فكرتى اتسرقت

[analyzer]

اتسرقت كتير ومازلت باتسرق خاصة فى شغلى فى كل اجتماع اطرح المشاكل والحلول وفى الاخر ياخدها المدير ويطرحها على الوزير باسمه وياخد اعتماد مالى كبير للموضوع وكمان مكافئه ماليه كبيرة
ويرجعى ويطلب منى انفذ نفس الكلام بس باسلوبة هو وفى النهايه ياخد هو الشو الجميل والمكافئة المحترمة على الموضوع الى هو اصلا فكرتى وخبرتى وتنفيذى .
حسبى الله ونعم الوكيل

[sab3aawy]

لسة حالا داخل المنتدى لقيت موضوع منقول (وللأمانة العضو اللى دخل بيه قال انه منقول) اسمه (هذة اكبر مقارنة بين اللانوس والفيرنا) فدخلت اشوف ايه المعلومات الإضافيه اللى فيه عن موضوعى القديم(مقارنة بين اللانوس والفيرنا ) لقيته هو نفسه موضوعى الأصلى بدون تغيير كلمة واحدة وواضح طبعا ان صديقنا اللى نقله هنا جابه من منتدى آخر قام بدوره بنقله من عندنا

ده رابط الموضوع المنقول بتاريخ 5 -4-2008

http://nilemotors.net/Nile/showthread.php?p=218076&posted=1#post218076

وده رابط الموضوع الأصلى بتاريخ 5-5-2007

http://www.nilemotors.net/Nile/showthread.php?t=670

[Mzeid]

أنتم قلتم كل اللي كنت عايز اقوله و زيادة كمان و فعلاَ سرقة الافكار دي زي السرقة العادية و أبشع كمان بس الحمد لله أنا عمري ما سرقت و لا إتسرقت :):):):) .

[mohamed_rhem]

في ناس بتتبني فكره وتشجع اللي يقلدها
زي فكره سرقه الوطن اللي قامت بها عصبات وكونت الولايات المتحده الامريكيه وقامت حرب عصابات ايضا وكونت الدوله العبريه
والاثنين مسروقين ولا عزاء للمواطن الاصلي

[M!NA]

مش عارف ليه كلامكم ده فكرني بحكاية كانت بتتقال زمان...
عن واحدة مبتعرفش تطبخ, كل شوية تروح تسأل جارتها.. و بعد ما تديلها الوصفة تقولها ايوا ما أنا كنت هعمل كدة
لحد ف يوم ما جارتها اتغاظت منها... كانت التانية جاية تسألها عن طريقة عمل السمك
قالتلها انتي تفتحي السمكة من النص و هي بشوكها و تعضي عليها... :)

اللي بياخد أفكارك ده واحد مكسل يفكر.. و انت كشخص منتج للأفكار, ما أسهل انك تلعب بيه بعد كدا...
الطرق كتيرة أوي....