إعـــــــلان

Collapse

.

,
See more
See less

The others

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    The others

    السلام عليكم


    خروجا عن نص الوضع الحالي في بلدنا التي - ولأول مرة - نشعر يفخر الإنتماء لها
    أنا عاوز أتكلم شوية
    عن الآخــــــــرين
    بمعنى
    الحياة بالنسبة ليا-مثلا- بشوفها بعيني أنا
    يعني أنا - بالنسبة لنفسي- محــــــــــور الكون...والباقي مجرد أخرون
    كلامي واضح ..صح؟
    نسيب المقدمة السخيفة .. ونتكلم في صلب الموضوع
    صلب الموضوع هو الإختلافات الصارخة في عقول الناس..
    يعني لما تشوف مثلا ولد عنده 18 سنة ..عامل شعره بشكل غريب ..وماسك مطوة ولابس سلسلة وبيرقص في فرح شعبي
    تقف تفكر
    الولد ده في دماغه إيه دلوقتي وهوا بيرقص وإستمتاعه واضح ؟
    بقيس التصرف ده على نفسي -على إعتبار إني محــــــــــور الكون طبعا - ألاقي الوضع غريب
    أنا عمري ماأقدر أعمل كده .. مهما حتى شطح بيا الخيال في أسوأ كوابيسي
    إيه الدافع في كده
    ماأقدرش طبعا ألاقي سبب مقنع
    .
    طريقة التفكير المختلفة للأخرين
    والتصرف المختلف للأخرين
    الولد إلي بيرقص في الفرح الشعبي ده .. هو محـــــــور الكون بالنسبة لنفسه .. وباقي الناس بالنسبة له ..أخـــــــــرون
    يعني هوا دماغه كده .. وباقي الناس دماغها مختلفة
    أنا عارف إن كلامي لحد دلوقتي من غير معنى
    بس ندخل على المفيد
    المفيد
    إن كل واحد بيشوف العالم من وجهة نظره .. والناس التانية مجرد ..ناس تانية عايشة في العالم بتاعه
    وده إلي بيخليه يدي لنفسه الحق في الأتي:

    - بيدي لنفسه الحق إنه يسيب إبنه يخربش عربيتك .. وإنت مش من حقك تلوم الشيطان الصغير على كده
    -بيدي لنفسه الحق إنه لو إستلف منك فلوس .. مايرجعهاش ..على إعتبار إنه شايف إنك مش محتاجها..أو إنها حقه بشكل ما كنوع من عدالة التوزيع
    -بيدي لنفسه الحق إنه يشوف نفسه الأكتر ذكاءا.. وإنه فاهم كل حاجة
    -بيدي لنفسه الحق(لو كان بنت مثلا)إنها تجرحك أو تلعب بيك .. وبالنسبة لها تكون مجرد (شئ آخر) في العالم بتاعها
    -بيدي لنفسه الحق(لو كان مثلا إستاذ جامعي) إنه يسقطك في مادة أو سنة دراسية كاملة ..لمجرد إنك (شئ آخر) في العالم بتاعه مش من حقه يوجه ليه النقد على إعتباره ملكية
    -بيدي لنفسه الحق إنه ينتقدك .. ويحكم عليك بصفات مش فيك (على إعتبار إنك جاره...وهاء الملكية موجودة..جـــاره) يعني برضووو مجرد (شئ آخر) في العالم بتاعه


    ياترى تكون فكرتي وصلت
    أنا دلوقتي (أحمد فارما)..أنا محور الكون
    وإنتم أعضاء على منتدى أنا بدخله ..يعني إنتم أخرون بالنسبة ليا
    لكن ده مايدينيش الحق إني أنتقد فلان ..أو علان ..أو أحكم على فلان أو علان ..أو أتصرف كما يحلو لخيالي

    ليه بقا الناس كلها ماشية على مبدأ إنه طالما إنه محور الكون
    يبقا من حقه يعمل كل حاجة


    .
    ودي معاناتي مع الأخرين
    إلي أنا جزء من عالمهم لمجرد إني عايش معاهم

    شوية فضفضة معاكم ..يمكن حد يقدر يفهم أنا عاوز أقول إيه!
    [rmade]http://im58.gulfup.com/qswdwL.jpg[/rmade]
    الكلمات الدلالية (Tags): لا يوجد
  • #2
    يأأأأأه واضح انك في معاناه جامدة قوي يا دوك اليومين دول
    بس احب اطمنك انك مش لوحدك - معظمنا عايش المعاناه دي و ده شيء طبيعي في بلد عمره 7000 سنة انه يتغير بنسبة 180 درجة - يتغير من النقيض الي النقيض
    يتغير من 7000 سنة نعم و موافق و تحت امرك يا افندم و بناء علي توجيهات السيد الرئيس ..... الي لأ و الف لأ و لازم يرحل و محاكمة روؤس الفساد
    طبيعي نلاقي تناقضات من امثال عدم تقبل الاخر و رأيه ..و ما فيش الا رايئ انا هو اللي صح!!!!!!
    اعتقد لغاية ما نوصل لمرحلة تفهم معني الديموقراطية الحقيقي و هي تقبل الرأي و الرأي الاخر لاننا الان نطبق نصفها فقط و هي اننا لا نتقبل الا رأينا و الاخر لو رأيه متفق معنا اهلا و سهلا انما لو حظ مامته الوحش وقعنا في اختلاف للرأي يبقي مش حيسلم من تخوين و عميل و فاقد احساسه بالناس
    لكن في النهاية لا يصح الا الصحيح و انا لو اختلفت معاك و رأيك هو اللي صح و انا منشف دماغي و قافل مخي حييجي اليوم اللي افهم فيه ان رأيك هو الصح - اما اذا من الله عليا بنعمة الفهم و تقدير الامور حتقبل رأيك من البداية عشان هو الصح
    ارجو اني قد اكون قد تمكنت من الوصول الي مساحة تفكيرك الحالية
    (وَلْيَعْفُوا وَلْيَصْفَحُوا أَلاَ تُحِبـُّونَ أَنْ يَغْفِرَ اللَّهُ لَكُمْ):satelite:

    [SIZE=4][COLOR=navy]محمد فهمي[/COLOR][/SIZE]

    Comment

    • #3
      فاهمك و مقدر كلامك و بعانى برده منه
      [CENTER][SIZE=4][COLOR=darkorange]الضمير لا يمنعك من ارتكاب الخطأ و لكنه يمنعك فقط من الاستمتاع به أثناء ارتكابه[/COLOR][/SIZE][/CENTER]


      [CENTER][img2]http://img246.imageshack.us/img246/9382/tawkee3c.jpg[/img2][/CENTER]

      Comment

      • #4
        أنا قلت ماحدش هيفهمني!!!
        أقول كمان
        يعني لما واحد صاحبك يستلف منك مبلغ .. وإنت بأدب مش بتحاول تحرجه وتطلبه منه ..وتقول لنفسك هوا هيجيبه لوحده
        لكن ماجابهوش
        ساعتها أكيد صاحبك ده ..دماغه فيها حاجات من نوعية (ماهو مش محتاجها ...ماهو شغال وأنا مش شغال....إلخ....)
        شئ أخر
        لما واحد يشوفني (مثلا) بعمل حاجة ..بالنسبة لمقاييس العالم بتاعه إنها ماتصحش مثلا..هل ده يديله الحق إنه يوصفني بأوصاف من وجهة نظره هوه ..وكأنها مسلم بيها
        يعني واحد مثلا شافني قاعد بتكلم في الموبايل بالليل..هوا تخيل إني ساعتها أكيد بكلم بنت ..ويتكلم عليا إني بتاع بنات
        يعني حكم على شخصيتي .. بقياساها بشخصيته هوا
        وهوا طبعا شايف نفسع محور الكون .. وإن هو الصح المطلق

        يعني لو رجعنا للولد إلي كان بيرقص في فرح ..تبعا لمقاييسي
        الولد ده سافل وقليل الأدب ..وأهله ماعرفوش يربوه
        دي وجهة نظري...ومش من حقي إني أشوف نفسي أنا الصح .. وإني أحكم عليه إنه كذا ..وكذا ..وكذا

        أنا حاولت أقرب المعنى أكتر
        [rmade]http://im58.gulfup.com/qswdwL.jpg[/rmade]

        Comment

        • #5
          لسة شايف المنظر ده النهارده وكنت راكب ميكروباص كمان والطريق واقف والسواء عمل ينفخ
          قلتله دي ..... وقلت أدب وغباوة وهو كان معايا فالكلام ده وحكالي أيام مش عارف إيه والناس كانوا متضامنين قوي اللي فالميكروباص مع الكلمتين اللي قولتهم دول
          قبل ما3 دقائق يعدوا عدت من جنبه عربية واحد ماسك إيه واحدة جنبه واتفرج بقى عالتعليقات الزبالة وقلة الأدب والزباين بتحب تجامل موت فالكلام ده
          رحت قايلهم ماينفعش يكون حد بيتكلم عن الصح والغلط ويغلط فالناس عشان ده أعد في عربيته المفروض مالكش أصلا إنك تبص جواها اخرك الصاج بتاعها وبعدين افرض مراته ولا خطبته .............

          وشوية كلام كده السواء بس قدامه واتكتم وطبعا الزبون اللي ورا عامل مش من هنا أصلا

          كل واحد بيشوف الصح والغلط من وجهة نظره هو بس زي ما أنت قلت كده مع إن بيكون فيه مقاييس للصح والغلط بس الناس كلها وأنا واحد منهم مبنالتزمش بالمقايس دي للأسف بس الفرق بيني وبينك في مدى البعد عن المقايس دي أو نسبة الالتزام بيها بين كل واحد والتاني

          Comment

          • #6
            والله كلامك ياحمد باشا صح جدا وانا ايضا باعانى من المشكلة دى مع كل من حولى - معظم الناس عندها عقليه انها محور الاحداث وان الاخرين لزاما عليهم ان يدورو فى فلكهم على انهم هم مكملين لهذا المحور - بمعنى اخر ان الغالبيه ترى الاحداث من وجهة نظرهم وفقط وكل الاخرين يجب ان تكون لهم نفس النظرة - الحق والعدل ومبدا الحساب والمعاملة بالمثل شيئ جديد على عقليتنا وتظهر هذة الامور بين الاخوة والمقربين اكثر بوضوح
            اللهم ما أصبح بى من نعمة أو بأحد من خلقك فمنك وحدك لا شريك لك فلك الحمد ولك الشكر

            Comment

            • #7
              المشاركة الأصلية كتبت بواسطة a7med_pharma مشاهدة المشاركة
              أنا قلت ماحدش هيفهمني!!!
              أقول كمان
              يعني لما واحد صاحبك يستلف منك مبلغ .. وإنت بأدب مش بتحاول تحرجه وتطلبه منه ..وتقول لنفسك هوا هيجيبه لوحده
              لكن ماجابهوش
              ساعتها أكيد صاحبك ده ..دماغه فيها حاجات من نوعية (ماهو مش محتاجها ...ماهو شغال وأنا مش شغال....إلخ....)
              شئ أخر
              لما واحد يشوفني (مثلا) بعمل حاجة ..بالنسبة لمقاييس العالم بتاعه إنها ماتصحش مثلا..هل ده يديله الحق إنه يوصفني بأوصاف من وجهة نظره هوه ..وكأنها مسلم بيها
              يعني واحد مثلا شافني قاعد بتكلم في الموبايل بالليل..هوا تخيل إني ساعتها أكيد بكلم بنت ..ويتكلم عليا إني بتاع بنات
              يعني حكم على شخصيتي .. بقياساها بشخصيته هوا
              وهوا طبعا شايف نفسع محور الكون .. وإن هو الصح المطلق

              يعني لو رجعنا للولد إلي كان بيرقص في فرح ..تبعا لمقاييسي
              الولد ده سافل وقليل الأدب ..وأهله ماعرفوش يربوه
              دي وجهة نظري...ومش من حقي إني أشوف نفسي أنا الصح .. وإني أحكم عليه إنه كذا ..وكذا ..وكذا

              أنا حاولت أقرب المعنى أكتر
              وانت لو لابس بدله فى نفس الفرح من منظورة انت عيل اتم ومنشى و شاب سيس و شويه الفاظ كمان كدة مش كويسه وتنك وشايف نفسك لانك مبترقص معاهم فى نفس الفرح بمطواة انت كمان
              مصر دلوقتى بقيت عاملة زى واحد أخرس بيقول لواحد أطرش إن فى واحد أعمى شاف واحد مشلول بيجري ورا واحد أقرع بيشد فى شعره

              Comment

              • #8
                يبقي الحل من وجهة نظري - اني دائما اضع نفسي مكان صاحب الحدث و اقيم الامر و اشوف هل ممكن كنت حعمل زيه و لا انا بنتقد و خلاص و انا اقرب شخص للانتقاد - دي حاجة الحاجة التانية اني لازم التمس لاخويا 70 عذرا و الكون منذ بدء الخليقة فطر علي ذلك و المفروض اني اسلم بكده بس وجب عليا النصح لمن يستحق النصح و في الاخر انك لن تهتدي من احببت و لكن الله يهدي من يشاء و المفروض ان الانسان يحمد ربنا دائما لما يشوف الشخصيات دي ان ربنا منحه نفس راضية و قنوعة و يدعي للاخر ان ربنا يهديه مثلما تمت هدايته - معهلش يا دكتور هو ردي متأخر شوية لكن اكيد انت عارف ان احداث الساعة واخدانا شوية
                (وَلْيَعْفُوا وَلْيَصْفَحُوا أَلاَ تُحِبـُّونَ أَنْ يَغْفِرَ اللَّهُ لَكُمْ):satelite:

                [SIZE=4][COLOR=navy]محمد فهمي[/COLOR][/SIZE]

                Comment

                • #9
                  متستغربش كل الناس كدة فعلا ومن نفس الفكرة بتخرج الانانية او التفكير بشكل تلقائي و اناني لان الحياه كلها في عينيك انت وبس .

                  انت طولت في شرح الفكرة بكذه طريقه كأن محدش فكر فيها او هيفهمها .. وكمان انت من النوع الي بيتأمل جامد جدا

                  وانا فاهمك وكنت زيك بس من دوشة الحياة رغم اني فاضى دايما ومبقتش بعرف اتأمل زيك كدة ..... يمكن الواحد استسلم للواقع
                  [CENTER]سبحان الله وبحمده سبحان الله العظيم
                  -:: ياسلام لما كــان منتـدى سيـارات ::-
                  . . . . A l o n e . . . . [/CENTER]

                  Comment

                  • #10
                    انا بقى مختلف معاك في نقطه ......

                    انا مش محور الكون .....انا الدائري


                    لكن معاك في باقي الكلام

                    Comment

                    السابق template التالي
                    Working...
                    X