إعـــــــلان

Collapse

.

,
See more
See less

للترفيه فقط .... ذكريات مع اللجان الشعبيه

Collapse
X
 
  • Filter
  • الوقت
  • Show
Clear All
new posts

  • #16
    اول يوم طبعا نزلنا كلنا وبالنسبالى كان معايا اليكتريك اتشوك وخنجر مشرشر
    فى نص الليل واحد دخل اول الشارع بألى قام الميكانيكى اللى فى شارعنا معاه طبنجه استخبى واول ما عداه ضرب نار فى الهوى اللى داخل اتربك
    واتعمل فى وشه خريطه الهرم واتاخد منو الألى واتسلم للجيش
    وبعد كده مكنش فى احداث تذكر غير اننا سلمنا خمس مساجين شكلهم غلط لكن اللى كنا بنحس انو راجع لأهل بيته يشوفهم كنا بنسيبه يمشى وهو ونصيبه مع الباقى
    المربع اللى انا ساكن فيه يبقى ابن مجنونه اللى يفكر يدخل يعمل فيه حاجه بعد كده لأنى شفت كميه سلاح نارى وابيض ومولوتوف تكفى للأستيلاء على المعادى بحالها هههههههههههه
    It’s not about having the perfect relationship.. But its finding someone who matches you and would go through everything without giving up.

    Comment


    • #17
      عارفين جاروف الرملة

      فكيت الراس واخد العصاية اللي مسكاة ( بنت لزينة )

      بس الدخان بتاع النار بوظلي صدري

      اول يوم كان قلق جاااااامد وفي حتت ظلمة الناس كانت بتخش فيها

      مرة لسة بقولهم هطلع اشحن التليفون وانزل وانا بفتح باب البيت اسمع ضرب نار وصويت

      واذ فجاءة الاقي 35 : 45 واحد في المنطقة دي باسلحة نارية و كولو جه يطلع ايه في الاخر

      واحد بواب بيتخانق مع مراتة وواحد شاف كده فضرب نار علشان الناس تيجي تحوش

      تييييييييييييت

      مسكنا مرة لانسر ذهبي مسروقة
      بس اول يوم في ناس ماتت و في ناس طلعت من القطامية والجيش نفخهم صح
      انا انسان عادي جداا.مسلم . اخطيء .واصيب . مرجعيتي هي القران والسنة وفقه الائمة الاربعة يعني انا ...[B][/B]

      Comment


      • #18
        عين شمس ... وما ادراك ماعين شمس ... محمية طبيعية .. كنت بشفق على اللى هتكون داعيه عليه امه اللى كان هيفكر يعمل قلق فيها .... كمية سلاح تحرر فلسطين وطبعا نفس السيناريو السابق ... دول جايين من هنا .. اضرب ياجدع ... طاخ طاخ ... لاء جاين من هناك ... اضرب يا جدع ... طاخ طاخ ... ضرب نار في الهواء من آلي وطبنجات وبنادق والله صعب على الهواء من كتر ضرب النار فيه وكمية مطاوي وسيوف وسنج لاء وكل شارع فيه 350 لجنة تفتيش بين كل لجنة ولجنة 5 امتار بعد يومين عملنا دوري اللجان الشعبية لكرة القدم كل لجنة كانت عمله فريق كورة واجمل حاجة ان شباب المنطقة كانت بتمر على كل فرن للعيش تجبر كل فرن على خبز حصة الدقيق كلها وتحسين العيش وسوق الخضار وتراقب الاسعار كانت حاجة حلوه على الرغم ان اللى كان بيعمل كده الشباب اللى كنا بنقول عليهم شمامين
        [mshosh2]http://www7.0zz0.com/2013/05/08/17/903528565.jpg[/mshosh2]

        Comment


        • #19
          المشاركة الأصلية كتبت بواسطة abogogo مشاهدة المشاركة
          عين شمس ... وما ادراك ماعين شمس ... محمية طبيعية .. كنت بشفق على اللى هتكون داعيه عليه امه اللى كان هيفكر يعمل قلق فيها .... كمية سلاح تحرر فلسطين وطبعا نفس السيناريو السابق ... دول جايين من هنا .. اضرب ياجدع ... طاخ طاخ ... لاء جاين من هناك ... اضرب يا جدع ... طاخ طاخ ... ضرب نار في الهواء من آلي وطبنجات وبنادق والله صعب على الهواء من كتر ضرب النار فيه وكمية مطاوي وسيوف وسنج لاء وكل شارع فيه 350 لجنة تفتيش بين كل لجنة ولجنة 5 امتار بعد يومين عملنا دوري اللجان الشعبية لكرة القدم كل لجنة كانت عمله فريق كورة واجمل حاجة ان شباب المنطقة كانت بتمر على كل فرن للعيش تجبر كل فرن على خبز حصة الدقيق كلها وتحسين العيش وسوق الخضار وتراقب الاسعار كانت حاجة حلوه على الرغم ان اللى كان بيعمل كده الشباب اللى كنا بنقول عليهم شمامين
          نفس الي كنت بقول عليه
          الشباب دي كنا بنقول عليها بلطجية و شمامين
          دول اول ناس حمونا
          ووقفو قدام البلطجية و ظبطو الاسعارمنعاً للاستغلال
          [CENTER][SIZE="2"][B][FONT="Comic Sans MS"]عضو 6 ابريل و افتخر !

          6 Of April Member & Proud ! [/FONT][/B][/SIZE][/CENTER]

          Comment


          • #20
            احنا كنا قاعدين في امان الله وعربية جت بتجري بسرعه ووراها عربية تانية بتضرب عليها نار وفي نهاية شارعنا ميدان راحت العربية لابسه في صينية الميدان والتانية حوديت والعربيتين كسرناهم بكل حماس وجدية واللي انقذ العيلين اللي فيها الجيش

            نسيت ااقولكم ان العربية الاولي الواد كان سارقها من ابوه والعربية التانية بيجري بها سايس الجراج عشان يلحقوا وضرب نار في الهوا علي اساس اننا نلحقه

            Comment


            • #21
              نسيت اقلكم ان في عربيتين برده اتدغدغوا

              عشان ما رضيوش يقفوا بعد ما وقفوا لاقينا

              العيال واخده العربيات دي و بتشد

              طبعا خد عندك شتايم للصبح دا وقتوا يا ولاد ....

              Comment


              • #22
                فطستوني من الضحك يا جماعة والله

                ربنا يحمي مصر و يحمي ولادها و رجالتها و يفضلوا امانها و حمايتها دايما يااااااااااااااااا رب
                [CENTER][COLOR="DarkSlateGray"][SIZE="4"]"لا إله إلا انت سبحانك إني كنت من الظالمين"[/SIZE][/COLOR][/CENTER]

                Comment


                • #23
                  احلى حاجة فى اللجان الشعبية انى اتعرفت على ناس كتير من اهل منطقتى كان اخرى معاهم سلام سلام وكنا كلنا مع بعض اخوات والله مفيش فرق وتلاقى الناس تعدى تديك كيس عيش سخن الفرن وشوية تلاقى بتاع الفول طالع بالعربية يديك طبق فول يكفى 20 واحد

                  وكنا مع بعض ممكن اتنين ولا تلاتة يشربوا كوباية شاى معمولة على الراكية والفحم وكنا بناكل فول وفلافل كاننا بناكل ديك رومى وحمام مثلا وكان فى حب وتعاون

                  فى موقف بقا حصل اننا لقينا عربية نقل معدية وشايلة جرار زراعى فوقيها قولنا بس الحق حرامية

                  ورحنا مصفرين لبعض بالصفرات وهاتك يا جرى ورا العربية بتاع 20 واحد وراها وننادى على السواق وراحة جماعة مننا مقابلينه من اخر الشارع وناس من وراها وقفنا لقينا الراجل نزل

                  رافع ايده والله ما عملت حاجة انا مش حرامى والله دى بتاع فلان الفلانى ولقينا واحد راكب معاه من المنطقة نعرفه وقالنا احنا رايحين نصلحه لاننا عاوزينه فى شغل بس السواق اترعب ونزل رافع ايده على طول

                  مرة تانية احنا ورا بيتونا منطقة فيها زراعة ومقطوعة برده واذ اننا نسمع ضرب نار طلعنا جرى على هناك وطبعا شغلنا الصفارات وكله جمع ومعانا شوم وملتوف ومسدس واحنا واقفين قدام الارض الزراعى دى واحنا شايفين ضرب نار الى بس الدنيا مضلمة شوية قلنا يا جماعة شوية ناس تدخل الزراعى وتضرب بالشوم على الارض علشان اكيد مستخبيين

                  وانا كنت من الناس اللى دخلت الارض الزراعى وروحت قايل الشهادة يارب سامحنى على اى حاجة غلط

                  وبعد حصار ونشفان دم حوالى ساعه لقينا واحد طالع من بيت وسط الارض الزراعية بيقولنا انا كنت بضرب الى علشان سمعت ان فى ناس جاية

                  قلت ليه تصدق الناس لو جات هبعتهم على بيتك علشان اللى عملته فينا ده
                  [CENTER][SIZE=7][COLOR=Blue][B]والله بحبك يامصر
                  [/B][/COLOR][/SIZE][SIZE=6][B] [SIZE=7]عارفه سواد العسل اهو ده اللى حالك ليه وصل قوليلى ازاى مكمله[/SIZE][/B][/SIZE]
                  [/CENTER]

                  Comment


                  • #24
                    أحنا من المواقف المضحكة ألى حصلت كنا عاملين كمين فى شارع السودان

                    وكان كذا كمين بس الكمين ألى كان عندنا كان أرخم كمين فا انا فيوم واقف وكنا كذا واحد وواقف معانا بواب عمارة فا أنا وكذا واحد كنا بنشوف عربية عربية ونفتش ونشوف الشنطة المهم البواب دا واقف بيتسقبل العربيات فا الناس عرفت أن الشوارع كلها كماين فا بقوا بيطلعوا الرخص من تلقاء نفسهم فا أذا رخصة بتقع فى أيد مين عم البواب =) أنا وأحنا واقفين بنفتش العربية ألى قدام العربية ألى وقفها البواب لقيت واحد بيقول ( منبى ياجماعة حد يجي يجرا(يقرأ) الرخصة دى علشان مبعرفش أجرا (أقراء) ) ههههههههههههه )
                    ومرة تانية كنت فوق فى البيت ولسة منزلتش فا سمعت دوشة جامدة وناس بتزعق وقلق فى شارع السودان أنا على ما نزلت كان الموضوع خلص فا بسئلهم فى أية ياجماعة فا قالو واحدة ست جاية بسرعة بالعربية وكانت هتخبط الكمين بالحديد بتاع المرور بالناس ألى واقفة فا الناس وقفواها ورفعوا عليها السلاح فا قعدت تشتم وشرشحة وقلت أدب على الناس وبعد كدة مشوها فا قولتلهم الحمد لله عدت على خير رحت جايب كرسى وقاعد فى محل واحد حبيبى قريب من الكمين وقاعد وأذا بلاقى صوت جرررررررر دب دب دب دب دب عاااااااا فا ببص جمبى
                    و اذا بلاقى دبابة أبرامز داخلة شارع السودان وراكب فوقيها ناس والست جاية بالعربية معاهم يخربييييتك عملتوا أية عملتوا أية الله يهديكم اتارى الست رااحت جابت الجيش على اساس أن ألى وقفوها بلطجية ولما الظابط قعد يتكلم مع الناس وعرف الموضوع وعرف أن الست غلطانة قعدت تزعق وتقول أنتوا كدابين دى قلة أدب و
                    :cool (1): BB code

                    Comment


                    • #25
                      ياااااااه ده كانت ايام
                      احنا كنا عملين كمين قدام البيت اختبارات السواقه اسهل منه مش اى حد يعديه من مره وحده
                      جه فى مره واحد بيعدى فخده على كزا مره ويرجع بدهره وحايس بلعربيه
                      دخلين بنفتش و نشوف الرخص
                      قلناله عدى يلا ومدنلوش الرخصه
                      قلناله عدى علينا بعد اسبوع تختبر تانى ونطلعلك الرخصه
                      الراجل كان خايف يتكلم معانا وكان مصدق وهيمشى ويسيب الرخصه
                      http://www.nilemotors.net/Nile/members/83058-albums499-picture2220.jpg

                      Comment


                      • #26
                        تقريبا كل اللى قالوه الشباب حصل معانا

                        تم حرق كمية من الاخشاب للتدفئة تكفى بناء عمارة

                        وكمية رصاص اضربت تكفى لتسليح كتيبة صغيرة

                        ومن مفارقات الشباب اللى كانت قافلة صلاح سالم عندنا

                        لعمل كمين للسيارات شاب كهربائى المنطقة يظهر كان حلمه يبقى امين شرطة

                        اى قائد سيارة كان بيشرب سيجارة كان بيقوله انت مولع سيجارة قدامى ؟؟!!!

                        والغريب ان ناس كتير كانت بتطفيها احتراما لرغبة سالم الكهربائى ههههههه

                        عقيد شرطة رخصته منتهية ولما قالوله ان الرخصة منتهية قال اسحبوها وادونى وصل :-)

                        وحصيلة الايام دى تم مسك 5 بلطجية - 6 مساجين من سجن الفيوم

                        حرامى سارق تاكسى بى واى دى ابيض وكلهم تم تسليمهم للجيش

                        بعد ما بيخدو الطريحة طبعا ....
                        [RIGHT][FONT=Comic Sans MS][COLOR=navy][SIZE=2][B]Eng.Ahmed Ismail[/B][/SIZE][/COLOR][/FONT][/RIGHT]


                        [CENTER][FONT=Book Antiqua][SIZE=4][COLOR=blue]You Can't Never Ever to Keep a Nice Car [/COLOR][/SIZE][/FONT][FONT=Book Antiqua][SIZE=4][COLOR=blue]in [/COLOR][/SIZE][/FONT][FONT=Book Antiqua][SIZE=4][COLOR=blue]This Country....!!! :_Alshmokh08[1]: S.O.S
                        [/COLOR][/SIZE][/FONT][CENTER][sor2]http://www.wasit.net/alrowad/images/hit.gif[/sor2]

                        [/CENTER]
                        [/CENTER]
                        [CENTER][URL="http://www.nilemotors.net/Nile/55709-a.html"][SIZE=5][COLOR=seagreen]كل شيء عن السيراتو[/COLOR][/SIZE][/URL]

                        [CENTER] _______________[B]
                        [COLOR=Blue][B][SIZE=2]اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..[/SIZE][/B][/COLOR][/B]

                        [B][COLOR=Blue][B][SIZE=2] اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..[/SIZE][/B][/COLOR][/B]
                        [/CENTER]
                        [B][COLOR=Blue][B][SIZE=2]
                        اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك[/SIZE][/B][/COLOR][/B]

                        _______[COLOR=Blue]_______________
                        [/COLOR][shfaf2]http://www7.0zz0.com/2011/11/29/23/575740455.gif[/shfaf2] [/CENTER]

                        Comment


                        • #27
                          على فكرة اللى حصل دة يخلى اى حد يفكر يحتك بمصر او يتدخل فيها عسكريا يلف و يرجع تانى
                          دة شعب مصر كلة طلع قوات مسلحة

                          Comment


                          • #28
                            المشاركة الأصلية كتبت بواسطة bmw323 مشاهدة المشاركة
                            أحنا من المواقف المضحكة ألى حصلت كنا عاملين كمين فى شارع السودان

                            وكان كذا كمين بس الكمين ألى كان عندنا كان أرخم كمين فا انا فيوم واقف وكنا كذا واحد وواقف معانا بواب عمارة فا أنا وكذا واحد كنا بنشوف عربية عربية ونفتش ونشوف الشنطة المهم البواب دا واقف بيتسقبل العربيات فا الناس عرفت أن الشوارع كلها كماين فا بقوا بيطلعوا الرخص من تلقاء نفسهم فا أذا رخصة بتقع فى أيد مين عم البواب =) أنا وأحنا واقفين بنفتش العربية ألى قدام العربية ألى وقفها البواب لقيت واحد بيقول ( منبى ياجماعة حد يجي يجرا(يقرأ) الرخصة دى علشان مبعرفش أجرا (أقراء) ) ههههههههههههه )
                            ومرة تانية كنت فوق فى البيت ولسة منزلتش فا سمعت دوشة جامدة وناس بتزعق وقلق فى شارع السودان أنا على ما نزلت كان الموضوع خلص فا بسئلهم فى أية ياجماعة فا قالو واحدة ست جاية بسرعة بالعربية وكانت هتخبط الكمين بالحديد بتاع المرور بالناس ألى واقفة فا الناس وقفواها ورفعوا عليها السلاح فا قعدت تشتم وشرشحة وقلت أدب على الناس وبعد كدة مشوها فا قولتلهم الحمد لله عدت على خير رحت جايب كرسى وقاعد فى محل واحد حبيبى قريب من الكمين وقاعد وأذا بلاقى صوت جرررررررر دب دب دب دب دب عاااااااا فا ببص جمبى
                            و اذا بلاقى دبابة أبرامز داخلة شارع السودان وراكب فوقيها ناس والست جاية بالعربية معاهم يخربييييتك عملتوا أية عملتوا أية الله يهديكم:copy of majd(4): اتارى الست رااحت جابت الجيش على اساس أن ألى وقفوها بلطجية ولما الظابط قعد يتكلم مع الناس وعرف الموضوع وعرف أن الست غلطانة قعدت تزعق وتقول أنتوا كدابين دى قلة أدب و
                            موتني من الضحك على موقف الست دي

                            Comment


                            • #29
                              والله عندك حق يا استاذ زياد ده احنا طلعنا جبارين تصدقو تؤمن بالله انا فى اول يوم فى المعمعه دى اتشاهد واستعديت للموت مش عارف ايه اللى كان حاصلى اليوم ده وكنت مستعدله بطريقه !!!

                              احنا كان عندنا فى شبرا الخيمه اللى مكانش معاه سلاح كان بيجيب 3 ,4 عصيان مقشه يربطهم فى بعض ويربط فى اطرافهم سكاكين

                              دى الحمد لله فكرتى
                              وكنا بنعيش دور افلام الكارتون بتاعه زمان
                              ههههههههههههه
                              وهل من مبارز
                              انا مصمم علي بلوغ الهدف ...اما ان انجح واما ان انجح

                              Comment


                              • #30
                                احنا عندنا كانت المنطقة امان نسبيا محصلش حاجة عشان جنب سيتى ستارز احنا كان عندنا بتوع القوات الخاصة اللى مش باين منهم حاجة دول !! بس طبعا كان فى لجان شعبية ، الناس كانت بتنزل تعد اللى بيعد تحت عمارته و اللى بيعد فى الكماين اللى قافلة الشوارع المحيطة بالعمارات
                                فى يوم كان تقريبا العدد قليل شوية، لقينا واحد راح داخل الجامع : " يا جماعة ، بيوتكو فى خطر ، البلطجية جايين علينا ، كل الرجالة تنزل " و كلام كده ، المهم بقى ان الناس الى تحت دمهم اتحرق جدا راحو مزعقين فيه قالولو ماحنا مرزوعين اهو من المغرب فى ايه !! من ساعتها متكلمش تانى

                                من اظرف الحاجات اللى كنت بشوفها لما كنت بنزل الصبح اشترى حاجات للبيت بقى
                                الحاجات الغريبة المستخدمة لتقفيل الشوارع : بانيو قديم مكسور و مقلوب ، كرسى صالون قديم ، يافطة اعلان كبيرة معرفش نزلوها ازاى ، تواليت قديم ( و دى فايدة انك مترميش حاجة ، اهم نفعو !! ) ، شجرة مقطوعة !!

                                ده غير طبعا ان السواقة كانت تحدى كبير فى الحاجات دى ، فعلا و لا اختبارات السواقة ، كنت مقضياها مناورات حول الحواجز !!

                                اكتر حاجة ضحكتنى ، فى شوارع كان بيبقى فيها كذا لجنة ورا بعض ، فبدل ما كل لجنة تفتش ، و خصوصا لو ستات فبيعدونا عادى ، فاللى واقفين فى اول لجنة لقيتهم قالولى شغلى الانتظار عشان يعدوكى على طول من اللجان اللى بعد كده ، فشغلته ، المهم عديت من لجنة ، التانية ، التالتة ، جيت بعديها لقيت واحد بيقولى ثانية واحدة ارفعلك المساحة اليمين عشان يعدوكى بعد كده ، قلتله ليه هى مش كانت الانتظار ، قالى لأ ما دى الاشارة الجديدة شغل مخابرات مية مية

                                نيجى كمان لحاجة تانية ، اغرب الاسلحة !!
                                واحد جاب عصاية مقشة ، و سكينة ، و لزقهم فى بعض ( بقت حربة يعنى ) كان شكلها مسخرة
                                العامود اللى بيتحط فى الباب من فوق اللى الولاد بيتشعلقو فيه ده ، شفته كتير جدااا !!
                                مواسير المكانس ، اساسى
                                مواسير السباكة برضو كانت كتير جدا ( واحدة قالتلى بعديها انها كانت مغيرة سباكة الشقة من كذا سنة و مرمتش المواسير ، و لما جه الموضوع ده وزعت مواسير على الشارع كله !! )

                                بس الغريب ان الايام دى انا مكنتش خايفة خالص، بالعكس كنت حاسة بالامان جدا لان اى حد كان هيفكر يهوب كان هياخد علقة موت، الناس اللى كانو اعدين تحت كل يوم مكنش بيجيلهم حد فانا متخيلة لو كان واحد وقع فى ايديهم كان ايه اللى هيحصله
                                فى يوم من الايام هنحكى الايام دى لولادنا
                                Everything's not lost..

                                Comment

                                Working...
                                X