إعـــــــلان

Collapse

.

,
See more
See less

شفيق والبلوفر

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    شفيق والبلوفر

    شعور سخيف
    لما تلاقي بلوفر شفيق طلع خفيف
    وشعور سخيف
    لما تعرف انه لاينفع في شتا ولا صيف
    سالوا شفيق عن سر بلوفره
    ...قال دا كانوا اتنين وشبكوا
    اللى كان على يمينى وطنى.. و اللى كان شمالى مخيف
    و ده شعور سخيف
    و شعور سخيف
    ان الوزارة تكون بلوفر .. تصنع مكواه للبلوفر
    تجيب غسالة للبلوفر .. نعمل صفحة للبلوفر
    يامكنة دورى عدى فوقى وفوقيك .. عملوا البلوفر ولبسوه لشفيقك
    فرضوا عليا البلوفر لحد متغميت .. هما اللى لبسوا البلوفر و وحدى انا اتغميت
    انا بدون البلوفر قاعد ماليش لازمة .. ولما من البلوفر اشتكيت ادونى بالجزمة
    مش لاقى تلبس اديك .. هاتولنا وجيبولنا و شيلولنا الوزرا
    حانجيب منين وزير ليك
    سايب يا بلدى تحريرى .. و قاعد على سريرى
    و لما قولتله استقيل .. قالوا عليه مصيرى
    يعنى ايه تبقى انت بلد 25 يناير .. و كل يوم مظاهرة تحصل
    يعنى ايه لما اشتكى عيوب الوزارة .. يقولوا تشكى .. بس تقبل
    لما شباب الامة فى البرد بتعتصم
    و لما وزارة شفيقنا بس بتطمنا و تبتسم
    لما بلطجيتك فى شوارعك بعبادك بتبطش
    و لما داخليتك خايفة من شعبك فتطفش
    يعنى ايه تبقى ثورة من غير تغيير النظام
    ويعنى ايه تتشكل وزارة من الناس القدام
    يعنى ناس سرقت و ظلمت و لسة طليقة
    طب احكمى انت يا وزارة بقى دى طريقة
    وزارة بطيئة ونايمة فى العسل
    قرارتها من يومها بطيئة و كلها ملل
    حتى كلامها كله ملل
    الخوف ان اللى يقتل الثورة هوه الملل
    احنا مش عاوزين وزارة تموت فينا الامل
    من الاخر عايزين وزارة نشيطة تداوى العلل



    [CENTER][FONT=Comic Sans MS][SIZE=5][COLOR=Blue][/COLOR][/SIZE][/FONT][SIZE=5][COLOR=DarkRed]قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"

    -- اللهم ارزقنيها --
    [/COLOR][/SIZE][/CENTER]
    الكلمات الدلالية (Tags): صـدق, والبلوفر
  • #2
    شر البلية ما يضحك
    مين اللي كتب شعر البلوفر ده يا بليزر


    الذ حاجة لما تعمل بحث عن الصور في جوجل عن كلمة البلوفر يطلع صورة شفيق بالبلوفر في الصفحة الاولى ......... مسخرة
    لو عندو ذرة كرامة كان استقال

    [CENTER][mark=#00ffb7]Follow Me: http://twitter.com/DrAhmadSelmy[/mark][/CENTER]

    [CENTER] [img3]http://oi40.tinypic.com/i2mv7b.jpg[/img3][/CENTER]

    Comment

    • #3
      بس الامانه تتقال هو شيك قوي ....طيار طيار يعني :]

      بس طبعا ده ملوش علاقه .... هترحل هترحل باذن الله

      Comment

      • #4
        .... أعلن شفيق انه يرتدي الأن البلوفر الكحلي عشان يشتغل في الأزرق

        .... اعلن شفيق انه قاعد على قلبكم و أكد تمسكه بالكرسى و البلوفر ..طب و هتعمل ايه فى الصيف يا شفشق ؟ هالبس البلوفر ع اللحم

        .... في تاريخ العرب هناك سببان للفتنة: قميص عثمان وبلوفر شفيق

        .... المجلس العسكري يؤكد أن عملية خلع مبارك من الكرسي كانت أسهل كثيرا من عملية خلع شفيق من البلوفر

        .... أنباء عن إنضمام عدد من البلوفرات لمظاهرة تطالب شفيق بخلعه

        .... مظاهرات في مصطفي محمود تطالب برد الجميل لبلوفر شفيق ..واحد المظاهرين يقول والدموع في عينيه ان البلوفر ابوه

        .... خلاص يا شفيق game over يلا بقي اقلع البلوفر

        .... كمان يومين شفيق هيطلع فى مكالمة هاتفية مع منى الشاذلى ويقولكم ادينى خلعت ام البلوفر..اهدوا بقى ولا تحبو اجيبلكو بونبونى

        .... اعلانات الوسيط: بلوفر مشجر بالورب غرزة عريضة نقش رجل الغراب كولة قلاب كم طويل استعمال شفيق

        .... محلل سياسى أمريكى يقول: شفيق يجب ان يتنازل عن البلوفر فوراً و فى انتظار خطاب اوباما خلال ساعات قليلة

        .... شفيق مش بتاع إعلانات .. شفيق بتاع بلوفرات

        .... بلوفر شفيق الي بتتريقوا عليه ده غالي جدا لانه صوف من خروف يتيم

        .... وبكره نكتشف ان لبس شفيق للبلوفر ماهو الا شغل مخابرات بالتآمر مع عمر سليمان وصفوت لشريف

        .... مش مستريح لموضوع البلوفر دا ..ممكن كدا شفيق يفهم ان احنا مش عاوزينه عشان خاطر البلوفر ويطلع يقول انا فهمتكم هقلع البلوفر والبس جاكيت صوف

        .... بلوفر شفيق .. يتمدد بالحراره .. ينكمش بالبروده .. و يلتصق بالوزاره

        .... وائل غنيم يبدي استعداده بالتخلي عن الخظاظة اذا تخلي شفيق عن البلوفر

        .... زى ما خلصنا من عمر سليمان واجنداتة , ان شاء الله قريب قوى نخلص من شفيق ببلوفرات

        .... السبب الحقيقي وراء عدم ظهور شفيق مع محمود سعد من يومين… البلوفر كان في الغسيل

        .... عاجل: بلوفر شفيق مش زي بدلة الغنوشي, بلوفر شفيق مش زي بدلة الغنوشي, بس تقول لمين

        .... شفيق يطلق حملة ترشيحه رئيساً لمصر ببرنامج انتخابي تحت عنوان, بلوفر لكل مواطن

        .... أقدر اقول دلوقتي : ان بلوفر شفيق , بقا أشهر من بلوفر عمرو دياب بتاع تملي معاك

        ط³ط± ط¨ظ„ظˆظپط± ط´ظپظٹظ‚-ط§ط¶ط­ظƒ | ظ…ط¯ظˆظ†ط©
        [CENTER][mark=#00ffb7]Follow Me: http://twitter.com/DrAhmadSelmy[/mark][/CENTER]

        [CENTER] [img3]http://oi40.tinypic.com/i2mv7b.jpg[/img3][/CENTER]

        Comment

        • #5
          مش فاهم البلوفر ماله؟
          م/ احمـد عـزت

          Comment

          • #6
            المشاركة الأصلية كتبت بواسطة ahmed_nubira مشاهدة المشاركة
            مش فاهم البلوفر ماله؟
            +11111111111111

            بصراحة مش عارف ليه المواضيع كتير اوي عن البلوفر بتاعو ؟وايه اصلا الهدف منها؟
            وايه المشكلة انو يلبس بلوفر ولالا ؟
            eng f3lix سابقا

            Comment

            • #7
              هي دي طبيعة المصريين و ذكائهم و خفة ظلهم
              لما يلاقوا الحوار غير مثمر و مش اكتر من مراوغة و لف و دوران و مفيش من فايده
              و مفيش حاجة بتتحقق علي سبيل المثال و ليس الحصر
              الناس علي اللي في التحرير سلامتهم برقابته و حتي الان هو معندوش اي معلومة ايه اللي حصل في التحرير
              و المصاصة و البونبوني و الهايد بارك و مبارك لن يرحل و تصريحات وزير داخليته و اختيارته للوزراء و لا شفنا منه اي قرار يقدم و لا يأخر غير المجادلة في القنوات الفضائية

              بعد ده كله بالتاكيد محدش حيفتح موضوع و يتكلم و يتناقش في حاجة الراجل ده بيقولها او يطرحها
              و حيكون موضوع الساعة هو البلوفر لانه اكيد له تاثير علي توجهاته و تصريحاته و اجنداته
              [CENTER][shfaf2]http://img69.imageshack.us/img69/7283/0286t.jpg[/shfaf2][/CENTER]

              Comment

              • #8
                لو لاحظتم... أحمد شفيق يرتدي البلوفر الأزرق وكل جاكتاته محلاة بالأزرار الذهبية... وثارت ثائرته وهو يحكي عن معاركة الجوية... الرجل يبعث برسالة مفادها : زي ما ظبطت المطار هظبط مصر. هو مقتنع أنه جدير بمنصب رئيس الوزراء ووصل إليه بشطارته وليس لأنه رجل مبارك. هذا الرجل منفصل عن الواقع ويعيش في عالم خاص به ويتعجب مما يدور حوله... وكأنه يتسائل "ألا يكفيكم أنني أنا بكل تاريخي أرأس الوزارة لكي تطمئنوا إلى أن كل شيء على ما يرام.... باختصار شفيق نموذج لكل العسكريين الذين لا يجب أن يحكمونا بعد الآن.

                Comment

                • #9
                  ممتاز بجد تحليلك يا دكتور
                  عنجهيه وعجرفه وتعالى وغرور بطريقه مستفزه وصارخه
                  وانا شدتنى جدا البدله وزرايرها الذهبى " بيقلد بدله الجيش يعنى بتاعه العرض العسكرى !!!"
                  وكلامه عن الحرب كانه القائد الاوحد
                  نفس الطريقه فى المعامله
                  بجد
                  هذا الطيار من هذا المطار
                  [CENTER][FONT=Comic Sans MS][SIZE=5][COLOR=Blue][/COLOR][/SIZE][/FONT][SIZE=5][COLOR=DarkRed]قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"

                  -- اللهم ارزقنيها --
                  [/COLOR][/SIZE][/CENTER]

                  Comment

                  • #10
                    المفروض يجيب من الاخر وشوف ويستقيل زى ما استقال الغنوشى فى تونس كده كده ماشى

                    Comment

                    السابق template التالي
                    Working...
                    X