مشكله الخناقه بين الأعضاء وحلها

[yascro]

كلام تمام
الخلاف ف الراى لا يفسد للود قضيه

[misoalex]

اللى فهمته من الردود أن الكل فعلا متفق فى نهاية الطريق بس بأسلوبه
فيه ناس بتروح الأسكندريه زراعى وناس تانيه صحراوى
بس فى النهايه الأتنين بيصيفوا على البحر

أنا بقول لصاحبى الزراعى ده سكته غلسه وزحمه أنت بتفكر أزاى
وهو بيقولى بس ونس ولو العربيه عطلت هلاقى ناس كتير أنت بتفكر أزاى

لا أنا عبيط ولا هو أهبل

بقوله خلاص نتقابل على الشط

عايزين كلنا نتقابل على الشط

طيب واللى من اسكندريه يعمل ايه

[م. عمرو شرف]

طيب واللى من اسكندريه يعمل ايه

برضه يطلعوا زراعى وصحراوى ويتقابلوا على النيل

المهم أى شوية ميه والسلام

[human]

يا جماعه بلاش نختلف كل شويه وأحنا أصلا متفقين على الأساس

لا مش متفقين على الاساس
اطلاقا

و انا ليا رأى مختلف

مالوش لازمه تتناقش ولا تجادل - الحمد لله فيه ناس كتير فاهمه المطلوب و بنعمله و بنقدر نوصل صوتنا و بنقدر نعمل اللى عايزينه

بصراحه مش شايف مشكله ان فيه ناس مخالفه للرأى - ده اختيارهم

[otefa]

الله ينور يابشمهندس متفق معك

[م. عمرو شرف]

لا مش متفقين على الاساس
اطلاقا

و انا ليا رأى مختلف

مالوش لازمه تتناقش ولا تجادل - الحمد لله فيه ناس كتير فاهمه المطلوب و بنعمله و بنقدر نوصل صوتنا و بنقدر نعمل اللى عايزينه

بصراحه مش شايف مشكله ان فيه ناس مخالفه للرأى - ده اختيارهم

على العموم أنا أسف وحقك عليا و أنسى الموضوع اللى أنا كتبته

[SkyBird]

طبعا مش متفقين شئنا ام ابينا غالبية الناس مع الثورة وقلة من الناس ضد الثورة اي نعم ضد الثورة وسمعت واحد منهم النهارده على قناة العربية تقريبا في مظاهرة مصطفى محمود العشراتية بيقول "هو عصام شرف رايح ميدان التحرير ليه هما كل مايطلبوا طلب ينفذوه ناقص يبوسوا رجليهم"
محدش يقنعني ان ردود على هذه الشاكلة يعني انه مع الثورة والتغيير وسيادة الشعب لا اكيد كان عايز الفساد والاستعباد لانه مستفيد
وعليه اقترح من الادارة انشاء قسم خاص للاعضاء ضد الثورة يكتبوا فيه كل اللي عايزين يقولوه ويسيبونا في حالنا هنا نناقش امورنا مع بعض وميدخلوش بيننا
وده مش تفريق وتقسيم وضد الديمقراطية وكدا لا ده علشان سبب واحد
ان فيه اعضاء عندها ارتفاع في ضغط الدم وفي ناس في طريقها الى ذلك فالاقتراح ده حفاظا على صحة الاعضاء لا اكثر

[م. عمرو شرف]

السلام عليكم جميعا


المجموعه اللى طالبه أو بتؤيد مطالب من واحد لغاية مليون ...... طلباتكم مشروعه ولا لأ

أه مشروعه

المجموعه اللى معترضه على كتر الطلبات ........ شايفين الطلبات دى مشروعه
أه مشروعه

طب الخلاف ليه

المجموعه الرافضه بتقول أن المظاهرات وبعض الأعتصامات مش فى صالح البلد

لكن عايزين كل المطالب تتحقق
أه عايزينها وأكتر منها كمان بس ندى فرصه للمسئول أنه يتصرف ونتابعهم


طب المجموعه المؤيده ليه مش عايزين تدوا فرصه ومستعجلين
لأن فيه خوف من ضياع المطالب وخوف من الألتفاف على الثوره وما شابه ذلك لأن مش كل يوم هنعمل ثوره


يعنى الخلاصه أن المجموعتين متفقين فى المطالب بس مختلفين فى أسلوب تحقيقها


حد مش معايا فى كده


اللى مش معايا فى أن المجموعتين متفقين على كل المطالب ( بغض النظر عن توقيتات تنفيذها ) يبقى هو ده ( من وجهة نظرى ) المجموعه التالته اللى تستحق الخناق معاها من المجموعتين


يا جماعه بلاش نختلف كل شويه وأحنا أصلا متفقين على الأساس

طبعا مش متفقين شئنا ام ابينا غالبية الناس مع الثورة وقلة من الناس ضد الثورة اي نعم ضد الثورة وسمعت واحد منهم النهارده على قناة العربية تقريبا في مظاهرة مصطفى محمود العشراتية بيقول "هو عصام شرف رايح ميدان التحرير ليه هما كل مايطلبوا طلب ينفذوه ناقص يبوسوا رجليهم"
محدش يقنعني ان ردود على هذه الشاكلة يعني انه مع الثورة والتغيير وسيادة الشعب لا اكيد كان عايز الفساد والاستعباد لانه مستفيد

راجع كلامى
أنا بتكلم على مجموعتين مع الثوره لكن الفرق بينهم فى أسلوب تحقيق المطالب
أنت بتقول فيه ناس ضد الثوره ودول أنا سمتهم المجموعه التالته اللى تستحق الخناقه من المجموعتين

فهمت قصدى أنا بتكلم عن أتنين مختلفين فى الاسلوب لكن متفقين على تحقيق المطالب
أنا مش هحاول أتفق وأشوف أحوال الفتره المقبله مع واحد ضد الثوره أصلا لأنه هينطبق عليه الكلام اللى حضرتك قولته

يا ريت أكون وضحت النقطه دى

مع تحياتى

[OmaR_FekrY]

تحيااااااتى

[mrwho1982]

انا عن نفسي علقت مشاركاتي خالص كل ماخش موضوع الاقي عضو ماسك عضو وهاتك ياخناق

وده في ناس مؤيده كلامة وده في ناس مؤيده كلامة

نفسي تتسد اقفل واخرج

بقي ده نايل موتورز اللي مكنتش بقفلو من عالجهاز

في حاجة اسمها نقاش هاديء وادب الحوار والنقد باسلوب محترم

ربنا يهدي

[mrwho1982]

طبعا مش متفقين شئنا ام ابينا غالبية الناس مع الثورة وقلة من الناس ضد الثورة اي نعم ضد الثورة وسمعت واحد منهم النهارده على قناة العربية تقريبا في مظاهرة مصطفى محمود العشراتية بيقول "هو عصام شرف رايح ميدان التحرير ليه هما كل مايطلبوا طلب ينفذوه ناقص يبوسوا رجليهم"
محدش يقنعني ان ردود على هذه الشاكلة يعني انه مع الثورة والتغيير وسيادة الشعب لا اكيد كان عايز الفساد والاستعباد لانه مستفيد
وعليه اقترح من الادارة انشاء قسم خاص للاعضاء ضد الثورة يكتبوا فيه كل اللي عايزين يقولوه ويسيبونا في حالنا هنا نناقش امورنا مع بعض وميدخلوش بيننا
وده مش تفريق وتقسيم وضد الديمقراطية وكدا لا ده علشان سبب واحد
ان فيه اعضاء عندها ارتفاع في ضغط الدم وفي ناس في طريقها الى ذلك فالاقتراح ده حفاظا على صحة الاعضاء لا اكثر

مؤيد لكلامك بشدة