ثورة ليكس .... موضوع لتجميع وثائق امن الدولة المنهار

[SkyBird]

عايزين نعمل تجميع لوثائق امن الدولة المنهار في هذا الموضوع الارشيفي
الزميل اللي ينشر وثيقة يبين فيها
تاريخ الوثيقة ان امكن
ملخص للوثيقة
اذا كان مصدرها الفيسبوك فيتم رفعها على موقع رفع صور زي http://tinypic.com لامكانية عدم ظهورها عند البعض


ابدأ بوثائق نشرها الاعضاء هنا
وثيقة الاخ factorialx


ملخصها
العمل على بث الرعب عن طريق اتصال مخبري ومخبرات امن الدولة بالتلفزيون واشاعة ان هناك بلطجة وسلب ونهب وهروب اعداد كبيرة من المسجونين
تاريخها
غير ظاهر بس اكيد في توقيت اتصال تامر بتاع غمرة

[ahmadmidop]

فكرة حلوة

[SkyBird]

وثيقة الاخ tlrsiap
وملخصها الطلب من عمرو موسى تكوين لجنة لانهاء التظاهر استغلالا لعدم وجود قياده تتكلم باسم الشباب

[SkyBird]

تاريخ 5 أكتوبر 2002
أفلام إباحية داخل مقار أمن الدولة المصرية
اكيد متسجل في الخفاء للسيطرة علي شخصيات مهمة,اساليب قذرة فعلا

[atef_rashad]

‫طµظپطط© : ظپط¶ط§ط¦ط ظˆ طھط³ط±ظٹط¨ط§طھ ط£ظ…ظ† ط§ظ„ط¯ظˆظ„ط© | Facebook‬

[SkyBird]

مفيش تعيين غير لما امن الدولة يتفضل ويتكرم ويوافق

[م. حاتم السباعي]

السلام عليكم
اسجل اعتراضي بشده علي هذا الموضوع
و اقول للاخ الكريم
اتمني ان تسأل شيخ فيما تنوي ان تفعل
و هل سوف يجازيك الله لو ان خبر من هذه الاخبار ملفق
او كاذب او مجهول
و هل ما تريد ان تفعله سوف تحمد عليه و تجازي به عند الله
هل النشر و سيلته اننا نعرف الناس ما كان يفعله هذا الجهاز
طب ما الناس عارفه
اظن الموقع يحمل طبقة كبيرة جدا بل اغلبيته من المثقفين و معظمه من خريجي الجامعات او مازالو يدرسون و يعلمون ما يمارس مع الطلبة
سواء جماعات اسلامية (( سلفية )) او اخوان او حتي معارضين
و من لم تواجه مشكلة شخصية سمع من قريب له
نحن الان في ازمة حقيقية
نشر اي شئ حاليا لا تدري ما الذي سوف يضرب
ممكن خبر صغير يصبح (( باعث لاحداث فتنة كبيرة ))
ارجو مرة ثانية من اخي الفاضل بحث الموقف جيدا
و نقول للجميع الان كل الوثائق مهمة جدا و لكن لمكانها الصحيح
سواء بالذهاب بها للجان تقصي الحقائق او للنيابة العامة او للنائب العام او للجيش او لاي كيان (( من حقة التدقيق و البحث ثم المحاسبة )) اما ان نشارك فضح ناس لا نعلم هل (( فعلو ذلك و لا لاء )) لمجرد انهم مكتوبين في ورقة و كمان لا نعلم الورقة دي اتكتبت فين و ازاي و ما الهدف منها
في رأيي البسيط ان هذا مخالف لشرع الله

م.حاتم السباعي

[sayed911]

انا ضد اصلا فكرة نشر الوثائق دي .. يا جماعة احنا عاملين بالضبط زي اللي مسك حاجة على اهل بيتوا والعياذ بالله وبقا ماشي في الشارع سعيد قوي وبيوريها للعالم كلو شوفوا انا لقيت ايه في بيتي مفيش داعي انه كل حاجة كانت موجودة او مستترة تتعرف فيه حاجات قدر لها ان تظل سرا للأبد لأنه نشرها ها يكون فيه ضرر اكثر من نفعها ... صدقني .. وانا مع انه اي صاحب وثقية يلاقيها ببساطة جدا مكتب النائب العام موجود يخبط يا فندم انا لقيت ده!!!! ابرك 100 الف مرة من انك تمشي تفضح بلدك على النت وتقول اصلوهم كانوا بيعملوا فينا كدا !!! في ناس ليهم مصالح انهم يبانوا في عروة المظلومين من امن الدولة .... ولكن انا قولت رأيي المتواضع ودي وجهة نظري ..

[Moe86]

لازم نتستر على أمن الدولة و اللى فيها علشان احنا عبيد ليهم و "شكلنا" ما يبقاش وحش قدام العالم!!!, أنا مع النشر طبعا و بعد كدة كل الأوراق دى تروح للنائب العام أو القوات المسلحة , بس بعد النشر لأن فى أوراق ممكن تختفى بعد ما تتسلم

[som3aa]

بالعكس الوثائق بتبين حاجات كتير و ناس منافقة علشان ناخد بالنا منهم و بتفضح ناس و حاجات كتير , ليه حاجة تبقى سر؟؟؟
تانى موضوع اهل بيتى , الوثائق اللى بتفضح بتفضح ناس بيتعاونوا مع الامن و انا اهل بيتى مش بيتعاونوا مع الامن !!

يعنى مثلا من اللى اتفضحوا قدام ناس كتير اللى نسنر على امن الدولة و لما حصلت مطالبات انه يمشى بداوا الفرم و قال ايه ناس بتقول نرشحه لرئاسة الجمهورية!!!!!!!!!!!!!!!!!

بعدين بالظبط لازم الورق نشوفوا علشان مفيش حاجة تستخبى بعد ما تتسلم لاى جهة!!!

[sayed911]

احترم رأي حضراتكم ووجهات النظر المختلفة لا تفسد .. :D :D

Moe86
som3aa

وبس توضيح احنا الحمد كلنا مكنش فينا حد عبيد :D :D بدليل لو كنا عبيد مكنش زمانها فيها حاجة اسمها 25 يناير :D :D ولكن الحمد لله الذي لا يحمد على مكروه سواه ....

[م. حاتم السباعي]

لازم نتستر على أمن الدولة و اللى فيها علشان احنا عبيد ليهم و "شكلنا" ما يبقاش وحش قدام العالم!!!, أنا مع النشر طبعا و بعد كدة كل الأوراق دى تروح للنائب العام أو القوات المسلحة , بس بعد النشر لأن فى أوراق ممكن تختفى بعد ما تتسلم

بدون جدال خالص
اخي الكريم
مين قال (( نتستر ))
يا فندم الدعوة اولها اننا نسلم هذه الوثائق (( للجهات المختصة ))
لجهات تستطيع (( المحاسبة ))
اخي الكريم
حضرتك محترم و غيرك محترم و غيرك محترم
و هناك واحد غير محترم
هل تستطيع حضرتك ان تعلم ان ما تساعد علي نشره ليس به اي تلفيق من شخص غير محترم و لا يخاف الله و يريد ان يلوث سمعة (( اشخاص )) يا سيدي اشخاص مش الظباط بتوع امن الدولة
انا و انت و غيرنا
عارفين ان المكاتبات بينهم هتحمل العجب
اللي بحذر منه ان يلوث احد (( سمعة انسان بيتقي الله ))
و لا نعلم الوثيقة المنشورة (( حقيقية ام مزورة ))
و لنا مثلا في اشخاص (( عاديين )) كيف حصل اختلاف عليهم الايام الماضيه ما بين مؤيد و معارض
و الامثال كثيرة مثل (( وزير الداخلية الجديد اللي لسه ماسك النهاردة منشور له هنا حوار بيقول حبيب بيه العادلي بكره اقسم بالله هتلاقي التنتيش ضرب فيه و نال منه ))
ما اقصده ان النشر (( يجب ان يتوافق مع الشرع ))
و اشكر لك سعة صدرك و ان اختلفنا في الرأي

م.حاتم السباعي

[SkyBird]

و اقول للاخ الكريم
اتمني ان تسأل شيخ فيما تنوي ان تفعل
و هل سوف يجازيك الله لو ان خبر من هذه الاخبار ملفق
او كاذب او مجهول
و هل ما تريد ان تفعله سوف تحمد عليه و تجازي به عند الله

ناقل الكفر ليس بكافر

[SkyBird]

شوية وهيدخل حبايب امن الدولة ويقوللك اوعى تنشر احسن تضر الامن القومي و و ومثل هذا الكلام الفارغ
وكاننا ننشر وثائق المخابرات العامة
اصلا امن الدولة كان بيتجسس على الشعب وليس له اي علاقة بالخارج وفضحه وكشف المنافقين افضل شئ سيحدث في تاريخ مصر
عايزين عهد جديد على نظافة

[SkyBird]

اللي يسألوا ليه البرادعي ميظهرش في التلفزيون حتى على القنوات الخاصة
سمعنا نجيب ساويرس وهو يقول لشفيق ان امن الدولة منعه ان يقدم حد من الاخوان على قناته
طيب نشوف المصيبه دي
ولا تعليق


حتى انت يا ليثي!!!