جبت ( كان بيبسي ) وخلصتها ملقتش باسكيت ترميها ..

[Eng.Geo]

ده كان مثال ليس أكتر
يعني معاك أي حاجة
ورقة
كان بيبسي أو أي عصير
مخلفات
قشر لب
ماشي وملقتش لا باسكيت ولا خاجة مخصصة لكدة ترميه فيها ؟
هتعمل أيه ؟
هترميها في أي حتة وخلاص ؟

سايق عربيك وشربت سيجارة .. هترميها من الشباك ؟
هترمي المخلفات برة العربية ؟

قاعد في بيتكوا في البلاكونة .. هل الشارع ده بقي مزبلة ترمي فيها أي حاجة ؟

موضوع للمناقشة .. أرجو المصداقية

[aly_hosny]

لسه حالا كان في ايدي الكان و مشيت بيها لغاية ما روحت
لان مكنش في ولا باسكت

واحد صاحبي رما ورقة هزقته و شيلتها لان كان في باسكت جمبنا

انا قبل الثورة وكنت بكلم الناس في المواضيع دي بس انا كنت بعملها اوقات
سواء من العربية او و انا ماشي
بس زي ما بيقولو حسيت انها بلدي و لازم احافظ عليها اكتر

[Mzeid]

انا بصراحة شديدة
قبل الثورة حتى كنت باحتفظ بأي حاجة كدة في يدي لحد اقرب صندوق قمامة او لحد ما اوصل البيت و بعدين ارميها

حتى لو استخدمت منديل بحطه في جيبي لحد البيت


و ازيك يا جيو عامل ايه ؟ :)

[Eng.Geo]

لسه حالا كان في ايدي الكان و مشيت بيها لغاية ما روحت
لان مكنش في ولا باسكت

واحد صاحبي رما ورقة هزقته و شيلتها لان كان في باسكت جمبنا

انا قبل الثورة وكنت بكلم الناس في المواضيع دي بس انا كنت بعملها اوقات
سواء من العربية او و انا ماشي
بس زي ما بيقولو حسيت انها بلدي و لازم احافظ عليها اكتر

طاب ده انت
ولما شفت صاحبك هزقته
طاب لو حد ما تعرفوش و بيرمي قدامك حاجة ؟

انا بصراحة شديدة
قبل الثورة حتى كنت باحتفظ بأي حاجة كدة في يدي لحد اقرب صندوق قمامة او لحد ما اوصل البيت و بعدين ارميها

حتى لو استخدمت منديل بحطه في جيبي لحد البيت


و ازيك يا جيو عامل ايه ؟ :)

الله ينور عليك
انا الحقيقة مش زيك
كان ممكن امشي وعلي أي جنب ( حتي لو حتة نضيفة ) و أرميها
وممكن لو لقيت شوية زبالة في الشارع برميها في وسطيهم
وساعات بحس علي دمي و أبقي كويس مارميش حاجة
مش عايز أدي تبرير لنفسي
بس دلوقتي لما أعمل كدة .. وأخويا واقف في الشارع بيلم زبالتي !

انا الحمد لله يا محمد :)
انت عامل أيه في الدنيا ده ؟ :)

[FunnyMickey]

قبل الثوره كنت برمي
من اسبوع كنت ماشي في شارع عباس العقاد وعاوز الف اليو تيرن والشارع واقف
لقيت عربيه قدامي بييجي 3 عربيات
رمي علبه عصير جهينه في الشارع
ومفيش 10 ثواني واترمت العلبه التانيه
فضلت قاعد 3 دقايق كده في العربيه
افكر
وبعدين رحت نازل من العربيه جبت العلبتين
حطيتهم في العربيه معايا في كيس زباله عامله كده وروحت بيه رميته في الزباله عندنا

واول امبارح اشتريت كارت شحن وشحنته وقطعته وحطيته في جيبي لحد ما روحت ورميته في الزباله بردو
وبقيت عامل في العربيه كيس زباله كده
ارمي فيه اي حاجه
وفيه اصلا في محلات الاكسسوار باسكت زباله للعربيات صغير كده
حجيبه ان شاء الله

بجد قبل الثوره غير بعد خااااااااااالص
الواحد بقي بيحس ان دي بلده بتاعته بجد

[lena jo]

I always keep a small plastic bag at my bag and one at my car . It s that simple.I never throw anything at the street even if there s a pile of garbage there.i learned that when I was a kid. I wish to see people keeping the streets clean by not throwing anything at the street.It ll cost u nothing to keep a plastic bag with u .U can fold it in ur pocket and use it when u need it.

[م.احمد زكريا]

يا راجل أمال عربيتي مزبلة على طول ليه
بارمي اي حاجة فيها وكل اسبوع اجمع الفيها وارميه
لان مافيش مكان ترمي فيه

[FunnyMickey]

مفيش مكان ترمي فيه فبترمي في عربيتك :)

[Moh.Abdelbaset]

الحمد لله من قبل الثورة و معظم أصحابي كدا برضه
من أول الورقة الشفافة اللي على شاليمو علب العصير و تذاكر الأتوبيس
بخليها في جيبي لحد ما أروح
لأني متيقين إن ربنا أكيد هيحاسبنا عليها يوم القيامة

[Eng.Geo]

قبل الثوره كنت برمي
من اسبوع كنت ماشي في شارع عباس العقاد وعاوز الف اليو تيرن والشارع واقف
لقيت عربيه قدامي بييجي 3 عربيات
رمي علبه عصير جهينه في الشارع
ومفيش 10 ثواني واترمت العلبه التانيه
فضلت قاعد 3 دقايق كده في العربيه
افكر
وبعدين رحت نازل من العربيه جبت العلبتين
حطيتهم في العربيه معايا في كيس زباله عامله كده وروحت بيه رميته في الزباله عندنا

واول امبارح اشتريت كارت شحن وشحنته وقطعته وحطيته في جيبي لحد ما روحت ورميته في الزباله بردو
وبقيت عامل في العربيه كيس زباله كده
ارمي فيه اي حاجه
وفيه اصلا في محلات الاكسسوار باسكت زباله للعربيات صغير كده
حجيبه ان شاء الله

بجد قبل الثوره غير بعد خااااااااااالص
الواحد بقي بيحس ان دي بلده بتاعته بجد

طاب ما جريتش وراه تفهمه ؟
لو كنت تابعته شوية كان ممكن حاجات تانية تترمي
كان ممكن زمان يقولك .. أياكش تولع . هي بتاعتنا !
دلوقتي هيكون رده أيه ؟
انا بحطها في كيس بلاستيك في العربية

i always keep a small plastic bag at my bag and one at my car . It s that simple.i never throw anything at the street even if there s a pile of garbage there.i learned that when i was a kid. I wish to see people keeping the streets clean by not throwing anything at the street.it ll cost u nothing to keep a plastic bag with u .u can fold it in ur pocket and use it when u need it.

طاب ده حل ممتاز
ولكن للبنات
أغلب البنات بيمشوا بشنطة .. لو كل واحدة عاملة كدة في شنطتها وحاطة كيس صغير تحط فيه الحاجت ده يبقي كدة قضينا علي جزء كبير
وهكذا الطلبة .. مدارس وجامعات
انا بروح الكلية بشنطة .. أقدر أحط فيها برضه كيس للمخلفات .. وبرمي المخلفات في أقرب مكان
كدة بقي فاضل الناس اللي ماشية كدة من غير حاجة
هترميها أزاي ؟
هتفضل ماسكها في أيدك ؟
تركب مواصلات بيها عشان مش لاقي باسكيت ؟

يا راجل أمال عربيتي مزبلة على طول ليه
بارمي اي حاجة فيها وكل اسبوع اجمع الفيها وارميه
لان مافيش مكان ترمي فيه

أعمل كيس صغير كدة لغاية ماتوصل بيتك أو شغلك وترميه فيها
أهم حاجة زي مانت عامل كدة .. مايكونش الشارع ده هو الوسيلة اللي بتتخلص فيها من مخلفاتك

[MaZaGAngeE]

انا بصراحة شديدة
قبل الثورة حتى كنت باحتفظ بأي حاجة كدة في يدي لحد اقرب صندوق قمامة او لحد ما اوصل البيت و بعدين ارميها

حتى لو استخدمت منديل بحطه في جيبي لحد البيت

أنا كمان كنت بعمل كده و الناس كانتت بتتريق عليا اني بوسخ عربيتي لحد ما أروح حتى لو في الطريق الصحراوي
دلوقتي بقوا كلهم بيحاولوا يعملوا كده

[Eng.Geo]

الحمد لله من قبل الثورة و معظم أصحابي كدا برضه
من أول الورقة الشفافة اللي على شاليمو علب العصير و تذاكر الأتوبيس
بخليها في جيبي لحد ما أروح
لأني متيقين إن ربنا أكيد هيحاسبنا عليها يوم القيامة

طاب و كان البيبسي ؟
كيس الشيبسي ؟
أي حاجة أكبر من جيبك ؟
هتركب بيها مواصلات ولا ترميها أسهل ؟
تحطها في عربيتك ولا ترميها في الشارع ؟

[Eng.Geo]

أنا كمان كنت بعمل كده و الناس كانتت بتتريق عليا اني بوسخ عربيتي لحد ما أروح حتى لو في الطريق الصحراوي
دلوقتي بقوا كلهم بيحاولوا يعملوا كده

حضرتك معاك عربيتك في الحالة ده
طاب لو مكانتش معاك
وحاجة ماتعرفش تحطها في جيبك ؟

[FunnyMickey]

طاب ما جريتش وراه تفهمه ؟
لو كنت تابعته شوية كان ممكن حاجات تانية تترمي
كان ممكن زمان يقولك .. أياكش تولع . هي بتاعتنا !
دلوقتي هيكون رده أيه ؟
انا بحطها في كيس بلاستيك في العربية

للاسف هوا رماهم وانا علي ما ترددت اني اعمل رد الفعل ده
والناسبقي تقول ايه العيل العبيط اللي بيلم الزباله ده
بس خدت القرار بقي ونزلت جبتهم وكان الطريق مشي وهوا لف ومشي وانا كان لازم امشي عشان الطريق
طبعا لو كان واقف كنت حديهومله

[lena jo]

Sir, as I mentioned if u don t carry a bag u can still keep a plastic bag,Just fold it and keep it in ur pocket and get it out when u need it. For myself even if I don t have a bag I still keep anything I want to throw till I find a basket even if it take some time why not, it s a concept .I just cant throw it away in the street.