يا ليتنا كنا ليبيا الان

[hossaam]

اخي العزيز كاتب الموضوع..
عن اي فتنة تتحدث؟؟!!

لا يوجد فتنة في مصر والحمد لله...
ما يحدث في مصر هو اعادة بناء في مراحله الاولى
ما يحدث هو تحول هذا البلد من 30 سنة ديكتاتورية وظلم الى ديمقراطية وحرية وعدل...

طبعا...هناك شد وجذب واختلاف اراء,....متوقع طبعا...ثمن بيدفع بالتأكيد...بس لا يمكن ان تقارنه بالثمن الذي
يدفعه الان اخواننا في ليبيا...

اذا كانت المناظرات والتجاذبات السلمية واختلاف الاراء مسبب لحضرتك قلق او توتر...
فانا يسرني اني اقول لحضرتك ان هذا الوضع سيظل دائما....لان هذا ما يحدث في اي بلد ديمقراطي...
ستأتي حكومات ويرفضها ناس ويقبلها ناس ثم تذهب ويأتي غيرها وكذلك الوجوه وهكذا...والكل هدفه خدمة مصر

فهون على نفسك...طالما هي سلمية واراء ووجهات نظر....فلا داعي للخوف

[medo_2060]

استاذى العزيز انا ردى مش الهدف منه فرض رأى ولا شىء ولا الاستهانه بكلام الدين.. حضرتك حر فى رأيك طبعا انا بس كنت بسجل اعتراضى على موضوع فتنه والكلام المشابه ومش شايف ان له علاقه بالموضوع اصلا ودا برضه رأى الشخصى .. وعشان لا اعيد نفس الكلام انا متفق مع الكلام والتوضيح الاستاذ hossaam
واختلاف الرأى لا يفسد للود قضيه

[م. حاتم السباعي]

والله انا شايف ان اللى غلط يتحاسب طالما الغلط حقيقى ومش رمى بلاة

اية المشكلة فى كدة يعنى

يا استاذ شهدي
انا متفق مع حضرتك (( اللي غلط يتحاسب ))
و ما كتبته سابقا و سأعيده الان يثبت ذلك
(( حتي الان تجمع كل الاطياف و مجتمعة علي هدف فعلا نبيل و هو (( مصر حرة )) من كل فساد و من كل انحراف ))
هذا ما كتبته سيدي
و كمان في اول الحوار كتبت
(( هل الاستمرار في التظاهرات و الضغط المتبع من اغلب الشباب حاليا هو الصحيح ))
اذن سيدي الفاضل
الرد من الاخوة الاعضاء يجب ان تكون (( اما مؤيد للكلام بتاعي ))
او (( رافض لكلامي و يجيب لي علي استفساري فأنا سألت
ب (( هل )) اذا الاجابة لازم تكون (( نعم يجب ان تستمر المظاهرات لسبب كذا و كذا و كذا و يثبت لي ان مفهومي للتوقف غلط او ان يكتفي بالبلاغ و سواء انا اقتنعت او لا يبقي عمل اللي عليه
انما الغريب ان الاجابات جاءت كما شاهدنا

لاحول ولاقوة ألا بالله هو الراجل كاتب بلغة غير العربية! هو بيتكلم عن وحدة الصف والأهداف
درأ المفاسد مقدم عن جلب المنفعة

و الله انا تعبت يا استاذ (( otefa ))
حاسس اني اصبحت غريب و سط اهلي
لا لشئ سوي لاني بعبر عن رأيي الحر
لا لشئ سوي لاني اميل للهدوء
اجد واحد يقولي بلاش تدخل الدين في كذا وواحد يقول اصل رأيك ايام لما الرئيس اتنحي كان كذا و قلت كذا و عملوها قبل ذلك مع د.محمد
(( اذن مباحث امن الدولة ليست بعيده اهه ))
اما الاعضاء اصبحو متهمين لمجرد ابداء رأي مخالف

للأسف بقينا فعلا ماشيين بسياسة القطيع و تشويه الناس بدون أدلة و التريقة عليهم (أحمد شفيق أبو بلوفر) وخلاص

و أسلوب العند اللى الناس ماشية بيه ده هيؤدى ان الناس اللى مش عاجبها اللى بيحصل هتطلع على الناس اللى بتعتصم فى التحرير تاكلهم وديه مسألة وقت لو فضل أسلوب الابتزاز المتبع من الناس اللى بتعتصم مستمر (اركب مع أى سواق تاكسى أو حد غلبان أو موظف راجل كبير و اسمع رأيه و شوف هيقول ايه) و الناس ديه هتقوم لوحدها من غير حزب وطنى و لا أى حاجة

اللى بيطالب برفع قانون الطوارئ حالا ..أظن ان مصر عمرها ما مرت بفترة محتاجة التعامل بكل قسوة مع كل أنواع البلطجة و
الانحراف و عدم الشعور بالأمان (شوف كمية الجرائم و نويعيتها ...المعانة و الغير معلنة)

للأسف أنا مش متفائل لو استمر موضوع الاستفزاز المتبع من الناس اللى بتعتصم و شايف ان الموضوع قلب بفرض رأى و نوع من أنواع البلطجة اللى الشباب قاموا علشان يحاربوها

موضوع المحاكمة الفورية لرموز الفساد ده كلام مش منطقى (ميلوسوفيتش اتسجن بعد أما اتحاكم لمدة 5 سنين و جرائمه كانت موثقة و لا غبار انه سفاح)

حابب أقول حاجة علشان الن
اس متحكمش عليا بدرى

أنا من أول الناس اللى نزلت التحرير يوم 25 يناير و انضربت من الأمن المركزى و لحد دلوقتى مش عارف أمشى على رجلى زى الأول

اولا - الف سلامة علي حضرتك
ثانيا - اللي الاخوه الافاضل معترضين عليه فينا
اننا بنعبر عن رأينا و هو مخالف لرأيهم
وطبعا ده ضد الحرية لانهم لا يكتفون بالاعتراض علي ما نقول بل بيتهمونا بالباطل بأننا ضد الثورة او اننا مؤيدين للفساد
ثالثا - نقول لهم (( حسبنا الله و نعم الوكيل ))


م.حاتم السباعي

[م. حاتم السباعي]

اخي العزيز كاتب الموضوع..
عن اي فتنة تتحدث؟؟!!

لا يوجد فتنة في مصر والحمد لله...
ما يحدث في مصر هو اعادة بناء في مراحله الاولى
ما يحدث هو تحول هذا البلد من 30 سنة ديكتاتورية وظلم الى ديمقراطية وحرية وعدل...

طبعا...هناك شد وجذب واختلاف اراء,....متوقع طبعا...ثمن بيدفع بالتأكيد...بس لا يمكن ان تقارنه بالثمن الذي
يدفعه الان اخواننا في ليبيا...

اذا كانت المناظرات والتجاذبات السلمية واختلاف الاراء مسبب لحضرتك قلق او توتر...
فانا يسرني اني اقول لحضرتك ان هذا الوضع سيظل دائما....لان هذا ما يحدث في اي بلد ديمقراطي...
ستأتي حكومات ويرفضها ناس ويقبلها ناس ثم تذهب ويأتي غيرها وكذلك الوجوه وهكذا...والكل هدفه خدمة مصر

فهون على نفسك...طالما هي سلمية واراء ووجهات نظر....فلا داعي للخوف

يا رب يا استاذ حسام يكون (( لا يوجد فتنة في مصر ))
و يا رب ننهض و يكون فعلا في مراحل البناء
و لك تحياتي

استاذى العزيز انا ردى مش الهدف منه فرض رأى ولا شىء ولا الاستهانه بكلام الدين.. حضرتك حر فى رأيك طبعا انا بس كنت بسجل اعتراضى على موضوع فتنه والكلام المشابه ومش شايف ان له علاقه بالموضوع اصلا ودا برضه رأى الشخصى .. وعشان لا اعيد نفس الكلام انا متفق مع الكلام والتوضيح الاستاذ hossaam
واختلاف الرأى لا يفسد للود قضيه

اخي الكريم
اتمني من الله ان يكون (( تقديري للوضع الحالي )) به سوء تقدير للموقف و يكون (( خوفي علي البلد )) شئ مبالغ فيه
و انا مع حضرتك طبعا في ان
(( الاختلاف في الرأي لا يفسد للود قضيه ))
و لك تحياتي

م.حاتم السباعي

[wael17]

للأسف بقينا فعلا ماشيين بسياسة القطيع و تشويه الناس بدون أدلة و التريقة عليهم (أحمد شفيق أبو بلوفر) وخلاص

يحي الجمل لما شكر في شفيق من يومين اتقال ان المنصب غيره
النهارده هو بره المنصب و ده رأيه في شفيق
أضاف الجمل خلال حواره مع قناة الحياة، لبرنامج "الحياة اليوم" مساء الخميس، إن شفيق ُظلم ظلما كبيرا، وكان هناك تسرع كبيرا في الحكم عليه، حيث يتمتع شفيق بإخلاص شديد، ووطنية لا تنكر، وكان من أخلص الناس لهذا البلد، وكان رجلا عف اليد واللسان، وشخصية في منتهى الرقي، ومنتهى سوء الحظ.وأشار الجمل إلى أن اعتبار شفيق من رموز النظام، باعتبار أن الرئيس مبارك هو من قام بتعيينه، قياس خاطئ وأمر غير مفهوم، لأن شفيق ليس سياسيا، وهناك الكثيرين الذين عينهم مبارك ولم يكونوا فاسدين منهم أيضا الدكتور عصام شرف رئيس الوزراء الحالي.
أكتر حاجة تزعل لما تلاقي واحد في سن و احترام يحي الجمل بيقول كده و تلاقي الناحية التانية ناس بتقول " ابو بلوفر" " وابو موتسيكل" و " فاسد... علي واحد حارب في 73 قبل معظم اللي بيطالبوا باستقالته ما يتولدوا"

و أسلوب العند اللى الناس ماشية بيه ده هيؤدى ان الناس اللى مش عاجبها اللى بيحصل هتطلع على الناس اللى بتعتصم فى التحرير تاكلهم وديه مسألة وقت لو فضل أسلوب الابتزاز المتبع من الناس اللى بتعتصم مستمر (اركب مع أى سواق تاكسى أو حد غلبان أو موظف راجل كبير و اسمع رأيه و شوف هيقول ايه) و الناس ديه هتقوم لوحدها من غير حزب وطنى و لا أى حاجة

للأسف هي دي الحقيقة و لما قلنا رأينا هنا حسسونا اننا اقلية مندسة تابعة للحزب الوطني
المشكلة ان سواق التاكسي و العامل الغلبان ما عندهمش وقت يعتصموا في ميدان التحرير او يعملوا جروبات علي الفيسبوك يعبروا بها عن رايهم و بالتالي اللي صوته اعلي هو اللي باين حتي لو كان اقلية

اللى بيطالب برفع قانون الطوارئ حالا ..أظن ان مصر عمرها ما مرت بفترة محتاجة التعامل بكل قسوة مع كل أنواع البلطجة و
الانحراف و عدم الشعور بالأمان (شوف كمية الجرائم و نويعيتها ...المعانة و الغير معلنة)

حضرتك الناس ناسية اننا في فترة حظر تجول و حكم عسكري....قانون طوارئ ايه؟

للأسف أنا مش متفائل لو استمر موضوع الاستفزاز المتبع من الناس اللى بتعتصم و شايف ان الموضوع قلب بفرض رأى و نوع من أنواع البلطجة اللى الشباب قاموا علشان يحاربوها

موضوع المحاكمة الفورية لرموز الفساد ده كلام مش منطقى (ميلوسوفيتش اتسجن بعد أما اتحاكم لمدة 5 سنين و جرائمه كانت موثقة و لا غبار انه سفاح)

حابب أقول حاجة علشان الناس متحكمش عليا بدرى

أنا من أول الناس اللى نزلت التحرير يوم 25 يناير و انضربت من الأمن المركزى و لحد دلوقتى مش عارف أمشى على رجلى زى الأول

كان ممكن انا او انت نستشهد يوم 25 او 28 و نلاقي ناس النهاردة بتتطالب باستمرار الاعتصامات عشان دمنا ما يروحش هدر!!!!!! مع اننا لو عشنا كنا هانطالب بوقف المظاهرات
أنا مقتنع ان دم الشهداء هايروح هدر لو حصل انقسام و فتنة بين الشعب باسم الثورة
هيروح هدر لو الناس كرهت المظاهرات و كرهت يوم 25 يناير

[م. حاتم السباعي]

كان ممكن انا او انت نستشهد يوم 25 او 28 و نلاقي ناس النهاردة بتتطالب باستمرار الاعتصامات عشان دمنا ما يروحش هدر!!!!!! مع اننا لو عشنا كنا هانطالب بوقف المظاهرات
أنا مقتنع ان دم الشهداء هايروح هدر لو حصل انقسام و فتنة بين الشعب باسم الثورة
هيروح هدر لو الناس كرهت المظاهرات و كرهت يوم 25 يناير

اخي الكريم
حصل خير
انا نفسي بحاول اهدي من نفسي دلوقتي
و بحاول اجد لاخواننا الثائرين الف عذر و عذر حتي لا ننقسم فعلا
و اسمح لي ان ادعوك للمشاركة في موضوع الاخ العزيز
الضابط المهندس (( عمرو شرف )) هنا في المنتدي بموضوعه الان
تحت عنوان (( الاختلاف بين الاعضاء و الحل له ))
و ان شاء الله الكل يتفق علي ان كلنا وطنيون حتي و ان اختلفنا في التعبير عن وجهات نظرنا
كلنا ضد الفساد
كلنا نريد بلدنا حرة مستقلة
كلنا ضد التخوين
كلنا ضد سقوط البلد و العودة للخلف
و تقبل تحياتي

م.حاتم السباعي

[Ahmed_Ramadan]

هوا ده اللى بيحصل و هيحصل و هنسيب البلد تولع و البلطجية ينهشو فى لحمنا

كان فيه خبر قبل ما أحمد شفق يستقيل بكام يوم انو كان بيشتكى للقوات المسلحة من عدم قدرته على توفير مرتبات الموظفين فى الدولة

http://www.shorouknews.com/.......data.aspx?id=400928

يا جماعة أنا دلوقتى فعلا عندى استعداد انى أقف قدام الناس اللى قاعدة فى التحرير و بكل قوتى ومعايا ناس كتير مؤيدة ان الموضوع قلب بهبل ..و بلاش كلام فاضى من نوعية ثورة مضادة و الكلام ده

[wael17]

هوا ده اللى بيحصل و هيحصل و هنسيب البلد تولع و البلطجية ينهشو فى لحمنا

كان فيه خبر قبل ما أحمد شفق يستقيل بكام يوم انو كان بيشتكى للقوات المسلحة من عدم قدرته على توفير مرتبات الموظفين فى الدولة

http://www.shorouknews.com/.......data.aspx?id=400928

يا جماعة أنا دلوقتى فعلا عندى استعداد انى أقف قدام الناس اللى قاعدة فى التحرير و بكل قوتى ومعايا ناس كتير مؤيدة ان الموضوع قلب بهبل ..و بلاش كلام فاضى من نوعية ثورة مضادة و الكلام ده

صدقني كل يوم بيعدي و المظاهرات و العتصامات مستمرة بعد تنحي مبارك بيزيد عدد الناس اللي مستعدة تقف قدام اللي في التحرير....و انا خايف يجي اليوم اللي يحصل فيه صدام بين الطرفين و ساعتها هيبقي دم الشهداء راح هدر فعلا لما مصريين يواجهوا مصريين زيهم (مش حزب وطني) باسم الثورة

بس اللي حسيته النهاردة بعد استقالة شفيق ان المطالبين باستمرار الاعتصام في ميدان التحرير بدأوا يحسوا ان الاغلبية الصامتة مش هاتفضل صامتة كتير و ادخل علي اي موقع اخبار و شوف شكل التعليقات علي الاستقالة و استمرار المظاهرات
و الرجاء عدم الاستخفاف بعقولنا بادعاء ان كل من يعارض المظاهرات علي الانترنت هم اعضاء اللجنة الالكترونية للحزب الوطني!!

[otefa]

صدقني كل يوم بيعدي و المظاهرات و العتصامات مستمرة بعد تنحي مبارك بيزيد عدد الناس اللي مستعدة تقف قدام اللي في التحرير....و انا خايف يجي اليوم اللي يحصل فيه صدام بين الطرفين و ساعتها هيبقي دم الشهداء راح هدر فعلا لما مصريين يواجهوا مصريين زيهم (مش حزب وطني) باسم الثورة

بس اللي حسيته النهاردة بعد استقالة شفيق ان المطالبين باستمرار الاعتصام في ميدان التحرير بدأوا يحسوا ان الاغلبية الصامتة مش هاتفضل صامتة كتير و ادخل علي اي موقع اخبار و شوف شكل التعليقات علي الاستقالة و استمرار المظاهرات
و الرجاء عدم الاستخفاف بعقولنا بادعاء ان كل من يعارض المظاهرات علي الانترنت هم اعضاء اللجنة الالكترونية للحزب الوطني!!

لاحظتها وحتى على مداخلات تليفونية وأكيد كل يوم بيعدي بيضرب الأقتصاد في مقتل
سامع كمان أن البورصة لو مافتحيتش يوم الثلاثاء هاتتكنسل تماما وفق القوانين العالمية!
أنا رأي ألي مصمم على أستمرار التظاهرات يمد أيده في جيبه ويصرف على الناس ألي عايش باليومية وأتوقف حالها ومحدش يقولي لازم لكل ثورة ضحايا ويستحملو طيب هاياكلو ويأكلو أولادهم أزاي يشحت ولا يعمل أيه ياريت حد يرد يقولي ؟

[wael17]

لاحظتها وحتى على مداخلات تليفونية

الخبر لما اتقال كنت في الشغل و كل الناس كانت بتتكلم في الموضوع ده قبل الخبر و اقدر اكول ان نسبة اللي كانوا عايزين يشيلوا شفيق و يكملوا المظاهرات لا تتعدي 20% بين الاطباء و اعتقد اقل من كده بكتير بين العمال و التمريض

و زي ما الجدال بينا في المنتدي كان في نفس الجدال في الشغل و فجأة سمعنا الخبر و الكلمة اللي اتقالت لكل المطالبين بالمظاهرات ( استريحتوا؟؟؟ برده هاتعملوا مظاهرات؟) و معظمهم قال لأ خلاص...و بعد شوية قالوا ممكن نروح نحتفل في ميدان التحرير!!! و لاحظت كمان ان الخبر كان مفاجئ... الكل كان بيستعد للنزول يوم الجمعة و بعد كده يتشال شفيق

اطرف تعليق سمعته من احد الزملاء من انصار " لازم يرحل" بعد استقالة شفيق لقيته مستغرب و قال " هو شفيق ده رخم حتي في طريقة استقالته" قلتله " ما انت بقالك ساعة واكل دماغي و عمال تقولي لازم يرحل" قالي " ايوة كنا عايزينه يمشي بعد مظاهرات الجمعة"

[otefa]

ههههههههه أنا شايف أنه عند وأي حجة يقعدو بيها في الميدان والله أعلم بنوايا هم أكيد فيهم ناس وطنين بنظرة ورأي مختلف وفي ناس ليها أهداف ومصالح ما......ومش بعيد يكون منهم لجان ألكترونية هههههه
ده أنا بقالي شهر مش عارف أشوف شغلي كله جدال سواء في الشغل أو على المنتدى

[م. حاتم السباعي]

لاحظتها وحتى على مداخلات تليفونية وأكيد كل يوم بيعدي بيضرب الأقتصاد في مقتل
سامع كمان أن البورصة لو مافتحيتش يوم الثلاثاء هاتتكنسل تماما وفق القوانين العالمية!
أنا رأي ألي مصمم على أستمرار التظاهرات يمد أيده في جيبه ويصرف على الناس ألي عايش باليومية وأتوقف حالها ومحدش يقولي لازم لكل ثورة ضحايا ويستحملو طيب هاياكلو ويأكلو أولادهم أزاي يشحت ولا يعمل أيه ياريت حد يرد يقولي ؟

عارف اخي الفاضل اوتيفا المشكلة جاية منين في نظري
جاية من التعصب
زي الشباب اللي متعصبين للاندية
و اشي التراس و اشي مالتراس
و جزء كبير من الشباب اللي كانو بيكسرو في ملعب النادي الاهلي قبل الثورة اثناء مباراة كرة السلة
بهم جزء كبير اول ما خلص امتحانات الجامعة نزل التحرير علي طول
و بعد الثورة ايضا سمعنا انهم كانو هيضربو الاعب احمد عبد الملك في النادي الاهلي
يعني كل فئه فيها الكويس و الوحش حتي شباب التحرير بهم الكويس و الوحش و احنا كمان و كل الشعب
انما لما يعتقد اي واحد فينا ان رأيه هو الافضل و ما دونه غلط
هذا هو الغلط بعينه
و هذا ما جعلني اكتب الموضوع
اني كنت اتمني ان تكون عندنا الامور اوضح و انقي مما يحدث
حتي اني اوجه سؤال برئ الان
ليه كل القيادات اللي في التحرير
متعملش قيادة ظاهرة هي التي تتحدث مع الحكومة و تتابعها
و حينما تعجز الحكومة عن تحقيق المطالب العادلة
التي ينادي بها الشعب تستطيع هذه اللجنة ان تطلب عمل مظاهرة للتغير او للمحاسبة و يكون عمل هذه اللجنة واضح للجميع و تضم بين اعضائها ممثلين لكل الفئات
و تعمل في هدوء
و تصدر بيان ايضا تدعو فيه الشعب للعمل و لتوقف الاعتصامات الفئوية لمدة 6 اشهر و في خلال هذه الفترة تستقبل هذه اللجنة طلبات المحتجين الفئويين و تسعي لعرضها علي الحكومة و هكذا
نفسي بجد نعود للعمل مجددا و ترجع بلدنا بالتوازي مع حملة التطهير من الفساد ترجع جميلة عفية
ترجع قوية بأبناء شعبها

م.حاتم السباعي

[heshamzaky]

أنا قولت من البداية أن العملية حا تقلب لانفلات أمنى و العملية حا تبقى فوضى و هو دة الى حدث فعلا بالديل القاطع . و قولت بكرة الناس حا تضرب بعضها و هية لا ليها أى أنتمائات سياسية و لا بتدجان بس الناس قرفت و زهقت . و قولت أن شريحة كبيرة من مؤيدى المظاهرات للاستمرا غير مسؤلين عن فتح بيوت و لسة بيعيشو فى كنف ذويهم يعنى والدة بيصرف علية و لسة بيدفع مصاريف تعليمة . و بكرة حا تلاقى الناس بطلت شغل و البطالة حا تزيد و البلطجة حا تكتر أكتر و تتحول الى أنقسام و ثورات على الناس . و الله العظيم أمبارح كنت فى الاشارة وولد بيبيع مناديل عندة بتاع 12 سنة 14 سنة بالكتير و شكلة ثائر و ناقم على العيشة و محدش بياحخد منة حاجة و الله العظيم الواد على وشة غل الدنيا كلة و سمعتة بيبرطم و بيقول الله ما الناس دى كلها معاها أشمعنى انا و بينظر للناس نظرة كلها حقد و كراهية دة لو أتيحت الفرصة لة أؤؤكد لك أنة ممكن يسرق أو يبلطج . الكلام الى هو قالة أشمعنى الناس كلها معاها و أحنا لا دة حا يبقى شعار ناس طتير جدا بس تتفاوت الطريقة و الاسلوب فى التعامل الولد الى فى الاشارة بكرة يعمل حزب للبلطجة و ينزل يقلب الناس و الناس العادية حا تمسك فى الناس المؤيدة لاستمرار المظاهرات . بالبلدى العملية بوخت و بقت سلطة و اى كلام و فراغ

[م. حاتم السباعي]

أنا قولت من البداية أن العملية حا تقلب لانفلات أمنى و العملية حا تبقى فوضى و هو دة الى حدث فعلا بالديل القاطع . و قولت بكرة الناس حا تضرب بعضها و هية لا ليها أى أنتمائات سياسية و لا بتدجان بس الناس قرفت و زهقت . و قولت أن شريحة كبيرة من مؤيدى المظاهرات للاستمرا غير مسؤلين عن فتح بيوت و لسة بيعيشو فى كنف ذويهم يعنى والدة بيصرف علية و لسة بيدفع مصاريف تعليمة . و بكرة حا تلاقى الناس بطلت شغل و البطالة حا تزيد و البلطجة حا تكتر أكتر و تتحول الى أنقسام و ثورات على الناس . و الله العظيم أمبارح كنت فى الاشارة وولد بيبيع مناديل عندة بتاع 12 سنة 14 سنة بالكتير و شكلة ثائر و ناقم على العيشة و محدش بياحخد منة حاجة و الله العظيم الواد على وشة غل الدنيا كلة و سمعتة بيبرطم و بيقول الله ما الناس دى كلها معاها أشمعنى انا و بينظر للناس نظرة كلها حقد و كراهية دة لو أتيحت الفرصة لة أؤؤكد لك أنة ممكن يسرق أو يبلطج . الكلام الى هو قالة أشمعنى الناس كلها معاها و أحنا لا دة حا يبقى شعار ناس طتير جدا بس تتفاوت الطريقة و الاسلوب فى التعامل الولد الى فى الاشارة بكرة يعمل حزب للبلطجة و ينزل يقلب الناس و الناس العادية حا تمسك فى الناس المؤيدة لاستمرار المظاهرات . بالبلدى العملية بوخت و بقت سلطة و اى كلام و فراغ

اخي الكريم
الاستاذ هشام
ارجو ان تضيف لمشاركتك انك لست ضد (( القضاء علي الفساد ))
و بأنك لست ضد محاكمة المفسدين و بأنك لا تحجر علي رأي المتظاهرين و حقهم في التعبير عن رأيهم بدون ان يمسو امن البلد
فالكثير من اخوانا الاعضاء هنا افتكرونا اننا بنهاجمهم
و لمجرد اننا بندعو لوقف مؤقت للتظاهر فهذا معناه اننا ضدهم
و بأننا ضد محاسبة المفسدين
هذه نصيحتي لك كي لا تصنف مثلي بأنك من اعداء الثورة
و هناك موضوع للاخ م.عمرو شرف
بيدعو الاعضاء للتسامح و عدم التشكيك في النوايا
و موضوعه بعنوان (( اختلاف الاعضاء و الحل ))
و تقبل تحياتي

م.حاتم السباعي

[heshamzaky]

اخي الكريم
الاستاذ هشام
ارجو ان تضيف لمشاركتك انك لست ضد (( القضاء علي الفساد ))
و بأنك لست ضد محاكمة المفسدين و بأنك لا تحجر علي رأي المتظاهرين و حقهم في التعبير عن رأيهم بدون ان يمسو امن البلد
فالكثير من اخوانا الاعضاء هنا افتكرونا اننا بنهاجمهم
و لمجرد اننا بندعو لوقف مؤقت للتظاهر فهذا معناه اننا ضدهم
و بأننا ضد محاسبة المفسدين
هذه نصيحتي لك كي لا تصنف مثلي بأنك من اعداء الثورة
و هناك موضوع للاخ م.عمرو شرف
بيدعو الاعضاء للتسامح و عدم التشكيك في النوايا
و موضوعه بعنوان (( اختلاف الاعضاء و الحل ))
و تقبل تحياتي

م.حاتم السباعي

هههههههههههههه و الله يا باشا كلامك ضحكنى يعنى لازم أبرر و أقول الاسباب الى بتخلينى أقول رأيى . الامور الى ذكرتها فى مشاركتك بديهية لانى مش صاحب أحمد عز مثلا و لا حبيب العادلى و لا جرانة و لا غيرة ههههههههه
بص يا باشا انا مع محاربة الفساد بص بطريقة صح و أسلوب صح علشان ما تبقاش المحاكمات غير عادلة و يبقى كبش فدا اتقدم و ممكن يكون الشخص دة مظلوم بس علشان القضية بتاعتة قضية رأى عام يبقى أظلمة و اهدى الناس لا طبعا دة مبدا مرفوض و حرام ((( اذا حكمتم بين الناس فاحكمو بالعدل ))) و أنا ضد الفوضى و الهرجلة أنا أحب التنظيم و التخطيط و اكرة الهرجلة و الى أحنا فية حاليا فى مصر هو فوضى فى كافة القطاعات. و تقبل خالص تحياتى