:::::::::::::مقابلـــــــــــــــــــــــة:::::::: ::::

[A7MED_PHARMA]

السلام عليكم




.
.
.
الشباب والرجالة بتوعنا
عاوزين نخرج شوية من جو الملل والروتين ده
شباب طنطا بيرتبوا مقابلة في طنطا
بس أنا فكرت إننا نعمل مقابلة في القاهرة
وتبقا مقابلة كبيرة
وتكون أول مقابلة لينا في "" مصــــــــــر الجديــــــــــدة ""
إيه رأيكم
عاوزين ناكل أكلة محترمة ..ونقعد نرغي في أي حاجة غير السياسة


مين عاوز

[sayed911]

انا موافق يا استاذ احمد ومعااااااااااااااااااااك جدا على الأقل مصر الجديدة مكان سهل الوصول له وامان جدا وياريت لو نوفق في جمع اكبر عدد من الأعضاء وانا موافق يا استاذ احمد جدا توكل على الله .

[AhMeD EzZ]

تعلاااااااااااااااااااااااالي
جيت المرة الي فاتت في عز الامتحانات معرفتش اشوفك

[M.Mostafa80]

انا موافق يا استاذ احمد ومعااااااااااااااااااااك جدا على الأقل مصر الجديدة مكان سهل الوصول له وامان جدا وياريت لو نوفق في جمع اكبر عدد من الأعضاء وانا موافق يا استاذ احمد جدا توكل على الله .

على فكره الدكتور احمد يقصد مصر الجديده بمعنى مصر بعد الثوره وليس منطقه مصر الجديده

[A7MED_PHARMA]

انا موافق يا استاذ احمد ومعااااااااااااااااااااك جدا على الأقل مصر الجديدة مكان سهل الوصول له وامان جدا وياريت لو نوفق في جمع اكبر عدد من الأعضاء وانا موافق يا استاذ احمد جدا توكل على الله .

مش مصر الجديدة حرفيا
أي مكان في القاهرة ..يعني

تعلاااااااااااااااااااااااالي
جيت المرة الي فاتت في عز الامتحانات معرفتش اشوفك

أوك ياعم عززز
بس ماتنساش تجيب الشومة معاك

على فكره الدكتور احمد يقصد مصر الجديده بمعنى مصر بعد الثوره وليس منطقه مصر الجديده

الله ينور عليك يابشمهندس

[Eng.Geo]

نفسي والله أجي وأشوف ناس كتير
منهم انت يا فارما :)

[sayed911]

ههههههههههههههههههههه هوا بس الحماس الثوري واخد الواحد حبتين .. خلاص برضوا موافق وبما انها طلعت مصر الجديدة يبقى بلاش مصر الجديدة وهية هية مهي مصر الجديدة في اي حتة مصر الجديدة :d :d توكل على الله يا دكتور احمد ..

[A7MED_PHARMA]

وطبعا
الدعوة مفتوخة للكل
ودعوة شخصية مني لكل من:
كل الرجالة إلي في صورة توقيعي
مهندس غازي ..كريم منير .. محمد سمير وأخوه .. مهندس مصطفى مهران..خميس
القرصااان
أبورقية
أبو آسر
د.محمد
د.أحمد عبدالغني
وأبوهاشم
ود.احمد بحري
ومجدي ميشوهات ..ياريت يقدر يفك من شهر العسل وييجي
أبوصلاح ..وأم صلاح لو موجودة
أشرف فتحي ياريت يقدر ييجي
صبحـــــــــــــــي وكريستالته
أحمد موجاااااا ولانسرته
إياد ييجي ..وأبو إياد لااا مايجيش
والواد محمد سليماااان ..أوكتووووووووو
ووائل
وأحمد عز
وأحمد ميدوووووووو
وأحمد بي إم
ومهندس مجدي رسلان
وحمادة عزووووووووو
وعبده الدسوقي
وشريف أبورجيلة
ومايكل لانوس
وياقوت لو يقدر ييجي ..خلينا نشوف قصة الشبح الصعيدي الغامض ده
والواد الدكتور وسيم
ود.أحمد عين من الزقازيق
ومزاجنجي
وفروزين
وأحمد نملة
والأستاذ أحمد سعد
وأحمد تي في
والبنت الفلبينية إلي كانت في الشالية بتاع المعمورة جمبنا
ويوكوووووو
وكل الناس
وأحمد باشا كمال
ودكتور .أحمد سامي
ود.أحمد سمير
وعلاء الشناوي أساسي
وخالد بك طلعت ..علشان ياخد لقب مسابقة أجمل سيقان
هههههههههههه
..
.
.

[pro_samir]

أيوه لازم اخوه علشان يكبس علي نفسك كالعاده :))

ايه رأيكم الجمعه الجايه ان شاء الله

[FunnyMickey]

انا جاهز في اي وقت والكريستاله سخنه من دلوقتي

[eng/muhamad]

مواااااااافق جدااااااااااا
و هتكون اول مقابله ليا ان شاء الله

[أشرف فتحى]

بارك الله فيك يا دكتور احمد..

علم وينفذ يا فندم.....

مقابله تحت شعار مصر بعد التجديد.. والسمكره والدوكو كمان

أقترح يوم خميس والتجمع عند بيبو ونضرب عكاوى وطواجن والاكل المتين ده زى المره اللى فاتت......

وبعدين نطلع على قهوه فى اغا خان او على الكورنيش ...وأقترح كمان تكون المقابله بدرى واحب الفت نظركم أن حظر التجول ما زال سارى ولكن مفيش لجان فى محيط عبود والمظلات وامبابه..

[misoalex]

مممممممممم امتى وفين

[A7MED_PHARMA]

أشرف باشا ومهندس محمد وصبحي أبو نور
منورين جداااااااا
أي مكان
المهم نتجمع وخلاص
بس بالنسبة لرجالة أليكس ...إلي هييجي فيهم هيبات للصبح
أو القعدة تفضل صبااااحي كلنا
المهم نتجمع بس
كنا مخططين لواحدة كبيرة قبل الثورة .. لكن منه لله مبارك بقا
ضيعها علينا

[wassim_nasser]

طيب يا جماعه مانخليها ف شهر 6 احسن تكون اوضاع البلد استقرت و الدنيا أمان وكمان الناس اللي وراها كليات يكونوا خلصوا و ممكن كمان تبقا المقابله يومين وانا مستعد لإستضافه المغتربين عندي ف الزتون (السرير 150ج والكنبه 100 ف الليله و 50 خدلك كوفرته وافرش ف الارض وخصم 10% لحاملي ستيكر نايل موتورز )