عمرو موسى طلع عميل لأمن الدوله

[تامر.محمد]

اعتقد اسلوب بالحوار يبقي اعلي من كده شويه لان اللي بيكلمك مهندس مش عيل بيلعب في الشارع
وحضرتك برده لو تحب تعرف فا بكل سهوله الغرف اللي تحت الارض دي بتكون بتشتغل بنظام شفط وتهويه يعني الهوا اللي جواه بيتشفط ويتم ضخ هوا نقي من الخارج
دا لو انت مستغرب ممكن يودو الدخان فين
انما اطلع علي السطح واعمل تسييح لنفسي فادا يبقي الهدف منه اني اوري الناس اني بحق الورق
وبعدين هما فين الظباط اللي كانو بيحرقو الورق تبخرو هما كمان مع الورق
لا هما اساسا غادرو المكان من قبل ما التمثليه تتعمل ويخلونا نعمل الغلطه دي ونخش نبوظ مسرح الجريمه وان صح التعبير
احب استودعكم لان دي اخر مشاركه ليه هنا في المنتدي الاجتماعي وكفايه اوي لغايه كده
يا رب ما كنش زعلت حد
وسلام عليكم

و عليكم السلام
انا مش عارف الجملة اللي انا علقت عليها جت على لسانك ولا لأ
انا بس كنت باقول كده من غلبي
اه و الله من غلبي

طب بص , انا مش عارف هاتستودعنا ليه و ما اظنش ان انا السبب لأن دي اول مرة نتكلم
بصفتك مهندس , الشفاطات اللي بتقول عليها , اللي هي هاتصرف دخان ناتج عن حريق اوراق تملا غرفة ( و الكميات اكتر من كده اصلا ) , و تدخل بداله هوا نقي
عذرا يعني , الشفاطات دي هاتودي الدخان ده كله فين ؟؟؟؟؟؟؟؟؟؟
طب ما بطبيعة الحال هاتصرفه في الهوا فوق و بالتالي يبقى وصلنا لنفس النتيجة !!!

ثم انت بتتكلم ان الأنفاق المزعومة بالتأكيد مجهزة بشفاطات قادرة على صرف كميات الدخان الكبيرة دي بسرعة من غير ما يتخنق الموجودين في المكان , هما كانوا عاملين حسابهم يعني انهم هايحرقوا الأوراق دي بسرعة بسرعة في يوم من الأيام ؟؟؟؟

بلاش دي و دي

شهود العيان اللي شافوا الدخان منهم ناس في المنتدى هنا ... كل دول كدابين ؟؟؟

طب بلاش كل دول

و بلاش الأوراق المحروقة خالص ...... الأوراق اللي اتفرمت دي اتفرمت لوحدها هي كمان ؟؟؟

[aminibrahim]

http://productnews.link.net/general/...mr_mosa_mn.jpg

الراجل لا راح ولا اتكلم واعتقد انه عادي

مش عايزيين اشاعات والنبي

وعايزين نزودعجلو الانتاج احسن قربنا نشحت

[م. عمرو شرف]

هههههههههه باعتين (رائد) علشان يدى تعليمات لعمرو موسي ينزل ينهى الاعتصام
هههههههههه

استاذ ولماح
افضل رد بصراحة
في جملة قصيرة اوجزت الوضع كله
انا كنت داخل اكتب ارد على اللي يقول ده رائد من الجيش وكده
عمرو موسى مقامه رائد من الجيش بمعرفة امن الدولة والا عرفوا ازاي مضمون الرسالة
انا افتكرت ان حسني مبارك هيطلب يقابله بسرعة علشان يستنجد بيه في حل مشكلة الاعتصام
لكن يبعتولو رائد شكله حتى زهق يستناه قام ساب له الرساله هههههههههههه

كلامكم صح
هو اللى بعت الرائد ده مين
مبارك ولا المجلس الأعلى
لو أى حد فيهم مش هيبعت مندوب لعمرو موسى
الأول حيطلبه يجيله زاحف
والتانى هيستدعيه هيجيله على طول
لكن واحد بحجم عمرو موسى وبيطلب منه موضوع زى ده مش هيكون عن طريق مندوب
ولو الغرض مجرد ينزل يهدى الناس كان مكالمة تليفون تكفى وزياده

و عليكم السلام
انا مش عارف الجملة اللي انا علقت عليها جت على لسانك ولا لأ
انا بس كنت باقول كده من غلبي
اه و الله من غلبي

طب بص , انا مش عارف هاتستودعنا ليه و ما اظنش ان انا السبب لأن دي اول مرة نتكلم
بصفتك مهندس , الشفاطات اللي بتقول عليها , اللي هي هاتصرف دخان ناتج عن حريق اوراق تملا غرفة ( و الكميات اكتر من كده اصلا ) , و تدخل بداله هوا نقي
عذرا يعني , الشفاطات دي هاتودي الدخان ده كله فين ؟؟؟؟؟؟؟؟؟؟
طب ما بطبيعة الحال هاتصرفه في الهوا فوق و بالتالي يبقى وصلنا لنفس النتيجة !!!

ثم انت بتتكلم ان الأنفاق المزعومة بالتأكيد مجهزة بشفاطات قادرة على صرف كميات الدخان الكبيرة دي بسرعة من غير ما يتخنق الموجودين في المكان , هما كانوا عاملين حسابهم يعني انهم هايحرقوا الأوراق دي بسرعة بسرعة في يوم من الأيام ؟؟؟؟

بلاش دي و دي

شهود العيان اللي شافوا الدخان منهم ناس في المنتدى هنا ... كل دول كدابين ؟؟؟

طب بلاش كل دول

و بلاش الأوراق المحروقة خالص ...... الأوراق اللي اتفرمت دي اتفرمت لوحدها هي كمان ؟؟؟

أنا شفت صور لجبال ورق مفروم
أشمعنى الشويه اللى فى الأخر حرقوهم
وعلى فكره المفرمه أسرع وأضمن من الحريق
أصل دى مش مفرمه من اللى عندك وعندى فى المكتب
المفارم التانيه دى بتفرم كتب لو حبيت
وبعض الوثائق مكتوبه بالاله الكاتبه اللى أنتهى عصرها من 20 سنه تقريبا , يبقى الورق ده متساب مخصوص ( رغم عدم أهميته ) علشان يتقال أن فيه حاجات أتلحقت ومتبقاش مفقوسه أن ورق معين هو اللى مقصود

لكن موضوع الدخان أنا أعتقد أنه مقصود علشان الناس تهيج وتخش تاخد الورق اللى أعتقد أن فيه كتير مقصود يتوزع
بدليل أن الناس قاعده قدام الأفرع مستنيه تشوف دخان علشان تقتحم المكان
ودخلوا لما شافوا الدخان فعلا
طب قبل الدخان والفرم شغال كان الناس واقفه , يبقى الحرق ده مقصود
ده تحليلى لأنى مش خبير

[تامر.محمد]

أنا شفت صور لجبال ورق مفروم
أشمعنى الشويه اللى فى الأخر حرقوهم
وعلى فكره المفرمه أسرع وأضمن من الحريق
أصل دى مش مفرمه من اللى عندك وعندى فى المكتب
المفارم التانيه دى بتفرم كتب لو حبيت
وبعض الوثائق مكتوبه بالاله الكاتبه اللى أنتهى عصرها من 20 سنه تقريبا , يبقى الورق ده متساب مخصوص ( رغم عدم أهميته ) علشان يتقال أن فيه حاجات أتلحقت ومتبقاش مفقوسه أن ورق معين هو اللى مقصود

لكن موضوع الدخان أنا أعتقد أنه مقصود علشان الناس تهيج وتخش تاخد الورق اللى أعتقد أن فيه كتير مقصود يتوزع
بدليل أن الناس قاعده قدام الأفرع مستنيه تشوف دخان علشان تقتحم المكان
ودخلوا لما شافوا الدخان فعلا
طب قبل الدخان والفرم شغال كان الناس واقفه , يبقى الحرق ده مقصود
ده تحليلى لأنى مش خبير

هو احنا ماعندناش حاجة بتقول ان اللي اتحرق في الآخر
في رأيي السؤال المنطقي , ليه شوية اتحرقوا و شوية اتفرموا

اظن احد الاجابات المحتملة على السؤال ده ان المفرمة الموجودة مش كافية لانجاز كم الورق الهائل ده في الوقت المطلوب (لو تفتكر كان فيه خبر ان زكريا عزمي في القصر الجمهوري قعد اياااااااااااااام يفرم اوراق , يعني برده المفرمة بتاخد وقت واضح انهم ما كانوش يملكوه)
للمثال , انا امبارح كنت شايف عدد من الشاحنات عمال يتحرك من جنب مبنى امن الدولة بعد ما المبنى تم اقتحامه , بعد كده قالوا لي في البيت ان كان فيه اتصال على اون تي في تقريبا قال ان الشاحنات دي كانت محملة بقايا ورق محروق ,,,, تخيل كمية الورق قد ايه

ده غير ان اصل محاصرة امن الدولة في اسكندرية تحديدا كان لما الناس لاحظت ان فيه كميات اوراق كبيرة جدا بتتنقل من المبنى , يعني المحاصرة حصلت قبل الفرم و الحرق

[Mzeid]

يا جماعة بعتولوا واحد من الجيش!!! علشان يطلب منه , لو كان بتاعهم كانوا طلبوا منه بنفسهم

حتى لو طلبوا منه هيقولولوا علشان البلد متولعش و الكلام دا

يا ريت نركز كويس قبل ما نظلم حد

+11111111111

[ahmed_spectra]

بداية أحيي جميع الموجودين علي إختلاف ميولهم . وأحب أن أؤكد علي مصريتنا جميعا سواء إتفقنا علي شخص معين أو إختلفنا عليه وأنا كمصري أري أن السيد عمرو موسي لايصلح إطلاقا للفتره القادمه فهو خريج ومدير مدرسة الإنبطاح التي أبدعت فيها الخارجيه المصريه طوال 3 عقود كامله. أنا واحد من ملايين المغتربين لامصلحه لنا إلا أن نري مصر في القمه وهي تستحقها بجداره و أن مصر تحتاج إلي شخص قوي يعيد لها هيبتها المفقوده ولاأري في أغلب الوجوه من يناظر ويضاهي الدكتور البرادعي الذي لم نكن نسمع رأي معارض لشخص النظام المتمثل في مبارك وإبنه إلا هو فهو المارد الذي خرج من القمقم ليزلزل النظام السابق ويرعبه مما تسبب في حمل كاذبه مضلله من صبية النظام سياسيين وصحفيين وأشباه فنانيين والحق يقال أن الرجل لم يتبدل ولم يتغير منذ عودته لمصر وكل ماطالب به يتحقق تباعا ولذلك فأنا أؤيد الدكتور الفاضل المحترم محمد البرادعي .

[ahmedjumpo]

هو احنا ماعندناش حاجة بتقول ان اللي اتحرق في الآخر
في رأيي السؤال المنطقي , ليه شوية اتحرقوا و شوية اتفرموا

اظن احد الاجابات المحتملة على السؤال ده ان المفرمة الموجودة مش كافية لانجاز كم الورق الهائل ده في الوقت المطلوب (لو تفتكر كان فيه خبر ان زكريا عزمي في القصر الجمهوري قعد اياااااااااااااام يفرم اوراق , يعني برده المفرمة بتاخد وقت واضح انهم ما كانوش يملكوه)
للمثال , انا امبارح كنت شايف عدد من الشاحنات عمال يتحرك من جنب مبنى امن الدولة بعد ما المبنى تم اقتحامه , بعد كده قالوا لي في البيت ان كان فيه اتصال على اون تي في تقريبا قال ان الشاحنات دي كانت محملة بقايا ورق محروق ,,,, تخيل كمية الورق قد ايه

ده غير ان اصل محاصرة امن الدولة في اسكندرية تحديدا كان لما الناس لاحظت ان فيه كميات اوراق كبيرة جدا بتتنقل من المبنى , يعني المحاصرة حصلت قبل الفرم و الحرق

++++++++++++++++++++++1
من اهم الحاجات ان الناس اخدت النهايات و نسيت البداية و هى ان امن الدولة كان بيحاول نقل الاوراق قبل ان ينكشف الامر بالصدفة من قبل ناشط فى الاسكندرية و بالتالى بداء الناس يتوافدوا على مقر امن الدولة و بالتالى اصبح امن الدولة امام حل وحيد و هو التخلص من المستندات اللى عنده و ظل يعمل على هذا من يوم الخميس و نظرا لضخامة كمية الورق فيستحيل التخلص منها كلها بالفرم فى ظرف يومين
و تبعا لنظرية المتوالية فقام امن الدولة بعمل تعميم لكل المقارات بالتخلص مما لديها تحسبا من اقتحام الناس لباقى المقار
يتبقى فى الاخير اسئلة هامة و اكثر اهمية من موضوع الحرق
* الورق الذى كان يتم نقله الى اين كان يذهب و هل هناك مقرات بديلة و الا يمكن تتبع السيارات التى قامت بالنقل
* اين الجيش من البداية مما يحدث و بصرف النظر عن حرق الورق لكن كيف سمح الجيش بفرم كل هذه المستندات و التى تحتوى على اسرار الدولة
* اين ضباط امن الدولة و لماذا تركهم الجيش و لم يتحفظ عليهم ولماذا يتركهم الجيش ليثيروا فتنة و بلبلة فى البلد
* ضباط امن الدولة قاموا متعمدين بأتلاف ملفات و وثائق سرية مملوكة للدولة و هذا معاقب عليه قانونا فماذا فعل الجيش و لماذا لم يقبض على ضباط امن الدولة المسئولين
* اين كان الجيش من مقرات امن الدولة من البداية و هل الجيش كان غير قادر على منع الناس من دخول المقرات و لماذا سمح بدخولها
يا جماعة الخير فى علامات استفهام كبيرة فى تعامل الجيش مع كثير من المواقف

[ashrafakl]

الاخ الكريم ahmedjumpo استفهامات في غاية الاهمية
من امبارح وانا بفكر فيها

[ahmedjumpo]

الاخ الكريم ahmedjumpo استفهامات في غاية الاهمية
من امبارح وانا بفكر فيها

و الى ماذا توصلت يا استاذى و ما هى الافكار التى وردت لك
بالنسبة لى هناك مخاوف من طريقة تعامل الجيش و القول انه حيادى

[ashrafakl]

و الى ماذا توصلت يا استاذى و ما هى الافكار التى وردت لك
بالنسبة لى هناك مخاوف من طريقة تعامل الجيش و القول انه حيادى

نفس التخوفات

[ashrafakl]

سؤال اخر ما وقف مقر امن الدولة في لاظوغلي؟ وهل فعلا لم يتم نأمينه
من الفيس بوك منذ دقائق علي صفحة Egypt 25 Jan | يوم الحرية
الشباب المحتجين في لاظوغلي يطلبون حشد أكبر خصوصا بعد تعرضهم لهجوم من بعض البلطجية لذلك نطلب من جميع متابعينا القريبين من لاظوغلي النزول فوراً لمساندة الشباب هناك لإسقاط مقر أمن الدولة

[ahmed-moga]

شوفوا ياجماعه
امن الدوله عارف ومتأكد ان ايه حد هيجي للرئاسه من النظام السابق لن يقبل وان احنا ماشين بنظام خالف تعرف يعني لو قالوا ان عمرو موسي وحش وزي الزفت هنجري عليه علي طول ونقول اخترناه وبايعناه وده بالفعل المقصود من خروج الورقه بالشكل المقصود ده مع شوية تحبيشات وتعليقات تلاقي نفسك بتدافع عن موسي وتختاره ده المقصود

[تامر.محمد]

سؤال اخر ما وقف مقر امن الدولة في لاظوغلي؟ وهل فعلا لم يتم نأمينه
من الفيس بوك منذ دقائق علي صفحة egypt 25 jan | يوم الحرية
الشباب المحتجين في لاظوغلي يطلبون حشد أكبر خصوصا بعد تعرضهم لهجوم من بعض البلطجية لذلك نطلب من جميع متابعينا القريبين من لاظوغلي النزول فوراً لمساندة الشباب هناك لإسقاط مقر أمن الدولة

بعد هجوم البلطجية و انساحبهم , الجيش هاجم المعتصمين , و البلطجية رجعوا تاني , المعتصمين اتفرقوا , و مش عارف هايتجمعوا و يروحوا تاني ولا ايه

و الى ماذا توصلت يا استاذى و ما هى الافكار التى وردت لك
بالنسبة لى هناك مخاوف من طريقة تعامل الجيش و القول انه حيادى

بالنسبة لي فيه حلقة مفقودة ماحدش فاهمها

[ahmedjumpo]

بالنسبة لي فيه حلقة مفقودة ماحدش فاهمها

اعتقد ان كتير فاهمين الحلقة المفقودة بس مش عايزين يواجهوها او يصدقوها لانها ستعنى مزيدا من القتامة على المشهد