنطاوى ما هو الا احتراماا ليه دور شرفى جزاء من المجلس الاعلى للقوات المسلحه مش هو صاحب القرار الواحيد

لو فضلنا على الشكل ده كل شويه نقول لا ده لازم يمشى دلوقتى هتخرب خالص
يبقى احنا مش بنسقط نظام احنا بنسقط دوله زى مقال نجيب سويرس

الجيش هو اخر حاجه نتسند عليها حتى لو فى فساد
وجوده احسن من عدمه بكتير

لو طنطاوى مشى ارهنك يومين هيطلع ناس تقولك لا احنا عيزين نحل المجلس الاعلى كله دول كلهم اعوان الطنطاوى وبيفكرو بفكره

وهنفضل نلف حولين نفسينا

لحد منقول لامريكا تعالى حللنا مشكلنا بقى احنا مش عرفين نتفاهم واهلا بعراق جديد


بالله عليكم اهدو شويه

المرحله ده اهم من الثوره نفسها لو خرجنا منها بهدواء هتكون بجد الثوره حققت مطلبها الشرعيه للمصرين

[chato_eg]

وزير الدفاع يعينه رئيس الجمهورية و ليس رئيس الوزراء .......

بركاتك يابو هاني اهو شفيق خلع اهوه

هو سياسة تعيين وزير الدفاع من قبل رئيس الجمهورية دى مبدأ دستورى و لا عادة جرت عليها الأعراف ؟
حد عنده فكرة ؟

[أحمد كمال]

هو سياسة تعيين وزير الدفاع من قبل رئيس الجمهورية دى مبدأ دستورى و لا عادة جرت عليها الأعراف ؟
حد عنده فكرة ؟

مش عرف

بس هو قانون و لا دستور الله اعلم


بس اللي اعرفه ان رئيس الجمهورية - و ان كان مدنيا - فهو القائد الأعلى للقوات المسلحة .... و وزير الدفاع هو القائد العام للقوات المسلحة ....... و وزير الدفاع يتلقى أوامره من الرئيس مباشرة مش من رئيس الوزراء

و بالتالي دلوقتي رئيس الوزراء ما يقدرش يخلع وزير الدفاع .... غير ان وزير الدفاع هو هو القائم بأعمال رئيس الجمهورية حاليا بصفته رئيس المجلس العسكري الأعلى .... و هو رئيس المجلس العسكري الأعلى بصفته وزير الدفاع .... فلو بصفته رئيس الجمهورية خلع وزير الدفاع فمش هيبقى رئيس المجلس العسكري فمش هيبقى رئيس ..... فهمت حاجة ؟؟؟؟؟؟

[chato_eg]

بجد اثبتنا فى خلال الشهر اللى فات اننا ..
شعب شكاك .... لكاك ... حكاك ....
مش عاجبه من الفرخة الصدر ولا حتى الوراك ....
طيب عايزين ايه بالظبط ؟؟؟؟؟ !!!!!!
عجبى

+11111111111

لما اجى اقول لا طنطاوى لازم يمشى دلوقتى
يبقى انا بستهبل


من مباداء الجيش هو احترام القيادات
وجود طنطاوى ما هو الا احتراماا ليه دور شرفى جزاء من المجلس الاعلى للقوات المسلحه مش هو صاحب القرار الواحيد

لو فضلنا على الشكل ده كل شويه نقول لا ده لازم يمشى دلوقتى هتخرب خالص
يبقى احنا مش بنسقط نظام احنا بنسقط دوله زى مقال نجيب سويرس

الجيش هو اخر حاجه نتسند عليها حتى لو فى فساد
وجوده احسن من عدمه بكتير

لو طنطاوى مشى ارهنك يومين هيطلع ناس تقولك لا احنا عيزين نحل المجلس الاعلى كله دول كلهم اعوان الطنطاوى وبيفكرو بفكره

وهنفضل نلف حولين نفسينا

لحد منقول لامريكا تعالى حللنا مشكلنا بقى احنا مش عرفين نتفاهم واهلا بعراق جديد


بالله عليكم اهدو شويه

المرحله ده اهم من الثوره نفسها لو خرجنا منها بهدواء هتكون بجد الثوره حققت مطلبها الشرعيه للمصرين

مع احترامى للجميع...
هناك الكثير من مطالب الثورة لم يتم تحقيقها أو على الأقل الإعلان بشفافية عن الإجراءات المتبعة لتحقيقها...
فالصورة إللى واصلة للناس هى إن إللى فى إيده الأمر منفض للناس أو على الأقل بيستجيب للمطالب بالتقسيط على كل خميس....و دى أحد أهم الأسباب إللى أدت إلى تفاقم الوضع من مظاهرات يومى 25 و 28 إلى تبلورها كثورة شعبية

كل إللى أنا بأتكلم فيه هو إن مين إللى فى إيده الأمر ؟؟

حسنى مبارك...مشى.....و فوض السلطة للمجلس العسكرى إللى لا أتوقع به قدر من مشاركة السلطة مثل المفترض فى مجلس الوزراء على سبيل المثال نظرا للطبيعة العسكرية للمجلس

مش عايز جملة إللى اتحقق تغيير إسم و صورة بإسم آخر و صورة تانية خصوصا لو التغيير كان من أحد أبناء المدرسة لأحد زملاءه....

دى وجهة نظرى...و أنا مؤمن جدا إن التغيير قادم لا محالة...قصر أو دام الزمن حتى يأتى التغيير...دى رغبة شعب

كل إللى نفسى فيه...إن مش لازم سياسة تقسيط الاستجابة للمطالب عند الخميس من كل أسبوع دى تفاديا لمظاهرات مليونية يوم الجمعة

و برهان صغير إن أحمد شفيق كان محروق من قبل اليوم صباحا...المحاولة اليائسة إللى بذلها حتى الثانية و النصف من صباح اليوم على قناة OnTv ...و كمان إعلان قبول استقالته كان متضمنا الإعلان المتزامن عن من سيحل محله

إذا إقالة الحكومة لم يكن مفاجئا ...بل مخطط و منسق له....

ليه ما يتمش التعامل مع كافة المطالب الأساسية إللى مافيش 2 فى البلد ممكن يختلفوا عليها بطريقة أفضل من الطريقة المتبعة حاليا.....

و من المطالب دى....

إعادة هيكلة جهاز أمن الدولة...

وضع مقترحات لعودة الشرطة لشارع و المقترحات تتضمن دور الشعب و دور الشرطة....

المعتقلين السياسيين سواءا منذ 25 يناير أو قبلها ( مش معنى إنهم لم يستشهدوا على أرض الوطن يبقى نسيبهم فى معتقل سنوات طويلة و يطلعوا قبل ما يموتوا بشوية علشان الداخلية ما ترجعهمش جثث )....

البدء فى عمل دستور دائم و الإعداد لطريقة التصويت المناسبة عليه بعد الاستباب الأمنى

التحقيق فى وقائع الفساد الأمنى فيما حدث بدءا من الجمعة 28 يناير على وجه الخصوص و ليس الفساد المالى فقط

[chato_eg]

دلوقتي رئيس الوزراء ما يقدرش يخلع وزير الدفاع .... غير ان وزير الدفاع هو هو القائم بأعمال رئيس الجمهورية حاليا بصفته رئيس المجلس العسكري الأعلى .... و هو رئيس المجلس العسكري الأعلى بصفته وزير الدفاع .... فلو بصفته رئيس الجمهورية خلع وزير الدفاع فمش هيبقى رئيس المجلس العسكري فمش هيبقى رئيس ..... فهمت حاجة ؟؟؟؟؟؟

طبعا فاهم..و الناس كلها فاهمة....بس مش مستعجلين على الكلام فى الموضوع لإنه حساس و شائك و هو الخطوة الأخيرة فى مرحلة التطهير الرئيسية....

لكن الموضوع هيبقى هو على رأس الاهتمامات و عن قريب..و هيكون فى حرج بين الشعب و الجيش لحساسية منصب وزير الدفاع.....

من ناحية الشعب بيثق فى الجيش حتى الآن..لكن لو الراجل إللى هو قائد البلد كلها بما فيها الجيش مش سايب الأمور تمشى فى الإتجاه الصحيح بالإيقاع المطلوب يبقى هتكون فى نقطة اختلاف لا أتمنى أن أراها....

و أسأل ربنا يهدينا كلنا و الخلاف ده يا إما مايحصلش من أساسه ( فى حالة الاستجابة السريعة للمطالب ) يا إما يتحلى بقدر أكبر بالذكاء و الفطنة و يسفيد من الدرس إللى اتعلمته الرموز السابقة إللى كلها للأسف و إن كان فيه منهم قضى حياته بتاريخ مشرف ( حسب ما يقال ) لكن التنكر لرغبة الشعب نهايته مزبلة التاريخ و بالذات فى المرحلة الحالية

[waleedraafat]

انا مش فاهم ايه مشكلة البعض مع الجيش ووزير الدفاع ، هو حد اشكي منهم؟؟

انا كنت في التحرير النهارده ، محدش جاب سيرة الجيش ووزير الدفاع غير شوية من فلول الحزب البائد بيحاولوا يلعبوا بدماغ الناس البسطاء خارج الدائرة المقامة بالوسط في حديقة التحرير بكلام من عينة (العيال دي عايزة تخرب البلد ، العيال دي بتطالب بحل جهاز الشرطة بالكامل ، العيال دي عايزة تغير وزير الدفاع ، العيال دي بيعملوا حجات قلة ادب جو الجنينة .... الخ وذلك لعمل نوع من الفتنة بين بسطاء الجمهور والثائرين) ، احد الناس دولم بعد ما شكيت انه من الشرطة اقنعته ان الشعب بيحب الشرطة ومش كارههم ولا حاجة ومش لازم يخافوا من الشعب وان الي بيعاملهم وحش هو البلطجية علي سائقي الميكروباص ودول طبعا كلا عارفنيهم كويس ، وانا عن قناعة شخصية لو لقيت ضابط حد بيعك معاه ومستخف نفسه هنزل امسح بكرامة الارض
بعد الحوار ده معاه اقتنع ولم يعقب ولكن بتوع الحزب قصة تانية ، دول خايفيين علي السبوبه

يا جماعة انا مقتنع بشفيق ولكنه احترق نصفة بتعيين مبارك له ، واحترق ربعه بمهاجمته للثورة واحترق الربع الاخير بعدم تغييره لرموز الفساد في حكومته (حتي لو ما كانش قادر يغيرهم بارادته)

بلاش نحاول زرع الفتنة والبلبلة بين الجيش والشعب ( احنا عارفين جيشنا كويس وكله رجالة واسود بعون الله)
بلاش نحاول هدم العلاقة بين الشرطة والشعب (معظمهم معدوم الثقافة وبينفذ التعليمات بتاع رئيسه ودول مهما اساؤ اهلنا ومننا)
بلاش نضرب الاستقرار علي قفاه (بتوع التحرير مش عاجبهم حد وغيره من التفاهات والمهاترات)

بلاش نشتم في بتوع التحرير (اقل واجب عملوه انهم منعوا توريثنا لعائلة مبارك ليوم القيامة) والي بيحب الفساد ونفسه فيه يقول محدش هيحجر علي رايه ، هو مواطن برضه وله حقوق

[misoalex]

حاجات كتير أوى اتقال عليها " مش حيحصل "....بس كل شىء له نهاية....
أكثر ما يقلقنى فى مسألة وزير الدفاع ليس شخصه بقدر ما يمتلكه من سلطة تبدو إنها أوسع من سلطة رئيس الجمهورية السابق
فهو القائد الأعلى للقوات المسلحة و رئيس المجلس الأعلى للقوات المسلحة و لا يزال يرتدى الملابس العسكرية ( أى أنه لا يزال فى الخدمة العسكرية فعليا و يمتلك سلطة إصدار قرارات تنفيذية مباشرة للقوات العسكرية )....و فى الوضع الراهن يبدو أنه الرئيس الفعلى فى المرحلة الحالية...
يعنى انتقال السلطة للجيش شىء جميل...و لكن كيفية إدارة السلطة فى المؤسسة العسكرية هو ما يقلقنى...فبعلمى المتواضع جدا هى ليست مؤسسة تدار بنظام ديموقراطى و لا يصح إدارتها بنظام ديموقراطى أساسا......
و عليه فالدولة بكاملها انضمت إلى سلطات وزير الدفاع ....
مع الاعتبار لتاريخ الوزير الشخصى و سنوات خدمته الطويلة تحت مظلة النظام السابق.....
فأنا قلقان

تخيلوا معى حجم الحرج الذى سوف يعترى المؤسسة العسكرية عندما تطال مطالب الشعب إقالة وزير الدفاع..
و لا أشك أنها سوف تكون علنية و قوية بعد إسقاط رموزا مثل وزير الخارجية و وزير العدل إن شاء الله فى القريب العاجل...

عشان كل الى انت قولته واكتر كمان عشان كده قولتلك مش حيحصل
وانا اقصد بمش حيحصل ليس قصدى على المدى البعيد او الطول ولكن قصدى مش حيحصل فى الوقت الراهن
ازاى هو الى غير الوزاره وجاب وزاره جديده وعاوز رئيس الوزراء يتحكم فيه ويشيله
وعلى العموم حسب معلوماتى ان وزر العدل ووزير الدفء يعين من قبل رئيس الجمهوريه وبموافقته لان دول اعلى سلطه فى البلاد

[besso]

مش عايزين كلام فى اى حاجه الجيش ده السلطه الوحيده التى يثق فيها الناس ولو لا قدر الله جرالها حاجه هنروح فى داهيه
والجيش مفيهوش فساد لانه فيه حزم والناس كلها عارفه كده

[otefa]

ماشاء الله عايزين تحاسبو الجيش على الفساد هههههههه.....فيه أو مافيهوش!
ده أيه الحلاوة دي بدل مانقول هانبني مصر الجديدة أزاي ونركز على أي مشاريع وأزاي نهتم بالتعليم وأزاي هاتتم المرحلة القادمة
ياريت فعلا بلاش أثارة أي فتنة في الوقت الحرج ألي مصر بتمر بيه بدل ماهاتروح مننا ومش هاترجع تاني بسهولة
واضح أن فيه ناس مش واخدة بالها من ألي بيحصل على حدودنا (ليبيا) والأسطول الأمريكي المتوجه لليبيا حاليا بلاش نلعب بالنار

[misoalex]

ماشاء الله عايزين تحاسبو الجيش على الفساد هههههههه.....فيه أو مافيهوش!
ده أيه الحلاوة دي بدل مانقول هانبني مصر الجديدة أزاي ونركز على أي مشاريع وأزاي نهتم بالتعليم وأزاي هاتتم المرحلة القادمة
ياريت فعلا بلاش أثارة أي فتنة في الوقت الحرج ألي مصر بتمر بيه بدل ماهاتروح مننا ومش هاترجع تاني بسهولة
واضح أن فيه ناس مش واخدة بالها من ألي بيحصل على حدودنا (ليبيا) والأسطول الأمريكي المتوجه لليبيا حاليا بلاش نلعب بالنار

الراجل بيسأل سؤال مهم واغلب الناس مش فهماه
والاعضاء هنا كتر خيرهم ردو على السؤال

ايه لزمه السخريه والتهكم على كلام الاعضاء

وعلى فكره الجيش مؤسسه زى اى مؤسسه فيها الكويس وفيها الوحش
وده فعلا مش وقت حساب مؤسسه مهمه زى دى فى الدوله
وانظر الى ردى فوق وانت تعرف انى قولت كده

بس على فكره الجيش ده بشر وزينا بالظبط يعنى مش حاجه تانيه

بـــــــــــــــــــس التغاضى عن اى فساد فيه ده لان الشعب بيحب الجيش لانه حامى البلاد واغلب الناس اللى فيه بتضحى بحياتها فعلا عشان البلاد مش عشان الكام ملطوش بتوع اخر الشهر ده غير المعامله الكوويسه الى بيعاملوها للناس لانهم منهم
وده الى محبب الناس فى الجيش واكبر دليل على كده ان محدش من الناس اللى اتضربت الجمعه الى فاتت طلع وقدم بلاغ فى الجيش او عملو وقفه ومظاهره ضد الجيش

ده لان فعلا الشعب بيحب الجيش الى واقف معاه حتى الان

[otefa]

الواضح من مشاركاته ماكانش بيسأل كان بيفتح الموضوع بطريقة ذكية
وأنا بأعتذر لو أتاخد كلامي على أنه سخرية هو أنفعال سنة بس مش سخرية

[MOUSTAFA_SAAD]

لو رحلت الحكومة الحالية بكامل وزارئها...هل ده يعنى رحيل المشير طنطاوى بصفته وزيرا للدفاع أيضا ؟؟

بفرض الإجابة بنعم ..تفتكروا الموضوع هيتم بالسلاسة دى...

حتى الآن لم تمس الجيش أية تغييرات و لا سطحية حتى...مع إيمانى الكامل بأنه مؤسسة مصرية بها الكثير من الفساد شأنه شأن كامل قطاعات الدولة....فلم نسمع عن أى تحقيقات فساد داخلى...و لا ممكن علشان أسرار حربية و ما إلى ذلك ؟

طيب لو لم يرحل المشير..هل ده هيعتبر علامة استفهام كبيرة و مسألة تهم الجميع حيث أن المؤسسة العسكرية هى السلطة الداعمة للثورة و الوزير على رأس تلك السلطة و كان أحد الأعمدة فى النظام السابق

أوقات بأحس إن موضوع إسقاط الحكومة بكامله يؤجل من أجل عدم وضع الجيش فى موقف محرج أمام الشعب....

سؤالك جميل بس مش فى وقته نهائى وياريت متسالوش مره تانيه
ياما نلم بعضنا فى ميدان التحرير ونحكم البلد ونعمل لجنه شعبيه زى بتاعت القذافى ويبقى عليه العوض فيكى يامصر وساعتها يبقى كان مبارك ارحم مع الاسف

[misoalex]

الواضح من مشاركاته ماكانش بيسأل كان بيفتح الموضوع بطريقة ذكية
وأنا بأعتذر لو أتاخد كلامي على أنه سخرية هو أنفعال سنة بس مش سخرية

عادى يا باشا
هو ممكن نختلف على ازاى الموضوع اتفتح لكن المضمون واحد واكيد مكانش فيه ناس فاهمه

طيب واحد امبارح كان مع ابراهيم عيسى بيقول ان النائب العام راجل محترم اه ومحدش بيشكك فيه بس اتعين من رئيس الجمهوريه السابق وكان شاهد على قضايا فساد كبيره فى البلد وكان بيحفظ اغلبها بأمر من الرئيس وناس كبيره ولازم يتغير هو كمان لانه جزء من النظام

طيب حتقول ايه ليه ده هو راجل خبير فاهم طبعا وبيتكلم عن حق بس ده استحاله يتعمل دلوقتى ومش كل واحد عينه مبارك حنشيله عشان مبارك هو اللى عينه
لكن لو فاسد دلوقتى فى عمله يبقى لازم يتشال سواء دلوقتى او بعدين

اظن ان كلنا نفسنا ان مفيش حد فاسد يفضل فى منصبه مهما كان

[misoalex]

سؤالك جميل بس مش فى وقته نهائى وياريت متسالوش مره تانيه
ياما نلم بعضنا فى ميدان التحرير ونحكم البلد ونعمل لجنه شعبيه زى بتاعت القذافى ويبقى عليه العوض فيكى يامصر وساعتها يبقى كان مبارك ارحم مع الاسف

انت عملت زى مثلا لما الابن يسأل ابوه انا جيت ازاى يا بابا
يقوم ابوه يقوله ادخل اكتب الواجب ولو سئلت السؤال ده تانى حقطع عنك المصروف لما تكبر حتعرف

[م. عمرو شرف]

لو رحلت الحكومة الحالية بكامل وزارئها...هل ده يعنى رحيل المشير طنطاوى بصفته وزيرا للدفاع أيضا ؟؟

بفرض الإجابة بنعم ..تفتكروا الموضوع هيتم بالسلاسة دى...

حتى الآن لم تمس الجيش أية تغييرات و لا سطحية حتى...مع إيمانى الكامل بأنه مؤسسة مصرية بها الكثير من الفساد شأنه شأن كامل قطاعات الدولة....فلم نسمع عن أى تحقيقات فساد داخلى...و لا ممكن علشان أسرار حربية و ما إلى ذلك ؟

طيب لو لم يرحل المشير..هل ده هيعتبر علامة استفهام كبيرة و مسألة تهم الجميع حيث أن المؤسسة العسكرية هى السلطة الداعمة للثورة و الوزير على رأس تلك السلطة و كان أحد الأعمدة فى النظام السابق

أوقات بأحس إن موضوع إسقاط الحكومة بكامله يؤجل من أجل عدم وضع الجيش فى موقف محرج أمام الشعب....

طنطاوى حاليا مش وزير الدفاع ده يعتبر رئيس الجمهوريه
أيه غرضك من سؤال أن فيه فساد فى الجيش ولم تمس به تغييرات
وليه تحقيق فى فساد داخلى , تعرف منين أن كان فيه ولا لأ
ومين اللى هيثبت أو هيحقق فى فساد داخل الجيش (أذا وجد ) .. النائب العام مثلا
ولا دى نظرية أن أى حد من النظام السابق لازم يكون فاسد ومؤسسته فاسده

حاجات كتير أوى اتقال عليها " مش حيحصل "....بس كل شىء له نهاية....
أكثر ما يقلقنى فى مسألة وزير الدفاع ليس شخصه بقدر ما يمتلكه من سلطة تبدو إنها أوسع من سلطة رئيس الجمهورية السابق
فهو القائد الأعلى للقوات المسلحة و رئيس المجلس الأعلى للقوات المسلحة و لا يزال يرتدى الملابس العسكرية ( أى أنه لا يزال فى الخدمة العسكرية فعليا و يمتلك سلطة إصدار قرارات تنفيذية مباشرة للقوات العسكرية )....و فى الوضع الراهن يبدو أنه الرئيس الفعلى فى المرحلة الحالية...
يعنى انتقال السلطة للجيش شىء جميل...و لكن كيفية إدارة السلطة فى المؤسسة العسكرية هو ما يقلقنى...فبعلمى المتواضع جدا هى ليست مؤسسة تدار بنظام ديموقراطى و لا يصح إدارتها بنظام ديموقراطى أساسا......
و عليه فالدولة بكاملها انضمت إلى سلطات وزير الدفاع ....
مع الاعتبار لتاريخ الوزير الشخصى و سنوات خدمته الطويلة تحت مظلة النظام السابق.....
فأنا قلقان

تخيلوا معى حجم الحرج الذى سوف يعترى المؤسسة العسكرية عندما تطال مطالب الشعب إقالة وزير الدفاع..
و لا أشك أنها سوف تكون علنية و قوية بعد إسقاط رموزا مثل وزير الخارجية و وزير العدل إن شاء الله فى القريب العاجل...

الجيش دلوقت ماسك بزمام البلد علشان ما تنهارش لكن مش بيحكمها بمعنى بيحكمها

فيه فرق بين رجل عسكرى يحكم مجموعة عسكريين
وفرق بين رجل عسكرى يحكم مدنيين لفتره ما يعين مدنيين يحكموهم
يا ريت تكون وضحت

الشعب يريد اسقاط الجيش

لما حضرتك قولت الشعب يريد أسقاط سالى من قائمة الشهداء سألتك بتتكلم جد ولا بتهزر لأن فى كلتا الحالتين كلام غير مسئول
فتخيل مفروض أرد على جملتك دى أقول أيه

بفرض ان المجلس العسكري غير ضالع في مؤامرة ضد الشعب
فاظن ان الراجل يشفع له موقفه ضد مبارك
لو هو واحد تاني كان تمام يا افندم و ضرب نار , او عمل ما هو اكتر

انا شايف ان الموقف ده يشفع له
رجال الجيش نفسهم رأيهم ايه ... الله اعلم

نفس رأي حضرتك
الجيش لو ضالع فى مؤامره كان زمان مبارك بيتكلم فى التليفزيون دلوقت
واللى عايز يطمن أكتر يراجع حلقة منى الشاذلى تانى ويشوف الوضع دلوقت بغض النظر عن موضوع البطء لأن دى ترتيب أولويات

يعنى مثلا حضرتك مش بتشيل كالون الشقه وبعد كده تروح تشترى واحد تانى لأن كده الشقه هتتسرق
لكن بتشترى الأول كالون جديد وتشيل القديم وتركب الجديد فى نفس الوقت
وكمان الجيش ممثل فى شخصية طنطاوى مش العكس

طبعا فاهم..و الناس كلها فاهمة....بس مش مستعجلين على الكلام فى الموضوع لإنه حساس و شائك و هو الخطوة الأخيرة فى مرحلة التطهير الرئيسية....


لكن الموضوع هيبقى هو على رأس الاهتمامات و عن قريب..و هيكون فى حرج بين الشعب و الجيش لحساسية منصب وزير الدفاع.....


ليه شايف أن الخطوه دى هتحصل , على أساس أنه من النظام السابق وبس
طب دى حتى على الأقل تبقى عيبه أن بعد ما المجلس الأعلى يحقق مطالب الشعب نقوله بس على فكره أنت من النظام السايق يبقى بالمره تمشى
وبعدين فيه نقطه مهمه مش واخد بالك منها
أى وزير بتقوله أمشى بغض النظر عن كونه من النظام السابق أو لأ بتكون على أساس أنه مش ناجح فى شغله
نجاح وزير الدفاع من عدمه هيبان أزاى وأمتى ولمين بالضبط

بلاش نخسر الحاجه الوحيده اللى شايلانا عن واجب عليها مش بتمن علينا بيها