عاوز حد يقولى نتعامل مع الناس دى ازاى

[drmomoking]

امبارح فى شارع البطل احمد فى المهندسين ركنت عربيتى على جنب الساعة 4 العصر عشان جالى تليفون ومش رديت اتكلم وانا سايق طبعا الشارع زحمة جدا والكلام دة كان قدام فاكسيرا كدة بس الناحية التانية قبل مطلع كوبرى اكتوبر بحوالى 300 متر
خلصت المكالمة وعاوز اطلع بقى اللى كلنا بنعملة بنبص فى المراية وبندى اشارة شمال لو اقرب عربية بعدها عننا تسمح ان الواحد يطلع
ودة اللى انا عملتة وكان بينى وبين اقرب عربية وكانت 3/4 نقل حوالى 20 متر واصلا الدنيا زحمة فى اليمين عشان مطلع الكوبرى كان واقف وفعلا بدات اطلع عادى جدا واذا بالعربية النقل دخل فى الرفرف عندى الشمال وطبعا دمرة لانة كمل ولا حتى مسك فرامل وعربيتى هيا اللى وقفتة مع انى كنت طالع بكل هدوء ومدى اشارة ومسافة 20 متر كافية اوى انى اطلع انما البية قام قارص عشان يعدى كأن الدنيا حتطير وبعد اما خبطنى نزل يتخانق معايا عشان قال اية انا طلعت قدامة مع ان عربيتى مكانتش طلعت ازيد من 20 سم من الرصيف والبية خبطنى يعنى كنت لسة بطلع وهوا شايفنى وهوا جاى
كان المفروض انى اضربة لانة مستفز جدا بس مسكت اعصابى بالعافية لان مراتى وبنتى اللى عمرها سنتين كانو معايا وبعدين لو ضربتة مش بعيد الناس تتلم واى حد يضرب اى حد وتبقى الخساير جسيمة وخصوصا فى ظروف البلد اليومين دول

المهم ان سواق النقل مصمم انى غلطان من وجهه نظرة وانى المفروض افضل واقف لما الشارع يفضى خالص قبل ما اطلع عشان مخبطش سعادتة فهل دلوقتى انا الغلطان ويمكن دماغى انا فوتت ولا اية لان الموضوع خلص ان الناس اتلمت وقالتلى ربنا يعوض عليك مش حتاخد حق ولا باطل عشان مفيش شرطة

وطبعا انا اخدت نمرة العربية بس اظن ولا ليها لازمة فى ظروف البلد دلوقت

فياريت تفيدونى برايكم

[himaz]

ربنا يعوض عليك ويخلصنا من الاشكال الضالة ديه

انا نفسى كل الرخص تعاد من جديد باختبارات حقيقية ولازم تشمل كل حاجة بالتفصيل

[Mohamed_Rashad]

طبقا لقواعد المرور: حضرتك مخطأ.
سواق النقل هو اللي ليه أولوية المرور عشان هو جاي في الطريق الرئيسي و حضرتك كنت راكن على جنب و بتستعد للخروج في وسط الطريق الرئيسي. حتى لو كان فيه مسافة ٢٠ متر زي ما حضرتك ذكرت.

لو الموقف ده حصل هنا في الشرطة تيجي في خلال دقايق و يعاينوا الموقف و شركة تأمين حضرتك تتكفل بتصليح تلفيات الشخص الآخر من الألف الى الياء و الشرطة هتغرم حضرتك غرامة في حدود ٢٠٠ يورو و كمان تعليق رخصة قيادتك لمدة ٣ شهور.

[kar!m]

تاكسى .. ميكروباص .. نقل بأنواعه مبيستناش حد الا من رحم ربى... لما بشوفه على بعد كيلو بستناه لما هو يعدى.

[M.Mosaad]

في مصر معني انك تدي اشارة و تطله قدام حد حتي لو علي بعد 100 متر و ماشي علي رجله هتلاقيه جري و حرق علي عربيته علشان متطلعشي قدامه

قانونيا انت غلطان لان هو ليه الاولويه فعلا بس دة لو بنطبق القانون بحذافيرة و الطريق دة طريق سريع و هو جاي علي 70 80 مثلا لكن بما ان الطريق كدة كدة واقف فأنسانيا يهدي لحد ما تخرج انت و بعدين يكمل طريقه بس الوقت دة اللي اجنا فيه كل واحد عايز يعمل حاجة بيعملها يعني متعندشي مع اي حد في السواقه لانك مش هتاخد حق و لا باطل

و طبعا وجود بنتك و زوجتك معاك بيبقي خلاص الموقف خلص و مينفعشي تفتح بقك حفاظا عليهم استعوض ربنا و اهو درس انت اتعملته و ربنا يعدي الايام دي علي خير

امبارح انا كنت راكب ميكروباص لان شغلي في ميدان التحرير و مستحيل اروح بالعربيه سواق الميكروباص عايز يعدي و قدامه عربيه فليشيا و المكان مش هيكفيه عمل ايه بقي حشر نفسة و خد للراجل جنب العربيه كله و كمل طريقه عادي جداااااااا و لا اكن اي حاجة حصلت و الراجل قعد يكلكس شوية و بعدين مشي لانه عارف انه مش هياخد حق و لا باطل برضة

[drmomoking]

طبقا لقواعد المرور: حضرتك مخطأ.
سواق النقل هو اللي ليه أولوية المرور عشان هو جاي في الطريق الرئيسي و حضرتك كنت راكن على جنب و بتستعد للخروج في وسط الطريق الرئيسي. حتى لو كان فيه مسافة 20 متر زي ما حضرتك ذكرت.

لو الموقف ده حصل هنا في الشرطة تيجي في خلال دقايق و يعاينوا الموقف و شركة تأمين حضرتك تتكفل بتصليح تلفيات الشخص الآخر من الألف الى الياء و الشرطة هتغرم حضرتك غرامة في حدود 200 يورو و كمان تعليق رخصة قيادتك لمدة 3 شهور.

كلام حضرتك كويس كدا وانا معاك فية دة لو طريق ماشى فعلا انما طريق واقف وانا مدى اشرة وهوا شاف بداية طلوعى وحتى مفكرش يروحش شمال ال 20 سم دول ومكنش خبطنى بس هوا قرص فعلا لمجرد انو ياذينى مش اكتر لانو عارف انو ولا حيتخدش دى حاجة تانى حاجة زى ما انا قلت ان يمين الطريق اصلا كان واقف والشمال هوا اللى ماشى انما هوا لما خبطنى كانت العربية اللى قدامة واقفة اصلا وبينة وبينها اقل من متر وهو لو مكانش خبطنى من قدام كان صندوق عربيتة حيدمرلى العربية لانو مكنش سايب مسافة امان او على الاقل كان حيطير المراية ودة ساعتها كان حيبقى غلطتى برضة حتى لو انا متحركتش من مكانى
اللى انا بتكلم فية ان انا مكونش طلعت فى الشارع لسة انا كنت طلعت وش العربية بس مع الاشارة عشان ابدا اطلط وهوا مخبطنيش وان بطلع انا وقفت لانى حسيتة ممكن يحكلى العربية بالصندوق لانة اعرض من باقى العربية بس هوا بقى كمل وخبطنى عند يعنى مش اكتر

[drmomoking]

في مصر معني انك تدي اشارة و تطله قدام حد حتي لو علي بعد 100 متر و ماشي علي رجله هتلاقيه جري و حرق علي عربيته علشان متطلعشي قدامه

قانونيا انت غلطان لان هو ليه الاولويه فعلا بس دة لو بنطبق القانون بحذافيرة و الطريق دة طريق سريع و هو جاي علي 70 80 مثلا لكن بما ان الطريق كدة كدة واقف فأنسانيا يهدي لحد ما تخرج انت و بعدين يكمل طريقه بس الوقت دة اللي اجنا فيه كل واحد عايز يعمل حاجة بيعملها يعني متعندشي مع اي حد في السواقه لانك مش هتاخد حق و لا باطل

و طبعا وجود بنتك و زوجتك معاك بيبقي خلاص الموقف خلص و مينفعشي تفتح بقك حفاظا عليهم استعوض ربنا و اهو درس انت اتعملته و ربنا يعدي الايام دي علي خير

امبارح انا كنت راكب ميكروباص لان شغلي في ميدان التحرير و مستحيل اروح بالعربيه سواق الميكروباص عايز يعدي و قدامه عربيه فليشيا و المكان مش هيكفيه عمل ايه بقي حشر نفسة و خد للراجل جنب العربيه كله و كمل طريقه عادي جداااااااا و لا اكن اي حاجة حصلت و الراجل قعد يكلكس شوية و بعدين مشي لانه عارف انه مش هياخد حق و لا باطل برضة

بالضبط انا غلطان لو قطعت علية او الطريق سريع وانا طلعت قدامة فجاة مثلا لان فى الظروف اللى زى دى والزحمة ولو فضلت واقف يبقى كنت حبات مكانى انما الفكرة انى ادى اشارة فالناس توسع سنة فاقدر اطلع لا دا هو حضن زيادة غباوة يعنى وغلاسة مش اكتر