صوت ولا رش

[amrrashed]

السلام عليكم
علشان الظروف الصعبة اللى احنا بنمر بيها الواحد بقى فى حالة تخبط جامدة جدا عايز يدافع عن اهلة ومش عارف يعمل ايه ... فالواحد بيفكر يجيب حاجة للتخويف وانتهى الامر انى بفكر فى مسدس صوت او رش ....ومش عارف انهى احسن.
ارجو لو حد بيبيع عدم عدم التعليق علشان منخالفش قواعد المنتدى

وشكرا جزيلا

[ahmedabutaleb]

لا ده ولا ده نصيحة منى
الرش تأثيرة صعيف جدا
الصوت لو حضرتك فى مواجهة مع بلطجى وطلعت المسدس الصوت وعلى فرض انه ميعرفشى ان ده صوت غالبا هيكون معاه هوا السلاح الحى وياروح ما بعدك روح وطبعا المواجهه هتكون لصالحة
الحل تبعد عن الاماكن اللى فيها قلق ومتمشيش متاخر

[amrrashed]

كلام حضرتك سليم جدا وانا ناوي لا قدر الله لو شفت حد معاه سلاح حي مستعملش الصوت أبدا ...طيب حد عنه راي تاني

[ahmedabutaleb]

لو الظروف عندك انت شخصيا كويسه ومفيش مشاكل او مشاكل بسيطه يعنى يبقى متعملش حاجه
انما لو فيه تهديد لحياتك او لاسرتك لاقدر الله يبقى ساعتها تجيب واحد حى وتعينة فى الشقه نصيحة متخرجشى بيه وطبعا ده هيكون من غير ترخيص
انا معرفشى حد بيبيع سلاح حى ولا اقدر افيدك بس للاسف هوا ده اللى ماشى دلوقتى
وانا عشان محدش يتهمنى بالتحريض ولا حاجه انا جاتلى رسالة من القوات المسلحة نصها
"
على المواطنين الشرفاء تحمل المسئوليه والتصدى للعناصر الغير مسئولة
"
فانا هتصدى ليهم ازاى بسكينه مطبخ؟؟؟!!!!