اخر و اهم وثيقه امن دوله

[tarekzein]

ملعوبه

على الله تفهم يا تتح

[Ahmed R08]

انا لقيتها موجودة على الفيسبوك قولت اجيبها هنا وانشرها عشان بجد مبقاش فى اكتر من المعلومات المضروبه

[Ahmed R08]

الله ينور يا باشا بس انا اقسم بالله عرفت انها مضروبه مجرد النظر ليها حتى قبل ما اقرا اللى انت كاتبه المشكله ان فى ناس قليلة الخبرة فى الحاجات دى و ده طبيعى اكيد و بيصدقو المنشورات المزيفه

هو عنوان الموضوع كمان يمكن مبين انها مضروبه

بس انا اول ما شفتها اتخدعت فيها

لازم نتاكد كويس اوى قبل ما ننشر اى خبر او اى وثيقه عشان هنتحاسب على كدة

[gemy1]

هو عنوان الموضوع كمان يمكن مبين انها مضروبه

بس انا اول ما شفتها اتخدعت فيها

لازم نتاكد كويس اوى قبل ما ننشر اى خبر او اى وثيقه عشان هنتحاسب على كدة

لا يا باشا مش العنوان خالص انا بقول اول لما بصيت فيها عرفت انها مضروبه عشان انا شغال مصمم جرافيك فطبيعى انى هاعرف ازا كانت حقيقيه و لا لاء و هاقلك تتعرف ازاى اول حاجه خالص دى ورقه المفروض انها كانت متطبقه يعنى لما تيجى تقرا السطور بعد لما تتفرد الورقه طبيعى جدا السطر مش هايبقى ماشى عدل و مظبوط تانى حاجه الخط اللى على الجمب اليمين اللى ماشى بالطول كمان الكلمة اللى مكتوبه تحت خالص فى الورقه على الشمال red مش عارف ايه دى كده مستحيل هايبقى فى ورقه رسمية مكتوب عليها كلمه زى او او بالانجليزى حتى غير كده لون الحبر فى كل جزء مختلف عن بعضه فى درجته ما بين باهت و واضح اوى غير كده الارضيه اللى عليها الكلام واضح انها مش حقيقيه و معموله بالفوتوشوب لان فيها درجات الوان و من ضمن لون الارضيه ان فى سنه ازرق و ده معناه ان الارضيه دى مفصوله الوان بالفوتو شوب عشان يوضح ضوء و ضل علشان عملية الخداع البصرى بحيث انك تحس انها كانت متطبقه و اسف على الاطاله

[MEDO84EG]

ربنا يبارك فيك
انا اللي عاجبني اوي الوعي اللي عند الناس
ما شاء الله

[MOUSTAFA_SAAD]

برافو عليك

[_Ahmed_casper_]

برافو برافو برافو
ياااااااااارب الناس تفهم بقا و كل واحد معاه ورقه من امن الدوله يسلمها للجيش علشان الحق يظهر و التزوير يظهر لأن فى وثائق مزوره زى دى و متقنه كمان تدين ناس شرفاء و خدو بالكم ان بواقى النظام السابق القله و بعض الاعلاميين الخونه من شأنهم انهم يوقعو بناس شرفاء و مش هيلاقو احسن من الشباب اللى بيسخن وراء اى شائعات ... يارييييييت نركز و كل واحد يعرف حد معاه اى ورقه ينصحه يسلمها

[mmolazem]

الأخوة الأعزاء

أنا شخصيا عندى استعداد لتصديق محتوى معظم الوثائق التى يتم ترويجها على النت بغض النظر عن كونها مزورة من عدمه.

وما تم نشره مجرد نقطة من بحر الفساد الذى غرقت فيه البلاد بطولها وعرضها لحقب سوداء ماضية .

واشعر و كأن جهاز أمن الدوله الفاسد القبيح لم يكن احد اجهزة الدولة بقدر ما كانت الدولة بكاملها هى التى احد افرع هذا الجهاز .

اللهم انتقم منهم انتقامك العادل .

المهم ان ماحدث فى الزمن الغابر اصبح جزء من الماضى ولايعفى اى فرد من هذا الجهاز القبيح من الاساءة للوطن وكرامة ابناءه.

ولو بيدى لطالبت بالقصاص العادل الذى اظن انه لن ينجو احد من كونه شارك بشكل أو اخر فى هذا الظلم العظيم .

اطراف شتى متورطة فى هذا الفساد - من قام به ومن شارك فيه ومن حماه ومن تستر عليه ومن يعمل على اخفاءه ومن يشكك فيه بكل وسيله .

الفساد طال الماء الذى اشربه والهواء الذى اتنفسه .

الفساد اقتحم بيتى واختلط بدمائى داخل عروقى ................. ياحى يا قيوم برحمتك استغيث .

وبخصوص نشر وثائق هذا الفساد فسوف يتسبب فى اضرار محققه .

وأرى انه من الحكمة ان يتم تسليم هذه المستندات الى جهه محل ثقه ................ ( جهه لا أعرف اسمها حتى الآن ).

ولله الأمر من قبل ومن بعد.


( ارجو المعذرة فهذا رأيى الخاص جدا ).

[ابو حسين]

شكرا على المعلومة

[hemalotfy]

طب دلوقتي نعرف إزاي الحقيقي من المزيف؟

هههههههههه

الحقيقي بتبقى عليها علامة مائية