متلازمة مصطفى محمود

[itsonlyme]

مين المثير للسخرية أن يجتمع مجموعة من مؤيدين رئيس الوزراء المستقيل أحمد شفيق في ميدان مصطفى محمود للمطالبة بعودته.

يقولون ان مصر لن تحكم من ميدان التحرير.

طيب اشمعنى بمنطقهم تحكم من ميدان مصطفى محمود؟

السخرية هنا بمعنى ironic مش بمعنى sarcastic. ممكن نقول ان "مفارقة" تعبير أصح.

نشوف بعض التعليقات على الخبر

"بجد مصر مش ميدان التحرير بس"

"وانا معكم وسأحضر غدا انا ومجموعة كبيرة من الزقازيق لننضم إليكم لإيقاف هذه المهزلة ونطالب بإستقرار البلاد وعودة هذا الرجل المحترم"
مظاهرة ضد المظاهرات يعني. ... طيب :)

أليس من المفارقة ان مؤيدين الرئيس المخلوع يتظاهرون في ميدان مصطفى محمود ومؤيدين رئيس الوزراء المستقيل يتظاهرون في نفس الميدان؟

أليس من المفارقة ان يخرج المتظاهرين اليوم باسم "الاستقرار" وهو نفس عنوان مظاهرة تأييد الرئيس السابق؟

وهل من "الاستقرار" عودة رئيس وزراء بعد يوم من استقالته؟

أنا مش ضد انهم يعملوا مظاهرات تأييد. بس مستغرب من تناقض مواقفهم.

بما انه لا يوجد وسيلة أخرى للتعبير عن الرأي، هما يعملوا مظاهرة في ميدان مصطفى محمود واحنا نعمل مظاهرة في ميدان التحرير ونشوف أي مظاهرة أكبر.

بس مايجيش حد يقول أنا ضد المظاهرات أساسا وميدان التحرير مش هيحكمنا بعدين ينزل مصطفى محمود يعمل مظاهرة :)


اليوم السابع | مئات الأشخاص يتظاهرون فى ميدان مصطفى محمود للمطالبة بعودة " شفيق"

[human]

هاقتبس من خطبه الرئيس المخلوع الخالده
"سيبوهم يتسلوا"

[zouba92]

هاقتبس من خطبه الرئيس المخلوع الخالده
"سيبوهم يتسلوا"

+999999999999999

[smartchoice]

و اللهى كل واحد حر فى رأيه و ده نوع من الديموقراطية كل واحد يعبر عن رأيه بالطريقة اللى تريحه
و بدام الناس اللى فى التحرير بتزعل لما حد ينتقدهم يبقى هما كمان مينتقدوش حد

و لعلمك فى ناس كتير مش موافقة على اللى بيحصل و أنا منهم بس بتفكر بعقلانية و بتفضل انها تسكت علشان الأنقسامات اللى فى صفوف الشعب دى هتأذينا كلنا

اللهم جنب بلادنا الفتن و البلاء و الوباء و أرفع مقتك و غضبك عنا و قنا عذاب النار

[mailo]

الظاهر إن شفيق جابـلهم بونبون

[waleedraafat]

ميدان الحكام المخلوعين - مصطفي محمود سابقا

[Egyzizo]

So what
كل من فى التحرير أو مصطفى محمود يظن أنه على حق وأن ما يفعله هو الصواب لمصلحة البلد ..

كلاهما ســـواء .. ولا يقل أحدهما أو يزيد وطنية عن الآخر.

[m_car]

اللى فى ميدان التحرير (( مصرى مش قابض فلوس من فاسد علشان ينزل ولكن اللى نزله انه راجل بجد ))

ولكن اللى نزل ميدان مصطفى مجمود (( فهو قابض فلوس حرام من ناس حرام ومغيبين العقول وهم من حاملى كارنيهات الخضراء صاحبة الشعاء الاخضر الفاسد )) وذلك لشعورهم بانهم اصبحوا كائنات لا فائدة لها فكانت كل فائدتها النفاق ولا يعرف غيره

[cayman69300]

الظاهر إن شفيق جابـلهم بونبون

الرد دة مش كويس
و انا على فكرة محايد
انا لا اتبع التحرير و لا اتبع مصطفى محمود
بس يا ريت يبقى الحوار بناء و هادف و خالى من التجريح
لان الرد الفل الطبيعى على الكلمة بتاعتك من الناس بتوع جامع مصطفى محمود و انتوا هيجبيلكم كنتاكى و ورقة بـ 100 جنية
و ساعتها المشكلة تولع بينكم و بين بعض
فعلى اية
لو سمحتم الحوار باصول
و شكرا يا اصحاب الهدف الواحد و هو استقرار مصرنا الحبيبة

[itsonlyme]

الرد دة مش كويس
و انا على فكرة محايد
انا لا اتبع التحرير و لا اتبع مصطفى محمود
بس يا ريت يبقى الحوار بناء و هادف و خالى من التجريح
لان الرد الفل الطبيعى على الكلمة بتاعتك من الناس بتوع جامع مصطفى محمود و انتوا هيجبيلكم كنتاكى و ورقة بـ 100 جنية
و ساعتها المشكلة تولع بينكم و بين بعض
فعلى اية
لو سمحتم الحوار باصول
و شكرا يا اصحاب الهدف الواحد و هو استقرار مصرنا الحبيبة

100 يورو لو سمحت.

بعدين خلاص، اسطورة كنتاكي والـ 100 يورو اصبحت اضحوكة كل من في ميدان التحرير.

الفكرة من استخفاف البعض بمن هم في ميدان مصطفى محمود وحكاية البونبوني هي رد لنفس اسلوب الهجوم اللي اتبعوه ضد من هم في ميدان التحرير.

[itsonlyme]

و اللهى كل واحد حر فى رأيه و ده نوع من الديموقراطية كل واحد يعبر عن رأيه بالطريقة اللى تريحه
و بدام الناس اللى فى التحرير بتزعل لما حد ينتقدهم يبقى هما كمان مينتقدوش حد

و لعلمك فى ناس كتير مش موافقة على اللى بيحصل و أنا منهم بس بتفكر بعقلانية و بتفضل انها تسكت علشان الأنقسامات اللى فى صفوف الشعب دى هتأذينا كلنا

اللهم جنب بلادنا الفتن و البلاء و الوباء و أرفع مقتك و غضبك عنا و قنا عذاب النار

هما فعلاً حريين. ولو عايزين يفضلو سنة في الميدان يطالبوا برجوع شفيق هما حريين.
هي دي الحرية اللي بنادي بيها.
أما هما، فكانوا عايزين يحجروا على حرية من هم في ميدان التحرير وحقهم في التظاهر.
هي دي المفارقة.

[alynubira]

الناس اغلبها مع الثوره ياريت الناس التانيه تستنى شويه وتجنب البلاد الفتنه لان البيعملوه ده هو الفتنه بعينها عايزين يفرقوا الشعب ويقولك اشمعنا اللى فى التحرير هما صعبان عليهم المكانه الل كانوا فيها وراااااااحت