مصطفى بكري

[kono]

مع انى اختلفت مع بكرى بعد طلبه للثوار بالرحيل عن الميدان بعد خطاب مبارك الثانى
بس برضه ده مش وقته
ولو هو حتى وحش
ف عدو عدوى صديقى وهو الوقت عدو الفساد يبقى هدفنا واحد والتفرقة اللى ناس كتير بتحاول تزرعها بينا كمصريين مش هتاكل معانا

[tamatemo]

فيه فرق كبير قوي بين معارضة وتمشية حال... يعني معاهم معاهم ، عليهم عليهم.. الشعب المصري مش أهبل ولا حاجه ولا بيهتم بالهيافات بس انتهى عصر الاشتغالات مع انتهاء النظام القديم اللي مكانش حد بيظهر في الصورة وبيوصل الا لما بيبوس الأيادي ... لكن اللي بيعترض وبيقول كلمة حق بيتخرب بيته ومش بعيد يعتقل ومحدش يعرف عنه حاجه.. يا ريت حضرتك تركز كويس وتفكر قبل ما ترد..
وفعلاً الصورة لا تعني شيء

يا عزيزي انا مركز كويس جدا قبل ما ارد

حد اخد باله ان الصورة معلولها او متصورة بزواية ميل تخليك تشوف ان مصطفي بكري موطي وجمال مبارك نافخ نفسه؟؟؟

مصطفي بكري وحمدين صباحي والبرادعي وغيرهم وغيرهم وغيرهم من اللي كانوا بيعارضوا النظام بجد وخطابهم ما اتغيرش قبل التنحي او بعده

عاوز تعرف احنا شعب اهبل ليه وبيشتغل نفسه كمان

انزل الشارع واسمع الناس بتقول ايه شوف الناس ماشية ازاي

الناس يا بتشتم بعضها يا زعلانه علي مبارك او بيلعنوه او او او او او

ومن الاخر واحد مالوش لازمة -مش صاحب الموضوع طبعا- يفبرك صورة مالهاش لازمه ويبعتها علي النت ويوقولك شوف ادي الناس ادي الرموز اللي كنتوا بتحبوها

شوف اللي اتقال علي الشيخ محمد حسان بعد الجمعه اللي فاتت
من انه عميل وخاين وبيقبض

الفترة دي هتلاقي فيها بلاغات وبلاغات مضادة
بس كلنا شايفين البلاغات ضد رموز النظام الفاسد والفاشي كانت عاملة ازاي وبمبالغ كبيرة اد ايه

[Egyzizo]

هو بكرى أى نعم عامل زى الفرخة المذعورة وهى بتستمع للتعليمات من الديك الفصيح ، بس أنا شايف برضه أنا مافيش داعى للتسخين ومش وقته الكلام ده .. ههههه

[human]

ايه الجديد
طول عمره بينفخ فى مبارك و بينفخ فى جمال مبارك

هو ماحدش كان بيقرا الاسبوع ولا ايه؟؟؟

ده الوحيد من الصحف المستقله اللى كان بيركب طائره الرياسه مع مبارك
و كمان ماسمعناش صوته فى معارضه سياسيه الا لما طردوه من مجلس الشعب بانتخابات مزوره بفظاعه
ساعتها بس طلعله صوت على السياسات
كل كلامه قبل كده كلام عن مخالفات ماليه و تخليص تار مع ناس عشان مصالح كتير

الكلام معروف من غير تعب عشان اللى كان بيقرا الاسبوع صعب جدا يشوف حاجه تانيه غير كده

[katz]

مصطفي بكري كان دائما ما يمدح في وطنية مبارك لم يهاجمه الا بعد الثورة

[human]

مصطفي بكري كان دائما ما يمدح في وطنية مبارك لم يهاجمه الا بعد الثورة

ساعات بجد باندهش ان الناس مش عارفه

[MOUSTAFA_SAAD]

يا جماعه مصطفى بكرى كان على التليفزيون امبارح وقال ان الصوره دي متصوره فى فرح وكان بيكلمه ومش سامعه من الدوشه وعلشان كده كان موطى عليه

[misoalex]

على فكره هو مش بيسلم عليه
دى ايده الاتنين بيفركهم فى بعض

والباشا كان بيقوله كلام وهو معوج وحاطط ايده فى جيبه

عادى يعنى

هو المفروض ميكلمش الباشا الصغير ولا ايه يعنى
تلاقيه كان عاوز شيبسى يا جماعه

[SkyBird]

لا انسى ان مصطفى بكري كان مع ان الرئيس يكمل مدته وخده الحماس في الدفاع عن مبارك
وكان ده في المحور بعد الخطاب العاطفي لمبارك بتاع لم اكن انتوي
مش هقول عليه منافق ولو ان ده احتمال ممكن ولكن اقول انه ظاهرة صوتية و ينطبق عليه القول اسد عليا وفي الحروب نعامة

[Everlasting]

ايه الجديد
طول عمره بينفخ فى مبارك و بينفخ فى جمال مبارك

هو ماحدش كان بيقرا الاسبوع ولا ايه؟؟؟

ده الوحيد من الصحف المستقله اللى كان بيركب طائره الرياسه مع مبارك
و كمان ماسمعناش صوته فى معارضه سياسيه الا لما طردوه من مجلس الشعب بانتخابات مزوره بفظاعه
ساعتها بس طلعله صوت على السياسات
كل كلامه قبل كده كلام عن مخالفات ماليه و تخليص تار مع ناس عشان مصالح كتير

الكلام معروف من غير تعب عشان اللى كان بيقرا الاسبوع صعب جدا يشوف حاجه تانيه غير كده

تمام جداً.
مصطفى بكري صاحب الصوت الجهوري هو أحد المتلونين إللى ربنا إبتلانا بيهم.

[Frozen_Pain]

يعنى المفروض يقعد يشتم فى مبارك لحد لما يموت مقتول مثلا أو يعتقل بقية حياته؟!!
مش فى حاجة اسمها سياسة و لا اية؟ و هو كصحفى مطلوب منه ينشر قضايا الفساد بقدر المستطاع فى حدود الحريات البسيطة اللى الحكومة كانت سامحة بيها
زيه زى أغلب المعارضين, لازم يبقى فى مخ يعنى

وهو مين قال انه يشتم

هو الحلول مش بتيجى غير بالشتايم؟؟

طالما انه كان بيتكلم عن فساد أحمد عز وغيره يبقى المفروض كان اتكلم عن جمال وعلاء

وكان يتوكل على الله،،، زى ما فى ناس كتير عملت ما كنتش لا بتخاف من سلطة ولا غيره الغلطان كان يتقال له انه غلطان

مش اقول انا كنت خايف عليه

وكان ممكن برضه يعرفه ان غلطان بالسياسة

[رزق]

أنا مش بحب الراجل ده
بس أكيد مش ححكم عليه من صورة
هو إنت مثلا حتكون في حفلة افتراضا وييجي جيمي ولا عيلاء يكلمك وتقوله امشي من هنا يلا؟
طب مافي أي بلد ديمقراطي صرف ممكن تلاقي واحد من الحزب بيصافح واحد من الحزب الاخر..نقول عليه جاسوس أو عميل؟

[Frozen_Pain]

أنا مش بحب الراجل ده
بس أكيد مش ححكم عليه من صورة
هو إنت مثلا حتكون في حفلة افتراضا وييجي جيمي ولا عيلاء يكلمك وتقوله امشي من هنا يلا؟
طب مافي أي بلد ديمقراطي صرف ممكن تلاقي واحد من الحزب بيصافح واحد من الحزب الاخر..نقول عليه جاسوس أو عميل؟

طبعا مش هنحكم على حد من صورة

اذا كان فى رؤساء عرب بيسلموا على الرؤساء اليهود يبقى كده نحكم عليهم انهم خونة؟