حل مشاكل الدي إن إس الخاص بالسيرفر المستضيف

[Dr_Mido]

السلام عليكــم ورحمـة الله وبركاتــة ،،
طبعا انا امبارح جربت ادخل هنا امبارح من الاب توب بعد منزلت وندوز ومكنتش مركب ال DNS دة
ولقيت موقع تانى خالص غير اللى تعرفوة دة
لو اى حد عندة المشكله دى مع اى موقع او الافضل فعلا انكو كلكو تغير ال DNS بدة

المشكلة دي طبعاً أساسها عيب في شركات النت
بعيده كل البعد عن عيب المستخدم زي مابيقولوا شركات النت للناس
ولتأكيد الكلام بتاعي
وتأكيد أقاويل شركات النت إن مالهاش صحة ويقولك السيرفر واقع
ويطلعوا سمعة على الموقع محترمه قوي

النهارده جايب لكم الحل
وهو إنك هتغير الدي إن إس الخاص بالجهاز بتاعك
يعني هتشتغل علي شركة تانيه وتسيبك من الشركة اللى إنت بتتعامل معاها
زمانكم بتقولوا إيه التخاريف دي
انا هفهمكم
دلوقتى نظام شركات النت عباره عن إن كل شركة ليها حاجه إسمها كاشه في السنترال الخاص بالمنطقة التابع ليها التليفون اللى راكب عليه الخدمة
طبعاً كل شركات النت اللى شغاله في المنطقة راكبه في نفس السنترال وليها كاشه وحاجه تانيه إسمها دسلام
إحنا هننقل الشغل بتاعنا من علي الشركة بتاعتنا لشركة تانيه
هنغير وناخد الدي إن إس بتاع الشركة التانية
طبعاً الكلام ده بيحصل كتير
علشان الناس تحل المشاكل اللى عندها
ده طبعاً مابيأثرش علي أي حد من الشركات أو المستخدمين
شركات النت عارفه كويس إن ده بيحصل
النهارده بقي
هننقل علي شركة تانيه
بس الشركة دي ماهياش موجوده هنا
موجوده علي النت
الشركة عباره عن خمس سيرفرات بيتعمل لهم ريستارت وتعديل للكاشة بتاعتهم كل 5 ثواني
لإن المشكلة بتاعت شركات النت إنها مابتعملش رستارت للكاشة بتاعتهم إلا كل 3 أيام ولو إتفضت الكاشة صح يبقي المواقع كلها هتشتغل ومش هتسقط مواقع
بس طبعاً الشغل العربي معرف
الموقع للى يحب يشوفه

https://www.opendns.com

إضغط Next علي طول وإنت ماشي
وفي الآخر Finish
طبعاً إلا من رحم ربي
المهم هنغير الدي إن إسات بتاعتنا علي الشركة دي
وده الهدف اللى الشركة دي قايمة عليها
فكرة الكاشة عبارة عن إن الشركة بتاعت النت الكاشة بتاعتها تكيش المواقع كلها وماتسقطش منها حاجه
يعني تدخل المواقع كلها على الكاشة بالطريقة الصحيحة
والخطأ اللى بيقع فيه بعض المتعاملين مع موضوع الكاشات في شركات النت هما المسئولين عن الأخطاء دي
نيجي دلوقتى لاهم حاجه في الموضوع
وهي إزاي نغير الدي إن إسات بتاعنا
وإيه هي الدي إن إسات الجديدة اللى هنشتغل عليها
إفتح قائمة Start وإختار Controle Panel




وبعدين إختار Network Connections من قائمة Control Panel





وبعدين إختار الإتصال اللى إنت شغال عليه في الجهاز بتاعك Connection



من Network Connections





وبعدين إختار خصائص الإتصال Properties





وبعدين إختار Internet Protocol (TCP/IP) وبعدين إختار Properties برضه




وبعدين قم بإختيار الإختيار Use the following DNS server addresses وإكتب ياجميل الدي إن إسات اللى الكل بيدور عليها

Preferred DNS server

Alternate DNS server

دي الأماكن اللي هتكتب فيها الدي إن إسات

الدي إن إسات بقي

208.67.222.222

208.67.220.220



أتمني أن يكون الشرح قد أفاد الجميع
وإن كان الشرح موفق فهو من الله
وإن كان هناك خطأ فهو سهواً مني

[aboalm]

جزاك الله كل خير فكره هايله و شغاله زى الفل بصراحه دلوقتى بقت النت اسرع فعلا

[أبومعاذ]

أشهر open dns للي عايزه :

4.2.2.3 أو 4.2.2.4 أو 4.2.2.5 أو 4.2.2.6

بس يفضل إنك تحطه في الـ Altenate بس و تخللي الـ preferred زي ما هو بتاع شركة الانترنت بتاعتك

[Goodle]

مشكور يا دكتور ميدو

[TAG_Turbo0]

جارى التجربة
بس مش فاهم الموقع عايز ايه

[Dr_Mido]

بوريلك الموقع اللى بيقدم الخدمه بس بس اتبع الشرح وهتلاقى الموضوع اريح ليك فى التصفح

[نور القمر]

احييك دكتور ميدو على الموضوع ده
انا بحكم عملي في مجال استضافة المواقع بتقابلني المشكلة دي كتير مع العملاء لما يلاقو موقعهم شغال في بعض المناطق والبعض الاخر لا
واغلبيتهم مهما حاولت اقنعهم ان المشكلة بسبب شركات النت مش بيصدقوا وخصوصا انهم بيسألوا ناس تانية اجهل منهم او بيسألوا شركات استضافه تانية وبيضللوهم علشان ينقلوا عندهم
وفي بعض الدول المحترمه بطلب من العميل انه يتصل بالاتصالات في بلده ويطلب منهم عمل ريستارت


حضرتك كدة اديتني حل جميل للناس اللي ممكن تفهم وتطبقه
وجاري تجربته ان شاء الله

اشكرك مرة تاني

[Dr_Mido]

وبرضه دى من اكبر المشاكل اللى بتواجهنى برضه فى نفس المجال
اقنعه انها مشكله فى الاتصال من عندة يقلى لا سيرفرك مش حلو
:d:d:dفدة حل عملى للمشاكل دى وبرضه بيسرع سرعه التصفح الى حد ما

[Nader]

ممكن ببساطة انك تخلس الـdns دينامك

مش استاتيك.

[Dr_Mido]

الاب توةب بتاعى معمول دينامك وبرضه دخلنى الصبح على السيرفر القديم حتى هتلاقينى رادد هناك

ساعات مبتنفعش لان الشركات هنا اساسا سئيه

[Nader]

انت اكيد كنت داخل وايرلس:)

لو dsl wired يبقى اعملة داينمك

من جهازك انما لو وايرلس مش

هينفع لان انت مش بتكون متحكم بالراوتر:)

ممكن تكلم الادمن متاع الشبكة.

[Dr_Mido]

وغلاوتك انت من نفس الراوتر بس :DUsb
وخش هتلاقينى راددلك فى المنتدى التانى :D
وعموما حصل خير المهم ان الناس تدخل من مشاكل فى الكونكشن ;)

[Nader]

طيب انت عامل الموضوع هنا لية:)

الناس اللي هناك هما المحبوسين :D

هما مش شايفين اي حاجة من اللي

بتحصل هنا:).



المشكلة ان معظم اللي هناك معندهمش

فكرة يعني اية ip ولا dns.


هو فاضل اسبوع ولا اتنين ويتقفل

هناك فيدخلوا هنا اوتوماتك:)

يلا ادعوا معايا ان المنتدى التاني

يقع:D

[Dr_Mido]

هحطهولك هناك ناو :d

[Nader]

هحطهولك هناك ناو :d

تمام، وانا هبقى ادخل كمان شوية اشوف اية النظام هناك

على كوكب نايل موتورز المهجور :D