فين امن الجامعه ؟؟!!!!!!

[AboELsoud]

أكيد الــ 10 موظفين دول ..بشكل مؤقت بسسسسسس
أكيد هنلاقي أفراد أمن مدني بعد كده
ياراجل أحسن..ده ظباط الأمن في الجامعة دول ولاد تيتتت (معظمهم)
كلهم شبه بعض لو تلاحظ
حاطط جللل..ونظارة الشمس..والسلاح ظاهر على وسطه..وعربيته المتفيمة(وغالبا لانسر بومة حمرا هههههه) جمبه
ونفس التناكة والقنعرة ..
يلا في داهية

معلش بس مجرد منظرهم و السلاح في جنبه يخوف اي حد يفكر يعمل حاجه في الجامعه
انما الموظفين اللي بكروش دول المكاتب هي احسن حل ليهم - انا مش بتريق بس بجد هما مينفعوش حرس خالص
ربنا يستر

[greenday]

على فكرة اول ناس كانوا بيعكسوا البنات ويرخموا عليهم هما الظباط وده انا شفته كذا مرة فبلاش نديهم اهمية رهيبة وكمان ماعتقدش ان فى دول عندهم حرس جامعى من الداخلية الا مصر ومين البلطجى العبيط اللى هيدخل جامعة وسط عدد الشباب الرهيب الموجود فيها وجود موظفين بشكل مؤقت مش مشكلة المهم الجامعة تتعاقد خلال اليومين دول مع شركة امن محترمة يعملوا الطلاب باحترام وبادب

[TA2EB]

طب انت رحت كان في شوية من الموظفين واقفين
انا رحت اول امبارح الباب مكنش فيه نفر واحد يوحد ربنا و مفتوووح علي البحري !!

[AboELsoud]

طب انت رحت كان في شوية من الموظفين واقفين
انا رحت اول امبارح الباب مكنش فيه نفر واحد يوحد ربنا و مفتوووح علي البحري !!

فعلا يوم السبت مكانش فيه حد على الباب خالص
يوم الاحد كانوا الموظفين موجودين على الباب و اتحدد معاد الامتحانات المؤجله
يوم الاثنين النهارده الامتحانات اتأجلت اسبوع تاني
الدنيا بايظه خااااااااااااااااااااالص

[osoliman88]

انا طالب في تجاره عين شمس
طبعا كله سمع عن طرد حرس الجامعه بسبب المشاكل اللي كانت بتحصل
و قالوا ان كل جامعه هتعمل امن مدني يبقى تبعها و مدربين و كلام كده
رحت النهارده الاقي اللي واقفين على الباب الموظفين بتوع الكليه !!!! وعددهم لا يزيد عن 10 رجال
ابص على عربيه الامن المركزي اللي كانت بتقف جنب سلم المشاه مش موجوده!!!
طب الــ3 عربيات الامن المركزي اللي كانوا بيقفوا في الجراج اللي جنبينا مش موجوده !!!

طب انا كنت مع فكره طرد حرس الجامعه بس مش مع فكره عدم تأمينها و عدم وجود اي شرطه بالجامعه او حواليها
طب افرض شويه صيع و بلطجيه حبوا يعملوا حاجه في الجامعه عندنا ولا يعاكسوا البنات اللي موجوده و طبعا مش هتقتصر على المعاكسات فقط مين اللي هيقف قدامهم ؟؟؟؟ الموظفين الـــ10 ؟؟؟؟؟ ولا الطلبه الشباب اكيد هيدافعوا عن اخواتهم البنات بس طبعا محدش هيسلم من اصابه او عاهه او موته

بصراحه انا كنت مرعوب لان اختي معايا في الكليه ورحت معاها و رجعت معاها و بفكر مروحش لحد ما الشرطه ترجع كحمايه للطلبه:t_thum1[1]:

في كل الأحوال ، دائما تذكر ثورة 25 يناير وكيف واجهه الشباب الأعزل قوات فرعون وهامان وصمدوا ووقفوا واقفة رجالة، مجرد الصوت العالي من أكثر من 100 الف طالب في الجامعة : امسك حرامي ... يا فلان .... يا أحمد ... أمسك .... خد ياض ..... ولنا في موقعة الجمل عبرة.
أرجو الا نخسر ما كسبناه وهو التخلص من الخوف.... إن كنت تخاف من الموت فقد سبقنا من ضحوا بأرواحهم من أجل الحق. ولكل اجل كتاب

[TA2EB]

غالباً الدراسة هتتاجل الترم دة
الوضع دة مش مبشر بالخير ابداً
و عايز اعرف ليه الجراج الي جنب الجامعة اتقفل
الشوارع هناك بقت زباااااااااااااالة

[AboELsoud]

استاذ osoliman88
شكرا على كلامك و ده فعلا اللي انا كنت بفكر فيه و تخيلت سيناريو ان بلطجيه بيهاجموا الجامعه بسبب او بدون سبب و فعلا فكرت ان اكيد هما اللي هيطحنوا لو فكروا يجولنا
بس برضه بسأل هي فين الشرطه ؟ و طبعا الاجابه انهم مش قادرين يحموا الشوارع و البيوت العاديه هييجوا يحموا الجامعه ؟؟؟

TA2EB باشا
الجراج اللي جنب الكليه مفتوح و انا شفته امبارح بس العربيات جواه قليله جدااااااااااااا لان مفيش حد بيجي الجامعه الا قليلا

[TA2EB]

استاذ osoliman88
شكرا على كلامك و ده فعلا اللي انا كنت بفكر فيه و تخيلت سيناريو ان بلطجيه بيهاجموا الجامعه بسبب او بدون سبب و فعلا فكرت ان اكيد هما اللي هيطحنوا لو فكروا يجولنا
بس برضه بسأل هي فين الشرطه ؟ و طبعا الاجابه انهم مش قادرين يحموا الشوارع و البيوت العاديه هييجوا يحموا الجامعه ؟؟؟

ta2eb باشا
الجراج اللي جنب الكليه مفتوح و انا شفته امبارح بس العربيات جواه قليله جدااااااااااااا لان مفيش حد بيجي الجامعه الا قليلا

يوم السبت كان مقفول فكانت الشارع هناك اجارك الله
يمكن فتحوه امبارح

[zago]

طب افرض شويه صيع و بلطجيه حبوا يعملوا حاجه في الجامعه عندنا ولا يعاكسوا البنات اللي موجوده و طبعا مش هتقتصر على المعاكسات فقط مين اللي هيقف قدامهم ؟؟؟؟ ه:t_thum1[1]:

انت عايز تفهمني ان الامن لما كان موجود مكنش بيحصل حاجه للبنات ؟؟
ده الامن هو اللي بيعاكس

[Ralliart]

عندنا في جامعة القاهرة جابو أمن مدني لابسين يونيفورم ومحترمين جداً جداً في تعاملهم
والمفاجئة ان لما الطلبة عملو وقفة عند القبة للمطالبة برحيل رئيس الجامعة ،جاب بلطجية !!!
والامن الجديد والطلبة صدوهم

[AboELsoud]

عندنا في جامعة القاهرة جابو أمن مدني لابسين يونيفورم ومحترمين جداً جداً في تعاملهم
والمفاجئة ان لما الطلبة عملو وقفة عند القبة للمطالبة برحيل رئيس الجامعة ،جاب بلطجية !!!
والامن الجديد والطلبة صدوهم

اه شفت في العاشره مساء شكلهم محترم فعلا
يا بخكتوا