خرافات اقتصادية فى خدمة الثورة المضادة

[heshamzaky]

ما أظنش ان الوقت هو وقت الشماتة و استعراض العضلات ...... عشان كل واحد قال كلمتين فى اول الثورة بغرض افشالها ييجى دلوقتى يتكلم و يقول شفته اهو انا كنت صح

فى اوائل ايام الثورة الأقتصاد لم يتأثر بالشكل البشع اللى احنا فيه دلوقتى

بالعكس كلنا فاكرين البورصة و اد ايه كان فى تخوف من فتحها ولما اتفتحت الحمد لله وقفت على رجليها و حققت مكاسب

شوفو مين ليه مصلحة فى وقف حال البلد بالشكل ده ..... مين اللى عايزها تفضل والعة رغم ان فى ايده يطفيها

أنت بتتكلم بجد أنت شايف فعلا أنها شماتة و أستعراض عضلات فقط لو هو دة المنظور الى بتبص منة للأمور يبقى غلط تماما
و ثورة أية الى حد حا يفشلها . أحنا وصلنا لمرحلة من الفشل فى البلد غير مسبوق و غير طبيعى . الفشل جاء نتيجة لتصرفات بعض الناس الغير مسؤلة و الناس الى مش حاسة بأى حاجة بتحصل و لسة شغالين اضرابات و اعتصامات فى ظل الفوضى الى البلد وصلت لها من الفوضى الى حصلت فى البلد كلها
أعتقد أن الوقت دلوقتى هو وقت ان الناس تفهم الى بيحصل صح و تبص للأمور نظرة متعمقة و تبطل اعتصامات و مظاهرات و تشوف الى يمشى البلد صح و يتعمل

[م.احمد زكريا]

إفشالها حاجة

والتخوف من التمادي فيها حاجة تانية خااااالص

[heshamzaky]

حضرتك شوفت المواضيع دى و لا لآ

http://www.nilemotors.net/Nile/219225-a.html

و دة

http://www.nilemotors.net/Nile/219580-a.html

و دة

http://www.nilemotors.net/Nile/219578-a.html

و دة

http://www.nilemotors.net/Nile/219739-a.html

و دة

http://www.nilemotors.net/Nile/219588-a.html

و دة
http://www.nilemotors.net/Nile/220133-a.html

لما نبص للمواضيع دى كدة و نقرأ الى فيها حا تعرف الوضع الاقتصادى بتاع البلد رايح لفين و جاى منين
يعنى قولى بقى العيب فى مين و الغلط من مين بالظبط

[ahmed1981]

ما أظنش ان الوقت هو وقت الشماتة و استعراض العضلات ...... عشان كل واحد قال كلمتين فى اول الثورة بغرض افشالها ييجى دلوقتى يتكلم و يقول شفته اهو انا كنت صح

فى اوائل ايام الثورة الأقتصاد لم يتأثر بالشكل البشع اللى احنا فيه دلوقتى

بالعكس كلنا فاكرين البورصة و اد ايه كان فى تخوف من فتحها ولما اتفتحت الحمد لله وقفت على رجليها و حققت مكاسب

شوفو مين ليه مصلحة فى وقف حال البلد بالشكل ده ..... مين اللى عايزها تفضل والعة رغم ان فى ايده يطفيها

وكيف نوظف الشماته في هذه الحالة
يعني كيف نشمت في أنفسنا ؟

معروف أن الثورة منذ قيامها لابد أن يكون لها تأثير سلبي على الإقتصاد
ولكن الأمل كان أن يتوقف هذا التأثير في أقرب فرصة ثم يبدأ البناء العكسي

لذلك نحن الان نعترف بأن حال البلد ضنك والعاطلين أصبحوا زي الرز
وهناك أسر أصبحت تعيش على السلف بعد الثورة وكان لها عمل قبل الثورة

لذلك بدل أن نسكت
نقول بأعلى صوت يا ناس يا بتوع الإعتصامات الفئوية وإغلاق الطرق والمصالح كفاية كده

لكن مش شماته خالص

-

[Dojuar]

طب لو في أفكار و حلول للموقف ده يوصل ازاي للمسؤولين؟؟

[hobiko]

أنت بتتكلم بجد أنت شايف فعلا أنها شماتة و أستعراض عضلات فقط لو هو دة المنظور الى بتبص منة للأمور يبقى غلط تماما
و ثورة أية الى حد حا يفشلها . أحنا وصلنا لمرحلة من الفشل فى البلد غير مسبوق و غير طبيعى . الفشل جاء نتيجة لتصرفات بعض الناس الغير مسؤلة و الناس الى مش حاسة بأى حاجة بتحصل و لسة شغالين اضرابات و اعتصامات فى ظل الفوضى الى البلد وصلت لها من الفوضى الى حصلت فى البلد كلها
أعتقد أن الوقت دلوقتى هو وقت ان الناس تفهم الى بيحصل صح و تبص للأمور نظرة متعمقة و تبطل اعتصامات و مظاهرات و تشوف الى يمشى البلد صح و يتعمل

لأ مش ده المنظور اللى ببص بيه للأمور ...... ده المنظور اللى عايز تقنع نفسك انى ببص بيه للأمور

انا من الناس اللى اتأثرت ماديا جامد بالثورة فا ياريت بلاش مزايدات فى الحتة دى

الفشل اللى وصلنا ليه ...... مش بس الناس الغير مسؤولة السبب فيه

نتكلم بصراحة ...... انت بتكلم على انهى شريحة فى المجتمع اللى انت متوقع انها تبقى مسؤولة

40 % اللى مابيعرفوش يقروا ولا يكتبوا و لا أصحاب التعليم المتوسط و الضعيف

ده ميراث 30 سنة من الجهل و التخلف و الكبت

ناس بقالها 30 مش بتفكر اصلا و ببتعامل بمنطلق ان البلد دى مش بلدهم

بيبصوا تحت رجليهم ..... عايشين على مبدأ احيينى انهارده و موتنى بكرة

متوقع انهم فى كام يوم ...... بقوا عارفين مصلحتهم و مصلحة بلدهم ..... بأمارة ايه ؟؟؟؟

ماحدش يقولى ياما ناس جاهلة و بتفهم احسن من المتعلمين ...... اسف ده مثل شعبى للأستهلاك المحلى الغرض منه الضحك على النفس

الواقع غير كده

و مين قال انى مش شايف ان الأقتصاد مش أزمة ...... انا بشتغل فى مكان قريب جدا و على علاقة مباشرة بالأقتصاد المصرى و معايا ماستر فى الأقتصاد ...... و راجع مشاركاتى فى المواضيع التانية من ضمنها المواضيع اللى انت بتقولى أقراها و انا مشارك فى بعضها بالفعل

احنا على حافة الهاوية فعلا

طب فين المشكلة ...... المشكلة الحقيقية فى ادارة الأزمة و ده اللى فشلت فيه الحكومة و المجلس العسكرى بامتياز

حصلت مشكلة صول ...... و بعدين ايه اللى حصل ؟؟؟؟ حد اتمسك ؟؟؟؟ حد اتحاكم ؟؟؟؟ فين تأكيد سيادة القانون ؟؟؟

الأحتجاجات و المظاهرات الفئوية ....... كانت بدأت تقل فعلا باعتراف وزراء فى الحكومة نفسها ..... و بعد كده جت مشكلة محاكمة الرئيس و عيلته و الثلاثى المرح اللى المجلس العسكرى ما اتحركش الا لما جت مليونية المحاسبة و التطهير

دخل الجيش و فضى الميدان و اعلن لأول مرة ان اللى حصل كان من فلول الحزب الوطنى و ابراهيم كامل

و بعد كده القضاء العسكرى اداله براءة !!!!!!!!!!

اختيارات محافظين من أسوأ ما يمكن كأن البلد فضيت خلاص من الناس المحترمة ...... دخلتنا أزمة قنا و قطع شريط القطر ..... و فضلت الأزمة تطول ..... و فى الأخر شاله المحافظ ..... طب من الأول


المجلس العسكرى الهمام ..... ما تعلمش اى حاجة من مشكلة كنيسة صول و أبو قرقاص و احداث المقطم ...... ساب السلفيين يعملوا مظاهرات طائفية امام مجلس الدولة و امام الكاتدرائية ...... و ساب الكنيسة تمارس دور الدولة داخل دولة برفضها حضور كاميليا للنيابة

و سلملى على هيبة الدولة و سيادة القانون

و كانت النتيجة أحداث امبابة ...... القشة التى قسمت ظهر البعير ...... و اعتصام ماسبيرو ..... اللى تحول لكل اشكال البلطجة و الأجرام و برضه المجلس العسكرى ايده رخوة جدا

اه صحيح ده غير الشرطة اللى فى الطراوة و اللى مافيش ظابط اعرفه او واحد صاحبى يعرف ظابط الا و يقولك احنا مش شغالين ولا حننزل الا لما ينفذوا مطالبنا احنا كمان و لا ظابط شرطة واحد يتحاكم

و جت بقى الطامة الكبرى ...... الأفراج عن الباشوات ذوى الدم الأزرق ولا عزاء للثورة مع تسريب خبر طلب الرئيس العفو ...... زى ما يكون مش مكتفيين بالفتنة الطائفية و الفتنة الأجرامية ...... لأ زود فتنة كمان فى المجتمع ما بين اللى عايز يسامح الريس بس يجيب الفلوس و اللى عايز محاكمته و عقابه ..... غير بتوع انا أسف يا ريس ..... و ضيف بقى الأقتصاد اللى بيدمر

بص انا مكتئب اكتئاب السنين ........... لله الأمر من قبل و من بعد

[hobiko]

مين اللى ورا الأنفلات الأمنى ....

http://www.shorouknews.com/.......data.aspx?id=456234

ووصل اعتراض الائتلاف العام لضباط الشرطة ذروته عندما اتهم الفقى عناصر الشرطة بـ«السعى لتحقيق مطالب فئوية عقب نجاح الثورة»، مشيرا إلى أن «أقل أمين شرطة ارتفع راتبه بنحو 700 جنيه شهريا»، ليقف المقدم ياسر أبوالمجد عضو الائتلاف صائحا «نحن خرجنا يوم 14 فبراير للوقوف مع الشعب وليس لمطالب فئوية، نحن ضد الداخلية»، مشيرا إلى أن أعضاء الائتلاف «تعرضوا للإرهاب عقب الخروج فى المسيرة، وتم أخذهم من منازلهم فى الفجر، وكانوا أول من طالب بتعديل قانون الشرطة».

وكشف أبوالمجد عن أن ما يمنع زملاءه من العمل فى الشارع هى «أوامر من القيادات فى الوزارة»، موضحا «لذلك نطالب بإقالة كل القيادات الفاسدة التى تنتمى لحبيب العادلى».

[A.Saad]

ما أظنش ان الوقت هو وقت الشماتة و استعراض العضلات ...... عشان كل واحد قال كلمتين فى اول الثورة بغرض افشالها ييجى دلوقتى يتكلم و يقول شفته اهو انا كنت صح

فى اوائل ايام الثورة الأقتصاد لم يتأثر بالشكل البشع اللى احنا فيه دلوقتى

بالعكس كلنا فاكرين البورصة و اد ايه كان فى تخوف من فتحها ولما اتفتحت الحمد لله وقفت على رجليها و حققت مكاسب

شوفو مين ليه مصلحة فى وقف حال البلد بالشكل ده ..... مين اللى عايزها تفضل والعة رغم ان فى ايده يطفيها

الموضوع لا فيه شماتة ولا حاجة
الناس هنا اكبر من كدة

واللى اكلم مكلمش علشان يفشل ثورة
اللى اكلم اكلم علشان يدافع عن بلده ويحاول ينقذها
اللى افشلها هم المتشددين اللى كل جمعة نازلين التحرير وبيكدبوا كل حاجة

[human]

اللى افشلها هم المتشددين اللى كل جمعة نازلين التحرير وبيكدبوا كل حاجة

اخر مرة الناس نزلت التحرير امتى؟؟؟
امتى كان اخر اعتصام فى التحرير؟؟؟؟!!

يا ريت الكلام يبقى مفصل عشان نفهم

[hobiko]

اخر مرة الناس نزلت التحرير امتى؟؟؟
امتى كان اخر اعتصام فى التحرير؟؟؟؟!!

يا ريت الكلام يبقى مفصل عشان نفهم

+11111111111

[otefa]

اخر مرة الناس نزلت التحرير امتى؟؟؟
امتى كان اخر اعتصام فى التحرير؟؟؟؟!!

يا ريت الكلام يبقى مفصل عشان نفهم

ياباشا وألي حصل في ماسبيرو ده كان أيه مش أعتصام برضه!

[hobiko]

ياباشا وألي حصل في ماسبيرو ده كان أيه مش أعتصام برضه!

الراجل بيسأل على التحرير ...... و بعدين الشرطة و الجيش ليه ماتعاملوش مع بتوع ماسبيرو ؟؟؟؟؟

[otefa]

الراجل بيسأل على التحرير ...... و بعدين الشرطة و الجيش ليه ماتعاملوش مع بتوع ماسبيرو ؟؟؟؟؟

التحرير ماسبيرو قنا بلاد واق الواق أهو كله بيسخن كله وده ألي قلناه من بدري مافيش حدود واضحة تخلي فيه فاصل فعلي مابين أعتصامات أو تظاهرات فئوية وثورية وده ألي وصلنا للفوضى دي كل يوم والتاني أعتصام -تظاهر
طيب والحل
الناس تلزم بيتها وعملها

[human]

التحرير ماسبيرو قنا بلاد واق الواق أهو كله بيسخن كله وده ألي قلناه من بدري مافيش حدود واضحة تخلي فيه فاصل فعلي مابين أعتصامات أو تظاهرات فئوية وثورية وده ألي وصلنا للفوضى دي كل يوم والتاني أعتصام -تظاهر
طيب والحل
الناس تلزم بيتها وعملها

فئوية و عنصريه و دينيه و كاميليه و كله الا ثورية
تمام؟

[otefa]

فئوية و عنصريه و دينيه و كاميليه و كله الا ثورية
تمام؟

لا مش تمام طبعا
كله عك وفوضى ليس ألا