ماذا تفعل بأمن الدولة؟

[Dr Ahmed]

المشاركة دى كتبتها فى موضوع لكن لقيتها محتاجة إجابات كثيرة:

أنا بسأل نفسى طيب لو اتلغت أمن الدولة يبقى المجرمين اللى كانوا ماسكينها دول هيروحو فين (مليون واحد)
هيتسجنوا؟
هيتحولوا لشغل تانى ؟
شغل إيه إن شاء الله؟؟؟؟؟؟؟؟؟؟؟؟؟؟؟؟؟؟؟؟؟؟
هنعمل بيهم إيه دول؟؟؟؟؟؟؟؟؟؟؟؟؟؟؟؟
مشروع البتلو؟
نديهم هدية لإسرائيل؟

[aly_hosny]

بلال فضل اثار الموضوع دا
وقال نحاسبهم و في نفس الوقت نسيبهم شغالين عشان ميتحولوش ل عصابات و مرتزقة و جواسيس

انا شايف ان ال ميتثبتش عليه حاجة منهم يتحول للخدمة العادية "ظابط عادي يعني" عشان العجز الحالي


و لو ادناهم لاسرائيل مش هيعرفو يشتغلو هناك "الاسرائيلين بيحترمو حقوق الانسان اكتر منهم"

[abf-nassar]

رأي شخصي
صف اول وثاني في الجهاز ده يتم توجيه الشكر له في صورة جلابية مقطعة علشان يقعد في البيت وده طبعا بعد محاسبة الفاسدين ( ودي لوحدها ممكن تاخد الصف الاول والتاني والثالث ده لو موصلتش لاعدادي وثانوي )
ما علينا
الباقي منهم يستمروا في الجهاز لكن بعد نقل تبعيه الجهاز والاشراف عليه لجهاز الامن القومي علشان هو اصلا عملهم مكمل لبعض وضباط الامن القومي في قمه الاحترام يمكن الناس دي تتعلم منهم حاجة
ويبقي امن البلاد كله مسئولية الامن القومي
اما الشرطة بوزارتها فتبقي بعيد عن الكلام ده كله ويبقي شغلها امن المواطن
اول حاجة لازم الشرطة تتعلمها هو الغاء لقب فلان بيه وفلان باشا اللي احتكره لنفسهم السنين اللي فاتت ويتعلموا حاجة من الجيش ان مافيش عسكري ولا ضابط بيقول للتاني يابيه هناك لما تحب تكلم واحد بتقول رتبته قبل اسمه فقط يعني المقدم فلان او العقيد فلان ( اصلي دخلت الجيش من 20 سنة )

[ehab_mansour]

رأي شخصي
صف اول وثاني في الجهاز ده يتم توجيه الشكر له في صورة جلابية مقطعة علشان يقعد في البيت وده طبعا بعد محاسبة الفاسدين ( ودي لوحدها ممكن تاخد الصف الاول والتاني والثالث ده لو موصلتش لاعدادي وثانوي )
ما علينا
الباقي منهم يستمروا في الجهاز لكن بعد نقل تبعيه الجهاز والاشراف عليه لجهاز الامن القومي علشان هو اصلا عملهم مكمل لبعض وضباط الامن القومي في قمه الاحترام يمكن الناس دي تتعلم منهم حاجة
ويبقي امن البلاد كله مسئولية الامن القومي
اما الشرطة بوزارتها فتبقي بعيد عن الكلام ده كله ويبقي شغلها امن المواطن
اول حاجة لازم الشرطة تتعلمها هو الغاء لقب فلان بيه وفلان باشا اللي احتكره لنفسهم السنين اللي فاتت ويتعلموا حاجة من الجيش ان مافيش عسكري ولا ضابط بيقول للتاني يابيه هناك لما تحب تكلم واحد بتقول رتبته قبل اسمه فقط يعني المقدم فلان او العقيد فلان ( اصلي دخلت الجيش من 20 سنة )

موافق علي رأيك
وخايف من بقايا الحزب الوطني والنظام السابق وتوابعه وناس كتيييييييير اصبحو بدون اي لازمة حاليا !!!!!!!!!!!!
ربنا يستر

[fepsceasar]

بصراحة انا راييى استمرا الجهاز ده ممكن ينتج امن دولة تانى
احنا عندنا الامن العام والمباحث العامة، ممكن ضباط امن الدولة السابقين النضاف يتنقلوا للاجهزة دى
وخلى الامن القومى زى ما هو، لاحسن العدوى تتنقل

[م.احمد زكريا]

أولا: استقبال بلاغات من كل من تضرر او تأذى من أمن الدولة وتحديد الأشخاص بعينهم ومحاكمتهم.

ثانيا: الشرفاء منهم واللذين يقومون بالدور الحقيقي لأمن الدولة يتم توزيعهم على الادارات الجديدة بعد الغاء الادارات الملهاش لازمة في الجهاز والابقاء على الادارات المسئولة عن امن الدوله الداخلي فعلا

ثالثا: إعاده التأهيل النفسي للعاملين بهذا الجهاز سواء عن طريق محاضرات لخبراء علم النفس والاجتماع ولعلماء الدين

رابعا: القضايا التي تتم من خلال امن الدولة يتم تحويلها للقضاء للبت فيها واصدار احكام بشأنها (مش سجن من غير محاكمة ومقابر جماعية للمعذبين حتى الموت)

لو ده تم يبقى احنا بنغير ثقافة جهاز منذ انشائه من ايام القلم السياسي

يعني كأنه جهاز جديد لانج

[_Ahmed_casper_]

انا شايف ان المفروض يتم محاسبه المخطئين من جهاز امن الدوله مع وضع اعتبار ان لو كل امن الدوله دخلناهم السجن و حاكمناهم بعشوائيه هيطلعو اكتر من الاسرائليين و اكتر ظلم مما كانو و هيتحولو لمجرمين حقيقيين لذلك لابد من محاكمتهم محاكمه عدله و اكيد هيكون فى منهم الصالح و دول يتوزعو على باقى اجهزه الداخليه مع بدء دورات تدريبيه لتخصصات جديده و بذلك يتم القضاء على جهاز امن الدوله كجهاز و اعاده تأهيل و محاسبه المخطىء من الافراد