صمت دهرا ونطق كفرا ( عمرو موسى )

[memo_p910]

صَمَتَ دهــراً ... ونَطَقَ كفــراً....
طيب والناس اللي ماتت؟؟؟؟؟؟
يقبلوا العوض ونسألكم الفاتحة

«موسى» يدعو القذافى للبدء فى مصالحة شعبه إذا ما أراد البقاء فى الحكم


الخبر على جريدة المصري اليوم

http://www.almasryalyoum.com/node/342405

[zyadahmed]

أنه يقترح على القذافى إذا ما أراد البقاء فى الحكم فى ليبيا أن يبدأ فورا فى عملية مصالحة مع شعبه..إلا أن موسى أعرب أيضا عن اعتقاده بأن الشعب الليبى لن يقبل بذلك


لو كملت بقية الخبر هاتفهم المقصود .....
طبعا ده رجل سياسة و فى موقع حرج وحساس متوقع منه يقول ايه لواحد مجنون زى معمر يقول ارحل مثلا ؟؟؟

[itsonlyme]

أنه يقترح على القذافى إذا ما أراد البقاء فى الحكم فى ليبيا أن يبدأ فورا فى عملية مصالحة مع شعبه..إلا أن موسى أعرب أيضا عن اعتقاده بأن الشعب الليبى لن يقبل بذلك


لو كملت بقية الخبر هاتفهم المقصود .....
طبعا ده رجل سياسة و فى موقع حرج وحساس متوقع منه يقول ايه لواحد مجنون زى معمر يقول ارحل مثلا ؟؟؟

طبعاً يقول له ارحل، هي دي فيها كلام؟

احنا مش بتكلم عن ازمة سياسية في ليبيا ولا شوية احتجاجات، احنا بنتكلم عن جيش ومليشيات ضد الشعب وقذف بالطائرات والمدافع وتمرد شعبي/عسكري في المقابل.

لا مجال للدبلوماسية في الوقت ده.

[memo_p910]

وما دمت تعلم ان الشعب الليبى لن يقبل بهذا يا موسى لماذا تطالب القذافى بالمصالحة اذن كان وفرت كلمة مصالحة دى وتجرات وقلت يرحل كما قالها الامريكان والاوروبين ولا ده أسلوبك دايما مالكش موقف وماسك العصايه من المنتصف غريب ايها الامين الذي تريد ان تصير رئيس دولة ثارت على ما تحمله من افكار وولاءات .

[Qmax]

طبعاً يقول له ارحل، هي دي فيها كلام؟

احنا مش بتكلم عن ازمة سياسية في ليبيا ولا شوية احتجاجات، احنا بنتكلم عن جيش ومليشيات ضد الشعب وقذف بالطائرات والمدافع وتمرد شعبي/عسكري في المقابل.

لا مجال للدبلوماسية في الوقت ده.

+11111111111111

وده تعليق واحد من الزوار

وما دمت تعلم ان الشعب الليبى لن يقبل بهذا يا موسى لماذا تطالب القذافى بالمصالحة اذن كان وفرت كلمة مصالحة دى وتجرات وقلت يرحل كما قالها الامريكان والاوروبين وكان رصيدك مع الناس كبر وعلى وانت بتقول انك هترشح نفسك رئيس وانا واحد من ضمن الناس كنت من اكبر مؤيديك لكن بعد تصريحك دة لا والف لا واعتقد ان تصريحك دة من اخطر التصريحات التى تعتبر مسمار اخير فى نعشك صنعتة يا موسى انت بيدك يؤسفنى ان اقول هذا لكنها الحقيقة كنت اتمنى منك الخير لكن واضح انك ربيب النظام السابق ويبدوا ان الغالبية العظمى من ربيبى النظام البائدوالذين عملوا تحت قيادتة ما هى الا وجوة لعملة واحدة

[zyadahmed]

طبعاً يقول له ارحل، هي دي فيها كلام؟

احنا مش بتكلم عن ازمة سياسية في ليبيا ولا شوية احتجاجات، احنا بنتكلم عن جيش ومليشيات ضد الشعب وقذف بالطائرات والمدافع وتمرد شعبي/عسكري في المقابل.

لا مجال للدبلوماسية في الوقت ده.

كلنا طبعا عايزين القذافى يرحل مش بس من ليبيا لكن من الدنيا كلها لكن كان قصدى انه الثور الهائج لما تيجى تذبحه لا تريه السكينة ولكن تخفيها عنه حتى تصل لمبتغاك

وبعيدا عن هذا انا لست من مؤيدى عمرو موسى ولا ادافع عنه ابدا لان ده اخره ( الدبلوماسية ثم الدبلوماسية ) ولا يصلح لقيادة ثورة شعبية ولا امة فى طور التكوين الثورى لانه ذوق زيادة عن اللزوم بحكم عشرته الطويلة للخارجية والجامعة العربية الورقية

[a7madramadan]

طبعا المفروض يقوله ارحل ...المفروض بما انه بيتكلم بإسم العرب يقول بعلو الصوت انت غير مرحب بيك لا في بلدك ولا في الجامعة العربية ده بصفته رئيسها ...

ولو بيتكلم بلسان شخصه فدي مصيبة في حد ذاتها

[ahmed_spectra]

ايه ده هو نسي انه بيتكلم مع سفاح وبيقتل شعبه بالمرتزقه والطيران الحربي
هو ده عمرو موسى وأنا رأيي فيه انو ماينفعش حتى يبقى رئيس شركه لكنه مستغل شعبيته وعايز يبقى رئيس مصر في فتره ثوريه مباركه محتاجه سياسي ثوري ورجل ذو مواقف صلبه وثقل دولي

[cheetos_892005]

عمرو موسى كل يوم بيخسر نفسه بنفسه

[bemocarlo]

لو اترشح مش هنتخبه.رصيده عندي كمواطن بسيط قل جدا وكل تصريح جديد ليه بيقلل من اسهمه لدي العامه.
bemo,ire

[zalpany2000]

بالراحة يا شباب
اللي الراجل عمله .. واللي طول عمره بيعمله ... اختراع اسمه دبلوماسية ... ودي لعبة غلق وفتح الابواب ... والمبدأ الاول فيها ... عند غلق الباب دعه مواربا قليلا ...
اولا مصر النهارده في موقف حرج دوليا .. واي تصريح بالشكل ده هايتاخد ذريعة ضدنا ... واحنا في غنا عنها ... يعني كلامه وموقفه لا هايزيد ولا ينقص من الحقيقة علي ارض الواقع ... انما ممكن يتاخد ذريعة لحاجات كتير ... أولها التدخل العسكري في المنطقة ... وانتوا عارفين ان امريكا واقفة تخبط علي باب ليبيا ... هو بيرد من وجهة نظر دبلوماسية... بغض النظر عن قناعاته الششخصية .. لانه بيرد من حكم منصبه

ده لا يعفي كل العرب بقي من الحرج لانهم ما اتدخلوش لانقاذ الموقف في ليبيا .. عمرو موسي سكرتيييييييييييييييير عام لجامعة الدول ... يعني مش صانع قرار ... ودي نقطة مهمة جدا جدا لازم تركزوا فيها ... بوضع الجامعة المتراخي ... بقاء الصورة الهزيلة الحالية فعلا مش سهل ... ومش مفيد في الوقت الحالي ... بس اهو موجود


للعلم ... انا لا ادافع عن عمرو موسي ... وقد لا انتخبه للرئاسة ايضا ... لكن وجب التعليق ليس الا
تحياتي

[hossaam]

لا جديد في مواقفه على الاطلاق...
غير واضح...غير محدد...حتى ايام الثورة....كان ولا زال سلبي الى اقصى درجة...
مستغرب من اللي بيقول ان رصيده بينقص يوم بعد يوم لاني اعتقد انه ماكنش له رصيد اصلا

[MEDO84EG]

سعات الدبلوماسيه الزياده بتبقي بايخه جدا