استطلاع راى حول ( احمد فواد نجم )

[airbus320]

السادة الاعضاء ارجو منكم المشاركة فى هذا الاستطلاع حول ( احمد فواد نجم ) وطبعا هو راى شخصى لكل عضو وراجو من السادة الاعضاء كتابتة اختياره فقط لا غير بدون اى تعليقات:

من هو احمد فواد نجم :

1- شاعر جيد

2-شاعر ردىء

3-هو مين اساسا

[Ahmed Hassan]

مفيش اختيار انه "شاعر" و بس؟!!!

[aboalm]

شاعر جيد و بعدين كفايه انك تقرأ شعره و انت تعرف

[Hossam_Hassan]

طب ليه ممنوع التعليقات؟

[Chicco]

ينفع زجال وقح ......بدون تعليق أهو ;)

[airbus320]

http://www.surveymonkey.com/s.aspx?s...UJGnxIbw_3d_3d

[MM_Mohsen]

هو مزعلك فى حاجه ؟؟ !! .. على العموم هو راجل صاحب وجهة نظر و له قضية مؤمن بيها و شجاع مهمهوش مرمطة السجون او ارهاب بتوع الداخلية و كان ملهم لانتفاضة الطلبة فى السبعينات و بيعبر عن الغلابة و المطحونين و شعره بسيط يفهمه حتى الغير متعلم عشان بيهمة اساسا المعنى يوصل للناس مش انه يقال عنه انه شاعر عظيم او صاحب مدرسة شعرية او يكتب عنه النقاد .. الشعر وسيلة للتمرد على الواقع السياسى و الاجتماعى مش وزن و قافية و كناية و استعارة و حبظلم بظاظة و الكلام الكبير ده ...هو اقرب لطائفة الشعراء الصعاليك اما مزاجه الشخصى او سلوكه العفوى و حديثه الصريح و التلقائى فأمر يخصه وحده ..

[sasasony]

هوا مين اساسا

[goodwave]

مش بردة كان موضوع مفتوح عن نفس الراجل التافه إللي إسمة أحمد فؤاد نجم والموضوع بردة قلب بغلط وألفاظ مش ولا بد مما أدى إلى إن الإدارة قامت بغلق الموضوع!!!!؟؟؟

يبقى لية نتكلم تاني عن نفس الشخص؟؟؟

وسؤال للأخ airbus320

مشاركاتك لم تتعدى أصابع اليد ومركز لية على أحمد فؤاد نجم؟؟؟ كمان من اول 5 مشاركات ليك واحدة منهم إتحذفت .... بصراحة بداية مبشرة ومشرقة!

[Abo_Lina]

انا مش ناقد ادبي و مابحبش الشعر فا مش مفروض اقيمه كشاعر
يمكن يكون عنده افكار كويسة لكن اسلوبه سوقي

[mohamed_88sk]

شاعر مين بس !!!!

بصراحة أنا مش شايف أنه ممكن يقال عليه شاعر فعشان كده معلش لازم أعلق .... أي نعم هو كلامه في الشعر ضد كل حاجه غلط وسلس ومفهوم ... لكن اللي مخليني أقول أنه مش شاعر أنه بيحارب الغلط وفي نفس الوقت يقوم بغلط ... دي بصراحة قلة أدب ووقاحة ...أبحثوا في اليو تيوب بيقول أيه وأنتوا تعرفوا...(ألفاظه نااااااابيه جداََ ووقاحه بطريقة فظيعة ) ..

[محمد السكري]

أخي صاحب الاستطلاع . صعب جدا ان أختزل تقييم انسان بصفه عامه أو شاعر بصفه خاصه بمثل الثلاث اختيارات التي ذكرتها لأن النتيجه اما ستأتي ظالمه له أو العكس . علي أي حال أنا أري أن أحمد فؤاد نجم شاعر بالفطره يحاول ان يتسلق جدار الشعراء العظماء ولكن تخذله دائما قوه ذراعيه وارتفاع الجدار . لا يحترم لون شعره الابيض لا يعتبر كثيرا بالدين. أما تقييم شعره فاتركه للمتخصصين رغم أني افهم فيه كثيرا.
تحياتي

[MM_Mohsen]

الموضوع له عدة زوايا و ممكن ده سبب الخلاف الكبير :

اولا : تقييم نجم فنيا كشاعر من ناحية اللغة و الاسلوب والبلاغة و غيرها و هل هو شاعر متمكن و يمثل اضافة للشعر غير العمودى ام لا ؟ وما هى خصائصة الشعرية و هل يحسن التعبير عن افكارة فى سلاسة ووضوح .. الخ

ثانيا : هل هو اصلا شاعر ام زجال ؟ ..بعض النقاد يرفض اصلا الشعر الحديث من اساسه و البعض
يرفض العامية او اى لغة غير الفصحى .. و هل استخدام تعبيرات شديدة العامية قد تصل للسوقية امر مقبول ام لا .. و الواضح انه يختارها عامدا و ليس عن عدم معرفة لالفاظ و تعبيرات بديلة ..

ثالثا : فى مجال الافكار يمكن الاختلاف حوله فكريا لمن يعتنق الفكر اليسارى او الكاره له .. و من يرى انه ليس يساريا بل فوضويا - الفوضوية مذهب فكرى و هى مختلفة عن فوضى شوارعنا مثلا .. منعا للخلط !! - و طبعا من يعتنق فكر اسلامى او يمينى محافظ او ليبرالى رأسمالى سيرفض تفكيره و شعره كله .

رابعا : اذا تم الربط بين شعره - او لا شعره - و بين سلوكه و حياته الخاصة و قيمه من هذا المنظار فيمكن ان يختلف التقييم بشدة حوله ..


هذا فى النهاية مثال على انه لا يجب ان نرفض دائما الشئ او الشخص كله .. فمن الممكن ان يكون لكل شئ عدة اوجه .. من الممكن ان نرفض بعضها و نقبل بعضها و لا نقول انه ابيض او اسود فقط ..

[Dr Ahmed]

الحقيقة أنا مش هعلق على الموضوع
أنا هعلق على فونت الموضوع
إيه ده؟
هو المنتدى فيه ضعاف بصر للدرجة إننا نكتب بالفونت الرهيب ده؟
كل ما الفونت كبر كان بالنسبة لى أكثر إزعاجا ودا أكبر فونت فى المنتدى

[Ghamrawy]

ده الشخص الوحيد المؤهل للتعامل مع الحكومة المصرية بيتعامل معاهم باسلوبهم مع الفارق طبعا يعنى هما بيعملوا و هو بيشرح اللى همه بيعملوه